\nLe 30 septembre 1569 en la cour du roy notre sire \u00e0 Angers et de monseigneur le duc d\u2019Anjou fils et fr\u00e8re de roy endroit par devant nous Marc Toublanc personnellement estably Mac\u00e9 Ernoul portefaix soy disant \u00e2g\u00e9 de 28 ans accomplis demeurant en ceste ville dudit Angers paroisse de Saint Maurille fils et h\u00e9ritier en partie de deffunts Jehan Ernoul et Jehanne Grezil ses p\u00e8re et m\u00e8re et aussi h\u00e9ritier en partie de deffuncte Gilette Ernoul sa tante, soeur germaine dudit deffunt Jehan Ernoul, soubzmectant luy ses hoirs biens et choses confesse avoir baill\u00e9 quict\u00e9 c\u00e9dd\u00e9 d\u00e9laiss\u00e9 et transport\u00e9 et par ces pr\u00e9sentes baille quicte c\u00e8dde d\u00e9laisse et transporte sa vie durant seulement \u00e0 tiltre de rente \u00e0 Jehan Huet tissier de toilles absent demourant en la paroisse de Noyant en la Gravoy\u00e8re pays d\u2019Anjou en la personne de Pierre Huet son fr\u00e8re aussi tissier en toilles demeurant en la paroisse de Chastelais pais d\u2019Anjou, lequel Pierre Huet \u00e0 ce pr\u00e9sent et stipulant \u00e0 prins et accept\u00e9 et par ces pr\u00e9sentes prend et accepte audit tiltre de rente pour ledit Jehan Huet sondit fr\u00e8re et \u00e0 son prouffit sse hoirs etc ladite vie durant dudit Ernoul
\nles choses h\u00e9ritaulx qui s\u2019ensuivant c\u2019est \u00e0 savoir
\ntous et chacuns les biens immeubles et choses h\u00e9ritaulx soient maisons aireaulx entr\u00e9es rues yssues jardrins terres arrables et non arrables pr\u00e9s haies clostures clouaisons et toutes aultres choses quelconques leurs appartenances et d\u00e9pendances escheus succ\u00e9d\u00e9s et advenus audit Ernoul et \u00e0 luy appartenant tant \u00e0 cause desdites successions de sesdits deffunts p\u00e8re et m\u00e8re que ladite Gilette Ernoul sa tante sis et situ\u00e9s au village de la Pionnaye et \u00e8s environs dite paroisse de Chastelais et aultres biens si aucuns sont appartenant audit Ernoul en ladite paroisse
\nensemble les choses h\u00e9ritaulx que Fran\u00e7oise Guillier derni\u00e8re femme dudit Jehan Ernoul tient par usufruit des biens dudit deffunt Jehan Ernoul, lesquelles choses h\u00e9ritaulx seront et demeureront sont et demeurent ledit usufruit fini resolid\u00e9es avec lesdits biens immeubles et choses h\u00e9ritaulx cy dessus,
\nle tout sans rien en r\u00e9server
\navecv ce a ledit Ernoul quict\u00e9 c\u00e9dd\u00e9 d\u00e9laiss\u00e9 et transport\u00e9 et par ces pr\u00e9sentes quite c\u00e8dde d\u00e9laisse et transporte sadite vie durant comme dit est audit Jehan Huet en la personne dudit Pierre Huet qui a prins et accept\u00e9 et par ces pr\u00e9sentes prend et accepte pour ledit Jehan Huet absent ses hoirs tous et chacuns les droits noms raisons et actions que ledit Mac\u00e9 Ernoul a et peult avoir peult pr\u00e9tendre demander et luy comp\u00e8tent et appartiennent aussi sans riens en r\u00e9server par le moyen desdits biens et successions pour en jouir faire et disposer par ledit JehanHuet ses hoirs comme de leurs propres choses comme eust fait et faire pourrait ledit Ernoul
\nau fief et seigneurie dont lesdits biens et choses h\u00e9ritaulx sont tenus et aux charges cens rentes et debvoirs anciens et accoustum\u00e9s que lse parties advertues de l\u2019ordonnance ont v\u00e9riffi\u00e9 et affirm\u00e9 par serment ne pouvoir d\u00e9clarer lesqeuls ledit Jehan Huet et ses hoirs paieront et acquiteront \u00e0 l\u2019advenir et paieront les arr\u00e9raiges du pass\u00e9 jusques \u00e0 huy si aucuns sont deuz et en acquiteront ledit Ernoul
