\nLe 3 mai 1519 en notre cour \u00e0 Angers (Huot notaire Angers) personnellement estably Franczoys Charlot marchand demourant en la paroisse de la Trinit\u00e9 d\u2019Angers soubzmictant etc confesse les choses cy apr\u00e8s d\u00e9clar\u00e9es estre vrayes et que sa pri\u00e8r et requeste et pour son fait noble homme Marin Delorme sieur de Froidefons pr\u00e8s Ch\u00e2teau-Gontier maistre Loys Delorme pr\u00eatre cur\u00e9 de Sainct Maurice d\u2019Angers et Guyon Faulcquereau escuyer sieur de la Colleterie en la paroisse de saint Jehan des Marais se sont ce jour d\u2019huy li\u00e9s et oblig\u00e9s en sa compagnie et ung chacun d\u2019eulx seul et pour le tout sans division de parties ne de biens envers les chanoines et chapitre de saint Maimbeuf d\u2019Angers en la somme de 12 livers 7 sols tournois d\u2019annuelle et perp\u00e9tuelle rente que ledit estably et lesdits Delorme et Fauquereau vendirent assemblement et ung chacun d\u2019eulx seul et pour le tout sans division de parties ne de biens auxidit du chapitre de saint Maimbeuf d\u2019Angers par ypothecque universel pour la somme de 205 livres 10 sols tz ainsi qu\u2019il appert par le contrat de vendition sur ce fait et pass\u00e9
\net combien qu\u2019il soit dit par ledit contrat de vention que ladite somme de 205 livres 10 sols tz ait pas\u00e9 par les mains desdits Delorme et Fauquereau comme par les mains dudit Franczoys Charlot, ce n\u00e9anmoins lesdits Delorme et Fauquereau n\u2019en ont rien retenu ne soit tourn\u00e9s aulcuns d\u2019iceulx deniers \u00e0 leur prouffilt et utilit\u00e9 mais sont tous demour\u00e9s \u00e8s mains dudit Charlot qui icelle somme a eue prinse et receue, dont il s\u2019en est tenu par davant nous \u00e0 content et en a quict\u00e9 et quicte lesdits du chapitre lesdits Delorme et Faucquereau
\net partant ledit Franczoys Charlot a promis et par ces pr\u00e9sentes promet rendre et paier servir et continuer icelle rente auxdits du chapitre de saint Maimbeuf aux jours et termes contenus en la cr\u00e9ation d\u2019icelle rente et en faire quicte ledit Fauquereau et lesdits Delorme leurs hoirs etc
\net oultre a promis et promet iceluy Charlot aqcuiter garantir et descharger ledit Fauquereau et lesdits Delorme leurs hoirs etc tant du principal de ladite rente que des arr\u00e9raiges qui en pourroient estre deus avecques ce les mectre hors dudit contrat et admortir icelle rente et les en rendre quictes et indempnes leurs hoirs etc toutefois et quant il plaira audit Fauquereau et auxdits Delorme ou aians cause \u00e0 la peine de tous int\u00e9ress ces pr\u00e9sentes n\u00e9anmoins demourant en leur force et vertu
\nauquelles choses dessus dites tenir et accomplir etc et aux dommages etc oblige ledit Franczoys Charlot soy ses hoirs etc \u00e0 prendre vendre etc renon\u00e7ant etc foy jugement et condempnation etc
\npr\u00e9sents ad ce maistre Gilles Chaumont pr\u00eatre et Charles Huot clerc demourant \u00e0 Angers et Mathurin Chalumeau de Loygne tesmoings
\nfait \u00e0 Angers en la rue Saint Jean Baptiste les jour et an susdits <\/p>\n
il a eu 3 cautions, et je pense que lorsqu’il y plus de 2 cautions c’est une pratique du pr\u00eateur, ici un chapitre, et jai remarqu\u00e9 que les chapitres d’Angers \u00e9taient de gros pr\u00eateurs, mais aussi tr\u00e8s exigeants sur les clauses de pr\u00eat ou rente. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"