{"id":22221,"date":"2011-08-27T04:34:37","date_gmt":"2011-08-27T02:34:37","guid":{"rendered":"http:\/\/www.odile-halbert.com\/wordpress\/?p=22221"},"modified":"2016-04-16T07:34:39","modified_gmt":"2016-04-16T05:34:39","slug":"une-curieuse-maniere-de-faire-sa-cour-secretement-temoignages-angers-1560","status":"publish","type":"post","link":"https:\/\/www.odile-halbert.com\/wordpress\/?p=22221","title":{"rendered":"Une curieuse mani\u00e8re de faire sa cour secr\u00e8tement : t\u00e9moignages, Angers 1530"},"content":{"rendered":"

les d\u00e9positions de t\u00e9moins sont rares dans les minutes des notaires d’Angers, voire m\u00eame tr\u00e8s rares et exceptionnelles. Or, ici, Huot en a conserve une \u00e0 laquelle il a particip\u00e9.
\nGuillaume Petit-Jouan aurait-il compromis Ren\u00e9e Guillou ? En tout cas, voici tr\u00e8s exactement les faits, et ils sont tr\u00e8s surprenants. La jeune fille n’avait vraiement aucune libert\u00e9, y compris de se mouvoir seule, m\u00eame pour aller au jardin, sans tomber dans un quelconque guet-apens voulant la marier. J’ai \u00e9t\u00e9 sinc\u00e8rement ahurie au fil de ma retranscription. Enfin, j’ai ajout\u00e9 en titre de paragraphe le nom de chaque t\u00e9moin apparaissant, afin de rendre cette page plus claire.<\/p>\n

Voici donc ce qu’on pourrait d\u00e9crire comme un v\u00e9ritable roman ! <\/p>\n

La langue Fran\u00e7aise de 1530 est vieillie, et vous allez m\u00eame voir le verbe ISSIR parfaitement conjug\u00e9 ici. La lecture est donc difficile, et pire, aucune ponctuation. Je me suis efforc\u00e9e de mettre au moins des virgules mais je n’ai pas \u00e9t\u00e9 au del\u00e0, et essayez donc de suivre le fil du discours au moins avec mes virgules pour reprendre votre souffle.<\/p>\n

Enfin, vous allez constater comme moi, qu’on n’a pas les d\u00e9clarations de 3 parties importantes, \u00e0 savoir Thomas Perdriau le curateur et cousin de Ren\u00e9e Guillou, Guillaume Petit-Jouan le gar\u00e7on qui recherche en mariage Ren\u00e9e Guillou, et Thibaude Noguette m\u00e8re du pr\u00e9c\u00e9dent. <\/p>\n

J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) :<\/em> <\/strong><\/font><\/center>
\nLe mardi 5 octobre 1530 (Jean Huot notaire Angers) Informacion et examen de tesmoing faicte \u00e0 Angers par nous Jehan Dubois sergent royal et Jehan Huot notaire royal Angers pour la partie et \u00e0 la requeste et sur les faictz \u00e0 nout d\u00e9clar\u00e9s par honneste personne Thomas Perdriau marchand demourant en ceste ville d\u2019Angers et monsieur le procureur du roy en Anjou \u00e0 l\u2019encontre de Guillaume Petit Jouen apothicaire demourant \u00e0 Angers, \u00e0 laquelle informacion faite et parfaite nous avons vacqu\u00e9 par les jours et en la mani\u00e8re qui s\u2019ensuit <\/p>\n
Laurent Delano\u00eb<\/strong><\/li>\n
Et premier le mardy 5 octobre 1530, honneste personne Laurens Delanoe marchand boullenger demourant pr\u00e8s le portal Sainct Aulbin d\u2019Angers \u00e2g\u00e9 de 23 ans ou environ, tesmoing \u00e0 nous produyt et par nous fait jur\u00e9 de dire et depposer v\u00e9rit\u00e9 pour la partye dudit Perdriau et de monsieur le procureur du roy en Anjou a l\u2019encontre dudit Guillaume Petit Jouan, dit et d\u00e9pouse par serment qu\u2019il a bien cognoissance dudit Thomas Perdriau par ce qu\u2019il est son parent et l\u2019un de ses proches voisins, aussi a bien cognoissance d\u2019une jeune fille qui est demourante avec ledit Perdriau laquelle l\u2019on appelle Ren\u00e9e Guillou