\nLe 11 d\u00e9cembre 1531 (Jean Huot notaire Angers) Maistre Pierre Bouju praticien en cour laye demourant en ceste ville d\u2019Angers, \u00e2g\u00e9 de 26 ans ou environ, tesmoing produit par nous fait jurer de dire et d\u00e9pouser v\u00e9rit\u00e9 pour la partie et \u00e0 la requeste dudit de la Pelonnye \u00e0 l\u2019encontre dudit Jehan Tronchot
\ndict et d\u00e9pouse par son serment qu\u2019il a bonne congnoissance desdits de la Pelonnye et Tronchot par ce que par plusieurs fois il les a veus fr\u00e9quent\u00e9 beu et mang\u00e9 en leur compaignie et que le 29 juin l\u2019an dernier pass\u00e9, jour de feste de saint Pierre et saint Paul, il veud et fut pr\u00e9sent que ledit de la Pelonnye fist commandement de par le roy notre sire \u00e0 ung nomm\u00e9 Jacques Durant qu\u2019il tourna et appr\u00e9handa \u00e0 l\u2019entr\u00e9e des forsbourgs de Br\u00e9cign\u00e9 lez le portal Sainct Aulbin de ceste ville d\u2019Angers de poyer et bailler \u00e0 Martin Erreau recepveur particulier des traites et impositions foraines d\u2019Anjou du trespas de Loire et fait des marcand au baillage de Chalonnes ou \u00e0 luy comme ex\u00e9cutieur de justice la somme de 29 livres et par vertu d\u2019une sentence par constumace obtenue par devant messieurs les juges desdites traites par ledit Erreau \u00e0 l\u2019encontre dudit Durant par laquelle sentence ledit Durant estoit condampn\u00e9 poyer icelle somme et contraignable \u00e0 ce faire comme pour les propres deniers et affaires du roy notre sire, lequel Durant fut reffusant de ce faire au moyen de quoy et en vertu de ladite sentence ledit de la Pelonnye constitua ledit Durant prisonnier du roy notre sire et le print et saisit au corps et iceluy mena comme prisonnier depuis ladite entr\u00e9e dudit bourg de Br\u00e9cign\u00e9 jusques en la maison et houstellerye o\u00f9 pend pour enseigne l\u2019escu de France situ\u00e9e et assise en la rue st Aulbin de ceste ville \u00e0 la requeste dudit Durant et par ce qu\u2019il disoit estre log\u00e9 en ladite maison et que en icelle il luy bailleroit caution de la personne de Jehan Tronchot qui en feroit son propre fait debte comme pour les propres deniers et affaires du roy notre sire par ce que iceluy Durant disoit n\u2019avoir lors argent content pour poyer ladite somme, que lors qu\u2019ils furent arriv\u00e9s en ladite maison de l\u2019escu de France arriva en icelle ledit Tronchot et maistre Nicolas de Sautras Pierre Cotin et autres plusieurs, en la pr\u00e9sence desquels ledit de la Pelonnye fist derechef commandement audit Durant tel que dessus et luy fist oultre lecture de ladite sentence dessus mentionn\u00e9e, apr\u00e8s lesquels commandements dessusdits fait par ledit de la Pelonnye audit Durant en pr\u00e9sence dudit Tronchot iceulx Durant et Tronchot et chacun d\u2019eulx seul et pour le tout se constitu\u00e8rent lors d\u00e9positaires de justice et ledit Tronchot achacteur des biens dudit Durant et icelle dite somme promettant poyer et bailler audit Erreau ou audit sergent comme ex\u00e9cuteur de justice dedans 15 jours prochainement venant,
\net oultre dict ledit Bouju que lesdits Durant et Tronchot promirent paier audit Erreau ou audit sergent comme d\u00e9positaire de justice la somme de deniers \u00e0 quoy se pourroient monter la taxe de mod\u00e9ration des despens en quoy ledit Durant estoit condemn\u00e9 par ladite sentence par mesdits sieurs les juges desdites traites,
