\nLe 27 octobre 1547 (Huot notaire Angers) information faite en la maison de missire Pierre Besnard pr\u00eatre sise en la paroisse de Faye sous Thouarc\u00e9 par moy Guillaume Chycoteau sergent royal et ordinaire en la seigneurie d\u2019Anjou ville d\u2019Angers avecques moy pour adjoint maistre Jehan Huot notaire royal Angers
\npour la partye et \u00e0 la requeste de noble et puissant messire Ren\u00e9 de Sauzay chevalier seigneur dudir lieu et des Marchays
\n\u00e0 l\u2019encontre de Loys Du Bellay escuyer seigneur de Commecquier sur ce que ledit de Sauzay dit et maintiend ledit Du Bellay avoir depuis deux mois encza coupp\u00e9 \u00e0 coups d\u2019esp\u00e9e ses toilles de chasse estant tandeues en sa forest des Marchays pour chasser aux bestes sauvaiges combien qu\u2019elles ne luy feussent nuysibles et qu\u2019elle ne luy empeschassent son chemyn
\n\u00e0 laquelle information faire et parfaire nous avons vacqu\u00e9 par les jours et en la forme et mani\u00e8re cy apr\u00e8s<\/p>\n
Le 1er octobre 1547 Jehan Fillon homme de bras demourant au villaige de Lourseli\u00e8re en la paroisse de Faye soubz Thouarc\u00e9 \u00e2g\u00e9 de 30 ans ou environ tesmoing a nous pr\u00e9sent\u00e9 et par nous receu et fait jurer de dire et d\u00e9pouser v\u00e9rit\u00e9 et pour la partye et \u00e0 la requeste dudit de Sauzay \u00e0 l\u2019encontre dudit Gilles (sic, mais \u00e9crit \u00ab Loys \u00bb en premi\u00e8re page) Du Bellay a dit et d\u00e9pous\u00e9 par son serment qu\u2019il a bien cognoissance dudit de Sauzay pour l\u2019avoir plusieurs foy veu hant\u00e9 et fr\u00e9quent\u00e9 en sa maison et au regard dudit Du Bellay a dit ne le congnoistre mais bien dit avoir ouy dire qu\u2019il est seigneur de Commequier et fr\u00e8re du seigneur de Thouarc\u00e9 et qu\u2019il le recognoistroit bien s\u2019il le voyait, dit en oultre que il est bien m\u00e9moratif record et souvenant que \u00e0 ung jour de dimanche environ la moiti\u00e9 du moys de septembre dernier pass\u00e9 autrement du jour n\u2019est certain il fut mand\u00e9 par la dame de Sauzay, ledit seigneur de Sauzay estant lors absent de sa maison et estant en la ville de Paris ainsi que l\u2019on disoyt, pour aller iceluy d\u00e9pousant ayder \u00e0 ses gens \u00e0 chasser en sa forest des Marchays autrement nomm\u00e9e les Boys Saucays auquel lieu ledit d\u00e9pousant a plusieurs foys ayd\u00e9 \u00e0 chasser pour ledit seigneur de Sauzay, a quoy il d\u00e9pousant lib\u00e9ralement soy accorda et alla depuis le lieu des Marchays en ladite forest en la compaignie de Fran\u00e7ois Foulloile chastelain dudit lieu, Michel Maurat, Guyon Bidet, Ren\u00e9 Blocyneau ? et plusieurs autres et aussi estoyent a ladite chasse pour ladite dame de Sauzay deux gentilshommes l\u2019un d\u2019iceux nomm\u00e9 le sieur de la Brosse et son fr\u00e8re et eulx arriv\u00e9s en ladite forest qui appartient audit de Sauzay ayda iceluy d\u00e9pousant \u00e0 tendre les toylles dudit de Sauzay en ung endroit de ladite forest appell\u00e9 les Goupilli\u00e8res pr\u00e8s la fontaine de Rongelet et furent lesdites toilles tendues autour de la tousche des Goupill\u00e8res et fut iceluy d\u00e9pousant commys a garder lesdites toilles \u00e0 l\u2019endroit d\u2019un chemyn appell\u00e9 le Chemyn Neuf et \u00e8s environs,
\net\u00e0 l\u2019apr\u00e8s disner dudit jour ne sait il d\u00e9pousant quelle heure il pouvoit estre fors que c\u2019estoyt apr\u00e8s midy, arriv\u00e8rent au lieu auquel ledit d\u00e9pousant estoyt \u00e0 garder lesdites toilles deux hommes \u00e0 cheval garnys d\u2019esp\u00e9e
\nlesquels demand\u00e8rent audit d\u00e9pousant qui estoyt qui faisoyt chasser en ladite forest
