\nLe 12 mai 1535 en la cour du roi notre sire \u00e0 Angers par devant nous (Oudin notaire royal Angers) endroit personnellement estably chacun de noble homme S\u00e9bastien d\u2019Avoynes seigneur de la Jaille demourant en la paroisse de No\u00ebllet, tant en son nom priv\u00e9 que comme tuteur ou curateur ordonn\u00e9 par justice de Perrine Barbier fille de deffunts Guillaume Barbier et Jehanne Lepeletier ses p\u00e8re et m\u00e8re, et comme ayant plein pouvoir et autorit\u00e9 par justice de vendre ali\u00e9ner et transporter \u00e0 tous jours mais par h\u00e9ritaige la moyti\u00e9 des choses cy apr\u00e8s d\u00e9clar\u00e9es, honnestes personnes Nycollas Fayau chastelain de Seg\u00e9, demourant audit lieu, tant en son nom priv\u00e9 que comme tuteur naturel de tous ses enfants myneurs d\u2019ans et de deffunte Loyse Lepeletier sa seconde femme, Gilles Fayau sergent royal demeurant \u00e0 Angers, fils aisn\u00e9, et Jehan Fayau chappelain en l\u2019\u00e9glise d\u2019Angers aussi leur fils, majeurs, tous h\u00e9ritiers de feu maistre Ren\u00e9 Lepeletier en son vivant demourant au bourg de Vieilbaug\u00e9 <\/strong>en cest evesch\u00e9 d\u2019Angers,
\nsoubzmectant respectivement esdits noms, eulx et chacun d\u2019eulx seul et pour le tout sans division de partie ne de biens eulx leurs hoirs et ayant cause, et aussi ledit d\u2019Avoynes comme tuteur ou curateur, avecques les biens de sadite tutelle ou curatelle pr\u00e9sents et advenir etc confessent de leurs bons gr\u00e9s sans aucun pourforcement mais pour ce que tr\u00e8s bien leur plaist, avoir ce jour d\u2019huy vendu quict\u00e9 c\u00e9d\u00e9 d\u00e9laiss\u00e9 et transport\u00e9 et encores vendent quictent c\u00e8ddent d\u00e9laissent et transportent par h\u00e9ritaige
\n\u00e0 honneste homme Martin Deschamps marchand demourant audit bourg de Vieilbaug\u00e9 qui a achapt\u00e9 et achapte pour luy et en son priv\u00e9 nom pour une moiti\u00e9 en l\u2019autre moiti\u00e9 ou nom et comme tuteur naturel de ses enfants et de deffunte Jehanne Goussault sa premi\u00e8re femme leurs hoirs et ayans cause
\nc\u2019est \u00e0 scavoir le lieu domayne mestairie appartenances et d\u00e9pendances vulgairement appel\u00e9e la Boullerne tant en maisons granges taiteries herreaulx vergers, terres labourables et non labourables, vignes, pr\u00e9s, pastures, boys marmanaulx, haulte fustaille que taillis, hayes arbres charg\u00e9s et non charg\u00e9s, cens, rentes charges et debvoirs tant en deniers bl\u00e9s poules et chappons garannes et droictz d\u2019icelle, et enti\u00e8rement et avec les droictz f\u00e9odaulx et seigneurieux tant le ville et paroisse monsieur saonct Laurens de Baug\u00e9 que dudit Vieilbaug\u00e9, et tout ainsi que le soulloit epecieca et exploitoit ledit feu maistre Ren\u00e9 Lepeletier en son temps et vivant et dont il en mouroist seigneur et vestu et saisit lesdits vendeurs es noms et qualit\u00e9s que dessus apr\u00e8s sa mort,
\net g\u00e9n\u00e9ralement lesdits vendeurs ont vendu et vendent audit achapteur tout et tel droict nom raison action part et portion que iceulx vendeurs appartiennent, tant en leurs dits noms que \u00e8s qualit\u00e9s que dessus dudit lieu appartenances et d\u00e9pendances de la Boullerne esdites paroisses de sainct Laurens de Baug\u00e9 et Vieilbaug\u00e9, sans aucune chose en retenir ne r\u00e9server pour eulx leurs hoirs et par quelque mani\u00e8re que ce soit tant en fief que autrement, sauf les ustancilles de mesnaige estant \u00e8s maison et le bestail estant esdits lieux et au lieu du Petit Manson en Boc\u00e9 par cy davant baill\u00e9s \u00e0 Me Jehan Sauvaige
\ntenues aux debvoirs f\u00e9odaulx et seigneuriaulx que ledit achapteur tant en son nom priv\u00e9 que en la qualit\u00e9 susdite, sera tenu payer par chacun an pour l\u2019advenir pour toutes charges et debvoirs sans plus en faire m\u00e9moire
