![\"Pouanc\u00e9](\"http:\/\/www.odile-halbert.com\/Paroisse\/Cartes\/Cartes_49\/49_Pouance.86.jpg\")
<\/a>L’acte qui suit est extrait des Archives D\u00e9partementales du Maine-et-Loire, s\u00e9rie 5E1 \u2013 Voici la retranscription de l’acte : <\/em> Le 14 avril 1595 apr\u00e8s midy (Fran\u00e7oys Revers notaire royal Angers) Sur les proc\u00e8s et diff\u00e9rends meuz et pendant par davant messieurs les gens tenant le si\u00e8ge pr\u00e9sidial honneste personne Raoul Remon marchand Me orf\u00e8vre et honorable femme Marye Rousseau veufve de deffunct honorable homme Julien Allaneau vivant receveur des traites pour le roy au tablier \u00e0 Pouanc\u00e9 tant en son nom que comme et tutrice naturelle des enfants mineurs d\u2019ans dudit deffunct et d\u2019elle touchant ce que ledit Remon disoit que sire Danyel Foucquet marchand demeurant en ceste ville paroisse de Saincte Croix luy auroit c\u00e9d\u00e9 certaine obligation par laquelle ledit deffunt Allaneau estoit oblig\u00e9 vers ledit Foucquet de la somme de 400 escuz \u00e0 payer dedans le premier jour de may de l\u2019ann\u00e9e lors prochaine que l\u2019on conterait 1586 \u00e0 cause de loyal prest comme est contenu en l\u2019obligation de ce faicte et pass\u00e9e par Bertrand notaire royal Angers en date du 27 avril 1585 de laquelle obligation il en avoir la grosse sign\u00e9e et scell\u00e9e entre mains ladite cession faicte par ledit Fouquet audit Remon pour pareille somme de 400 escuz sol que iceluy Foucquet debvoit audit Remon \u00e0 cause d\u2019orfebverye comme appert par ladite cession de ce faicte et pass\u00e9e par Zacharie Lory notaire royal audit Angers le 15 novembre 1585, laquelle cession ledit Remon auroit fait signifier audit deffunt Allaneau avecques d\u00e9fense de non payer ladite somme de 400 escuz sol \u00e0 aultre qu\u2019\u00e0 luy lequel allaneau auroit fait response qu\u2019il obeiroit au contenu de ladite cession le tout comme appert par exploit de Vincent sergent royal du 10 d\u00e9cembre l\u2019an 1595 sign\u00e9 dudit Vincent et dudit deffunt Allaneau, en cons\u00e9quence de laquelle cession, signification d\u2019icelle et promesse sign\u00e9e dudit Allaneau d\u2019y ob\u00e9yr auroit ledit Remon fait faire commandement audit Allaneau parlant \u00e0 luy en ceste ville de payer ladite somme de 400 escuz sol par explet de Jousset sergent royal le 1er f\u00e9vrier 1588 et oultre ledit Remon avoit c\u00e9dulle dudit Allaneau de la somme de 100 livres tournois \u00e0 cause de prest qu\u2019il confesse debvoir audit Remon et promet payer dedans la feste de No\u00ebl ensuivant comme appert par ladite c\u00e9dulle sign\u00e9e J. Allaneau en date du 1er f\u00e9vrier 1588, et encore avoir ledit Remon un explet d\u2019Ernault proclamateur du 1er mars 1593 contenant commandement fait \u00e0 ban et cry public de payer audit Remon ladite somme de 400 escuz en vertu de permission \u00e0 luy donn\u00e9e par monsieur le lieutenant g\u00e9n\u00e9ral le 26 f\u00e9vrier pr\u00e9c\u00e9dent en vertu desquelles dictes cession d\u2019obligation c\u00e9dulle et commandement cy dessus sp\u00e9cifiez ledit Remon demandoit contre ladite Rousseau esdits noms et contre Andr\u00e9 Constantin mari de Marguerite Allaneau qu\u2019ils fussent condamnez luy payer lesdites sommes de 400 escuz port\u00e9e en ladite obligation et cession et la somme de 100 livres contenue en ladite c\u00e9dulle et les int\u00e9restz d\u2019icelles sommes depuis le 1er commandement \u00e0 la raison du dernier douze et les despens \u00e0 quoy estoit dict et deffendu par ladite Rousseau esdits noms que ladite obligation et cession d\u2019icelle et c\u00e9dulle cy dessus n\u2019estoient venuz aucunement \u00e0 sa cognoissance sinon depuis trois ou quatre mois depuis quel temps ledit Remon auroit fait bailler audit Constantin son gendre un exploit touchant les sommes cy-dessus