Ce Fortin n’est pas du même rang social que les miens et n’est pas lié.
Le (classé le 1er oaût 1619 chez Julien Deille notaire royal à Angers) le samedi 28 octobre 1617 devant nous Claude Chapellain notaire de la baronnie de Chantoceaux ont esté présents honorable homme Jehan Fortin marchand et damoiselle Renée Meulet sa femme demourans au bourg de Bouzillé lesquelles deument soubmis soubz ladite cour confessent debvoir et promettent payer et bailler eulx et chacun d’eulx seul et pour le tout sans division de personnes ni de biens d’huy en ung an prochainement venant à maistre Guy Leurault sergent royal demeurant au bourg du May à ce présent stipulant et acceptant la somme de 50 livres tz, quelle somme est à cause et pour raison de pur juste et loyal prest fait par ledit Leurault auxdits establis auparavant ce jour ainsi qu’ils ont confessé par devant nous, et s’en sont tenuz et tiennent à content et bien payés et en ont quité et quitent ledit Leurault ses hoirs, laquelle dite somme de 50 livres tz promettent lesdits establis rendre payer et bailler audit Leurault ses hoirs etc audit terme et par la manière que dit est, à quoi tenir obligent lesdits establis eulx et chacuns d’eulx seul et pour le tout comme dit est leur hoirs etc leurs biens à prendre vendre etc mesmes le corps dudit Fortin à tenir prison ferme comme pour les propres deniers et affaires du roy notre sire renonçant etc et par especial ladite femme au bénéfice de division et d’ordre de priorité et postériorité et à tous autres droits à ce contraire dont etc foy jugment et condemnation etc fait et passé audit bourg de Bouzillé en la maison de nous notaire en présence de Me Estienne Cruau sergent royal au bourg de la Pommeraye et Mathurin Allard clercs demeurant au village du Freneuf paroissiens dudit Bouzillé tesmoings