\nauxquels ledit d\u00e9pousant fist reponse que c\u2019estoyt la dame de Sauzay et apr\u00e8s avoir quelque peu se\u2026 avec ledit d\u00e9pousant l\u2019un desdits deux hommes dist \u00e0 l\u2019autre qu\u2019il croyoit que leurs gens dormoyent et apr\u00e8s ce fait pass\u00e8rent au long desdites toilles qui estoyent tendues et tenoyent au chemyn tendant dudit lieu \u00e0 Thouarc\u00e9
\net peu de temps apr\u00e8s arriv\u00e8rent pareillement audit lieu auquel estoyt iceluy d\u00e9pousant troys hommes \u00e0 cheval l\u2019un desquels soulloyt estre maistre des deux autres et leur donnoyt \u00e0 cognoistre lequel iceluy d\u00e9pousant cognoissoyt mais a depuys ouy dire que c\u2019est le seigneur de Commequier fr\u00e8re dudit seigneur de Thouarc\u00e9 lequel il cognoistroyt bien s\u2019il le voyoyt en l\u2019estat qu\u2019il estoyt lors qu\u2019il venoyt quivant le chemyn desdits deux autres hommes pr\u00e9c\u00e9dents
\net luy estant avecques sa compaignie pr\u00e8s iceluy d\u00e9pousant demanda audit d\u00e9pousant qui c\u2019estoyt qui faisoyt chasser lequel d\u00e9pousant fist response que c\u2019estoyt mondit seigneur, lequel Du Bellay demanda quel mondit seigneur
\n\u00e0 quoy ledit d\u00e9pousant fist response que c\u2019estoyt monseigneur de Sauzay
\ndemanda outre ledit Du Bellay audit d\u00e9pousant qui estoyt le maistre de la chasse, lequel d\u00e9pousant fist reponse que c\u2019estoyt le seigneur de la Brosse et son fr\u00e8re
\naussi demanda ledit Du Bellay audit d\u00e9pousant si ledit seigneur de Sauzay estoyt audit lieu et qui estoyt en sa maison et si la dame de Sauzay n\u2019estoyt puis nagu\u00e8res accouch\u00e9e d\u2019une fille si elle estoyt belle s\u2019il l\u2019avoyt veue et en quel lieu s\u2019il y avoyt bon vin aux Marchays et luy dist que autrefoys il y en avoit beu de bon, s\u2019il cognoissoyt ledit seigneur de Sauzay et de Thouarc\u00e9 et lequel mieulx il aymoit des deux
\n\u00e0 quoy ledit d\u00e9pousant fist response que ledit seigneur de Sauzay estoyt \u00e0 Paris et que la dame de Sauzay estoyt au Marchays et que avecques elle estoyt mademoiselle de Daillon et que nagu\u00e8res ladite dame de Sauzay estoyt accouch\u00e9e d\u2019une fille qui estoyt belle et qu\u2019il avoyt veue \u00e0 l\u2019\u00e9glise et entre les mains de sa marraine et que audit lieu des Marchays y avoyt de bon vin et que si il luy plaisoyt y aller en gouster il y seroyt bien venu et que les gens de bien y estoyent les bien venuz
\naussi dist iceluy d\u00e9pousant audit Du Bellay qu\u2019il congnoissoyt bien lesdits seigneurs des Marchays et de Thouarc\u00e9 et qu\u2019il les aumoit autant l\u2019un que l\u2019autre et d\u00e9siroyt autant le bien \u00e0 l\u2019un que \u00e0 l\u2019autre et qu\u2019il tenoyt au peu de bien qu\u2019il avoyt partye dudit seigneur de Sauzay partye dudit seigneur de Thouarc\u00e9
\net oultre demanda ledit Du Bellay audit d\u00e9posant s\u2019il n\u2019avoyt pas ouy dire audit lieu des Marchays que ledit seigneur de Sauzay avoyt nagu\u00e8res gagn\u00e9 ung proc\u00e8s contre ledit seigneur de Thouarc\u00e9 et que ledit seigneur de Thouarc\u00e9 en estoyt tellement courrouc\u00e9 qu\u2019il en estoyt demy enraig\u00e9 et courant les champs
\n\u00e0 quoy ledit d\u00e9pousant fist response qu\u2019il avoyt bien ouy dire que ledit seigneur de Sauzay avoyt gagn\u00e9 ung proc\u00e8s contre ledit seigneur de Thouarc\u00e9 mais qu\u2019il n\u2019en avoyt rien ouy dire audit lieu des Marchays ne qu\u2019ils en eussent aucun rejouissance audit lieu des Marchays
\nlequel Du Bellay dist lors audit d\u00e9pousant qu\u2019il avoyt menty et luy demanda s\u2019il le congnoissoyt
