\nLe 16 juin 1527 en notre cour royale \u00e0 Angers (Jean Huot notaire Angers) personnellement establiz honorable homme et saige Me Jehan Damourt licenci\u00e9 \u00e8s loix sieur de Beaulieu et honneste femme Katherine Tronchay son espouse de luy auctoris\u00e9e par devant nous quant \u00e0 ce, demourans \u00e0 Angers d\u2019une part,
\net Pierre Taupin paroissien de Chemaz\u00e9 ainsi qu\u2019il dit d\u2019autre part
\nsoubzmectant etc confessent avoir fait et par ces pr\u00e9sentes font entre eulx les march\u00e9s et convencions telz et en la forme et mani\u00e8re que s\u2019ensuyt
\nc\u2019est \u00e0 savoir que lesdits sieur et dame ont baill\u00e9 et par ces pr\u00e9sentes baillent audit Taupin lequel a prins et prans d\u2019eulx \u00e0 tiltre de ferme et non autrement l\u2019un de leurs lieux et clouseries sis Amonguelon<\/p>\n
- \nJe pense qu\u2019il s\u2019agit de Montguillon, commune situ\u00e9e en Maine-et-Loire, \u00e0 14 km de Segr\u00e9, et 35 km d\u2019Angers, et queques km au sud est de Chemaz\u00e9. C\u00e9lestin Port dit que le nom s’est \u00e9crit Mongolonium 1130 circa – Mauguillon 1326 – Maugeillon 1429 – Monguelon 1540 <\/em><\/ol>\n
en laquelle demeure Pierre Burmonz comme clousier et auparavant Jehan Taupin ainsi qu\u2019elle se poursuit et comporte non comprins l\u2019autre lieu et clouserie o\u00f9 demeure Guillaume Morice que lesdits sieur et dame ont r\u00e9serv\u00e9 et r\u00e9servent pour eulx du jour et feste de la Toussains prochainement venant jusques \u00e0 cinq ans parfaiz et entiers l\u2019un ensuivant l\u2019autre sans intervalle
\npour par ledit Taupin prandre et lever les fruictz et revenus durant ledit temps comme bon p\u00e8re de famille
\npour en faire et payer par ledit Taupin preneur ses hoirs auxdits sieur et dame bailleurs susdits leurs hoirs etc par chacun an durant ledit temps la somme de 9 livres tz avec ung cent de bon lin et marchand \u00e0 deux termes par moicti\u00e9 c\u2019est \u00e0 savoir \u00e0 la Saint Jehan Baptiste et \u00e0 la Toussaint rendable et payable par ledit preneur auxdits bailleurs en leur maison d\u2019Angers o\u00f9 ils demeurent aux propres cousts dudit preneur le premier paiement commenczant \u00e0 la saint Jehan Baptiste que l\u2019on dira 1527 et \u00e0 continuer par \u00e9gales porcions
\n\u00e0 la charge en outre de paier et acquiter par chacun an durant ledit temps par ledit preneur ses hoirs les devoirs et charges vers les seigneurs et personnes \u00e0 qui ils sont et seront deuz et que l\u2019on a accoustum\u00e9 de tout temps et d\u2019anxiennet\u00e9 de paier et en rendre quicte et indempne lesdits sieur et dame leurs hoirs etc et leur en rendre et bailleur chacun an en ladite ville d\u2019Angers en leur maison quictance et descharge vallable et aller aux assises et pletz pour lesdits sieur et dame dont lesdites choses sont tenues et pour ce faire lesdits sieur et dame luy fourniront de procuration pour se pr\u00e9senter pour eux
\net sera tenu ledit preneur de tenir et entretenir les maisons tetz terres hayes foussez et cloaisons desdites choses en bonnes et suffisantes r\u00e9paracions et cloustures sans rien lesser decheoir et desmolir et \u00e0 la fin dudit terme les rendre auxdits sieur et dame en bonne et suffisante r\u00e9p\u00e2racion et valleur qu\u2019elles luy seront baill\u00e9es,
\nensemble les terres dudit lieu de gressins et labourages bons et proffitables de temps et de saison et de faczon n\u00e9cessaire et convenable
\net a promis doibt et sera tenu ledit preneur rendre et lesser \u00e0 la fin de sa dite ferme ledit lieu garniz de gressins fumiers chaulmes pailles faouins et ensemanc\u00e9 ainsi qu\u2019il luy sera baill\u00e9
\net pourront lesdits sieur et dame prandre lever et faire emmener ou bon leur semblera leurs bestes qu\u2019ils ont et auront \u00e0 mectre sans qu\u2019ils soient tenuz d\u2019en bailler et laisser aucunes bestes audit preneur
