\net honnestes personnes Jehan Rahyer marchand demeurant \u00e0 Angers et Pierre Balue aussi marchand demeurant en la paroisse de Brain en Craonnais comme il dit
\nsoubmettant lesdites parties l\u2019une vers l\u2019autre chacune en tant et pourtant que luy touche eulx leurs hoirs mesmes lesdits Rahyer et Balue eulx et chacun d\u2019eulx seul et pour le tout sans division etc ou pouvoir etc confessent etc
\nc\u2019est \u00e0 savoir ledit Furet avoir ce jourd\u2019huy baill\u00e9 et encores baille \u00e0 tiltre de ferme et non autrement auxdits Rahyer et Balue et \u00e0 chacun d\u2019eulx seul et pout le tout qui ont prins et accept\u00e9 prennent et acceptent par cesdites pr\u00e9sentes audit tiltre de ferme et non autrement dudit Furet du jour et feste de Pasques derni\u00e8re pass\u00e9e jusques \u00e0 9 ans et 9 cueillettes enti\u00e8res et parfaites ensuivant l\u2019une l\u2019autre sans intervalle de temps et finissant \u00e0 pareil jour lesdits 9 ann\u00e9es et 9 cueillettes finies et r\u00e9volues
\nla terre fief domaine et seigneurie de Br\u00e9charnon d\u00e9pendant et estant des appartenances de la terre et seigneurie du Plessis de Marign\u00e9 tout ainsi que ladite terre fief et seigneurie de Br\u00e9charnon se poursuit et comporte avecques ses appartenances et comme d\u00e9funt Julien Rabory en son vivant fermier dudit lieu la tenue poss\u00e9d\u00e9e et exploit\u00e9e par cy davant pour d\u2019icelle terre et seigneurie jouir et user par lesdits preneurs et d\u2019icelle prendre et percevoir les fruits cueillettes et revenus qui y proviennent ladite ferme durant et d\u2019iceulx disposer selon leur plaisir et volont\u00e9
\n\u00e0 la charge desdits preneurs de poyer et acquiter ladite ferme durant les cens rentes charges debvoirs et redevances deuz et accoustum\u00e9s d\u2019estre poy\u00e9s pour raison de ladite terre fief et seigneurie de Br\u00e9charnon et ses appartenances et en acquiter ledit Furet et aux autres charges cy apr\u00e8s d\u00e9clar\u00e9es
\nest est faicte ceste pr\u00e9sente baill\u00e9e prinse et acceptation de ferme pour en rendre poyer et bailler par lesdits preneurs et chacun d\u2019eulx seul et pour le tout sans division audit Furet bailleur ses hoirs par chacune desdites 9 ann\u00e9es et 9 cueillettes la somme de neuf vingts livres rendable et payable en ceste ville d\u2019Angers en la maison dudit Furet bailleur et aux cousts et mises p\u00e9rils et fortunes desdits preneurs aux jours et termes du premier jour de janvier par chacun an ladite ferme durant le premier terme et poyement commen\u00e7ant au 1er janvier prochainement venant et \u00e0 continuer ladite ferme durant par lesdits termes et poyements
\net ne auront prendre lesdits preneurs aucunes ventes rachats et aulbenages si aucuns escheus en ladite seigneurie ladite ferme durant ex\u00e9dant et montant oultre la somme de 10 lives tz ains auront iceulx preneurs toutes les ventes montant et revenant \u00e0 ladite somme de 10 livres et au dessous
\net au regard de celles qui exc\u00e9deront ladite somme de 10 livres tz en auront et prendront lesdits preneurs ladite somme de 10 livres tz et ledit Furet bailleur l\u2019outreplus desdites 10 livres tz desdites ventes rachats et aulbenages exc\u00e9dant
\net aussi ne pourront lesdits preneurs nommer ne changer les officiers de ladite seigneurie mais seront tenus en outre les poyer de leurs gaiges accoustum\u00e9s
\net feront tenir les assises de ladite seigneurie une fois l\u2019an ladite ferme durant et feront contraindre les subjets de ladite seigneurie et bailler par advis de d\u00e9claration aux assises de ladite seigneurie les choses h\u00e9ritaulx qu\u2019ils tiennent de ladite seigneurie et davantage seront et demeurent tenus lesdits preneurs par cesdites pr\u00e9sentes mener et conduire les proc\u00e8s meuz et pendants ou qui pourront mouvoir pour raison de ladite seigneurie r\u00e9serv\u00e9 et pour les acquets et contr\u00e9changes de terres seulement les proc\u00e8s qui en pourroient intervenir pour d\u00e9faut de bailler les adveuz et denombrements de ladite seigneurie
