![\"Blaison](\"http:\/\/www.odile-halbert.com\/Paroisse\/Cartes\/Cartes_49\/49_Blaison.99.jpg\")
<\/a>\nLe 2 mai 1584 apr\u00e8s midy, en la cour du roy notre sire Angers et de monsieur duc d’Anjou etc noble homme Lancelot de Chaz\u00e9 seigneur de la Bouaische et de la Chauss\u00e9e Hue demeurant audit lieu de la Bouaische paroisse de Notre Dame d’Yevre pays Chartrain d’une part, <\/p>\n
- \naujourd’huy la carte IGN donne
\nla Bo\u00ebche commune de Y\u00e8vres 28160<\/strong><\/em><\/ol>\n
et honnestes personnes Mathurin Ouvrard marchand et Perrine Guespin sa femme de luy autoris\u00e9e demeurant en la maison et hostelerye du Griffon rue de la Poissonnerie paroisse de st Maurice dudit Angers d’autre part pour desdites choses ainsi baill\u00e9es comme dict est jouyr user par lesdits preneurs ledit temps durant bien et deument ainsi que de choses baill\u00e9es \u00e0 ferme et comme ung bon p\u00e8re de famille Il est venu \u00e0 Angers passer cet acte, et il est descendu \u00e0 l’h\u00f4tellerie du Griffon, dont nous avons d\u00e9j\u00e0 parl\u00e9 ici. Cette h\u00f4tellerie devait \u00eatre assez r\u00e9put\u00e9e pour une telle client\u00e8le, car comme de nos jours, il y avait non pas des \u00e9toiles, mais des cat\u00e9gories connues de bouche \u00e0 oreille. Le bail n’est … <\/p>\n
\nlesquels soubzmectant etc confessent avoir fait et font entre eulx le march\u00e9 de bail et prinse \u00e0 ferme tel et ainsi que s’ensuyt
\nscavoir est ledit sieur avoir baill\u00e9 et baille par ces pr\u00e9sentes auxdits Ouvrard et femme qui ont prins et accept\u00e9 de luy \u00e0 tiltre de ferme seulement et non autrement du jour et feste de Toussaint derni\u00e8re pass\u00e9e jusques \u00e0 7 ans et 7 cueillettes enti\u00e8res et parfaites suivant l’une l’autre sans intervalle de temps et finissant \u00e0 pareil jour et terme lesdits 7 ans et cueillettes finyes et r\u00e9volues
\nle lieu et closerie et grant maison de la Chauss\u00e9e Hue, les lieuls et mestairies de la Gr\u00e9e de l’Espinay Cesson et de la Pitouzi\u00e8re ensemble le lieu mestairie fief et seigneurie et garennes du Romaigne le tout sis et situ\u00e9s es paroisses de Bescon Vilmoysan et St Augustin des Bois ensemble les lieux et closeries de Monteclerc sis en Recull\u00e9 lez ceste ville d’Angers paroisse de la Trinit\u00e9 dudit lieu et des Nouvelles pr\u00e8s le Basonnette lez ceste ville et le lieu et mestairie de la Sablonni\u00e8re autrement appell\u00e9 la mestairie de la Sablonni\u00e8re de la Blanchaye sis en vall\u00e9e paroisse de Blaizon<\/strong> ainsi que tous et chacuns lesdits lieulx cy dessus mestairies clouseries fiefs et seigneuries respectivement se poursuivent et comportent tant maisons aureaulx jardrins terres prez boys marmentalx et taillables vignes et autres choses qui en sont et d\u00e9pendent sans riens en retenir ne r\u00e9server par ledit sieur bailleur <\/p>\n\nje n’ai pas trouv\u00e9 la Sablonni\u00e8re en question dans le Dictionnaire de C. Port. Si vous avez une id\u00e9e, merci.
\nPour la Chauss\u00e9e Hue, une longue notice dans ce dictionnaire, sans toutefois aucune mention de la famille de Chaz\u00e9, qui est pourtant bien propri\u00e9taire en 1584.