qui luy semble estre \u00e2g\u00e9e de 13 ou 14 ans ou environ, de laquelle ledit Perdriau est curateur, dict oultre trois ou quatre mois sont comme luy semble autrement du temps n\u2019est recors, que l\u2019on voulloit faire le mariage desdits Petit Jouan et de ladite Ren\u00e9e Guillou mais touteffois ne fust jamais pr\u00e9sent qu\u2019il fust parl\u00e9 dudit mariage audit Perdriau, et le jour et feste de monsieur Sainct Laurens dernier pass\u00e9 ainsi qu\u2019il s\u2019en revenoit du port Lin\u00e9e en sa maison il trouva en sa maison lesdits Petit Jouan et ladite Ren\u00e9e qui parloient ensemblement et entre autres parolles ouy ledit d\u00e9ppousant que ledit Petit Jouan demandoit \u00e0 ladite Ren\u00e9e me voullez vous prandre \u00e0 mary et espoux et n\u2019en avoir pour d\u2019autre, \u00e0 quoy elle respondit ouy, et aussi luy rendre ledit Petit Jouan luy voulloir bailler bague qu\u2019il luy semble estre d\u2019or pour ce qu\u2019elle estoit jaulne, \u00e0 quoy ladite fille respondit qu\u2019elle ne la prendroit pour ce que son cousin Perdriau trouvoit qu\u2019il luy seroit meschevest<\/p>\n
meschever<\/strong> \u2013 1 : \u00e9chouer, d\u00e9choir \u2013 2 : \u00eatre malheureux (Greimas, Dict. de l\u2019ancien Fran\u00e7ais,<\/strong> le Moyen \u00e2ge, Laroisse, 1994)<\/p><\/blockquote>\n
et lors ladit Petit Jouon la luy mist au sain luy disant mectez la en votre coffre ou en faictes ce que vous vouldrez, et bien tost apr\u00e8s s\u2019en alla ladite fille en la maison dudit Perdriau, aussi s\u2019en alla ledit Petit Jouan, aussi nous a dit ledit d\u00e9possant que iceluy Petit Jouan en parlant \u00e0 ladite fille la baisa et s\u2019entre dirent plusieurs parolles qu\u2019il ne ouyt, et depuys a ouy dire ledit d\u00e9pposant audit Petit Jouan qu\u2019il auroit \u00e0 femme ladite Ren\u00e9e et qu\u2019ils luy souvinst desdites parolles pour en porter tesmoignage si mestier estoit, et nous a dict oultre ledit Laurens Delanoe que depuis ledit jour sainct Laurens il estait \u00e0 Briollay en la maison de Thibaulde Noguette m\u00e8re dudit Petit Jouan, il ouy dire \u00e0 ladite Thibaulde que ledit Perdriau luy avoit donn\u00e9 cong\u00e9 de mener ladite fille en quelque lieu pour la marier avec ledit Petit Jouan mais qu\u2019il n\u2019en seust aucune chose et que ce qui en avoit est\u00e9 fait avoit est\u00e9 par l\u2019autorit\u00e9 dudit Perdriau, et est ce qu\u2019il d\u00e9ppouse. <\/p>\n
Mathurine femme dudit Delano\u00eb<\/strong><\/li>\n
Mathurine femme dudit Delanoe, \u00e2g\u00e9e de 18 ans ou environ, fait jur\u00e9e de dire et d\u00e9pposer v\u00e9rit\u00e9 pour la partie et comme le pr\u00e9c\u00e9dent tesmoing, dict et d\u00e9pouse par son serment qu\u2019elle a bien cognoissance dudit Perdriau et qu\u2019il est curateur de ladite Ren\u00e9e qui est \u00e2g\u00e9e de 13 ou 14 ans ou environ, laquelle est demourante en la maison dudit Perdriau, et que peu paravant le jour et feste du monsieur St Laurens \u00e0 ung dymanche matin comme elle s\u2019en venoir de sa messe parochale elle trouva en sadite maison vers l\u2019entr\u00e9e d\u2019icelle ladite Ren\u00e9e Guillou qui soctoit de sadite maison et s\u2019en alloit en la maison dudit Perdriau et ne dict aucune chose \u00e0 ladite d\u00e9pposante sinon qu\u2019elle la salua et peu apr\u00e8s que icelle d\u00e9pposante fut arriv\u00e9e en sa maison descendirent lesdits Petit Jouan et sa m\u00e8re de la chambre haulte de icelle maison, lesquels sans soy arrester avec