\nlequel d\u00e9pousant luy fist resonse qu\u2019il ne le congnoissoyt et que jamais n\u2019avoyt veu et derechef luy dit ledit Du Bellay qu\u2019il avoit menty et de fait demanda ledit Du Bellay si l\u2019on avoyt pris beaucoup de bestes et en quel lieu elles estoyent
\n\u00e0 quoy ledit d\u00e9pousant fist reponse que l\u2019on en avoyt prins deux et qu\u2019elles n\u2019estoyent loing et le voullut mener les voir
\net lors dist ledit Du Bellay audit d\u00e9pousant qu\u2019il luy abbatist lesdites toilles qui estoyent tendues pour ladite chasse
\nlequel d\u00e9pousant luy fist response qu\u2019il y avoyt du chemyn assez \u00e0 venir et aussi \u00e0 passer sans abattre lesdites toilles et qu\u2019il y avoyt pass\u00e9 chevaucheurs qui avoyent bien pass\u00e9 sans les faire abattre et le prya de passer sans les faire abattre
\nlequel Du Bellay lors en jurant plusieurs foys le nom de Dieu dist audit d\u00e9pousant que s\u2019il ne voulloyt abattre lesdites toilles qu\u2019il les couperoyt et ce dit tyra son esp\u00e9e du foureau et ce voyant ledit d\u00e9pousant et de peur que ledit Du Bellay luy couppast lesdites toilles les abbatit iceluy d\u00e9pousant et passa ledit Du bellay et sa compaignie par-dessus lesdites toilles lors \u00e0 cheval et prirent leur chemyn au long desdites toilles et se efforcza plusieurs foys les couper et les eust coup\u00e9es n\u2019eust est que ledit d\u00e9pousant les abbatit
\net voyant qu\u2019on les abbatoyt picqua son cheval droit sur les toilles tendues et conna plusieurs coups d\u2019esp\u00e9e sur lesdites toilles et les couppa et per\u00e7a de son esp\u00e9e en plusieurs lieux et endroits puys retourna audit d\u00e9pousant et luy dist qu\u2019il les menast hors des boys et le mettre au chemyn pour aller aux Marchays
\net lors le mena iceluy d\u00e9pousant jusques au grand chemyn et en chemynant demanda ledit DU Bellay audit d\u00e9pousant en quelle r\u00e9putation il les tenoyt et si il croyoit et n\u2019estoyt pr\u00e8s qu\u2019il fust bon grand homme et homme de bien
\nlequel d\u00e9pousant pour \u00e9viter d\u2019estre baptu luy fist reponse que ouy
\net ce dist passa outre ledit Du Bellay
\net bien tost apr\u00e8s ouyt dire ledit d\u00e9pousant que c\u2019estoyt le seigneur de Commequier fr\u00e8re dudit seigneur de Thouarc\u00e9 autrement ne le congnoist
\net est ce qu\u2019il d\u00e9pousant nous a dit sur ce enquis ne scavoir escrire<\/p>\n
Et le lendemain 28 desdits mois avons ouy et examin\u00e9 en ladite maison dudit Besnard pour la partye et \u00e0 l\u2019encontre que dessus les tesmoings cy apr\u00e8s nomm\u00e9s
\nFran\u00e7ois Loyseau laboureur demourant en la paroisse de Faye soubz Thouarc\u00e9 \u00e2g\u00e9 de 30 ans ou environ tesmoing \u00e0 nous produit et par nous receu et fait jurer de dire et d\u00e9pouse v\u00e9rit\u00e9 pour la partye \u00e0 l\u2019encontre que dessus
\ndit et d\u00e9pouse par son serment avoir \u00e0 ung jour de dimanche en la moiti\u00e9 du moys de septembre dernier pass\u00e9 autrement du jour n\u2019est records, il fut mand\u00e9 par la dame de Sauzay estant lors le seigneur de Sauzay absent de sa maison et estant en la ville de Paris, ainsi que l\u2019on disoyt, pour ayder \u00e0 chasser en sa forest des Marchays \u00e0 quoy iceluy d\u00e9pousant se accorda et alla \u00e0 ladite chasse \u00e0 laquelle estoyt pareillement Jehan Fillon tesmoing pr\u00e9c\u00e9dent, Pierre Ligier, Ren\u00e9 Blouyneaux Pierre Marteau et des gentilshommes l\u2019un d\u2019iceulx appell\u00e9 le sieur de la Brosse et l\u2019autre son fr\u00e8re et plusieurs autres et furent les toilles dudit seigneur de Sauzay tendues en ung endroit de ladite