\nLe 13 juin 1544, (Huot notaire Angers) comme proc\u00e8s fussent meuz et pendans tant en la cour de parlement \u00e0 Paris entre honneste personne Guyon Menard marchand demourant \u00e0 Craon \u00e8s noms et qualit\u00e9s qu\u2019il proc\u00e9doit d\u2019une part et honneste personne Jehan Touillon chastelain de Monseurs mary de Mac\u00e9e Lebreton d\u00e9ffendeurs d\u2019auter part touchant la somme de 55 livres tz que ledit Menard dit estre deue par ledit Touillon \u00e0 deffunct Ren\u00e9 Martyneau en son vivant marchand demourant \u00e0 Angers p\u00e8re de la femme dudit Menard, lequel Menard avoit de ladite somme les droictz et actions des autres enfants et h\u00e9ritiers dudit deffunct Martyneau et aussi de deffuncte Marguerite Lebreton en son vivant femme d\u2019iceluy Martineau et s\u0153ur de ladite femme dudit Touillon laquelle a est\u00e9 h\u00e9riti\u00e8re d\u2019icelle deffuncte Lebreton qui estoit oblig\u00e9e au garantaige de ladite somme,
\npour avoir payement de laquelle somme ledit Menard avoit faict proc\u00e9der par execution sur ledit Touillon et ses biens
\ncontre laquelle ex\u00e9cution iceluy Touillon avoit donn\u00e9 caution et n\u00e9anmoins autrement ses pleges et cautions estre emprisonn\u00e9s et les achapteurs de ses biens sur ladite ex\u00e9cution auroient les parties est\u00e9 apoint\u00e9es en cour demandoit ledit Menard lesdits 55 livres avec tous les despens et int\u00e9rests qu\u2019il disoit se monter \u00e0 grosses sommes de deniers
\nlequel Touillon disoit qu\u2019il ne debvoit rien de ladite somme et combien que Martyneau en eust obligation ou condemnation touteffois il auroit pay\u00e9 icelle somme et en auroit eu quictance de feu Marin Boullard premier mary de ladite feue Marguerite Lebreton, laquelle quictance il avoir baill\u00e9e audit Martyneau comme apparessoit par sa c\u00e9dulle
\nlaquelle quictance ledit Menard comme h\u00e9ritier dudit Martyneau \u00e0 cause de sa dite femme estoit tenu luy rendre
\ndisoit aussi que combien que ledit Menard par les moyens dessus dits eust tort touteffoiz il auroit comme dessus fait emprisonner l\u2019achapteur des biens dudit Touillon qui en demandait des int\u00e9rests contre ledit Touillon, que ledit Menard les debvoit tous porter et payer ensemble ceux desdits proc\u00e8s
\net davantaige que pour cartains deffaults et delays ledit Menard avoit est\u00e9 vers luy condempn\u00e9 en la somme de 8 livres 8 sols de despens sur laquelle somme il avoir seulement receu 20 sols et luy estoit deu le reste et tous lesdits despens et int\u00e9restz de tous lesdits proc\u00e8s et int\u00e9rests
\nlequel Menard protestoit au contraire et disoit que ledit Touillon ne pouvait faire argument de ladite pr\u00e9tendue quictance dont il disoit avior c\u00e9dulle, parce que telle pr\u00e9tendue quictance pr\u00e9c\u00e9doit la date dont est question de bien long temps et encores qu\u2019elle n\u2019estoit de pareille somme, et quant \u00e0 ladite cedulle qu\u2019il avoit dudit Martyneau que ledit Menard n\u2019estoit seul h\u00e9ritier d\u2019iceluy Martyneau et que s\u2019il pensoit avoir pour ce regard quelques actions contre luy qu\u2019il le fist condemner et il y deffendroit quant \u00e0 luy
\net sur ce estoient les parties en grandes involution de proc\u00e8s diff\u00e9rens et instanses \u00e0 quoy ils ont vouluobvyer par accord avec le conseil d\u2019aulcuns leurs conseils
\npour ce est il que en la cour du roy notre sire \u00e0 Angers endroit personnellement establyz honneste homme maistre Jehan Menard licenci\u00e9 \u00e8s loix advocat \u00e0 Angers au nom et comme procureur stipulant et soy faisant fort dudit Guyon Menard son fr\u00e8re auquel il a promis faire avoir cs pr\u00e9sentes agr\u00e9ables dedans ung moys prochainement venant \u00e0 la peine de tous int\u00e9rests d\u2019une part