que ledit deffunt Allaneau son mary ne luy avoit donn\u00e9 aucune cognoissance qu\u2019il luy fust rien deu et que elle avoit trouv\u00e9 entre ses papiers une quittance dudit Remon de 412 escuz 7 sols 10 deniers que sondit deffunct mary avoit payez audit Remon pour de la vaisselle d\u2019argent et aultre orf\u00e8verie comme appart par quittance sign\u00e9e dudit Remon en date du 6 mars 1585 et disoit ladite Rousseau que ladite obligation consentie par sondit deffunt mary audit Daniel Foucquet encores qu\u2019elle fut cause de prest que n\u00e9anmoins c\u2019estoit pour ladite orfebverie dont est fait mention en ladite quittance et ores que ladite somme de 400 escuz fust justement deue que non ledit commandement cy dessus sp\u00e9cifi\u00e9 fait par ledit Jousset estoit esteint et adnull\u00e9 par le moyen de ladite cedulle de 100 livres que ledit deffunct Allaneau son mary avoit lors et le mesme jour dudit adjournement consentye audit Remon la cause de laquelle cedulle demonstrait assez que elle estoit consentye par ledit Allaneau pour l\u2019int\u00e9rest de ladite somme de 400 escuz et oultre que ledit commandement fait par ledit Jousset estoit permis par trois ans et quand audit exploit d\u2019Ernault proclamateur ladite rousseau en protestoit de nullit\u00e9 pour autant que elle a tousjours est\u00e9 r\u00e9sident \u00e8s forbourgs de Pouanc\u00e9 ville qui a toujours est\u00e9 en neutralit\u00e9 depuis 3 ans et estoit libre aux sergents royaux d\u2019y explecter et encores que ledit explect fust trouv\u00e9 vallable que elle ne pouroit estre contrainte \u00e0 payer l\u2019int\u00e9rest de ladite somme de 400 escuz sol port\u00e9e en ladite obligation et cession que au denier quinze et encore qu\u2019elle auroit d\u00e9duction dudit int\u00e9rest du tiers de l\u2019ann\u00e9e 1593 selon l\u2019\u00e9dit du roy, \u00e0 quoy par ledit Remon estoit r\u00e9pliqu\u00e9 que la somme dont est question n\u2019estoit pour vaiselle d\u2019argent de laquelle il a cy davant compt\u00e9 et est\u00e9 pay\u00e9 mais que s\u2019est pour pareille somme que ledit Fouquet et Douesseau debvoyent \u00e0 Pierre Aveline lors absent et pour l\u2019absence duquel la cession fut faite audit Remon soubz son seign en la personne de sa femme ce que ledit Pierre Aveline \u00e0 ce pr\u00e9sent a dit estre v\u00e9ritable \u2026 et sur ce que dessus estoient lesdites parties en grand involution de proc\u00e8s pour auquel obvier paix et amiti\u00e9 nourrir entre eulx ont lesdites parties par l\u2019advis et conseil de leurs amis transig\u00e9 pacifi\u00e9 et apoinct\u00e9 comme s\u2019ensuit pour ce est il que en la court du roy notre sire audit Angers endroit par davant nous Fran\u00e7ois Revers notaire de la dite cour personnellement establyz ledit Remon demeurant en la paroisse de Saint Maurice et ledit Pierre Avelyne marchand d\u2019une part, et ladite Rousseau demeurant audit Pouanc\u00e9 d\u2019aultre part, soubzmettant lesdites parties respectivement eulx leurs hoirs etc confessent avoir de sur et touchant les proc\u00e8s cy dessus et demandes faites par ledit Remon \u00e0 ladite Rousseau tant en principal des sommes cy dessus int\u00e9restz d\u2019icelles despends frais et minses faictz par ledit Remon \u00e0 la poursuite d\u2019icelle somme transig\u00e9 pacifi\u00e9 et accord\u00e9 et encore par devant nous et par la teneur des ces pr\u00e9sentes transigent pacifient et accordent en la forme cy apr\u00e8s d\u00e9clar\u00e9e, c\u2019est \u00e0 scavoir que pour demeurer quitte ladite Rousseau esdits nom desdites demandes cy dessus faictes par ledit Remon et audit Remon par ledit Aveline, tant de ladite obligation de 400 escuz \u00e0 luy cedd\u00e9e par ledit Foucquet de ladite cedulle de 100 livres consentie par ledit defunt Allaneau audit Remon \u00e0 cause de prest, de la demande de tous les int\u00e9restz desdites