ladite d\u00e9pposante sans all\u00e8rent et yssirent hors de ladite maison, et depuis a ouy dire audit Petit Jouan que ladite Ren\u00e9e luy avoir promis d\u2019estre sa femme et a iceluy Petit Jouan pry\u00e9 et requis icelle d\u00e9ppausante de demander \u00e0 ladite Ren\u00e9e si elle voulloit qu\u2019il pourchassa plus aultre audit mariage, dict oultre icelle d\u00e9pposante que environ le jour sainct Berthelemy, elle estant en la maison de ladite Thibault Noguette m\u00e8re dudit Petit Jouan demourant \u00e0 Bryollay, elle dist \u00e0 ladite Noguette qu\u2019elle avoir bien besoign\u00e9 d\u2019avoir men\u00e9 ladite Ren\u00e9e Guillou en la maison de elle et que ledit Perdriau estoit pour ce mal content d\u2019elle et lors ladite Noguette respondit \u00e0 icelle d\u00e9pposante qu\u2019il vray estoit qu\u2019elle avoir men\u00e9e ladite Ren\u00e9e en la maison d\u2019elle d\u00e9ppousante et que ce qu\u2019elle en avoit fait faire avoir est\u00e9 par l\u2019autorit\u00e9 dudit Perdriau, et qu\u2019il luy avoir donn\u00e9 cong\u00e9 de mener ladite Ren\u00e9e pour faire ledit mariage l\u00e0 ou bon luy sembleroit pourveu qu\u2019il n\u2019en seust rien, et est ce qu\u2019elle d\u00e9ppose<\/p>\n
Guillaume Jousses, gar\u00e7on boulanger chez Delanoe<\/strong><\/li>\n
Guillaume Jousses boullenger serviteur et demourant en la maison dudit Delanoe tesmoing pr\u00e9c\u00e9dent, \u00e2g\u00e9 de 23 ans ou environ, tesmoing fait jur\u00e9 de dire et d\u00e9ppouser v\u00e9rit\u00e9 comme les pr\u00e9c\u00e9dants, dict et d\u00e9ppouse par son serment qu\u2019il a bien cognoissance desdits Perdriau Petit Jouan et de ladite Ren\u00e9e Guillou, par ce qu\u2019il est demourant pr\u00e8s la maison dudit Perdriau en laquelle demeure ladite Ren\u00e9e, et que ledit Petit Jouan souvent hantast et fr\u00e9quentast en la maison de sondit maistre par ce qu\u2019ils sont parens, et que depuis trois moys encza <\/p>\n
en\u00e7a, an\u00e7a, enssay – 1 : adverbe de temps : depuis \u2013 2 adverbe de lieu : en arri\u00e8re (Greimas, Dict. de l\u2019ancien Fran\u00e7ais, le Moyen \u00e2ge, Laroisse, 1994)<\/p>\n
ledit Petit Jouan est venu par deux divers jours en la maison dudit Delanoe son maistre, en laquelle n\u2019estoit lors sondit maistre, mais \u00e0 l\u2019une des fois estoit sa maitresse en l\u2019ouvrouer, \u00e0 chacune desquelles fois ledit Petit Jouan auroit pr\u00e9 et requi ledit deppousant aller en la maison dudit Perdriau dire \u00e0 ladite Ren\u00e9e qu\u2019elle vint parler audit Guillaume Petit Jouan en la maison dudit Delanoe, et lors qu\u2019il est all\u00e9 parler \u00e0 ladite Ren\u00e9e faire ledit message, ne voit aucunement ledit Perdriau ni sa femme, et aussi luy avoit ledit Petit Jouan deffendu ne parler \u00e0 ladite Ren\u00e9e en pr\u00e9sence dudit Perdriau ne de sadite femme, et que auparavant que luy envoyer en la maison dudit Perdriau luy demandant ledit Perit Jouan si ledit Perdriau estoit en sa maison, \u00e0 chacune desquelles fois ladite Ren\u00e9e seroit venue en ladite maison de sondit maistre parler audit Petit Jouan, en laquelle ils ont parl\u00e9 ensemblement par lesdites deux fois \u00e0 part ainsi qu\u2019ils ont voullu et que bon leur a sembl\u00e9, et \u00e0 la derni\u00e8re des dites deux fois, ouy ledit d\u00e9ppousant qu\u2019ils parl\u00e8rent entre eulx de mariage d\u2019eulx deux et entre autres paroilles dist ledit Petit Jouan \u00e0 ladite Ren\u00e9e que ledit Perdriau estoit bien mary, \u00e0 quoy ladite Ren\u00e9e