forest autour d\u2019une tousche appell\u00e9e la Goupilli\u00e8re pr\u00e8s la fontaine Rouzelet et fut iceluy d\u00e9pousant commys \u00e0 garder lesdites toilles pr\u00e8s ladite fontaine de Rouzelet et \u00e0 l\u2019apr\u00e8s midy dudit jour ne sait il d\u00e9pousant au vray quelle heure il pouvoyt estre fors que c\u2019estoyt apr\u00e8s midy estoit iceluy d\u00e9pousant \u00e0 la garde desdites toilles vit venir vers luy troys hommes \u00e0 cheval l\u2019un desquels sabcoyt estre maistre des deux autres et le demonstroyt assez \u00e0 sa faczon de faire, lequel il d\u00e9pousant dit ne congnoistre fors qu\u2019il ouyt bien tost apr\u00e8s dire que c\u2019estoyt le seigneur de Commequier fr\u00e8re du seigneur de Thouarc\u00e9 lequel avoyt une esp\u00e9e nue en sa main et picquoyt fort le long desdites toilles venant de devers le lieu auquel estoyt ledit Fillon \u00e0 garder lesdites toilels dont ledit d\u00e9pousant faisoyt abattre lesdites toilles par lesquelles il avoyt ja pass\u00e9 et luy avoyent est\u00e9 abattues par ledit Fillon et Martineau combien qu\u2019il y eust chemyn assez pour passer a pyed et \u00e0 cheval sans abattre lesdites toilles et auquel seigneur de Commequiers ses disoyt qu\u2019il y avoyt eu chemyn assez sans abattre lesdites toilles
\net nonobstant ledit seigneur de Commequiers sans ce que lesdites toilels luy fissent aucune nuysance \u00e0 son chemyn donna plusieurs coups d\u2019esp\u00e9e sur lesdites toilles et les couppa et piecza et les luy veu iceluy d\u00e9pousant coupper et pi\u00e9cer en plusieurs lieux en grant coll\u00e8re et ce fait passa outre ledit seigneur de Commequiers son chemyn droit \u00e0 Thouarc\u00e9
\net est ce qu\u2019il d\u00e9pousant nous a dit sur ce enquis ne scavoir escrire<\/p>\n
- \nPierre Ligier laboureur<\/strong><\/ol>\n
- Ren\u00e9 Blouyneau <\/strong><\/li>\n
Ren\u00e9 Blouyneau procureur de Jehan Grenon laboureur paroisse de Faye soubz Thouarc\u00e9 \u00e2g\u00e9 de 18 ans ou environ, fait jurer de dire et d\u00e9pouse v\u00e9rit\u00e9 comme les pr\u00e9c\u00e9dents, dit et d\u00e9pouse par son serment que \u00e0 ung jour de dymanche cinq sepmaines sont ou envirion comme luy semble autrement du jour n\u2019est acertain, il alla en la compaignie dudit Gremon son maistre pour ayder \u00e0 mener et charoyer aucune charte de toilles depuys la maison seigneuriale des Marchays jusques en la forest dudit lieu pour estre tendues et prendre des bestes sauvages en ladite forest et furent lesdites toilles appartenant au seigneur de Sauzay, qui lors estoyt en la ville de Paris ainsi que l\u2019on disoyt, tendues autour de la tousche des Goupill\u00e8res en ladite forest pr\u00e8s la fontaine de Rouzelet et demeura iceluy d\u00e9pousant pour la garde desdites toilles pr\u00e8s ladite fontaine entre lesdits Fillon et Martineau et \u00e0 l\u2019apr\u00e8s disner dudit jour ne sait \u00e0 quelle heure fors que c\u2019estoyt apr\u00e8s midy veud iceluy d\u00e9pousant deux hommes de cheval passer au long desdites toilles tendant leur chemyn pour aller droit \u00e0 Thouar\u00e9 qui pass\u00e8rent \u00e0 leur ayse au long desdites toilles sans qu\u2019elles leur fussent abbatues pour passer ainsi y avoyt un chemyn assez espacieux pour aller \u00e0 pyed et \u00e0 chevel le long desdites toilles sans les abattre