sommes de tout le pass\u00e9 jusques \u00e0 ce jour de tous et chacuns les frais minses et despens faits par ledit Remon \u00e0 la poursuite desdites sommes et int\u00e9restz d\u2019icelles, icelle Rousseau esdits noms a pay\u00e9 et baill\u00e9 pr\u00e9sentement manuellement content audit Remon \u00e0 ce pr\u00e9sent stipulant et acceptant la somme de 466 escuz deux tiers d\u2019escu sol, laquelle somme ledit Remon a eue et receue en pr\u00e9sence et \u00e0 veue de nous et en pr\u00e9sence des tesmoings cy apr\u00e8s nommez mesme en pr\u00e9sence dudit Pierre Aveline marchand qui a consenty et approuv\u00e9 le pr\u00e9sent accord et a ledit Remon receu ladite somme de 466 escuz deux tiers \u00e9valuez \u00e0 1 400 livres tournois en quartz d\u2019escu et testons bons et de poix et aultre monnoye le tout selon l\u2019ordonnance et dont et de laquelle somme de 466 escuz deux tiers ledit Remon s\u2019est tenu et tient \u00e0 content et bien pay\u00e9 et en a quitt\u00e9 et quitte ladite Rousseau esdits noms par le moyen duquel payement cy dessus fait lesdits proc\u00e8s demeurent nulz et assoupiz et demeure ladite Rousseau quitte tant de ladite somme de 400 escuz sol contenue en ladite obligation dudit 27 avril 1585 pass\u00e9e par ledit Bertrand c\u00e9d\u00e9e par ledit Foucquet audit Remon par ladite cession dudit Lory du 15 novembre 1585 c\u00e9dule susdite de 100 livres dudit Allaneau dudit 1er f\u00e9vrier 1588 et int\u00e9restz d\u2019icelles de tout le pass\u00e9 jusques \u00e0 ce jour ensemble des frais minses et despens que ledit Remon pouroit et eust pu pr\u00e9tendre et demander \u00e0 l\u2019encontre de ladite Rousseau et Constantin, \u00e0 raison de tout ce que dessus circonstance et d\u00e9pendance renonce \u00e0 jamais \u00e0 rechercher ny demander lesquelles obligations et cession et c\u00e9dulle demeurent nulles et de nulle valeur comme bien solv\u00e9es et pay\u00e9es moyennant ce que dessus et comme telles a ledit Remon pr\u00e9sentement rendu \u00e0 ladite Rousseau qui a eu et receu pr\u00e9sentement la grosse de ladite obligation sign\u00e9e et scell\u00e9e et copie de ladite cession, et dont et de tout ce que dessus lesdites parties sont demeur\u00e9es \u00e0 ung et d\u2019accord et l\u2019ont respectivement stipul\u00e9 et accept\u00e9 pour eulx leurs hoirs et ayant cause \u00e0 laquelle transaction accords et quittance tout ce que dessus est dit tenir et sur ce s\u2019entregarder de tous dommages obligent lesdites parties respectivement eulx leurs hoirs etc renonczant etc foy jugement condamnation etc fait et pass\u00e9 audit Angers en la maison de noble homme Robert Constantin conseiller du roy au si\u00e8ge pr\u00e9sidial d\u2019Angers sieur de la Fraudi\u00e8re, v\u00e9n\u00e9rable et discret Me Hugues Constantin chanoine de Saint Martin sieur de la Chaemynerye, Anthoyne Guesdon notaire en la court de Pouanc\u00e9, et ledit Andr\u00e9 Constantin, et Me Jehan Lemarte advocat Angers tesmoings \u00e0 ce requis et appelez <\/p>\n Je descends 3 fois des Allaneau, que j’ai autrefois tr\u00e8s longuement \u00e9tudi\u00e9s, mais je ne descends pas de cette Marie Rousseau, qui, devenue veuve, a manifestement eu des probl\u00e8mes avec quelques impay\u00e9s de son \u00e9poux. Voir mon \u00e9tude de la famille ALLANEAU L’acte qui suit est extrait des Archives D\u00e9partementales du Maine-et-Loire, s\u00e9rie 5E1 \u2013 … <\/p>\n\nMarie Rousseau ne sait pas signer, ce qui me surprend <\/em><\/ol>\n
![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog et non aller en discuter dans mon dos sur un forum ou autre blog. Tout commentaire ou copie partielle de cet article sur autre blog ou forum ou site va \u00e0 l’encontre du projet europ\u00e9en d’\u00e9thique des blogueurs, disponible sur le site du Parlement europ\u00e9en.<\/a><\/strong><\/p>\n","protected":false},"excerpt":{"rendered":"