respondit qu\u2019il estoit vray et que sondit cousin Perdriau l\u2019avoit bien tant\u00e9e, et que son cousin Chesneau pareillement, et ce fait ledit Petit Jouan luy demanda Ren\u00e9e que voullez vous dire, \u00e0 quoy elle respondit mon amy je ne sais que dire, vous en avez assez fait et n\u2019en faires plus car si mes parens ne le veullent et je le veulx ils ne scauroient m\u2019en avoir gard\u00e9e, et qu\u2019il ne s\u2019en souciast point, et nous a dict sur ce enquis qu\u2019il ne scavoit autre chose du fait du mariage desdits Petit Jouan et de ladite Ren\u00e9e, et est ce qu\u2019il d\u00e9ppouse <\/p>\n
Ren\u00e9e Guillou, la jeune fille recherch\u00e9e en mariage<\/strong><\/li>\n
Ren\u00e9e Guillou, \u00e2g\u00e9e de 14 ans ou environ, fait jur\u00e9e de dire v\u00e9rit\u00e9 nous a dict et d\u00e9pouss\u00e9 que trois ans sont ou environ qu\u2019elle est demeurante en la maison de Thomas Perdriau son curateur, en la maison duquel elle a veu depuis iceluy temps par plusieurs fois hanter et fr\u00e9quenter Thibaulde Noguette que ledit Perdriau appelloit son amie, aussy a veu aucunes fois ledit Guillaume Petit Jouan fils de ladite Thibaulde et que le jout et feste de monsieur sainct Sauveur pass\u00e9 ainsi qu\u2019elle allat au jardrin du prieur\u00e9 dudit saint Sauveur estant pr\u00e8s le portal sainct Aulbin de ceste dite ville d\u2019Angers lequel jardrin ledit Perdriau tient \u00e0 ferme, ladite Noguette estoit lors en la maison dudit Perdriau l\u2019a poursuivye et luy dist qu\u2019elle voulloit aller avec elle audit jardrin pour veoir les gorins et aller ensemble audit jardrin, et quand elles y furent arriv\u00e9es trouv\u00e8rent en iceluy une fille nomm\u00e9e Jehanneton qui gardait lesdits gorins, \u00e0 laquelle ladite Noguette dist allez cueullir des choux \u00e0 Ren\u00e9e ce que ladite Jehanneton fist et d\u00e9partie d\u2019avecques elles et lors ladite Noguette dist \u00e0 ladite Ren\u00e9e ay envie de parler ung peu \u00e0 vous Ren\u00e9e, \u00e0 quoy ladite Ren\u00e9e respondit que est que vous me voullez dire, et lors ladite Noguette dit \u00e0 ladite Ren\u00e9e que ledit Perdriau luy avoit dit qu\u2019il vouldroit qu\u2019elle fust mari\u00e9e avec ledit Guillaume son fils mais que Guillaume Chesneau l\u2019un de ses parents ne le voulloit pas et la voulloit vendre <\/p>\n
je vous assure qu\u2019il est bien \u00e9crit \u00ab voulloit vendre \u00bb<\/p>\n
et que au regard dudit Perdriau il voulloit que ledit mariage fust fait sans luy appeler afin que les parens de ladite Ren\u00e9e ne peussent dire qu\u2019il l\u2019avoit fait sans eulx, et aussi qu\u2019il leur dit qu\u2019elle l\u2019avoit fait sansluy appeler et qu\u2019il vouldroit qu\u2019il fust ya faict sans luy affin qu\u2019il peust facilement jurer qu\u2019il n\u2019en avoir rien seu, et qu\u2019il luy avoit dit oultre qu\u2019elle la menast en la maison de Ren\u00e9 Furet faignant la mener \u00e0 la messe et qu\u2019elle les fist effiancer elle et sondit fils, \u00e0 quoy ladite Ren\u00e9e auroit dit et r\u00e9pondu que ledit Perdriau ne luy en avoit aucunement parl\u00e9 et qu\u2019elle ne feroit rien sans luy, et lors ladite Noguette jura et affirma \u00e0 ladite Ren\u00e9e que ledit Perdriau luy avoit donn\u00e9 charge de ce faire sans luy en parler, et auroit fort persuad\u00e9e ladite Ren\u00e9e \u00e0 soy y accorder luy disant que ledit Guillaume estoit fort bon fils et qu\u2019il avoit 9 quartiers de vigne en Briollay et la moiti\u00e9 d\u2019une