\nPour la Gr\u00e9e, ce dictionnaire cite seulement ce nom \u00e0 Saint-Augustin des Bois, sans autre mention.<\/em><\/ol>\n
\n\u00e0 la charge desdits preneurs de faire faire les vignes d\u00e9pendans de ladite ferme par chacun desdites ann\u00e9es de leurs quatre faczons ordinaires en temps et saisons convenables et acoustum\u00e9es et faire faire par chacune desdites ann\u00e9es \u00e8s vignes de chacune desdites clouseries des Nouvelles et Monteclerc 100 fouss\u00e9s de provings qui est par lesdites deux clouseryes 200 fouss\u00e9s par chacun an le tout bien et deument fait et gress\u00e9
\nplanteront lesdits preneurs par chacune desdites ann\u00e9es sur chacun desdits lieulx et mestairies et clouseries 6 sauvaigeaux tant poiriers que pommiers et les rendre … par chacun an et les garderont arm\u00e9s d’espines ad ce qu’ils ne soient endommag\u00e9s des bestes
\npayeront lesdits preneurs par pied de sauvaigeaux qu’il deffauldra la somme de 5 solz par chacun d’eux
\nplanteront outre lesdits preneurs par chacun an sur ledit lieu de la Sablonni\u00e8re le nombre de 12 fresnes et 12 saules \u00e8s lieulx les plus commodes et les rendre prins
\ntiendront lesdits preneurs les maisons taictz et autres de chacun desdits lieulx mestairies et clouseries et les rendront \u00e0 la fin dudit march\u00e9 en bonne et suffisante r\u00e9paration comme elles leur seront baill\u00e9es par ledit sieur bailleur
\net rendront aussi le pressouer dudit lieu de Monteclerc en bonne et suffisante r\u00e9paration aussi comme il leur sera baill\u00e9
\net aussi tiendront et rendront lesdits preneurs \u00e0 la fin dudit march\u00e9 lesdits lieulx mestairies et closeries en bonne clousture de hayes et foussez et autres fermetures et cloustures comme pareillement ils leurs seront baill\u00e9s
\net o\u00f9 il fauldroit du boys pour lesdites r\u00e9parations desdites maisons et pressouer ledit sieur bailleur fournira et merquera du boys pour ce faire sur le pied et seront tenuz lesdits preneurs les faire abattre et acoustrez \u00e0 leurs despens \u00e8sdis lieulx et endroictz o\u00f9 besoing sera
\npoyeront lesdits preneurs par chacun an les cens rentes et charges et debvoirs deuz \u00e0 cause desdites choses baill\u00e9es aux sieurs aux dabtes et jours et termes qu’ils sont deuz, que ledit sieur bailleur a d\u00e9clar\u00e9 ne pouvoir sp\u00e9ciffier d\u00e9clarer et d’iceulx en acquiteront et deschargeront ledit sieur bailleur
\nne pourront lesdits preneurs coupper ne faire coupper ne abatre par pied branche ne autrment aulcuns arbres fructaulx ne marmentaulx dessur lesdits lieux ains coupperont les boys qui ont acoustum\u00e9 estre coupp\u00e9s et esmond\u00e9s qu’ils coupperont en bonne saison et d’\u00e2ge comp\u00e9tant et ne les coupperont qu’une fois pendant le pr\u00e9sent bail
\nferont lesdits preneurs cultiver et labourer les terres de chacun desdits lieulx labourables et aultant par chacun desdits ans que l’on a acoustum\u00e9 et mesmes en rendront \u00e0 la fin de ladite ferme deuement labour\u00e9s et ensepmanc\u00e9s aultant et en pareil nombre que lesdites terres ont acoustum\u00e9 en porter et la cueillette ensuyvant en partaigeront les fruictz qui sont ensemanc\u00e9s entre ledit sieur bailleur et pour moiti\u00e9 lesdits preneurs
\nferont lesdits labouraiges pour l’autre moiti\u00e9 pour le droit de collon selon et au d\u00e9sir que les fermiers pr\u00e9c\u00e9dents
\nlaisseront aussi lesdits preneurs aultant et pareil nombre et esp\u00e8ces de sepmances scavoir poix febves orges lins chanvres et autres sur chacun desdits lieulx selon et ainsi que en chacun desdits lieux a acoustum\u00e9 estre et qu’ils sont de pr\u00e9sent ensemanc\u00e9s
\nmesmes ne pourront lesdits preneurs transporter aulcuns foings pailles chaulmes ne engrais de sur lesdits lieulx \u00e0 la fin dudit pr\u00e9sent bail ains les laisseront selon qu’ils ont acoustum\u00e9 estre sur ledit lieu \u00e0 la fin dudit bail pour les sepmancs d’iceluy deux septiers de froment mesure de Beaufort ung septier froment mesure des Ponts de S\u00e9e 6 boisseaux de bl\u00e9 seigle dicte mesure des Ponts de S\u00e9e 17 boisseaux de febves dictes mesure de Beaufort et 18 boisseaux d’orge aussi dicte mesure de Beaufort qui sont \u00e0 pr\u00e9sent ensepmanc\u00e9s audit lieu de la Sablonni\u00e8re pour la part dudit sieur bailleur et dont ils fourniront outre pareil nombre que le mestayer a fourny pour sa part de sur lequel lieu et de ladite ferme
\nles preneurs ne pourront empescher les pr\u00e9c\u00e9dents fermiers ou sous fermiers dudit sieur bailleur ne enlever les bestiaux de sur lesdits lieulx ne qu’il puisse demander aulcune chose du pass\u00e9 pour le parnaige d’iceulx fors de l’effoil qui en est provenu et yssu sur et duquel effoil lesdits preneurs en auront et prendront le quart qui est une moicti\u00e9 d’une moicti\u00e9