\ndit oultre que ledit de la Pelonnye sergent susdit intima ledit Durant o intimation contenue en ladite sentence pour voir taxer par mesdits sieurs les juges desdites traites les despens mentionn\u00e9s en ladite sentence au jour du lendemain en huit prochain ensuivant,
\ndict pareillement que \u00e0 ladite heure et en ladite maison ledit Durant promist audit Tronchot l\u2019acquiter dedans ledit terme de 15 jours vers ledit Erreau receveur susdits et promist iceluy Durant porter les dommaiges et int\u00e9rests que ledit Tronchot pourroit avoir et soustenir par deffault de paier ladite somme et lesdits despens tels qu\u2019ils seroient tax\u00e9s par mesdits sieurs les juges desdites traites,
\naussi pareillement depuis avoir veu ledit Tronchot il qui d\u00e9ppose parler audit Erreau receveur susdit qu\u2019il luy pleust pour ladite somme et pour lesdits despens prendre rente ou hypothecqe par ce qu\u2019il disoit n\u2019avoir argent pour le poier mais disoit iceluy Tronchot qu\u2019il luy constityeroit telle rente qu\u2019il en seroit content en luy donnant gr\u00e2ce de la retirer,
\net dict il qui deppose oui dire il que a ledit Erreau et le fist venir en ceste ville d\u2019Angers pour faire et parleroient lesdits Tronchot et Erreau de ladite rente et fut convenu que ledit Erreau se trouveroit \u00e0 l\u2019apr\u00e8s diner du jour en la maison dudit Tronchot et all\u00e8rent iceluy d\u00e9pposant et Erreau en la maison dudit Tronchot lequel ils trouv\u00e8rent disnant en sadite maison pour en debvoir passer contrat, mais parce que ledit Tronchot disnoit s\u2019en retourn\u00e8rent
\net depuis demandoit il qui deppose audit Ereau qu\u2019il avoit fait avec ledit Tronchot, lequel Erreau r\u00e9pondit qu\u2019il avoit trouv\u00e9 par conseil qu\u2019il ne debvoir poinct prendre de rente dudit Tronchot et qu\u2019il qu\u2019il estoit requis qu\u2019il se fist poyer
\ndict oultre il qui deppose que puis deux mois encza ledit Tronchot luy a voulu bailler 7 angelots que ce qu\u2019il pouvoit debvoir audit Erreau en pr\u00e9sence d\u2019ung nomm\u00e9 Claude Surger et de la femme dudit Tronchot ce que ledit Bouju ne voulut recepvoir par ce qu\u2019il les luy vouloit bailler \u00e0 plus hault prix qu\u2019ils ne valoient, aussi luy a pri\u00e9 iceluy Tronchot mesmes \u00e0 ladite heure qu\u2019il luy voulut bailler lesdits angelots que s\u2019il oyoit print dudit Durant qu\u2019il ne voulust adresser et qu\u2019il le satisferoit bien et qu\u2019il vouldroit qu\u2019il luy eust cout\u00e9 100 escuz et le tenir tant pour ceste affaire que pour le sieur de Mollac et qu\u2019il avoir prins 5 escuz \u00e0 ung (un mot incompris) pour le luy faire prendre <\/p>\n
- \nje n\u2019ai rien compris \u00e0 ce paragraphe, mais je suppose que Bouju, le d\u00e9posant, \u00e9tait sans doute le secr\u00e9taire du receveur ou son commis, et que Tronchot a tent\u00e9 un paiement curieux <\/em><\/ol>\n
aussi dict il qui deppose qu\u2019il a veu et est\u00e9 pr\u00e9sent que ledit de la Pelonnye a fait commandement audit Tronchot de poier ladiet somme de 19 livres 7 sols 6 deniers tz et que lors Tronchot respondoit audit de la Pelonnye que on luy avoit donn\u00e9 terme de poier jusques \u00e0 ce que le contr\u00f4leur de Verrie fust de retour de la cour o\u00f9 il estoit all\u00e9,
\ndavantaige et au regard dudit de la Pelonnye qu\u2019il est sergent royal en la pr\u00e9vost\u00e9 d\u2019Angers homme de bien bien fam\u00e9 et renomm\u00e9 de toutes gens qui de luy ont congoissance et qu\u2019il n\u2019a point seu ne ouy dire qu\u2019il ait fait ne commis aucun vil cas digne de blasme ou r\u00e9pr\u00e9hensible soit en son offic ou ailleurs