mestairye qui valloit 1 000 livres et que apr\u00e8s la mort d\u2019elle il auroit encore 1 000 livres et a fait s\u2019en rendre ladite Noguette et elle qui parle en la maison dudit Perdriau en laquelle ladite Noguette souppa et coucha avec ladite Ren\u00e9e, et en elles couchant reit\u00e9ra lesdites parolles et propos davant \u00e0 ladite Ren\u00e9e, la persuadant entendre et faire ledit mariage, ce que derechef elle en vient de parler audit Perdriau qui luy avoit dict qu\u2019elle le fist et qu\u2019il n\u2019en seust rien, et le lendemain dudit sainct Sauveur qui estoit ung jour de dimanche ladite Noguette alla \u00e0 la messe et mena avec elle ladite Ren\u00e9e, \u00e0 laquelle elle dist qu\u2019elle avoit encores parl\u00e9 audit Perdriau qui luy avoit dict qu\u2019il n\u2019estoit point besoign qu\u2019elle n\u2019eust ladite Ren\u00e9e \u00e0 la maison dudit Furet mais que la menast en la maison de Laurens Delanoe et que c\u00e9ans la fist accorder mariage \u00e0 sondit fils, et que ledit Perdriau n\u2019en voulloit rien scavoir ainsi que dessus, \u00e0 laquelle ladite Ren\u00e9e respondit qu\u2019elle ne voulloit riens faire sans ledit Perdriau son cousin, et apr\u00e8s la messe ouye, s\u2019en revinrent en la maidon lesdits Noguette et Ren\u00e9e en la maison dudit Perdriau, et peu apr\u00e8s qu\u2019elles y furent arriv\u00e9es ladite Noguette fist signe \u00e0 ladite Ren\u00e9e que allast parler \u00e0 elle et luy dit qu\u2019elle allast avec elle en la maison dudit Laurens Delanoe, ce que ladite Ren\u00e9e fist, et en icelle maison trouv\u00e8rent ledit Guillaume Petit Jouan, Ren\u00e9 Delanoe, Pierre Tenault et Cl\u00e9mens Delanoe estant au bas d\u2019icelle maison, lesquels Guillaume Cl\u00e9mens Ren\u00e9 et Tenault mont\u00e8rent incontinent en la chambre haulte de ladite maison et laiss\u00e8rent au bas ladite Noguette et elle qui parle, laquelle Noguette apr\u00e8s monta en ladite chambre et avec elle fist monter ladite Ren\u00e9e et eulx estant en icelle chambre ledit Guillaume Petit Jouan prit ladite Ren\u00e9e par la main et luy demanda venez cza Ren\u00e9e, voullez vous estre ma femme, \u00e0 quoy elle respondit ouy si mes parents le veullent, et lors ledit Guillaume luy dit vos parents ne le veullent pas, et elle luy respondit il me suffist mais que mon cousin Perdriau le veulle, et lors ledit Guillaume baisa priant \u00e0 mariage elle qui parle, auquel elle dist se estoit faut et reffaut <\/p>\n
refaudre, faudre <\/strong>: falloir, manquer (Greimas, Dict. de l\u2019ancien Fran\u00e7ais, le Moyen \u00e2ge,<\/em> Laroisse, 1994)<\/p><\/blockquote>\n
et que ledit Perdriau ne le voulleust qu\u2019elle n\u2019en tiendroit aucune chose, \u00e0 quoy lesdits Noguette et Guillaume son fils respondirent non par ma foy les premi\u00e8res parolles en sont venues de luy et a fait se despartirent et l\u2019apr\u00e8s disner dudit jourladite Noguette parla secretement \u00e0 ladite Ren\u00e9e \u00e0 laquelle elle qui parle demanda si elle avoit dit audit Perdriau son couson ce qu\u2019elle avoit fait, \u00e0 laquelle ladite Noguette respondit que non et qu\u2019elle ne luy voulloit dire et dist \u00e0 ladite Ren\u00e9e que si ledit Perdriau luy en parloit qu\u2019elle l\u2019auroit fait pourveu qu\u2019il le voullust et suyvant les parolles qu\u2019on luy avoir rapport\u00e9es qu\u2019il avoit pour ce dictes et depuis ledit jour sainct Sauveur ung serviteur dudit Laurens Delanoe nomm\u00e9 Guillaume a dict secretement \u00e0 