![\"collection](\"http:\/\/www.odile-halbert.com\/Paroisse\/Cartes\/Cartes_49\/49_Noellet.97.jpg\")
<\/a>\nSachent tous pr\u00e9sens et \u00e0 venir que sur les proc\u00e8s pendans tant aulx si\u00e8ges des s\u00e9neschauc\u00e9es d\u2019Anjou et du Maine que par appel en la cour de Parlement \u00e0 Paris entre honorable femme Franczoise Richer veufve de deffunct noble Jehan Felot vivant sieur du Ponceau medecin ordinaire de la deffuncte royne de Navarre m\u00e8re du roy d\u2019une part,
\net nobles Guy Crochet sieur de la Raini\u00e8re tuteur naturel des enfants mineurs d\u2019ans de luy et de deffuncte damoyselle Jehanne Du Pastiz fille et unicque h\u00e9riti\u00e8re de damoiselle Jacquine Felot, damoyselle Jehanne Felot veufve de deffunt noble Ren\u00e9 d\u2019Avoynes vivant sieur de la Jaille et Jehan Amyot escuyer sieur de la Rivi\u00e8re fils aisn\u00e9 et principal h\u00e9ritier de deffuncte damoyselle Ren\u00e9e Felot tous h\u00e9ritiers dudit deffunct sieur du Ponceau d\u2019aultre part
\ntouchant ce que ledit Richer disoyt que par le testament dudit deffunct sieur du Ponceau son mary du 9 mars 1595, erceu par Symon Ferart notaire en ceste cour, ledit deffunct sieur luy a fait don de tous ses meubles droits et actions mobiliaires et choses tenues et r\u00e9put\u00e9es pour meuble ensemble de ses acquests et conquests tout \u00e0 perp\u00e9tuit\u00e9 sans qu\u2019il luy fust besoing en estre aultrement saisie par les mains de l\u2019h\u00e9ritier par le d\u00e9c\u00e8s duquel deffunt sieur du Ponceau ledit don ayant est\u00e9 confirm\u00e9 ladite Richer en demandoit l\u2019entretien et ex\u00e9cution,
\nde la part desquels susdits h\u00e9ritiers estoyt maintenu que ledit don avoyt est\u00e9 sugg\u00e9r\u00e9, que ledit deffunt sieur du Ponceau avoyt fait d\u00e9claration de volont\u00e9 contraire comme ils disoient apparoir tant par acte judiciaire que par escript de la main dudit deffunct, que la valleur qualit\u00e9 et quantit\u00e9 de meuble et choses donn\u00e9es leur a est\u00e9 cel\u00e9e et d\u00e9ny\u00e9e et pour ces causes entendoient casser r\u00e9vocquer et adnuller ledit don joinct la vieillesse et d\u00e9bilitation d\u2019esprit dudit deffunct <\/strong>et en ce faisant estre receuz \u00e0 venir au partaige desdits meubles et acquests selon les coustumes d\u2019Anjou et du Maine o\u00f9 lesdits biens sont situ\u00e9s,
\nsur lesquels faictz circonstances et d\u00e9pendances d\u2019iceux les parties eussent peu tomber en grande involution de proc\u00e8s pour auquel \u00e9viter lesdites parties ont desdits diff\u00e9rends circonstances et d\u00e9pendances d\u2019iceulx transig\u00e9 paciffi\u00e9 et accord\u00e9 entre eulx en la forme et mani\u00e8re qui ensuyt
\npour ce est il qu\u2019en la cour royale du Mans par devant nous Jehan Marays notaire d\u2019icelle demourant audit Mans paroisse de sainct Hilaire personnellement establiz damoiselle Marye Aubry veufve de deffunct noble Guy d\u2019Avoynes vivant sieur de la Jaille fille unicque et procuratrice sp\u00e9ciale de ladite damoiselle Jehanne Felot sa m\u00e8re par lettres de procuration receues par devant Goerges et Symon Leroy notaires de la cour de Pouenc\u00e9 le 23 septembre dernier dont la minutte est demeur\u00e9e par devers nous du consentement des parties de laquelle a est\u00e9 d\u00e9livr\u00e9 coppie collationn\u00e9e par nous \u00e0 ladite damoyselle de la Jaille demourant en la maison seigneuriale de la Jaille paroisse de Nouellet pais d\u2019Anjou,