\net est ce qu\u2019il deppose <\/p>\n
Ledit jour maistre Jehan Coreau demourant \u00e0 Angers, \u00e2g\u00e9 de 20 ans ou environ, tesmoing produit et par nous fait jurer de dire et depposer v\u00e9rit\u00e9 pour la partie \u00e0 la requeste dudit de la Pelonnye \u00e0 l\u2019encontre dudit Jehan Tronchot
\ndict et deppouse par son serment qu\u2019il a bonne congnoissance desdits de la Pelonnye et Tronchot parce que par plusieurs fois il les a veuz fr\u00e9quent\u00e9 beu et mang\u00e9 en leur compaignie,
\net que le 29 juing jour et feste de sainct Pierre et sainct Paul dernier pass\u00e9 il vit et fut pr\u00e9sent que ledit de la Pelonnye fist commandement de par le roy notre sire \u00e0 un nomm\u00e9 Jacques Durant qu\u2019il trouva et appr\u00e9henda \u00e0 l\u2019entr\u00e9e des faulxbourgs de Br\u00e9cign\u00e9 lez le portal sainct Aulbin de ceste ville d\u2019Angers de poier et bailler \u00e0 Martin Erreau recepveur particulier des traites et impositions foraines d\u2019Anjou trespas de Loire et fait des marchands au baillage de Chalonnes ou luy comme ex\u00e9cuteur de justice la somme de 29 livres 12 sols 6 deniers tz pour les causes contenues et par vertu d\u2019une sentence par constumace obtenue par devant messieurs les juges desdites traites par ledit Erreau \u00e0 l\u2019encontre dudit Durant par laquelle sentence ledit Durant estoit condamn\u00e9 poier icelle dite somme et conraignable \u00e0 ce faire comme pour les propres deniers et affaires du roy notre sire, lequel Durant fut refusant de faire, au moyen de quoy et en vertu de ladite sentence ledit de la Pelonnye constitu\u00e9 ledit Durant prisonnier du roy notre sire et le print et saisit au corps et iceluy mena comme prisonnier depuis ladite enr\u00e9e dudit bourg de Br\u00e9cign\u00e9 jusques en la maison et houstellerie ou pend pour enseigne l\u2019escu de France situ\u00e9e et assise en la rue sainct Aulbin de ceste dite ville \u00e0 la requeste dudit Durant et par ce qu\u2019il disoit estre log\u00e9 en ladite maison que en iceluy lieu il luy bailleroit caution de la personne de Jehan Tronchot qui en feroit son propre fait et debte comme pour les propres deniers et affaires du roy notre sire par ce que iceluy Durant disoit n\u2019avoir lors argent content pour poier ladite somme
\net que lorsqu\u2019ils furent arriv\u00e9s en ladite maison de l\u2019escu de Franc arriva en icelle ledit Tronchot et y estoient sire Nicolas de Sautras Pierre Cottin et autres plusieurs, en la pr\u00e9sence desquels ledit de la Pelonnye fist derechef commendement audit Durant tel que dessus et luy fit oultre lecture de ladite sentence dessus mentionn\u00e9e
\napr\u00e8s lesquels commandements dessus dit faits par ledit de la Pelonnye audit Durant en pr\u00e9sence dudit Tronchot et iceulx et Tronchot et chacun d\u2019eulx seul et pour le tout se constitu\u00e8rent lors d\u00e9pposidaires de justice et ledit Tronchot achacteur des biens dudit Durant et icelle somme promirent paier et bailler audit Erreau ou audit sergent comme ex\u00e9cuteur de justice dedans quinze jours prochainement venant,
\net oultre dit ledit Erreau <\/p>\n
- \nla premi\u00e8re fois que le nom de ce t\u00e9moin est \u00e9crit on lit \u00ab Coreau \u00bb, et cette fois le nom pr\u00eate \u00e0 confusion avec celui du receveur<\/em><\/ol>\n
