\nLe 16 juin 1524, en notre cour royale \u00e0 Angers (Nicolas notaire Angers) personnellement establiz v\u00e9n\u00e9rable et discret maistre Franczois Lemaczon pr\u00eatre chanoine de l\u2019\u00e9glise coll\u00e9giale de Saint Jehan Baptiste d\u2019Angers et cur\u00e9 de l\u2019\u00e9glise parochiale de Biern\u00e9 au dioc\u00e8se d\u2019Angers d\u2019une part,
\net Jehan Lelardeux paroissien d\u2019Ampoign\u00e9 et Jehan Clavereul paroissien de Feneu tant en son nom que comme procureur et soy faisant fort de Mathurin Lelardeux, Ren\u00e9 Noel, Maurice Blanchet et Jacqueet Chevroliet, promectant leurs faire avoir agr\u00e9able le contenu en ces pr\u00e9sentes et en bailler lettres vallables de ratiffication audit Lemaczon dedans la feste de Toussaints \u00e0 la peine de tous int\u00e9restz,
\nAlexis Bourjon paroissien de Saint Aignan pr\u00e8s Biern\u00e9,
\nJehan Lelardeux paroissien de Pommerieux tant en son propre et priv\u00e9 nom que comme soy faisant fort de Foulquet Lelardeux, Jacquet Lelardeux, Jehanne et Jehanne les Lardeux, Roberde Lelardeux, et des enfants de feu Jehan Marsollier et de d\u00e9funte Laurence Lelardeux, et promectant iceluy Jehan Lelardeux faire ratiffier et avoir agr\u00e9able le contenu en ces pr\u00e9sentes \u00e0 ceulx dont il s\u2019est fait fort dedans ladite feste de Toussaints prochainement venant \u00e0 la peine de tous int\u00e9rests,
\nJulien Manceau et Jehan Clavereul tant en leurs noms priv\u00e9s que comme procureurs et eulx faisant fort de Jehan Poisson et de Jehanne Lelardeux et de Perrine Lelardeux aussi prometant leur faire avoir agr\u00e9able le contenu en ces pr\u00e9sentes dedans ladite feste de Toussaints prochainement venant \u00e0 la peine de tous int\u00e9rests cesdites pr\u00e9sentes n\u00e9anmoins et ce qu\u2019elle contiennent demourans en leur force et vertu
\ntous les dessus dits h\u00e9ritiers de d\u00e9funt missire Jehan Lelardeux pr\u00eatre en son vivant vicaire de Biern\u00e9 d\u2019autre part
\nsoubzmectans etc confessent que pour plect et proc\u00e8s \u00e9viter paix et amour nourrir entre eux ils ont transig\u00e9 pacifi\u00e9 et appoint\u00e9 et sont venuz \u00e0 ung et d\u2019accord ensemble en la mani\u00e8re qui s\u2019ensuit,
\nc\u2019est \u00e0 savoir lesdits h\u00e9ritiers pour raison de ce qu\u2019ils disoient que ledit feu missire Jehan Lelardeux en son vivant vicaire d\u2019icelle cure de Biern\u00e9 pour ledit maistre Franczois Lemaczon cur\u00e9 d\u2019icelle cure avoir baill\u00e9 et prest\u00e9 audit Lemaczon la somme de 100 livres tz
\naussi pareillement disoient iceulx h\u00e9ritiers que compte final avoit est\u00e9 fait entre iceluy d\u00e9funt vicaire et ledit Lemaczon par lequel compte ils disoient ledit Maczon estre redevable audit vicaire en la somme de 26 livres 3 sols 5 deniers tz
\net oultre que ledit d\u00e9funt vicaire avoir fait autres mises depuis iceluy compte dont et desquelles ils demandoient avoir solucion et paiement \u00e8s noms et qualit\u00e9s qu\u2019ils proc\u00e8dent comme h\u00e9ritiers dudit feu missire Jehan Lelardeux et concluoient \u00e0 ceste fin
\n\u00e0 quoy de la part dudit maistre Franczois Lemaczon cur\u00e9 susdit a est\u00e9 dit et respondu qu\u2019il ne pensait estre tenu esdits h\u00e9ritiers \u00e8s sommes cy dessus contenues mais que ledit feu missire Jehan Lelardeux son vivaire avoit receu plusieurs deniers et revenus de sadite cure dont il ne luy avoir tenu aulcun compte
\net aussi comme vicaire il avoit tenu icelle cure auparavant ledit Lemaczon o\u00f9 il avoit laiss\u00e9 tomber et d\u00e9molir et mis en ruine le logis de ladite cure et auxdites appartenances d\u2019icelle cure
\nau moyen de quoy que la demande propos\u00e9e par les dessus dits h\u00e9ritiers dudit feu vicaire et les all\u00e9gations dudit cur\u00e9 au contraire ledit cur\u00e9 demandoit avoir despens et conclutoit contre eulx \u00e0 ce
\nfinalement lesdites parties sont demour\u00e9es et ont convenu ensemble de ce sur les choses dessus dites leurs circonstances et d\u00e9pendances en la mani\u00e8re qui s\u2019ensuit
