\nLe 6 mars 1551 (avant P\u00e2ques qui \u00e9tait le 17 avril 1552, donc le 6 mars 1552), en la cour du roy notre sire \u00e0 Angers par devant nous (Marc Toublanc notaire royal \u00e0 Angers) personnellement establys honnestes personnes Pierre et Mand\u00e9 les Morceaulx demeurant en la paroisse de Nouellet ayans les droits et actions de Thibault Baugeard h\u00e9ritier en partye en ligne maternelle de deffunt messire Mathurin Boullay pr\u00eatre en son vivant vicaire dudit Nouellet d\u2019une part
\net Jehan Chevalier sergent royal demeurant au bourg de Challain d\u2019aultre part
\nsoubzmectans lesdites partyes respectivement elles leurs hoirs etc confessent avoir fait et par ces pr\u00e9sentes font les pactions et conventions qui s\u2019ensuyvent c\u2019est \u00e0 scavoir que lesdits les Morceaulx ont quict\u00e9 cedd\u00e9 d\u00e9laiss\u00e9 et transport\u00e9 et par ces pr\u00e9sentes quictent c\u00e8ddent d\u00e9laissent et transportent d\u00e8s maintenant audit Chevallier stipullant et acceptant pour luy ses hoirs etc
\nla quarte partye par indivis de tous les acquests faits par ledit deffunct Boullay tant o gr\u00e2ce que aultrement depuys 9 ans auparavant son d\u00e9c\u00e8s et tout ainsi que lesdits acquesets et choses h\u00e9ritaulx ont est\u00e9 vendues cedd\u00e9es et transport\u00e9es par ledit Baugeard auxdits les Morceaulx par contrat fait et pass\u00e9 par davant Jacques Morceau notaire en la cour de Pouanc\u00e9 le 4 septembre dernier pass\u00e9
\navecques ce ont lesdits les Morceaulx tant en leurs noms que comme eulx faisant fors de Jacques Morceau auquel ils ont promys et demeurent tenus faire ratiffier et avoir ces pr\u00e9sentes pour agr\u00e9ables dedans ung moys prochainement venant \u00e0 la peine de tous int\u00e9rests en cas de deffault ces pr\u00e9sentes n\u00e9anmoins demeurant etc
\nla somme de 70 sols de rente annuelle et perp\u00e9tuelle que ledit Jacques Morceau a droit d\u2019avoir et prendre par chacuns ans sur ledit Baugeard et sur ses biens et choses et tout ainsi que ladite somme de 70 sols tournois de rente a est\u00e9 acquise dudit Baugeard par ledit Jacques Morceau par contrat pass\u00e9 soubz la cour de Saint Michel du Boys par davant Jehan Pineau notaire le 3 octobre dernier pass\u00e9
\nensemble toutes et chacunes les choses h\u00e9ritaulx auxdits les Morceaulx c\u00e9dd\u00e9es et transport\u00e9es par ledit Baugeard \u00e0 quelque tiltre que ce soit estant de la succession dudit deffunct Boullay sans riens en r\u00e9server jaczoit qu\u2019elles ne soient sp\u00e9cifi\u00e9es par ces pr\u00e9sentes
\nfors et r\u00e9serv\u00e9 la quarte partye par indivis du cloux de vigne de la Gaulteraye sis en la paroisse de Vergonnes laquelle partye demeurant audit Mand\u00e9 Morceau ses hoirs etc
\n\u00e0 la charge d\u2019acquiter les cens rentes et debvoirs pour raison d\u2019icelle quarte partue seulement
\ntransportant etc et est faite la pr\u00e9sente cession et transport par lesdits les Morceaulx audit Chevalier moyennant la somme de 230 livres tournois que ledit Chevalier a promys et demeure tenu poyer et bailler auxdits Pierre et Mand\u00e9 les Morceaulx par moity\u00e9 dedans le jour et feste de Pasques prochainement venant
\n\u00e0 la charge oultre dudit Chevalier d\u2019acquiter lesdits les Morceaulx vers ledit Baugeard ou autres ayans ses droits de la somme de 80 livres tournois pour une part et de 23 lvires tz par autre que iceulx les Morceaulx tant en leurs noms que pour et en l\u2019acquict dudit Jacques Morceau sont tenus payer audit Baugeard ou aultres ayans ses droits et d\u2019en fournir aquicts et quittances dedans 6 mois auxdits les Morceaulx \u00e0 peine de tous despens dommages et int\u00e9rests desquels ils pourroient estre tenus vers messire Pierre Pinczon et ses consorts pour raison du proc\u00e8s d\u2019entre eulx de la succession dudit deffunt
\naussi \u00e0 la charge d\u2019acquiter lesdits les Morceaulx de toutes debtes de ventes et fermes esquelles ils pourroient estre tenus par le moyen des cessions \u00e0 eulx faites par ledit Baugeard et en faveur de ce demeure le proc\u00e8s d\u2019entre ledit Chevalier demandeur en r\u00e9paration d\u2019injures et ledit Mand\u00e9 d\u00e9ffendeur nul et assoupy
\net demeure tenu ledit Chevalier garantir audit Mand\u00e9 Morceau ladite quarte partye par indivis dudit cloux de vigne pour la part et portion dudit Mand\u00e9 Morceau et en cas d\u2019\u00e9viction et \u00e0 deffault de ce faire a promys est et demeure tenu luy bailler la somme de 50 livres tournois oultre ladite somme de 230 livres tournois
