\nLe 27 mai 1523 en la cour du palais d\u2019Angers (Nicolas Huot notaire Angers) personnellement estably Thomas Heon cousturier demourant \u00e0 Angers d\u2019une part,
\net Franczois Heon demourant en la paroisse de Tierc\u00e9 et Jehan Heon son fils d\u2019autre part
\nsoubzmectans lesdites parties eulx leurs hoirs confessent etc avoir aujourd\u2019huy faict les march\u00e9s pactions et conventions telz et en la mani\u00e8re qui s\u2019ensuit
\nc\u2019est \u00e0 scavoir que ledit Franczoys Heon a baill\u00e9 et baille ledit Jehan Heon son fils audit Thomas Heon pour estre et demourer avecques luy comme apprenty le temps de trois ans commen\u00e7ant du jour et feste de la Penthecouste davant pass\u00e9e jusques \u00e0 troys ans apr\u00e8s ensuivans et suivant l\u2019un l\u2019autre sans intervalle de temps
\npendant lequel temps de trois ans ledit Thomas Heon sera tenu nourrir coucher et laver ledit Jehan Jeron et luy monstrer son mestier de cousturier au mieulx qu\u2019il pourra
\naussi a promis et promet ledit Jehan Heon servir bien et loyalement ledit Thomas Heon son maistre en toutes choses licites et honnestes ledit temps de trois ans durant et faire tout ce que ung bon serviteur et apprentiz doit faire
\net pour ce faire et accomplir par ledit Thomas ledit Franczoys Heon a promis doibt et demeure tenu paier et bailler audit Thomas la somme de 8 livres 10 sols tz paiables aux termes qui s\u2019ensuivent c\u2019est \u00e0 savoir la somme de 4 livres 5 sols \u00e0 la feste de Toussains prochainement venant et pareille somme de 4 livres 5 sols dedans la feste de Toussaints que nous dirons 1524, le tout rendable en ceste ville d\u2019Angers en la maison dudit Thomas Heon et aux cousts et mises dudit Franczoys Heon
\net sera tenu en oultre ledit Franczoys Heon vestir et entretenir ledit Jehan Heon son fils de tous habillements \u00e0 luy n\u00e9cessaires chausses souliers et chemises bien et honnestement selon l\u2019estat dudit Jehan ledit temps durant de troys ans
\nauxquelles choses dessus dites tenir et accomplir, et aux dommages l\u2019un de l\u2019autre etc obligent lesdites parties l\u2019une vers l\u2019autre etc et les biens et choses dudit Francoys Heon \u00e0 prendre vendre etc et le propre corps dudit Jehan Heon \u00e0 tenir prison et houstage en le chartre d\u2019Angers ets renon\u00e7ant etc foy jugement condemnation etc
\npr\u00e9sents ad ce Estienne Heon maistre cordonnier demourant en la paroisse de saint Pierre d\u2019Angers et Guillaume Pihou\u00e9es prieur de saint Jehan des Mauvrets ainsi qu\u2019il dit tesmoins
\nfait et donn\u00e9 \u00e0 Angers les jour et an susdits <\/p>\n
manifestement en famille, mais on fait tout de m\u00eame un contrat devant notaire. Mieux, la clause de prison pour cause d’absence est aussi pr\u00e9sente. On ne plaisantait pas plus en famille que pour n’importe quel apprenti. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie >partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"