\net bailler et rendre audit Furet bailleur au dedans du temps de ladite ferme ung papier censif tout neuf auquel seront inscripts les rentes cens et debvoirs deuz \u00e0 ladite seigneurie, les noms et surnoms de ceulx qui tiendront lors les terres et autres choses subjectes auxdits cens rentes avecques la confrontation des teres et autres choses sur et pour raison desquelles sont deuz lesdits cens rentes et debvoirs
\nle tout aux cousts et mises desdits preneurs
\net ne pourront lesdits preneurs intenter aucuns proc\u00e8s pour raison des droits qui appartiennent de ladite seigneurie sans le cong\u00e9 dudit bailleur
\nne coupper aucun bois marmantaulx par pied par hue ? ne coupper les bois taillis de ladite seigneurie qu\u2019une fois ladite ferme durant et les coupperont en leur couppe ordinaire et accoustum\u00e9e et apr\u00e8s qu\u2019ils auront fait coupper seront tenus les faire garder \u00e0 leur pouvoir en mani\u00e8re qu\u2019ils ne soient endommag\u00e9s ne gast\u00e9s
\net ne sont compris en ceste pr\u00e9sente ferme les chasses et h\u00e9rogni\u00e8res de ladite seigneurie et davantage seront tenus lesdits preneurs avertir ledit bailleur si aucune entreprinse se fait contre et au pr\u00e9judice des droits appartenances et pro\u00e9mincences de ladite seigneurie
\ndesmolir ne d\u00e9t\u00e9riorer aucune chose \u00e8s appartenances de ladite seigneurie mais seront et demeurent tenus en jouir et user comme bons administrateurs et p\u00e8res de famille doivent faire
\nnon compris en ceste pr\u00e9sente ferme la ferme du moulin dudit Brechasnon bailler par ledit Furet par cy davant \u00e0 tiltre de ferme \u00e0 Maurice Painturier de laquelle ferme lesdits preneurs ne prendront rien mais prendra ledit Furet les deniers et profits de ladite ferme d\u2019iceluy moulin
\net a est\u00e9 convenu et accord\u00e9 entre les parties que o\u00f9 d\u00e9faut que feroit lesdits preneurs de poyer ladite ferme de accomplir le contenu en icelles aux jours et termes dessus dits, en tel cas d\u00e8s \u00e0 pr\u00e9sent comme d\u00e8s lors et d\u00e8s lors comme d\u00e8s \u00e0 pr\u00e9sent demeurera ceste pr\u00e9sente ferme nulle et assoupie et adnull\u00e9e s\u2019il plaist audit bailleur et audit cas pourra disposer de ladite ferme \u00e0 son plaisir et volont\u00e9 et pourra pr\u00e9tendre lesdits preneurs luy faire poyement de ladite ferme au prorata du temps qu\u2019ils auront tenu et exploit\u00e9 ladite ferme ce que lesdits preneurs ont voulu consenti et accord\u00e9
\nauxquelles choses dessus et chacune d\u2019icelles tenir etc et ladite ferme rendre et poyer etc et aux dommages dudit Furet de ses hoirs etc amendes etc obligent lesdites parties l\u2019une vers l\u2019autre chacune en tant et pourtant que lui touche eulx leurs hoirs et mesmes lesdits preneurs eulx et chacun d\u2019eulx seul et pour le tout sans division renon\u00e7ant au b\u00e9n\u00e9fice de division etc vendre etc renon\u00e7ant etc foy jugement condemnaiton
\net ont est\u00e9 pr\u00e9sents \u00e0 ce discrete personne messire Estienne Jarry pr\u00eatre demourant Angers tesmoins
\nce fait et pass\u00e9 audit Angers en la maison dudit Furet
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
Et voici encore un bail de Ren\u00e9 Furet, toujours en 1532. Il s’av\u00e8re qu’il a pris le bail \u00e0 ferme de la terre du Plessis de Marign\u00e9, et qu’il baille \u00e0 sous-ferme par morceau. Ainsi, ici, il a baill\u00e9 s\u00e9par\u00e9ment le moulin de la seigneurie. Il dit aussi que le bail ne comprend pas les … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"