ladite qui parle qu\u2019estant en la maison dudit Perdriau que ledit Guillaume Petit Jouan estant en la maison dudit Delanoe luy prioit qu\u2019elle allast parler \u00e0 luy en la maison d\u2019iceluy Delanoe qu\u2019elle ne voullus pas, jusques au jour et feste de monsieur sainct Laurens derni\u00e8re que apr\u00e8s que ledit Guillaume serviteur dudit Delanoe luy vinst par plusieurs fois dire que le femme dudit Delanoe sa ma\u00eetresse luy prioit qu\u2019elle allast \u00e0 elle pour veoir des marchans de linge qu\u2019elle avoit fait faire pour scavoir s\u2019ils estoient aussi bien faictz que ceulx de ladite Ren\u00e9e, au moyen de quoy apr\u00e8s ce que ledit Guillaume fut all\u00e9 plusieurs fois vers elle l\u2019a secretement pri\u00e9e de aller en ladite maison, elle y allat, et en l\u2019ouvrouer d\u2019icelle trouv\u00e9 ladite femme dudit Delanoe, \u00e0 laquelle elle qui parle demanda que est-ce que vous voullez ou sont bon marchans, laquelle femme dudit Delanoe luy respondit ils sont \u00e0 bas, allez y, je viens apr\u00e8s vous, laquelle Ren\u00e9e soy doubtans que ledit Guillaume y fust dist \u00e0 la femme dudit Delanoe qu\u2019elle ne yroit pour aultre si elle ne alloit avec elle, et ce fait ensemblement all\u00e8rent et descendirent en ladite maison en laquelle elles trouv\u00e8rent ledit Guillaume Petit Jouan qui dist \u00e0 ladite Ren\u00e9e faisons en autant comme \u00e0 l\u2019aultre fois, \u00e0 quoy elle qui parle dist et respondit que non feroit, et que sondit cousin Perdriau l\u2019avoit tout plain tanc\u00e9e laissez moi autre si mon cousin me demande il me tancera, et ledit Guillaume luy respondit la tenant par la main attendez encores ung peu et la sollicita plusieurs fois luy dire si elle ne voulloit pas estre sa femme, et sur ces parolles ledit Laurens Delanoe et sadite femme dirent \u00e0 elle qui parle \u00e0 quoy bons soucyez vous mes que votre cousin le veulle faictes hardament nous scavons bien qu\u2019il le veult bien, et au moyen de ce dist elle qui parle, ouy j\u2019en suis donc contente, et sur ce ledit Guillaume luy bailla une petite bague d\u2019or qui luy dist qu\u2019il la luy donnoit et soy efforcza la luy mectre au doy par plusieurs fois ce qu\u2019elle ne voulloit au moyen de quoy l\u2019a luy mist en son saq et luy dist qu\u2019elle la gardast et en fist ce qu\u2019elle vouldroit et incontinent s\u2019en alla de ladite maison dudit Delanoe elle qui parle et en icelle lassa ledit Petit Jouan <\/p>\n
Jeanne Barbetorte femme de Maurille Lemoulnier<\/strong><\/li>\n
Jehanne Barbetorte femme de Maurille Lemoulnier mercier demourant \u00e0 Angers, \u00e2g\u00e9e de 22 ans ou environ, fait jur\u00e9 de dire et d\u00e9ppouser v\u00e9rit\u00e9, dit et d\u00e9ppouse par son serment avoir bonne cognoissance desdits Perdriau et Ren\u00e9 Guillou Thibaulde Noguette et dudit Guillaume Petit Jouan son fils et que ledit Perdriau est curateur de ladite Ren\u00e9e et qu pour tel est tenu cens\u00e9 et r\u00e9put\u00e9e en la maison duquel Perdriau icelle d\u00e9pposante a veu hanter et fr\u00e9quenter par plusieurs fois ladite Noguette que ledit Perdriau appelloit sa m\u00e8re, et que le jour monsieur sainct Saulveur elle vit ladite Ren\u00e9e sortir de la maison dudit Perdriau qui disoit aller qu\u00e9rir des choux au jardin du prieur dudit St Saulveur que ledit Perdriau tient \u00e0 ferme, et lors our que ladite Noguette dist \u00e0 ladite Ren\u00e9e qu\u2019elle voulloit aller avec elle audit jardrin pour veus (sans