\nLe 28 janvier 1524 (1525 n.s.) (Couturier notaire royal Angers) comme proc\u00e8s eust est\u00e9 meu et pendant par devant monsieur le juge royal ordinaire d\u2019Anjou entre Charles de Lailler demandeur requ\u00e9rant l\u2019ent\u00e9rinnement de lettres royaulx de la cession de contract d\u2019une part,
\net femme Loyse veufve de feu Jamet Menou et Mathurin et Michau les Menouz enfants dudit deffunt et Anthoine Pinault procureur de Jehanne Menou sa femme et opposants \u00e0 l\u2019enterinnement desdites lettres d\u2019autre part,
\ntouchant ce que ledit demandeur disoit que feu Jehan de Lailler son fr\u00e8re et Ren\u00e9 de Lailler leur p\u00e8re vendirent \u00e0 feu Jamet Menou et \u00e0 ladite femme Loyse sa femme durant la minorit\u00e9 dudit Jehan de Lailler une planche de vigne contenant demy quartier ou environ sises au cloux des Guymiers en la paroisse de Foudon joignant des 2 coust\u00e9s \u00e0 la vigne Michau Tucquet aboutant d\u2019un bout au chemin tendant de Foudon \u00e0 la haulte Porte et d\u2019autre bout \u00e0 la terre feu Geffroy Pousse
\nladite pi\u00e8ce de vigne escheue et appartenant audit Jehan de Lailler de la succession de feue Fran\u00e7zoise Grippon sa m\u00e8re et disoit ledit demandeur que les deniers cy dessus \u00e0 cause de ladite vendition de ladite vigne n\u2019auroient aucunement tourn\u00e9 au profit dudit Jehan de Lailler mineur
\na ceste cause avoit ledit Charles de Lailler \u00e8s noms et qualitez dessus imp\u00e9tr\u00e9 lettres royaulx c\u2019est \u00e0 savoir de gr\u00e2ce et demandoit ledit contrat estre cass\u00e9 et adnull\u00e9 et ladite planche de vigne luy estre baill\u00e9e et adjug\u00e9e et oultre demandoit fruitz et despens
\net par lesdits d\u00e9ffenseurs estoit dit et r\u00e9pondu qu\u2019ilz confessoient le contract de vendition avoir est\u00e9 fait en la mani\u00e8re que dessus mais que les deniers de ladite vendition avoient tourn\u00e9 est est\u00e9 employ\u00e9s au proufit dudit Jehan de Lailler par ce qu\u2019ils auroient est\u00e9 employez \u00e0 son apprentisaige qui est du mestier de cousturerye
\net par ledit demandeur estoit au contraire auquel proc\u00e8s tellement avoit est\u00e9 proc\u00e9d\u00e9 que entre lesdites parties qu\u2019elles auroient est\u00e9 appoint\u00e9es fournir additions et depuis seroit ladit veufve all\u00e9e de vie \u00e0 trespas au moyen de quoy auroit est\u00e9 appoint\u00e9 que ledit Charles de Lailler seroit appell\u00e9 chacun de Guillaume Boyleau tuteur naturel des enfants de luy et de feue Jehanne Doubrete marchand chantebon ? \u00e0 cause de Jehanne Doubrete h\u00e9riti\u00e8re en partie de ladite veufve pour proc\u00e9der ou d\u00e9laisser ledit proc\u00e8s
\net estoient sur ce en danger de grand involution de proc\u00e8s et pour ce est il que en notre cour royale d\u2019Angers endroit etc establis ledit de Lailler d\u2019une part, et lesdits Mathurin et Micheau les Menouz et Thomas Pinault et ledit Guillaume Boyleau tuteur susdit d\u2019autre part, lesquels confessent avoir transig\u00e9 pacifi\u00e9 et appoint\u00e9 et encore transigent etc sur et des proc\u00e8s et diff\u00e9rends d\u2019iceluy o l\u2019advis de leurs conseils et amys comme s\u2019ensuit c\u2019est \u00e0 savoir que lesdits deffendeurs establys ont consenti et consentent l\u2019entherinement desdites lettres royaulx dudit de Lailler demandeur, et au moyen de ce luy est demour\u00e9e ladite planche de vigne (passage abim\u00e9 illisible) \u00e0 cause de la succession dudit feu Jehan de Lailler sondit fr\u00e8re et tous les droits que lesdits deffendeurs y eussent peu avoir auxquels ils ont et chacun d\u2019eulx renonc\u00e9 et renoncent par ces pr\u00e9sentes au profit dudit demandeur ses hoirs
\net ledit de Lailler a promit et promet payer auxdit deffendeurs dedans ung mois prochainement venant la somme de 7 livres tz
\net moyannant ce ledit proc\u00e8s demeure nul et assoupi les despens d\u2019iceluy compens\u00e9s dont et desquelles choses dessus lesdites parties sont demeur\u00e9es \u00e0 ung et d\u2019accord ensemble
\naussi demeurent tenuz lesdits deffendeurs bailler et rendre audit de Lailler des lettres de vendition desdites choses dessus mentionn\u00e9es qu\u2019ils ont concernant lesdites choses
\nauxquelles choses susdites tenir etc obligent esdits noms et en chacun d\u2019eulx etc renon\u00e7ant etc foy jugement et condemnation etc
\npr\u00e9sents Me Jehan Desnos bachelier \u00e8s loix et Jehan Lebaillif lesn\u00e9
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E5 \u2013 Voici sa retranscription (voir ci-contre propri\u00e9t\u00e9 intellectuelle) : Le 28 janvier 1524 (1525 n.s.) (Couturier notaire royal Angers) comme proc\u00e8s eust est\u00e9 meu et pendant par devant monsieur le juge royal ordinaire d\u2019Anjou entre Charles de Lailler demandeur requ\u00e9rant l\u2019ent\u00e9rinnement de lettres royaulx … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. Tout commentaire ou copie partielle de cet article sur autre blog ou forum ou site va \u00e0 l’encontre du droit d’auteur. <\/strong> <\/p>\n","protected":false},"excerpt":{"rendered":"