\net peu de temps apr\u00e8s veud pareillement venir troys autres hommes \u00e0 cheval suivans le chemyn des deux autres l\u2019un desquels troys d\u00e9monstrayt estre maistre des deux autres \u00e0 sa faczon de faire au davant duquel veud iceluy d\u00e9pousant abbatre les dites toilles par lesdits Fillon et Martineau \u00e0 l\u2019endroit est pass\u00e9 selon luy et ses gens par-dessus lesdites toilles combien qu\u2019il y eust comme dit est du chemyn assez pour passer sans abattre lesdites toilles et non autrement de ce l\u2019un desdits troys hommes qui sembloyt estre le Me des autres et lequel ledit d\u00e9pousant a depuys oui dire estre le seigneur de Commequier fr\u00e8re du seigneur de Thouarc\u00e9 en grande fureur tyra son esp\u00e9e du foureau picquat au long desdites toilles et de sadite esp\u00e9e donna et luy veud iceluy d\u00e9pousant donner plusieurs coups de sur lesdites toilles et les couppa et piecza en plusieurs lieux, ne sait il d\u00e9pousant la cause, puys prend son chemyn luy et ses gens pour aller droit \u00e0 Thouarc\u00e9 et ce fit conduyre ung peu de chemyn par ledit Fillon tesmoing pr\u00e9c\u00e9dant
\net est ce qu\u2019il a d\u00e9pous\u00e9 et nous a dit sur ce enquis ne scavoir escrire.<\/p>\n- Pierre Martineau homme de bras<\/strong><\/li>\n
Pierre Martineau homme de bras demourant en la paroisse de Soulaynes \u00e2g\u00e9 de 30 ans ou environ, tesmoing \u00e0 nous produyt, receu et fait jurer de dire et d\u00e9pouser v\u00e9rit\u00e9 comme les pr\u00e9c\u00e9dans, dit et d\u00e9pouse par son serment que \u00e0 ung jour de dymanche cing sepmaines sont ou environ autrement du temps n\u2019est certain, il fut fait mand\u00e9 par la dame de Sauzay et des Marchays pour aller ayder \u00e0 chasser aux bestes sauvaiges en sa forest dudit lieu des Marchays, \u00e0 quoy iceluy d\u00e9pousant se accorda aberallement ? et fut \u00e0 ladite chasse par le noys apr\u00e8s les chiens pour laquelle chasse furent les toilles dudit sieur de Sauzay tendues autour de la tousche appell\u00e9e la Tousche des Grapill\u00e8res pr\u00e8s la fontaine de Rouzelet et \u00e0 l\u2019apr\u00e8s disner dudit jour ledit d\u00e9pousant sortant dudit boys venant aux toilles \u00e0 l\u2019endroit du lieu auquel Jehan Fillon tesmoing pr\u00e9c\u00e9dant estoyt commys \u00e0 garder lesdites toilles arrivant audit lieu veud troys hommes \u00e0 cheval l\u2019un desquels qui d\u00e9monstroyt estre maistre des deux autres qu\u2019il a depuys ouy dire estre le seigneur de Commequier fr\u00e8re du seigneur de Thouarc\u00e9, disoyt audit Fillon qu\u2019il luy abbatist lesdites toilles qui estoient tendues pour ladite chasse et qu\u2019il voulloyt passer au lieu auquel elles estoyent tendues combien qu\u2019il y eust chemyn assez ample et spacieux pour passer \u00e0 pyed et \u00e0 cheval au long desdites toilles sans les abattre
\nquoy voyant iceluy d\u00e9pousant par crainte de mondit seigneur crya \u00e0 hault voix audit Fillon qu\u2019il abbatist lesdites toilles et bientost abbatit ledit Fillon lesdites toilles et davantaige en abbatit iceluy d\u00e9pousant pour faire plus ample passage auxdits troys hommes
\npar-dessus lesquelles toilles pass\u00e8rent lesdits troys hommes \u00e0 cheval
\napr\u00e8s avoir pass\u00e9 par-dessus lesdites toilles, iceluy desdits troys hommes qui d\u00e9monstroyt estre le maistre tyra son esp\u00e9e du fourreau qu\u2019il avoyt \u00e0 son cost\u00e9 et chevauchant le long desdites toilles qui estoyent tendues donna deux ou troys coups de sadite esp\u00e9e sur lesdites toilles tendues combien qu\u2019elles ne fussent en son chemyn et les couppa<\/strong> (4 mots non compris, je vous mets ci-dessous le passage et merci de comprendre mieux que moi<\/em>) lesdites toiles, et piecza lesdites toilles en aucuns lieux, ce fait s\u2019en retourna et pris son chemyn devers ledit lieu de Thouarc\u00e9 <\/strong>et se fist ung peu conduyre par ledit Fillon
\net est ce qu\u2019il d\u00e9pousant nous a dit sur ce enquis ne scavoir signer.