doute pour \u00ab voir \u00bb) les petits gorins ou pourceaulx dudit Perdriau et depuis a veu par plusieurs fois Guillaume serviteur de Laurens Delanoe venir \u00e0 la maison dudit Perdriau parler \u00e0 ladite Ren\u00e9e et luy estoit constant qu\u2019elle a est\u00e9 \u00e0 la maison dudit Delanoe et qu\u2019on la demandoit sans dire et fors qu\u2019il disoit \u00e0 icelle Ren\u00e9e vous savez bien qui s\u2019est qui vous demande, laquelle Ren\u00e9e disoit \u00e0 ladite d\u00e9pposante que c\u2019estoit ledit Guillaume Petit Jouan et qu\u2019elle ne n\u2019avoit pas de peine que ledit Perdriau en fust mary, aussi dict ladite d\u00e9pposante que depuis ledit temps elle a par plusieurs fois trouv\u00e9 en allant \u00e0 ses affaires ledit Petit Jouan qui luy a pry\u00e9 le recommander \u00e0 ladite Ren\u00e9e et luy dire de par luy qu\u2019elle tienne bon et qu\u2019il ne se soucyait mais qu\u2019elle tint bon que tout ne se passat bien, et que si le mariage de luy et de ladite Ren\u00e9e s\u2019acheverait, ce que icelle d\u00e9pposante dit avoir d\u00e8s lors dit \u00e0 ladite Ren\u00e9e, et oultre dit ladite d\u00e9pposante avoir ouy dire \u00e0 ladite Ren\u00e9e que ladite Noguette l\u2019avoir men\u00e9e en la maison dudit Delanoe et que en icelle elle avoit trouv\u00e9 ledit Guillaume Petit Jouan qui luy auroit parl\u00e9 de mariage d\u2019eulx deux, aussi dit icelle d\u00e9pposante avoir ouy dire audit Petit Jouan que ladite Ren\u00e9e estoit sa femme et qu\u2019il n\u2019en auroit jamais d\u2019autre luy devant couster tout son bien, et est ce qu\u2019elle d\u00e9ppouse.<\/p>\n
Maurille Lemoulnier<\/strong><\/li>\n
Maurille Lemoulnier mercier demourant \u00e0 Angers, \u00e2g\u00e9 de 22 ans ou environ, fait pareillement jur\u00e9 de dire et d\u00e9pouser v\u00e9rit\u00e9 comme les pr\u00e9c\u00e9dents, dit et d\u00e9pouse par son serment que ung mois ou environ ledit Guillaume Petit Jouan s\u2019est plusieurs fois adress\u00e9 \u00e0 luy estant \u00e0 son ouvrouer de la maison dudit Perdriau et l\u2019a pry\u00e9 entrer en la maison dudit Perdriau et dire secrettement et au desceu <\/p>\n
\nje lis \u00ab au desceu \u00bb et n\u2019ai pas trouv\u00e9 dans les dictionnaires anciens, mais je comprends que ceci signifie \u00ab sans que ledit Perdriau le sache \u00bb <\/em><\/ol>\n
dudit Perdriau \u00e0 ladite Ren\u00e9e qu\u2019elle vint parler \u00e0 luy, ce que iceluy d\u00e9pposant a faict par aucunes d\u2019autres fois et les a faict parler ensemble le jour suivant, aussi dit iceluy d\u00e9pposant avoir ouy dire audit Petit Jouan que ladite Ren\u00e9e luy avoir promis en mariage et l\u2019a pry\u00e9 luy estre aydant \u00e0 l\u2019avoir \u00e0 femme et que cela pouvoit faire qu\u2019il vauldroit et le refeoux auroit de ses peines et davantaige a icelle et est ce qu\u2019il d\u00e9ppouse.<\/p>\n
Jean Mauchevalier<\/strong><\/li>\n
Jehan Mauchevalier \u00e2g\u00e9 de 18 ans ou environ serviteur dudit Thomas Perdriau fait jur\u00e9 de dire et d\u00e9pposer ses v\u00e9rit\u00e9s dict et deppouse par son serment que ung mois environ passant par devant l\u2019ouvrou\u00e8re au boutique dudit Guillaume Petit Jouan iceluy Guillaume l\u2019appela et luy demanda si Ren\u00e9e estoit en la maison dudit Perdriau ce qu\u2019elle y faisoit et prya iceluy d\u00e9possant le recommander \u00e0 elle et luy dict qu\u2019il auroit grand envye de parler \u00e0 elle, et qu\u2019il se trouveroit rentrant en la maison dudit Laurens Delanoe et que en icelle il