\net oultre a est\u00e9 et est dit et accord\u00e9 par motz expres entre lesdites parties que s\u2019est et sera au choix auxdits sieur et dame de se reprandre \u00e0 leurdit lieu et choses de ladite ferme non obstant cette pr\u00e9sente baill\u00e9e \u00e0 ferme laquelle demoura nulle en d\u00e9ffault que ledit preneur fera de paier ladite ferme faire et accomplir par ledit preneur ce que dit est, et ne s\u2019en pourra aider ne d\u00e9ffendre ledit preneur \u00e0 l\u2019encontre desdits sieur et dame et pourront iceulx sieur et dame mectre hors de ladite baill\u00e9e \u00e0 ferme ledit preneur sans qu\u2019il y soit requis aucune instance de justice
\net n\u00e9anmoins sera tenu ledit preneur ses hoirs etc paier auxdits sieur et dame bailleurs dessus dits leurs hoirs etc \u00e0 la raison et prorata du temps qu\u2019il aura tenu lesdites choses
\net a est\u00e9 pr\u00e9sent \u00e0 ce Jehan Taupin paroissien de Mongarelon ainsi qu\u2019il dit lequel a plemy et cauxionn\u00e9 plemest et cauxionne ledit Pierre Taupin preneur susdit de paier faire et accomplir ce que dit est vers lesdits sieur et dame bailleurs susdits leurs hoirs etc et de ce en a fait son propre fait et debte luy seul et pour le tout et renonc\u00e9 au b\u00e9n\u00e9fice de division et s\u2019en est iceluy plege soubzmis et soubzmet soubz la juridicion de ladite cour
\net \u00e0 tout ce faire paier et accomplir par la forme et mani\u00e8re que dit est ledit Jehan Taupin se y est oblig\u00e9 et oblige soy ses hoirs avecq tous et chacuns ses biens choses \u00e0 prendre vendre etc
\net ont promis doivent et seront tenuz lesdits Pierre et Jehan les Taupins faire obliger avec eulx et ratiffier icelles \u00e0 leurs femmes et espouses et chacune d\u2019icelles dedans le jour et feste de la my-aoust asumpcion Notre Dame prochainement venant \u00e0 la peine chacun de cent solz de peine commise paiable par chacun des dessus dits leurs hoirs auxdits sieur et dame leurs hoirs etc en cas de deffault n\u00e9anmoins ces pr\u00e9sentes demourans en leur force et vertu
\na promis ledit preneur bailler et ranforcer de plege contre et avec ledit Jehan Taupin dedans ladite feste de Toussains prochainement venant en cas qu\u2019il plairoit auxdits sieur et dame leurs hoirs etc
\nne pourra ledit preneur coupper ne abatre aucuns arbres par py\u00e9 ne par hure sans le cong\u00e9 et licence desdits bailleurs
\net plantera par chacun es terres dudit lieu 12 aigraisseaulx et iceulx entera en bons fruictiers au myeulx qu\u2019il pourra et avec soin
\nplantera ledit preneu chacun audit lieu six petiz chesnes \u00e8s lieux le plus convenables
\nauxquels march\u00e9 accords baill\u00e9e et prinse \u00e0 ferme et tout ce que dessus est dit tenir et accomplir sans jamais faire ne venir encontre par lesdites parties et les choses ainsi baill\u00e9es \u00e0 ferme garantir par lesdits sieur et dame leurs hoirs etc oblige lesdites parties chacun en tant que \u00e0 ung chacun d\u2019eulx touche et peult toucher eulx leurs hoirs etc mesmement les biens et choses desdits preneurs et plege \u00e0 prandre vendre etc et lesdites choses dessus tenir et accomplir et ladite somme dessus dite paier par les termes forme et mani\u00e8re que dit est dessus renon\u00e7ant etc foy jugement condemnation etc
\npr\u00e9sents \u00e0 ce Me Jehan Taillebois escolier estudiant en l\u2019universit\u00e9 d\u2019Angers et Jacques Guillemeteau et Roland Afeu tesmoings
\nfait et donn\u00e9 \u00e0 Angers les jour et an susdit <\/p>\n
En fait, l’acte ne pr\u00e9cise pas le lien de parent\u00e9, et c’est moi qui le suppose, car Jean Taupin exploitait la closerie auparavant, et vient avec Pierre le cautionner. D’ailleurs, voici encore une illustration des r\u00e9f\u00e9rences exig\u00e9es par le bailleur pour s’assurer que son closier exploitera correctement la closerie. Cette caution n’\u00e9tait pas uniquement morale, … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie >partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"