\nc\u2019est \u00e0 savoir ledit maistre Franczois Lemaczon cur\u00e9 susdit pour demourer quicte envers les dessus dits du contenu en une c\u00e9dulle par luy baill\u00e9e audit d\u00e9funt vicaire ensemble du compte montant 26 livres 3 sols 5 deniers tz et autres mises faites par ledit d\u00e9funt vicaire en tant que touche ladite sixi\u00e8me partie et de toutes autres demandes que lesdits h\u00e9ritiers cy dessus nomm\u00e9s pourroient avoir et demander audit Lemaczon cur\u00e9 susdit, ledit Lemaczon en a fait et compos\u00e9 avecques eux scavoir est avecques ledit Lelardeux d\u2019Ampoign\u00e9 et Jehan Clavereul procureurs tans en leurs noms que comme eux faisans fort de Mathurin Lelardeux, Ren\u00e9 Noel, Maurice Blanchet et Jacques Chevalier pour une sixi\u00e8me partie la somme de 10 livres 10 sols tz que ledit Jehan Lelardeux a receue contant dudit Lemaczon dont il s\u2019est tenu par davant nous bien pai\u00e9 et contant et en a quict\u00e9 et quicte ledit Lemaczon
\net audit Alexis Bourjon paroissient de Saint Aignan pr\u00e8s Biern\u00e9, pour une sixi\u00e8me partie \u00e0 pareille somme de 10 livres 10 sols tz qu\u2019il a eue et receue dudit Lemaczon en pr\u00e9sence et \u00e0 vue de nous dont il s\u2019en est tenu par davant nous \u00e0 bien pai\u00e9 et contant et en a quict\u00e9 et quict\u00e9 ledit Maczon
\net audit Jehan Lelardeux de Pommerieux tant pour luy que comme soy faisant fort de Foulquet Lelardeux et Jacques Lelardeux de Jehanne et Jehanne et Roberde les Lardeux et des enfants de feu Jehan Marsollier et de d\u00e9funte Laurence Lelardeux pour une sixi\u00e8me partie, \u00e0 la somme de 10 livres 10 sols tz qu\u2019il a eue et receue dudit Lemaczon dont il s\u2019en est tenu par davant nous \u00e0 bien pay\u00e9 et contant et en a quict\u00e9 et quict\u00e9 ledit Lemaczon
\net audit Julien Manceau et Clavereul tant en la qualit\u00e9 de procureur que autrement, scavoir ledit Clavereul comme procureur de Jehan Poisses et de Jehanne Lelardeux et ledit Manceau tant en son nom que comme soy faisant fort de Perrine Lelardeux, ce pour une sixi\u00e8me partie, \u00e0 la somme de 10 livres 10 sols tz qu\u2019ils ont eue et receue dudit Lemaczon dont ils s\u2019en sont tenus par davant nous \u00e0 bien paiez et contans et en ont quict\u00e9 et quictent ledit Lemaczon
\net par ce faisant lesdits dessus nomm\u00e9s demeurent quictes envers ledit Lemaczon cur\u00e9 susdit tant de reparations que de toutes autres choses dont il leur eust peu faire question ou demande en quelque mani\u00e8re que ce soit
\naussi demeure audit Lemaczon cur\u00e9 susdit tous et chacuns les deniers non receuz tant de son fief que d\u2019autres choses et depuis le temps que ledit Lemaczon est cur\u00e9 d\u2019icelle cure
\nauxquelles choses dessus dites tenir et accomplir d\u2019une part et d\u2019autre etc et \u00e0 garantir etc et aux dommages l\u2019un de l\u2019autre amandes etc obligent lesdites parties l\u2019une vers l\u2019autre chacun en tant et pour tant que luy touche eulx leurs hoirs etc renon\u00e7ant etc foy jugement et condemnation etc
\npr\u00e9sents ad ce v\u00e9n\u00e9rables et discrets maistres Jehan Tillon licenci\u00e9 \u00e8s loix cur\u00e9 de saint R\u00e9my sur Loire et Guychart Bacher chantre et chanoine de l\u2019\u00e9glise coll\u00e9giale de saint Jehan Baptiste d\u2019Angers tesmoings
\nfait et donn\u00e9 \u00e0 Angers en la maison dudit Lemaczon les jour et an susdits
\nconstat, et ne pourront les dessus dits empescher que ledit Lemaczon ne puisse suivre contre qui il appartiendra contre toutes personnes que ce soient <\/p>\n
en fait c’est une transaction avec le cur\u00e9 de Biern\u00e9, qui vit \u00e0 Angers. Les h\u00e9ritiers Lelardeux semblent se diviser en 6 branches, dont une partie est ici r\u00e9pr\u00e9sent\u00e9e, et longuement \u00e9num\u00e9r\u00e9e, mais sans qu’on puisse deviner les liens exacts, sans doute chacun repr\u00e9sente-il un des fr\u00e8res et soeurs donc le vicaire de Biern\u00e9 aurait … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie >partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"