\n<\/a><\/p>\n
- \nMerci de lire les 4 mots pour lesquels je n’ai aucune proposition valable \u00e0 faire. J’ai surgraiss\u00e9 ce passage dans ma retranscription afin de vous faciliter l’acc\u00e8s.<\/em><\/ol>\n
- Pierre Martineau homme de bras<\/strong><\/li>\n
Pierre Ligier laboureur demourant en la paroisse de Faye soubz Thouarc\u00e9 \u00e2g\u00e9 de 58 ans ou environ, fait jurer de dire et d\u00e9pouser v\u00e9rit\u00e9 comme les pr\u00e9c\u00e9dents, dit et d\u00e9pouse par son serment que \u00e0 ung jour de dymanche audit cinq sepmaines sont ou environ autrement du jour n\u2019est au vray souvenant, le seigneur de Sauzay absent de sa maison et estant en la ville de Paris comme l\u2019on disoyt, il fut mand\u00e9 par la dame de Sauzay pour aller ayder \u00e0 chasser en sa forest des Marchays en laquelle plusieurs foys il a ayder \u00e0 chasser \u00e0 quoy iceluy d\u00e9pousant soy accorda et alla \u00e0 ladite chasse pour laquelle faire furent les toilles dudit seigneur de Sauzay tendues en ladite forest autour de la Tousche de la Goupill\u00e8re pr\u00e8s la fontaine Rouzelet \u00e0 laquelle chasse estoyent deux gentils hommes d\u2019un d\u2019iceulx nomm\u00e9 le seigneur de la Brosse et l\u2019autre son fr\u00e8re, aussi y estoient lesdits Fillon, Loyseau, Ren\u00e9 Bloyneau, Pierre Martineau et autres et fut iceluy d\u00e9pousant commys \u00e0 la garde desdites toilles pr\u00e8s ladite fontaine des Rouzelets et pr\u00e8s ledit Loyseau tesmoing pr\u00e9c\u00e9dent
\ndit oultre que ledit jour de dymanche \u00e0 l\u2019apr\u00e8s disner dudit jour ne sait il d\u00e9pousant quelle heure il pouvoyt lors estre fors qu\u2019il estoyt apr\u00e8s midy, il veud venir droit au lieu auquel il estoyt troys hommes \u00e0 cheval l\u2019un desquels tenoyt une esp\u00e9e nue en sa main et soubloyt estre maistre des deux autres, lequel venoyt de devers le lieu auquel estoyt ledit Fillon au long desdites toilles lesquelles ledit Fillon et Martineau luy avoyent abattues pour passer combien qu\u2019il y eust du chemyn assez pour passer \u00e0 pyed et \u00e0 cheval sans passer par-dessus lesdites toilles et veud iceluy d\u00e9pousant que ledit homme qui avoyt l\u2019esp\u00e9e nue en la main, duquel iceluy d\u00e9pousant dit n\u2019avoir congnoissance fors qu\u2019il ouyt bien tost apr\u00e8s dire \u00e0 plusieurs personnes que c\u2019estoyt le seigneur de Commequiers fr\u00e8re du seigneur de Thouarc\u00e9, lequel tyroyt sadite esp\u00e9e desdites toilles lesquelles il avoyt coupp\u00e9es et pi\u00e9c\u00e9es en grand furie et col\u00e8re ne sait il d\u00e9pousant pour quelles causes et remist son esp\u00e9e au fourreau \u00e0 l\u2019endroit de luy d\u00e9pousant et prend son chemun droit qu\u2019il alla \u00e0 Thouarc\u00e9
\net est ce qu\u2019il d\u00e9pousant nous a dit sur ce enquis ne scavoir escrire <\/p>\n
![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"