\net ledit Jehan Amyot escuyer sieur de la Rivi\u00e8re demeurant en la maison seigneuriale de Lensaudi\u00e8re paroisse de saint Martin du Limet pais d\u2019Anjou tant en son nom que comme procureur et soy faisant fort de damoiselles Guyonne et Estiennette Amyot ses s\u0153urs auxquelles il promet faire ratiffier ces pr\u00e9sentes, comme aussy ladite Aubry et ladite damoyselle Jehanne Felot dame de la Jaille sa m\u00e8re et en fournir lettres de ratiffication vallable \u00e0 ladite Richer dedans ung moys prochain venant a peine de tous dommages et int\u00e9rests ces pr\u00e9sentes n\u00e9anlmoings demeurant en leur force et vertu et oultre promettant lesdits sieur Amyot et Aubry et chacun d\u2019eulx seul et pour le tout renonczant au b\u00e9n\u00e9fice de division d\u2019ordre et discussion de deux ou plusieurs promettans une mesme choses mesmes ladite Aubry au senatusconsult velleyan et aultres droits faitz et introduits en faveur des femmes que luy avons donn\u00e9s \u00e0 entrendre estre tels que femme ne se peult obliger pour aultruy si elle ne expressement renonce auxdits droits faire ratiffier et avoir ces pr\u00e9sentes pour agr\u00e9ables audit Guy Crochet sieur de la Raini\u00e8re audit nom et luy en fournir lettres de ratiffication vallable de ladite Richer dans le temps de 2 moys \u00e0 peine de tous dommaiges et int\u00e9restz ces pr\u00e9sentes n\u00e9anlmoins demeurant en leur force et vertu d\u2019une part
\net ladite Franczoise Richer veufve dudit deffunt sieur du Ponceau demeurant audit Mans paroisse du Crucifix d\u2019aultre part
\nsoubzmettans eulx leurs hoirs et ayans cause avec tous et chacuns leurs biens meubles et immeubles pr\u00e9sents et \u00e0 venir mesmes ladite Aubry les biens et choses de sa procure ou pouvoir ressort et juridiction de ladite cour et en toutes aultres si mestier est quant \u00e0 tout garder et accomplir ce qui s\u2019ensuyt
\nlesquels ont de ce que dessus transig\u00e9 paciffi\u00e9 et accord\u00e9 par pure et simple transaction et irr\u00e9vocable en la forme et mani\u00e8re qui ensuyt c\u2019est \u00e0 scavoir que lesdits Amyot et Aulbry esdits noms et en chacun d\u2019iceux et soubz les renonciations susdites ont consenty et accord\u00e9 que le don testamentaire susdit fait par ledit deffunt sieur du Ponceau \u00e0 ladite Richer sa femme ledit 9 mars 1595 sorte irr\u00e9vocablement son plein et entier effet sauf touttefoys que pour le bien de paix et pour se rediner de proc\u00e8s elle a d\u00e9laiss\u00e9 \u00e0 perp\u00e9tuit\u00e9 auxdits h\u00e9ritiers dudit deffunct sieur du Ponceau son may tous les acquests qui ont est\u00e9 par eulx faictz constant leur mariage audit lieu du Ponceau et aultres situ\u00e9s audit pais d\u2019Anjou mesmes les lieux de la Doyselerye et partie du lieu de la Manguyere, ensemble les bestiaux et aultres meubles estans en Anjou, et les sommes de deniers qui pourroient estre deuzbz audit deffunct audit pais d\u2019Anjou
\n\u00e0 la charge aussy que ladite dame Richer sera par eulx acquit\u00e9e de toutes debtes passives que ledit deffunct pourroyt debvoit audit pais d\u2019Anjou et en a oultre de l\u2019acquiter de l\u2019\u00e9venement des proc\u00e8s pendans tant avec ledit Guy Crochet et ung nomm\u00e9 Herreau et aussy des proc\u00e8s pendans en la s\u00e9neschauc\u00e9e d\u2019Anjou et des appellations qui en ont est\u00e9 intetject\u00e9es et relev\u00e9es en la cour sans que ladite Richer soyt tenue y faire cy apr\u00e8s aulcunes poursuites et proc\u00e9durs