\net ledit Touillon paroisien de Monseurs au dioc\u00e8se du Mans d\u2019autre part
\nsoubzmectans lesdits establis esdits noms respectivement eulx leurs hoirs etc ou pouvoir etc confessent avoir aujourd\u2019huy pour nourrir paix et proc\u00e8s \u00e9viter entre les parties transig\u00e9 pacifi\u00e9 et apoint\u00e9 et encores transigent etc et sur tous les diff\u00e9rens circonstances et d\u00e9pendances selon le bon plaisir de la cour en la mani\u00e8re qui s\u2019ensuit
\nc\u2019est \u00e0 savoir que ledit Me Jehan Menard audit nom a baill\u00e9 solv\u00e9 et pay\u00e9 content audit Touillon qui a prins et receu la somme de 63 livres tz et oultre l\u2019a quict\u00e9 du principal desdites 55 livres dont Guyon Menard esdits noms faisoit question despens dommages et int\u00e9rests et de ce qui en deppend ou pourroit despendre en quelque sorte que se soit
\net au moyen de ce ledit Touillon a d\u00e9laiss\u00e9 et d\u00e9laisse audit Menard audit nom le droit et action qu\u2019il avoit contre les h\u00e9ritiers dudit deffunct Martyneau touchant ladite cedulle portant promesse faite par ledit Martyneau de rendre audit Touillon la quictance dudit Martin Boullard pour en faire par ledit Menard poursuyte contre ses autres h\u00e9ritiers ainsi qu\u2019il verra estre \u00e0 faire sans ce que ledit Touillon soit tenu en aucun garantaige pour raison de ladite cession fors de son fait, laquelle c\u00e9dulle il a rendue audit Menard
\nensemble l\u2019ex\u00e9cution desdits despens et a promis rendre \u00e0 iceluy Menard les autres actes desdits proc\u00e8s ensemble ratiffication de ces pr\u00e9sentes de sadite femme et de Guillaume Provost qui estoit achapteur des biens dudit Touillon
\net ledit Touillon a promis et promet bailler lettres vallables et autenticques audit maistre Jehan Menard et audit Guyon Menard dedans 2 mois prochainement venant et faire obliger \u00e0 tout ce que dessus sadite femme et ledit Provost \u00e0 lapeine de 10 escuz sol de peine du jourd\u2019uy d\u00e9clar\u00e9e commise et stipul\u00e9e par les parties en cas de deffault ces pr\u00e9sentes etc
\net oultre a ledit Touillon quict\u00e9 et quicte ledit Guyon Menard de ladite somme de 7 lvires 8 sols desdits despens ensemble de toute ladite ex\u00e9cution sur luy faite prinse de biens proc\u00e8s et proc\u00e9dures despens dommages et int\u00e9rests qui en pouroient estre intervenus en quelque lieu cour et juridiction que ce soit et tant en ladite cour de parlement \u00e0 Paris au Mans que ailleurs, et promis acquiter vers et contre tous et mesmes envers ledit Prodhomme (sic, ici \u00e9crit ainsi) achapteur de sesdits biens prins par ex\u00e9cution ses hoirs etc
\ntous lesquels proc\u00e8s et diff\u00e9rens demeurent nulz et assoupis entre toutes les parties pour ledit bien de paix et amour nourrir entre elles et les parties quictes l\u2019une vers l\u2019autre
\n\u00e0 laquelle transaction et choses dessus dites tenir etc et aux dommages obligent lesdites parties esdits noms etc renon\u00e7ant etc foy jugement et condemnation
\npr\u00e9sents ac ce maistre Jehan Avril licenci\u00e9 \u00e8s loix et Georges Avril marchand demourant (effac\u00e9) tesmoings
\nfait et pass\u00e9 audit Angers
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.
\n<\/em><\/p>\n
et la transaction est faite par son fr\u00e8re, Jean Menard, demeurant \u00e0 Angers et licenci\u00e9 \u00e8s loix. L’acte nous donne ce lien important entre Craon et Angers. Touillon demeure \u00e0 Montsurs, mais merci de v\u00e9rifier le nom actuel de ce lieu, dans le Maine. Enfin, pour la morale de l’affaire en question, le demandeur doit … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"