\nLe 8 novembre 1519 (Huot notaire Angers) En notre cour \u00e0 Angers personnellement establys honneste personne sire Guillaume Le Rebours marchand drapier demourant \u00e0 Angers d\u2019une part,
\net honorable homme et saige maistre Jehan Carr\u00e9 sieur de Beauchesne, et Jehan Grohaut son fr\u00e8re (sic) demourans \u00e0 Angers d\u2019autre part
\nsoubzmectans etc confessent avoir aujourd\u2019huy fait les march\u00e9s pactions et conventions tels et en la mani\u00e8re qui s\u2019ensuit c\u2019est \u00e0 savoir que ledit maistre Jehan Carr\u00e9 a baill\u00e9 et baille ledit Jehan Grohaut son fr\u00e8re audit Guillaume Le Rebours pour estre et demeurer avecques luy le temps de 3 ans commen\u00e7ant ce jourd\u2019huy jusques \u00e0 3 ans apr\u00e8s ensuivant et suivant l\u2019un l\u2019autre sans intervalle
\npendant lequel temps de 3 ans ledit Le Rebours sera tenu nourrir coucher et lever ledit Jehan Grohaut et luy monster son estat et fait de marchandise de drappier et chaussetier au mieulx qu\u2019il pourra et soy y acquiter comme ung bon p\u00e8re de famille doit faire
\net ledit Jehan Grohaut a promis et par ces pr\u00e9sentes promet servir bien et loyaulment ledit Le Rebours son maistre ledit temps durant de 3 ans audit fait de marchandise de drapier et chaussetier et en toutes choses lictes et honnestes ainsi et par la mani\u00e8re que ung bon serviteur et apprentiz doibt faire
\npour lesquelles choses faire par ledit Le Rebours ledit maistre Jehan Carr\u00e9 a promis doibt et sera tenu paier et bailler audit Le Rebours la somme de 70 livres tournois
\nsur laquelle somme ledit maistre Jehan Carr\u00e9 en avance contant audit Le Rebours la somme de 35 livres tournois dont etc
\net le reste de ladite somme paiable \u00e0 la fin desdites 3 ann\u00e9es
\net sera tenu ledit Carr\u00e9 entretenir ledit Grohaut de tous habillements \u00e0 luy n\u00e9cessaires bien et honnestement ledit temps durant de 3 ans et \u00e0 son estat appartenant
\net a ledit maistre Jehan Carr\u00e9 pl\u00e9vy et caucionn\u00e9 ledit Grohaut son fr\u00e8re de toute loyault\u00e9
\ndit et accord\u00e9 entre lesdites parties que si ledit Jehan Grohaut s\u2019en alloit auparavant son service et temps d\u2019apprentissage que ce n\u00e9antmoins ledit maistre Jehan Carr\u00e9 sera tenu lesdits 3 ans pass\u00e9 paier le reste qui pourra estre deu pour raison dudit apprendissage audit Le Rebours
\nauxquels march\u00e9s pactions conventions et tout ce que dessus est dit tenir et accomplir et aux dommages etc obligent lesdites parties l\u2019une vers l\u2019autre etc et les biens et choses dudit maistre Jehan Carr\u00e9 \u00e0 prendre vendre etc et le propre corps dudit Jehan Grohaut \u00e0 tenir prinson et hostaige etc renon\u00e7ant etc foy jugement et condemnation etc
\npr\u00e9sents ad ce Jehan Moulin dit le Pontou toudoux et Jehan Mauger cordonnier demourans \u00e0 Angers tesmoings
\nfait \u00e0 Angers en la maison dudit Le Rebours o\u00f9 pend pour enseigne la truye qui fille le jour et an susdit
\n
\nCette vue est la propri\u00e9t\u00e9 des Archivse D\u00e9partementales du Maine-et-Loire. Cliquez pour agrandir<\/em><\/p>\n
et manifestement de marchand non fabricant, car il existait les 2 formes de drapier, l’un drapier drapant, fabriquait, et aussi parfois commercialisait, l’autre le drapier ne faisant que du commerce, ici en plein centre d’Angers dans une maison qui a une enseigne que je lis \u00ab\u00a0la truie qui file\u00a0\u00bb L’apprenti a un demi-fr\u00e8re maternel qui … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"