\net est ladite cession faicte desdits droictz et acquests susdits sans aulcun garantaige et a est\u00e9 accept\u00e9 par lesdits h\u00e9ritiers susdits de leurs p\u00e9rils et fortunes fors que ladite Richer pour tout garantaige leur a pr\u00e9sentement baill\u00e9 les tiltres et enseignements des dits acquests ensemble des propres dudit deffunct sieur du Ponceau le tout par inventaire receu ce jourd\u2019huy par nous desquels tiltres a ce moyen ladite Richer demeure descharg\u00e9e
\ndavantaige en la mesme faveur des pr\u00e9sentes a ladite Richer baill\u00e9 et pay\u00e9 pr\u00e9sentement auxdits Amyot et Aubry esdits noms la somme de 50 escuz sol en pr\u00e9sence et veue de nous en 200 quartz d\u2019escu lesquels Amyot et Aubry s\u2019en s\u2019ont tenus contens et promis en acquiter ladite Richer vers et contre tous \u00e0 peine de tous int\u00e9rests
\net \u00e0 ce moyen demeurent tous proc\u00e8s meuz et pendans entre les parties circonstances et d\u00e9pendances d\u2019iceux nuls et assoupis et pour l\u2019ex\u00e9cution des pr\u00e9sentes et ce qui en d\u00e9pend ou pourroyt d\u00e9pendre lesdits sieur Amyot et damoyselle Aubry esdits noms ont esleu domicile en la maison de honorable maistre (blanc) Bitault sieur de la Rimberdi\u00e8re advocat demeurant Angers voullans que les exploict qui y seront faicts soient de pareil effet que s\u2019ils avoient est\u00e9 faictz \u00e0 leurs personnes ou lieux d eleurs demeures, dont et de tout ce que dessus lesdites parties sont demeur\u00e9es \u00e0 ung et d\u2019accord et \u00e0 ce tenir garder et accomplir mesmes aux fraits cousts et mises pertes dommaiges et int\u00e9rests rendre et amendes ont oblig\u00e9 et obligent lesdites parties \u00e0 eulx leurs hoirs et ayans cause eulx leurs hoirs avec tous et chacuns leurs biens meubles et immeubles mesmes ladite damoiselle Aubry tous et chacuns les biens et choses de sadite procure pr\u00e9sens et \u00e0 venir renonczant \u00e0 toutes choses \u00e0 ces pr\u00e9sentes contraires contre la teneur desquelles ils ne viendront ne feront venir en aucune mani\u00e8re que ce soyt se sont abstrainctz par les foy et serment de leurs corps et de chacun d\u2019eulx donn\u00e9 et baill\u00e9 en notre main dont nous les avons jug\u00e9s par le jugement de ladite cour
\nfait et pass\u00e9 audit Mans maison de ladite Richer d\u2019honorables maistres Ren\u00e9 Gyuray sieur de Marchesneau conseiller du roy au si\u00e8ge pr\u00e9sidial et seneschauc\u00e9e du Maine Jehan Ticher sieur de Gaigne docteur en m\u00e9decine Loys Blanchet sieur des Ardrillets Guillaume Rivi\u00e8re et Pierre Trott\u00e9 advocatz au si\u00e8ge pr\u00e9sidial du Mans et y demeurans, Ren\u00e9 Champion escuyer sieur de la Tirni\u00e8re demeurant au chasteau de Lavardin et Mac\u00e9 Berthelot le jeune procureur en la juridiction de Lavardin demeurant en la paroisse de Mezieres soubz Lavardin tesmoings \u00e0 ce requis et appell\u00e9s le 27 mai 1596 apr\u00e8s midy
\nicy sign\u00e9 avec les parties et nous fors ladite Richer qui a d\u00e9clar\u00e9 ne scavoir signer<\/p>\n
- \nl’acte est une copie.
\nIl y a 2 copies du m\u00eame original dans ce fonds de famille d\u00e9pos\u00e9 aux Archives du Maine et Loire, et la seconde copie a \u00e9t\u00e9 faite \u00e0 une autre date, sans doute \u00e0 la demande de l’un des protagonistes.<\/em><\/ol>\n
j’ignore quel \u00e2ge avait Jean Felot au moment o\u00f9 fait \u00e0 sa femme une donation, ici remise en cause, car les h\u00e9ritiers le disent vieux et c’est un argument pour faire casser la donation. Voir ma page sur No\u00ebllet et mes relev\u00e9s de BMS J’ai trouv\u00e9 cet acte aux Archives D\u00e9partementales du Maine-et-Loire, cote E2438 … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"