que lesdits Durant et Tronchot promirent paier audit Erreau ou audit sergent comme d\u00e9positaire de justice la somme de deniers \u00e0 quoy se pourroient monter la taxe et mod\u00e9ration des despens en quoy ledit Durant estoit condampn\u00e9 par ladite sentence par mesdits sieurs les juges desdites traites pareillement audit jour de quinzaint
\ndict oultre que ledit de la Pelonnye sergent susdit inthima ledit Durant o intimation contenue en ladite sentence pour veoir taxer par msedits sieur les juges desdites traites les despens mentionn\u00e9s en ladite sentence au jour du lendemain en 8 jours prochains ensuivant
\ndict pareillement que ladite heure et en ladite maison ledit Durant promit audit Tronchot l\u2019acquiter dedans ledit terme de 15 jours vers ledt Erreau receveur susdit et promist iceluy durant porter les dommaiges et int\u00e9rests que ldit Tronchot pourroit avoir et soustenir par deffault de poier ladite somme et lesdits despens tels qu\u2019ils seroient tax\u00e9s par mesdits sieurs les juges desdites traites
\ndict oultre il qui deppose que puis deux mois encza ledit Tronchot luy a voulu bailler la somme de 24 livres tz par une fois et par une autre fois la somme de 19 livres 12 sols 6 deniers et en est la somme pour laquelle lesdits Durant et Tronchot se port\u00e8rent d\u00e9ppositaires de justice moyennant qu ledit depposant luy fist tenir quicte desdits despens ce que iceluy depposant ne sondit maitre n\u2019auroient voullu faire, rendre ladite sentence par laquelle ledit Durant estoit condampn\u00e9 comme dessus est dit ensemble tous les autres exploits faits audit proc\u00e8s et que il ne fust tenu payer les despens ce que ledit depposant ne voullut faire ne accorder
\ndict oultre il qui deppose que ledit Tronchot est all\u00e9 par plusieurs fois en la maison de son maitre o\u00f9 il est de pr\u00e9sent demourant pour luy bailler ledit argent et que le (ici l\u2019acte est abim\u00e9 et surcharg\u00e9, il manque donc quelques mots) \u00e0 sondit ma\u00eetre pour le bailler audit Erreau receveur susdit et qu\u2019il le tint quicte desdits despens ce que iceluy sondit ma\u00eetre ne voullut
\naussy luy avoit iceluy Tronchot mesmes voullu faire \u00e0 ladite heure qu\u2019il luy voullut bailler argent que s\u2019il oyoit poinct nouvelles dudit Durant qu\u2019il luy veuillist adresser et qu\u2019il le satisferoit bien et qu\u2019il vouldroit qu\u2019il luy eust coust\u00e9 100 escuz et le tenir
\naussi dict il qui deppose qu\u2019il a veu et est\u00e9 pr\u00e9sent que ledit de la Pelonnye a fait commandement audit Tronchot de poier ladite somme de 29 lvires 12 sols 6 deniers tz et que lors Tronchot respondit audit de la Pelonnye que on luy avoir donn\u00e9 terme de poyer jusques \u00e0 ce que le contr\u00f4leur de Verle ? fust de retour de la cour o\u00f9 il estoit all\u00e9
\ndavantaige que au retard dudit de la Pelonnye qu\u2019il est sergent royal en la pr\u00e9vost\u00e9 d\u2019Angers homme de bien, bien fam\u00e9 et renomm\u00e9 de toutes gens qui de luy ont congnoisance et qu\u2019il n\u2019a point seu ne ouy dire qu\u2019il ayt fait ne commis aucun vil cas digne de blasme ou r\u00e9pr\u00e9hension soit en son office ou aileurs,
\ndavantaige dit ledit d\u00e9pposant que depuis ledit temps de deux mois il alla avec ledit Tronchot et Me Pierre Bouju en la maison de maistre Jehan Dolbeau advocat \u00e0 Aners o\u00f9 ils trouv\u00e8rent ledit Dolbeau auquel Dolbeau iceluy Tronchot dit tels mots ou semblables
\nmon cousin ne me bactez pas car jay arriere faict le sol<\/strong><\/p>\n
![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"