\ntransportant etc et est faite ledit pr\u00e9sent bail \u00e0 rente pour et \u00e0 la charge que ledit Pierre Huet duement soubzmis et oblig\u00e9 par ses pr\u00e9sentes soubz ladite cour royale d\u2019Angers luy ses hoirs biens et choses etc tant en son nom que pour et au nom et soy faisant fort dudit Jehan Huet sondit fr\u00e8re et en chacun desdits noms et qualit\u00e9s seul et pour le tout sans division promet et demeure tenu en paier bailler servir et continuer chacuns ans au temps advenir audit Mac\u00e9 Ernoul sadite vie durant en ceste ville dudit Angers ou \u00e8s forsbourgs d\u2019icelle ou aultre lieu hors ceste dite ville et forsbourgs o\u00f9 il sera demeurant la somme de 7 livres 10 sols tournois de rente \u00e0 chacuns des 1er avril et octoubre par moiti\u00e9 le premier terme et paiement commenczant au 1er apvril prochainement venant et \u00e0 continuer les payemens de ladite rente de terme en terme \u00e0 l\u2019advenir ladite vie durant dudit Ernoul
\net au moyen de ces pr\u00e9sentes le march\u00e9 de ferme baill\u00e9 par ledit Ernoul audit Pierre Huet de partie desdits biens et choses h\u00e9ritaulx cy dessus pass\u00e9 par Ren\u00e9 Girard ou autre notaire, est et demeure nul cass\u00e9 et adnul\u00e9 de leurs consentements pour le reste du temps \u00e0 eschoir sans qu\u2019ils ne l\u2019un d\u2019eulx en puisse faire poursuite \u00e0 l\u2019encontre de l\u2019autre, ains y ont renonc\u00e9 et renoncent et promet et demeure tenu ledit Pierre Huet faire ratiffier et avoir agr\u00e9able le contenu en ces pr\u00e9sentes audit Jehan Huet et \u00e0 Ren\u00e9e Herraut sa femme icelle femme autoris\u00e9e de sondit mari et en bailler et fournir \u00e0 leurs despens lettres de ratiffication et obligation bonnes et vallables audit Mac\u00e9 Ernoul dedans d\u2019huy en ung moys prochainement venant par lesquelles ledit Jehan Huet et sadite femme seront tenus et oblig\u00e9s avec ledit Pierre Huet au payement continuation entretennement de ladite rente chacun d\u2019eulx seul et pour le tout sans division o les renonciations \u00e0 ce requises et n\u00e9cesssaires sur peine de nullit\u00e9 de ces pr\u00e9sentes et de tous despens pertes dommages et int\u00e9rests s\u2019il plait audit Ernoul bailleur en cas de deffault ces pr\u00e9sentes n\u00e9anmoins demeurent etc
\net promet et demeure tenu comme dit est ledit Pierre Huet esdits noms tenir et entretenir lesdits biens immeubles et choses h\u00e9ritaulx baill\u00e9s \u00e0 ladite rente en bonnes et suffisantes r\u00e9parations pour l\u2019assurance des deniers de ladite rente tellement sondit bail prinse \u00e0 rente et tout ce que dessus est dit tenir et les biens immeubles et choses h\u00e9ritaulx cy dessus arent\u00e9s garantir par ledit Ernoul audit Jehan Huet ses hoirs etc defendre etc et ledit Pierre Huet esdits noms paier et acquiter ladite rente auxdits termes et forme et mani\u00e8re que dit est, dommages amandes, ont oblig\u00e9 et obligent lesdits Ernoul et Pierre Huet respectivement eulx leurs hoirs avec tous et chacuns leurs biens et mesmes ledit Pierre Huet esdits noms et qualit\u00e9s cy dessus en chacun d\u2019iceulx seul et pour le tout sans division de personne ne de biens et renonciation au b\u00e9n\u00e9fice de division d\u2019ordre et de discussion de priorit\u00e9 et post\u00e9riorit\u00e9 de ses dits biens etc renon\u00e7ant etc foy jugement et condemnation etc
\nce fut fait et pass\u00e9 audit Angers maison de nous notaire en pr\u00e9sence de noble homme Jehan Renart sieur de la Roussi\u00e8re demeurant au lieu de la Ressurei\u00e8re dite paroisse de Chastelais, Gabriel Leroy et Jehan Renou clercs demeurans audit Angers paroisse de saint Maurille tesmoings
\nlesquelles parties ont dit ne savoir signer
\net a ledit Pierre Huet esdits noms pay\u00e9 et advanc\u00e9 audit Mac\u00e9 ernoul qui a receu content la somme de 40 sols tz sur et en d\u00e9duction des deniers de ladite rente \u00e0 \u00e9choir<\/p>\n
Pourtant il est relativement jeune et \u00e2g\u00e9 de 28 ans, et mieux il est mari\u00e9, et vis \u00e0 vis de son \u00e9pouse c’est assez curieux ! Je suppose que la rente viag\u00e8re leur rapportait plus que toute autre solution ! Je vois tr\u00e8s rarement la rente viag\u00e8re, et cet acte est donc exceptionnel. En tous … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong><\/p>\n","protected":false},"excerpt":{"rendered":"