\nLe 30 octobre 1523 en notre cour \u00e0 Angers (Nicolas notaire Angers) personnellement establiz Yvon Deloumeau marchand armeurier demourant en la rue sainct Aulbin de ceste ville d\u2019Angers paroisse de Sainct Michel de la Palluz de ceste dite ville d\u2019une part,
\net Jacques ernys fils de deffunct Guillaume Ernys et de Claudine sa femme ledit Guillaume Ernys en son vivant marchand armeurier demourant en ladite paroisse de st Michel de la Palluz d\u2019autre part
\nsoubzcmectans lesdites parties eulx leurs hoirs etc confessent avoir aujourd\u2019huy faict les march\u00e9s pactions et conventions telz et en la mani\u00e8re qui s\u2019ensuit c\u2019est \u00e0 savoir que ledit Yvon a prins et prent ledit Jacques Ernys pour estre et demourer avecques luy le temps d\u2019un an et demy commen\u00e7ant \u00e0 ceste feste de Toussaints prochainement venant jusques \u00e0 ung an et demy apr\u00e8s ensuivant et suivant l\u2019un l\u2019autre sans intervalle de temps
\npendant lequel temps d\u2019un an et demy ledit Yvon sera tenu nourrir coucher et lever ledit Jacques et luy monstrer son mestier de armeurier au mieulx qu\u2019il pourra
\net ledit Jacques a promis et par ces pr\u00e9sentes promet servir bien et loyaulment ledit Yvon sonmaistre ledit temps d\u2019un an et demy audit mestier d\u2019armeurier et en toutes autres choses licites et honnestes, et faire toutes choses que ung bon serviteur et apprentiz doibt faire
\net pour ce faire par ledit Yvon honneste femme Claudine veufve dudit feu Guillaume Ernys sa m\u00e8re a promis et par ces pr\u00e9sentes promet paier et bailler audit Yvon la somme de 15 livres tournois paiables aux termes qu\u2019ils s\u2019ensuivent c\u2019est \u00e0 savoir dedans le premier jour de may prochainement venant la somme de 100 solz tournois et pareille somme de 100 solz tournois dedans le premier jour de novembre que nous dirons 1524, et le reste desdites 15 livres tz dedans la fin dudit temps d\u2019apprentissage
\net sera tenu en oultre ladite Claudine entretenir son dit fils de tous abillemens \u00e0 luy n\u00e9cessaires ledit temps durant dudit apprentissage
\net a plevy et caucionn\u00e9 ladite Claudine son fils de toute loyault\u00e9
\nauxquelles choses pactions et conventions et tout ce que dessus est dit tenir etc et aux dommages l\u2019un de l\u2019autre amendes etc obligent lesdites parties l\u2019une vers l\u2019autre etc mesmes ledit Jacques son corps \u00e0 tenir prison et houstaige en la chartes (pour \u00ab chastel \u00bb<\/em>) d\u2019Angers et aillerus etc et les biens et choses dudit Jacques exploitans et vendans etc renon\u00e7ant etc foy jugement et condemnation etc
\npr\u00e9sents ad ce Michau Rouen espronnier et Gervaise Brillet maistre cordonnier demourans en ladiet paroisse de St Michel de la Palus d\u2019Angers tesmoings
\nfait et donn\u00e9 \u00e0 Angers en la maison dudit Yvon les jour et an susdits
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
le jeune apprenti a perdu son p\u00e8re, aussi armurier, et vous allez d\u00e9couvrir qu’il sait joliement signer. Par contre la formation n’est pas tr\u00e8s longue, \u00e0 moins qu’il ait d\u00e9j\u00e0 commenc\u00e9 \u00e0 apprendre du temps d son p\u00e8re. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"