\nLe 25 avril 1519 (Huot notaire Angers) En la cour royale d\u2019Angers en droit par davant nous personnellement establyz chacuns de
\nsire Jacques Cochon marchand demourant \u00e0 La Rochelle, h\u00e9ritier pour une tierce partie de feu v\u00e9n\u00e9rable et discret maistre Thybault Cochon en son vivant sieur des Aulbiers et chanoyne de l\u2019\u00e9glise coll\u00e9giale de monsieur sainct Pierre d\u2019Angers,
\nJehan Cochon marchand demourant la Pelerine pr\u00e8s Rill\u00e9 en Anjou, Jehan Juyn marchand demourant \u00e0 Baulg\u00e9 mary de Marguerite Cochon, s\u0153ur dudit Jehan Cochon absente, Ren\u00e9e Lespicier veufve de feu Symon Decherigne, iceluy Jehan Cochon tant en son nom que au nom et pour maistre Loys Lespicier, Petit Jehan Lespicier, Maury Lespicier et Hardouyne Lespicier et Jehanne Lespicier femme de Henry Laurens, enfants de feu Guillaume Lespicier et soy faisant fort d\u2019eulx et de chacun d\u2019eulx auxquels ledit Jehan Cohon a promys doibt et est tenu faire avoir agr\u00e9able tout le contenu en ces pr\u00e9sentes dedans ung an prochainement venant \u00e0 la peine de tous int\u00e9rests et dommages ces pr\u00e9sentes n\u00e9anmoins demourans en leur force et vertu, iceulx Jehan Cochon, Jehan Juyn \u00e0 cause de sa femme, h\u00e9ritiers chacun pour une neuvi\u00e8me partie et portion dudit feu maistre Thybault Cochon, et tous lesdits Lespiciers h\u00e9ritiers ensemblement pour une neuvi\u00e8me partie et portion dudit feu Me Thybault Cochon
\nv\u00e9n\u00e9rale et discret maistre Jehan Hellouyn pr\u00eatre cur\u00e9 de Bouzill\u00e9 et chanoyne de l\u2019\u00e9glise coll\u00e9giale de monsieur sainct Maimbeuf d\u2019Angers, tuteur donn\u00e9 par justice \u00e0 Ysabeau Lepeletier mineure d\u2019Angers et soy faisant fort d\u2019elle et pour maistre Ren\u00e9 Lepeletier demourant au Vieil Baug\u00e9, maistre Estienne Lepeletier demourant \u00e0 Sabl\u00e9, et Jehan Dutertre et Perrine Lepeletier sa femme, s\u0153ur dudit Estienne et d\u2019icelle Ysabeau, lesdits Ysabeau, Estienne et Perrine h\u00e9ritiers pour une autre neuvi\u00e8me partie et portion dudit feu maistre Thibault Cochon et ledit maistre Ren\u00e9 Lepeltier aussi h\u00e9ritier pour une neuvi\u00e8me partie d\u2019iceluy Me Thibault Cochon, et prometant iceluy Hellouyn faire avoir agr\u00e9able le contenu en ces pr\u00e9sentes aux dessus dits mentionn\u00e9s dont il se fait fort dedans ung an prochainement venant \u00e0 la peine de tous int\u00e9rests n\u00e9anmoins ces pr\u00e9sentes demourans en leur force et vertu
\nsoubzmectans respectivement et pour lesdites portions eulx leurs hoirs etc confessent avoir vendu et octroy\u00e9 quit\u00e9 c\u00e9dd\u00e9 d\u00e9laiss\u00e9 et transport\u00e9 et encores etc vendent octroyent quictent c\u00e8ddent d\u00e9laissent et transportent perp\u00e9tuellement etc chacun d\u2019eulx pour lesdites portions
\n\u00e0 v\u00e9n\u00e9rable et discret maistre Guillaume Cou\u00e9 licenci\u00e9 \u00e8s loix chanoyne en l\u2019\u00e9glise coll\u00e9giale et royale de monsieur sainct Lau pr\u00e8s Angers et cur\u00e9 de Cuon, qui a achapt\u00e9 pour luy ses hoirs etc
\ndeux corps de maison en ung tenant, une petite cour entre deux, en laquelle y a ung puiz, compos\u00e9s de galleries, caves, et autres choses ainsi que les deux corps de maison se poursuyvent et comportent et tout ainsi et par la forme et mani\u00e8re que ledit feu maistre Thybault Cochon les tenoit poss\u00e9doit et exploitoit et les faisoit tenir poss\u00e9der et exploiter durant son vivant, joignant d\u2019un coust\u00e9 lesdites choses vendues la maison de la veufve feu Jehan Molinet gaynier une petite rue entre deux, d\u2019autre coust\u00e9 et aboutant d\u2019un bout \u00e0 la maison feu sieur Jacques Lecamus et \u00e0 pr\u00e9sent appartenant ses h\u00e9ritiers ou aucun d\u2019eulx, et d\u2019autre bout davant au pav\u00e9 de la rue Baudri\u00e8re de ceste ville d\u2019Angers,
\ntenues lesdites choses vendues des seigneurs des fyez de qui elles sont tenues aux debvoirs et charges anciennes dues et accoustum\u00e9es pour toutes charges et debvoirs quelconques