\net combien que sp\u00e9cifiquement lesdits les Morceaulx par ces pr\u00e9sentes ayent d\u00e9clar\u00e9 ledit Baugeard avoir la quarte partye ou total de la succession dudit deffunt Boullay, toutefois les parties ont est\u00e9 d\u2019accord o\u00f9 il se trouveroit ledit Baugeard avoir moins de ladite succession dudit feu Boullay ledit Chevallier pourra aultrement adresser \u00e0 l\u2019accord desdits les Morceaulx et pour tous garantages et \u00e9victions fors de leurs faits et dudit Jacques Morceau s\u2019est ledit Chevallier content\u00e9 et contente des contrats portans les droits par eulx et ledit Jacques Morceau acquis dudit Baugeard
\naussi o\u00f9 ledit Chevallier seroit \u00e9vinc\u00e9 pour raison desdits droits \u00e0 luy cedd\u00e9s par lesdits les Morceaulx ne sont tenus en aulcune restitution de prix
\net s\u2019est charg\u00e9 ledit Chevalllier de soustenir deffendre et poursuivre \u00e0 ses despens p\u00e9rils et fortunes tous et chacuns les proc\u00e8s intent\u00e9s \u00e0 l\u2019enconter desdits les Morceaulx pour raison des droits de ladite succession par eulx acquis dudit Baugeard et les en acquiter tant du pass\u00e9 qu\u2019\u00e0 ladvenir, esquels proc\u00e8s ils se pourra faire subroger si bon lui semble pour tant que touche l\u2019adjournement de demande en retrait \u00e0 la requeste dudit Baugeard comme tuteur naturel de ses enfants auxdits les Morceaulx pour raison desdits droits par eulx acquis dudit Baugeard
\na est\u00e9 aussi accord\u00e9 entre lesdites parties et s\u2019est aussi charg\u00e9 ledit Chevallier soustgenir et deffendre \u00e0 ladite demande de retrait et o\u00f9 il seroit contraint et condamn\u00e9 par jugement audit retrait pour raison des droits \u00e0 luy cedd\u00e9s par ces pr\u00e9sentes et qu\u2019il fut ex\u00e9cut\u00e9 sur luy il ne pourra avoir aulcunement son recours \u00e0 l\u2019encontre desdits les Morceaulx soit pour demander le prix et somme pour laquelle a est\u00e9 faite la pr\u00e9sente cession entre les parties ne autrement et y a renonc\u00e9 et renonce par ces pr\u00e9sentes lesquelles autrement n\u2019eussent est\u00e9 convenues ne accord\u00e9es
\naussi demeure tenu ledit Chevallier acquiter lesdits les Morceaulx envers Denys Babin des proc\u00e8s et instances qu\u2019ils ont \u00e0 l\u2019encontre de luy scavoir est ledit Babin contre ledit Pierre Morceau pour la restitution de certains contrats et contre ledit Mand\u00e9 en complaiges et opposition donner contre la publication de certain monitaoire le tout en faveur de la pr\u00e9sente cession qui autrement n\u2019eust est\u00e9 faite desquels proc\u00e8s ledit Chevalier a dit avoir bonne congnoissance
\net ont lesdits les Morceaulx baill\u00e9 audit Chevallier les lettres de cession et acquests par eulx faits dudit Thibault Baugeart ensemble les autres lettres et enseignements qu\u2019ils avoient concernans ladite succession et inventaire sign\u00e9 dudit Chevallier qu\u2019il a prinses et receues, lequel a promis de les acquiter de la restitution … Cadots ensemble de la promesse de 10 escuz par lesdits les Morceaulx et Jehan Cherruau faite … au cas que lesdits les Morceaulx et Cherruau obviendroient \u00e8s proc\u00e8s intent\u00e9s pour raison de ladite succession dont parties … dont lesdits les Morceaulx n\u2019avoient congneu … ledit Baugeart
\nauxquelles choses dessus dites cession delais transport et tout ce que dessus est dit tenir etc et ladite somme cy dessus paier et bailler au terme et ainsi que dit est dommages etc amandes etc et s\u2019entre garantir de toutes pertes et int\u00e9rests ont oblig\u00e9 et obligent lesdites parties d\u2019une part et d\u2019autre entre eulx et leurs hoirs etc renon\u00e7ant etc foy jugement condemnation etc
\nce fut fait et pass\u00e9 audit Angers en pr\u00e9sence de honorables hommes Me Fran\u00e7ois Boullay Anthoine Bariller Fran\u00e7ois Lefebvre et Pierre de l\u2019Espyni\u00e8re licenci\u00e9s es loix demeurant audit Angers tesmoings
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
en fait, on apprend l’origine de tous ces accords en page 7 du document. Et on devine que le sergent royal pour faire cesser toutes ces m\u00e9sententes se charge du tout en rachetant les parts d’h\u00e9ritage, mais les clauses sont tr\u00e8s nombreuses et tr\u00e8s fouill\u00e9es. Enfin, seuls 2 fr\u00e8res sont cit\u00e9s comme pr\u00e9sents dans cet … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"