\ntransport\u00e9 etc et est faite ceste pr\u00e9sente vendition transport pour le prix et somme de 950 livres tz de laquelle somme ledit achapteur a solv\u00e9 pay\u00e9 et baill\u00e9 manuellement contant auxdits vendeurs qui l\u2019ont eu pris et receu en pr\u00e9sence et \u00e0 veue de nous la somme de 702 livres 16 sols un denier tz en or et monnaye \u00e0 pr\u00e9sent ayant cours
\ndont et chacun d\u2019eulx se sont tenus par devant nous content\u00e9 et bien pay\u00e9 et en ont quict\u00e9 et quictent iceluy achapteur ses hoirs et le reste de ladite somme de 950 livres montant la somme de 247 livres 3 sols 6 deniers iceluy achapteur en son priv\u00e9 nom a promis et demeure tenu poyer auxdits vendeurs dedans la Toussaint prochainement venant en ceste ville d\u2019Angers \u00e0 ses despens en la maison de honorable homme maistre Jehan Goussault licenci\u00e9 \u00e8s loix
\net a ledit d\u2019Avoines tuteur susdit baill\u00e9 audit achapteur la turelle ou curatelle de ladite Jehanne Barbier, ensemble ladite permission de vendre ladite moyti\u00e9 desdites choses
\net ont promis lesdits vendeurs bailleur audit achapteur avant que faire ledit dernier poyement pr\u00e9allablement toutes et chacunes les lettres contracts tiltres et enseignements que lesdits vendeurs ont ou peuvent avoir concernant lesdites choses dessus vendues sans en r\u00e9server le tout \u00e0 peine de tous despens pertes dommages et int\u00e9rests \u00e0 applicquer sur la partie d\u00e9ffaillante par la partie ob\u00e9issante en cas de deffault ces pr\u00e9sentes n\u00e9anmoins etc
\naussi a promis ledit Nicollas Fayau faire lier et obliger \u00e0 ceste pr\u00e9sente vendition et faire avoir agr\u00e9able \u00e0 tous dits enfants absens et mineurs eulx et chacun d\u2019eulx venuz \u00e0 leur majorit\u00e9 et en baill\u00e9e \u00e0 ses despens audit achapteur ratiffication ou ratiffications vallables en la maison dudit Goussault en ceste dite ville \u00e0 peine de tous despends \u00e0 applicquer audit achapteur sur ledit Nicollas Fayau en cas de deffault n\u00e9anmoins ces pr\u00e9sentes demeourant en leur force et vertu
\net est faite ceste vendition o r\u00e9servation expresse faite par lesdits vendeurs que ledit achapteur laissera jouyr Me Jehan Sauvaige de la moiti\u00e9 de la penterne ? et des garannes dudit lieu de la Boullerne, des ass\u00e9es \u00e0 cougnins, du jourd\u2019huy jusques \u00e0 5 ans, et tiendra ledit Sauvaige la baill\u00e9e par cy davant faite des vignes dudit lieu de la Boullerne savoir est que ledit Sauvaige aura pour le tout pour ceste ann\u00e9e les fruits d\u2019icelles vignes et les autres ann\u00e9es apr\u00e8s ensuivant la moyti\u00e9 dont et de tout ce lesdits parties sont venuz \u00e0 ung et d\u2019accord,
\n\u00e0 laquelle vendition et tout ce que dessus est dict tenir etc garantir etc lesdits vendeurs chacun d\u2019euls seul et pour le tout sans division de partie ne de biens etc oblige lesdits vendeurs eulx et chacun d\u2019eulx seul et pour le tout sans division de partie ne de biens etc
\nfait et pass\u00e9 \u00e0 Angers en pr\u00e9sence de Loys Lebreton notaire demeurant \u00e0 Corn\u00e9
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir. <\/em><\/p>\n
c’est fou que S\u00e9bastien d’Avoine se retrouve m\u00e9l\u00e9 \u00e0 une vente \u00e0 Vieil-Baug\u00e9, car il demeure au ch\u00e2teau de la Jaille \u00e0 No\u00ebllet, non loin de celui du Bois-Bernier des Pelaud. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E5 \u2013 Voici sa retranscription (voir ci-contre propri\u00e9t\u00e9 intellectuelle) : Le 12 mai 1535 … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"