\ntransportant etc et est faicte ceste pr\u00e9sente vendition et transport pour le prix et somme de 266 livres 13 sols 4 deniers tournois poy\u00e9e compt\u00e9e et nombr\u00e9e par ledit achapteur en notre pr\u00e9sence et \u00e0 veue de nous auxdits vendeurs et \u00e0 chacun d\u2019eulx qui icelle somme ont eue prinse et receue en esp\u00e8cse et en la mani\u00e8re qui cy apr\u00e8s s\u2019ensuyt
\nc\u2019est \u00e0 savoir audit Jacques Cochon la somme de 100 lvires tournois en or et monnoye ayant cours faisant et revenant au parfait de ladite somme de 100 livres tournois
\nledit Jehan Cochon esdits noms, Jehan Juyn et ladite veufve de Chevign\u00e9 pareille somme de 100 livres en 50 escuz soleil d\u2019or bons et de poids de laquelle somme de 200 livres iceulx Jacques et Jehan Cochon, Juyn, et veufve et chacun d\u2019eulx respectivement se sont tenus \u00e0 contens et bien poy\u00e9s et en ont quit\u00e9 et quictent ledit achapteur ses hoirs etc
\net pour tant que touche le reste de ladite somme montant 66 livres 13 sols 4 deniers ledit achapteur a promys doibt est tenu et oblig\u00e9 par ces pr\u00e9senes la rendre et poyer audit Hellouyn esdits noms dedans la sainct Martin prochainement venant
\net \u00e0 tout ce a est\u00e9 pr\u00e9sent ledit Amaury Lespicier, lequel en tant que luy touche a consenty ladite vendition et contenu en ces pr\u00e9sentes
\n\u00e0 laquelle vendition et choses dessus dites tenir et accomplir etc et lesdites choses vendues garantir par lesdits vendeurs et chacun d\u2019eulx esdits noms respectivement audit achapteur ses hoirs etc et aux dommages dudit achapteur amendes etc et aussi ledit achapteur \u00e0 payer audit Hellouyn esdits noms ladite somme de 66 livres 13 sols 4 deniers tz etc obligent lesdits vendeurs et chacun d\u2019eulx respectivement eulx leurs hoirs etc renon\u00e7ant etc foy jugement et condemnation etc
\net ont lesdits vendeurs et chacun d\u2019eulx esleu leur domicile en la maison de honorable homme et saige maistre Jacques Burontortier licenci\u00e9 \u00e8s loix sieur de la Babinni\u00e8re sise en ceste ville d\u2019Angers o\u00f9 il est demourant, et au cas proc\u00e8s et debat soy esmouvoir pour raison desdites choses vendues vouly et consenty audit cas que tous les adjournements et exploits qui en seront faits et baill\u00e9s vallent sortent leur effet et soient de tel effet et valeur comme si faits et baill\u00e9s estoient \u00e0 la personne desdits veneurs et de chacun d\u2019eulx
\naussi ont lesdits vendeurs et chacun d\u2019eulx prorog\u00e9 juridiction par davant monsieur le s\u00e9neschal d\u2019Anjou ou son lieutenant \u00e0 Angers conservateur des privil\u00e8ges royaux de l\u2019universit\u00e9 dudit lieu voulu et consenty et convenu comme pardavant leur juge comp\u00e9tent et tel l\u2019ont accept\u00e9 et esleu
\nfait \u00e0 Angers en pr\u00e9sence de honorable homme et saige maistre Jehan Ogier licenci\u00e9 \u00e8s loix sieur de la Claverie Pierre Arembert demourant \u00e0 Angers tesmoings
\nfait \u00e0 Angers en la maison dudit achacteur les jour et an susdits
\ndit et accord\u00e9 entre les parties que si ledit maistre Jehan Hellouyn et Jehan Cochon ne pouroient fournir de ratiffication de ceulx dont ils se sont fait forts et n\u2019auroient agr\u00e9able icelle vendition, en iceluy cas lesdits Hellouyn et Jehan Cochon seront et demeureront quictes de leurs dites charges de ratiffication en rendant les deniers audit maistre Guillaume Cou\u00e9, \u00e0 quoy se pourroient monster leurs dites portions qu\u2019ils ont et auront receuz
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir. <\/em><\/p>\n
Nous avons ces jours ci successivement 2 actes concernant la succession de ce chanoine, dont les Lepelletier, et en voici encore d’autres. Il est vrai qu’ils \u00e9taient fort nombreux dans cette succession colat\u00e9rale. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) : Le 25 … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"