entendoit qu\u2019elle allast en ladite maison parler \u00e0 luy et iceluy Guillaume pry\u00e9 ledit depposant de rendre ce qu\u2019il luy disoit lui dit que ladite Ren\u00e9e savoit bien que s\u2019estoit qu\u2019il luy voulloit dire lequel d\u00e9pposant retourna en la maison dudit Perdriau son maistre dit \u00e0 ladite Ren\u00e9e ce que ledit Petit Jouan luy auroit dit, laquelle Ren\u00e9e luy respondit qu\u2019elle ne yroit parler \u00e0 luy et qu\u2019elle ne avoir pas loisir craignant ledit Perdriau son cousin, aussi dit audit d\u00e9pposant avoir par deux autres fois veu ung nomm\u00e9 Guillaume serviteur dudit Delanoe en la cuysine dudit Perdriau son maistre qui parloit secrettement avec ladite Ren\u00e9e ne savoit ledit depposant ce qu\u2019il luy disoit fors qu\u2019elle a ouu dire ladite Ren\u00e9e que s\u2019estoit ledit Guillaume Petit Jouan qui l\u2019avoit envoy\u00e9 querir, dit oultre ledit depposant que ung nomm\u00e9 Jehan serviteur dudit Delanoe est venu par quelques en la maison dudit Perdriau parler \u00e0 ladite Ren\u00e9e et luy disoit que ledit Guillaume luy mandoit qu\u2019elle allast parler \u00e0 luy en la maison dudit Delanoe, qu\u2019est ce qu\u2019il d\u00e9ppouse. <\/p>\n
$\"\"$ $\"\"$ Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"
les d\u00e9positions de t\u00e9moins sont rares dans les minutes des notaires d’Angers, voire m\u00eame tr\u00e8s rares et exceptionnelles. Or, ici, Huot en a conserve une \u00e0 laquelle il a particip\u00e9. Guillaume Petit-Jouan aurait-il compromis Ren\u00e9e Guillou ? En tout cas, voici tr\u00e8s exactement les faits, et ils sont tr\u00e8s surprenants. La jeune fille n’avait vraiement … <\/p>\n
Continuer la lecture de « Une curieuse mani\u00e8re de faire sa cour secr\u00e8tement : t\u00e9moignages, Angers 1530 »<\/span><\/a><\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2868],"tags":[208,821,1309,2013,1399,3208,3209],"class_list":["post-22221","post","type-post","status-publish","format-standard","hentry","category-sommationsseparations-etc","tag-apothicaire","tag-briollay","tag-delanoe","tag-guillou","tag-noguette","tag-perdriau","tag-petit-jouan"],"_links":{"self":[{"href":"https:\/\/www.odile-halbert.com\/wordpress\/index.php?rest_route=\/wp\/v2\/posts\/22221","targetHints":{"allow":["GET"]}}],"collection":[{"href":"https:\/\/www.odile-halbert.com\/wordpress\/index.php?rest_route=\/wp\/v2\/posts"}],"about":[{"href":"https:\/\/www.odile-halbert.com\/wordpress\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.odile-halbert.com\/wordpress\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.odile-halbert.com\/wordpress\/index.php?rest_route=%2Fwp%2Fv2%2Fcomments&post=22221"}],"version-history":[{"count":5,"href":"https:\/\/www.odile-halbert.com\/wordpress\/index.php?rest_route=\/wp\/v2\/posts\/22221\/revisions"}],"predecessor-version":[{"id":29021,"href":"https:\/\/www.odile-halbert.com\/wordpress\/index.php?rest_route=\/wp\/v2\/posts\/22221\/revisions\/29021"}],"wp:attachment":[{"href":"https:\/\/www.odile-halbert.com\/wordpress\/index.php?rest_route=%2Fwp%2Fv2%2Fmedia&parent=22221"}],"wp:term":[{"taxonomy":"category","embeddable":true,"href":"https:\/\/www.odile-halbert.com\/wordpress\/index.php?rest_route=%2Fwp%2Fv2%2Fcategories&post=22221"},{"taxonomy":"post_tag","embeddable":true,"href":"https:\/\/www.odile-halbert.com\/wordpress\/index.php?rest_route=%2Fwp%2Fv2%2Ftags&post=22221"}],"curies":[{"name":"wp","href":"https:\/\/api.w.org\/{rel}","templated":true}]}}