\net accord\u00e9 que lesdits preneurs ne pourront empescher ains souffriront et permettront que Jacques Nycolle demeurant en la paroisse du Petit Paris jouysse du pasturaige et possession d’une chesnaye appell\u00e9es la bauche au Cresson d\u00e9pendant dudit lieu de la Chauss\u00e9e Hue depuys le 17 mars dernier jusques \u00e0 trois ans lors prochains ensuivants que d’une latresse que ledit Nycolle a dit faire abatre les boys de ladite chesnaye suivant le march\u00e9 de ce fait entre ledit sieur bailleur et ledit Nycolle par devant Lepelletier notaire de ceste cour le 17 mars 1581 sans que pour ce lesdits preneurs puissent demander aulcun rabais ou diminution de la pr\u00e9sente ferme
\naussi accord\u00e9 que lesdits preneurs ne prendront rien pour la pr\u00e9sente ann\u00e9e des fruictz des terres et jardrins du lieu de Monteclerc et arbres y estans ains seulement le vin des vignes par ce que ledit sieur les a baill\u00e9s \u00e0 Thomas Piffard clousier dudit lieu et 4 escuz 10 sols pour la faczon desdites vignes dudit lieu laquelle somme de 4 escuz 10 sols lesdits preneurssont tenus bailler audit sieur bailleur \u00e0 la fin du pr\u00e9sent bail ou faire faire les faczons desdites vignes jusques \u00e0 la concurrence de ladite somme
\net pareillement seront tenus lesdits preneurs permettre aux closiers du lieu des Nouvelles prendre et enlever le foign dudit lieu et les fruits d’iceluy et jardrins pour ceste ann\u00e9e seulement ainsi que ledit sieur bailleur leur avoit accord\u00e9 et baill\u00e9 auxdits clousiers pour leur faczon dse vignes aussi que ledit clousier poiera aussi auxdits preneurs 30 escuz ung tiers ou 2 chacun cent de foign pour ladite pr\u00e9sente ann\u00e9e prins audit pr\u00e9 par lesdits preneurs
\net est fait le pr\u00e9sent bail et prinse \u00e0 ferme pour en poyer par lesdits preneurs audit sieur bailleur par chacune desdites ann\u00e9es la somme de 258 escuz ung tiers d’escu \u00e9valuez \u00e0 la some de 775 livres tournois payable et rendable par lesdits preneurs \u00e0 leurs despens audit sieur bailleur en la ville de Chartres ou Nojent le Rotrou ou \u00e0 celuy que ledit sieur bailleur leur mandera par ses myseurs aux jours de Nouel et Penthecoste par moicti\u00e9 le premier poyement commenczant au jour et feste de Nouel prochainement venant et \u00e0 continuer etc
\net outre est accord\u00e9 que lesdits preneurs ne pourront empescher que le mestayer qui est \u00e0 pr\u00e9sent demeurant en ladite mestairie de la Sablonni\u00e8re ne desamcer cultiver labourer et ensepmancer et jouisse de certaine pi\u00e8ce de fresnaye d\u00e9pendant dudit lieu qu’il a encommenc\u00e9 \u00e0 desamcer et qu’il n’en enl\u00e8ve et applicque le boys \u00e0 son proufit fors que ledit preneur aura et prendra la moicti\u00e9 des fruictz qui proviendront en ladite pi\u00e8ce fournissant par eulx de moicti\u00e9 de sepmances
\nsans que lesdits preneurs puissent envoyer ledit mestaier de la Sablonni\u00e8re ne autres mestaiers et clousiers de la pr\u00e9sente ferme pour ceste ann\u00e9e seulement ains demeureront et prendront leur moicti\u00e9 des fruicts comme collons mestaiers et clousiers
\nbaillera ledit bailleur auxdits preneurs par chacun an deux chesnes pour leurs chauffage prins sur lesdits lieulx qui leur seront merquez par ledit sieur bailleur ou autre de par luy
\net pour le regard des bestiaulx dudit sieur \u00e0 pr\u00e9sent sur ledit lieu de la Sablonni\u00e8re qui luy ont est\u00e9 baill\u00e9s par la veufve feu Jehan Boyshineux cy devant fermier dudit lieu de la Sablonni\u00e8re revenant \u00e0 la somme de 16 escuz et d’aultant qu’il doibt audit sieur des bestiaux ung bouvart qu’il a laiss\u00e9 au mestaier dudit lieu apr\u00e9cy\u00e9 5 escuz icelle somme de 16 escuz et demy pour lesdits bestiaux lesdits preneurs sont tenuz luy payer au terme du poyement de ladite ferme
\nauxquelles choses susdites etc et icelles tenir et garantir etc dommages etc obligent etc mesmes lesdits preneurs eulx et chacun d’eulx seul et pour le tout sans division etc \u00e0 prendre etc renon\u00e7ant etc mesmes au b\u00e9n\u00e9fice de division etc et encores ladite femme au droit velleyen \u00e0 l’espitre divi adriani \u00e0 l’autentique si qua mulier et autres droits faitz et introduits en faveur dse femmes par lesquels femmes ne peuvent interc\u00e9der ne soy obliger pour aultruy mesmes pour son mary sans expressement renoncer \u00e0 icelulx que luy avons donn\u00e9 \u00e0 entrendre etc foy jugement et condemnation etc
\nfait et pass\u00e9 audit Angers en la maidon du Griffon en pr\u00e9sence de honnestes personnes Me Jehan Buron advocat Angers Pierre Leveau marchand demeurant audit Angers tesmoings
\n
\nCes vues ont la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie >partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"