\nLe 30 avril 1526 (Cousturier notaire Angers) sachent tous etc que comme il soit ainsi que nobles personnes maistre Jacques Lemaczon cur\u00e9 de Foulgere et maistre Michel Lemaczon procureur fiscal d\u2019Anjou ex\u00e9cuteurs du testament de feu noble homme maistre Thibault Lemaczon en son vivant sieur de Beauchesne leur p\u00e8re ayant comme excuteurs du testament d\u2019iceluy deffunct acquis le lieu de Malabry de noble homme Philippes du Boisjourdan pour et au prouffilt desdits ex\u00e9cuteurs et autres h\u00e9ritiers d\u2019iceluy feu Lemaczon leur p\u00e8re sieur dudit Beauchesne, et depuys par appointement fait entre damoyselle Jehanne Lemaczon fille et h\u00e9riti\u00e8re de feu Me Ren\u00e9 Lemaczon en son vivant escuyer sieur de la Tousche, fils aisn\u00e9 dudit feu sieur de Beauchesne d\u2019une part, et lesdits maistres Jacques et Michel les Maczons d\u2019autre, soient demour\u00e9s auxdits maistres Michel et Jacques les Maczons ledit lieu de Malabry et plusieurs autres choses h\u00e9ritaulx pour leur droit de partaige et \u00e0 la charge de sur lesdits biens partaig\u00e9s les autres enfants puisn\u00e9s dudit feu sieur de Beauchesne et de damoiselle Katherine Delaunay son espouse ou leurs repr\u00e9sentants en ce qu\u2019ils resteroient \u00e0 partaig\u00e9s selon le testament et ordonnance dudit feu Lemaczon sieur de Beauchesne
\npour ce est-il que en la cour du roy notre sire \u00e0 Angers endoit par devant nous personnellement establiz lesdits maistres Jacques et Michel les Maczons d\u2019une part, et noble homme Me Nycolas Lenfant tuteur naturel de Fran\u00e7oys et Ren\u00e9e Lenfant ses enfants myneurs et de feue damoyselle Yvonne Lemaczon sa premi\u00e8re femme, fille desdits feuz sieur de Beauchesne et Delaunay son espouse d\u2019autre part
\nsoubzmectans lesdits maistres Jacques et Michel les Maczons eulx leurs hoirs etc confessent avoir baill\u00e9 auxdits Fran\u00e7ois et Ren\u00e9e les Lenffans leurs nepveux en la personne dudit sieur de Louzil leur p\u00e8re et tuteur pour le reste dudit partaige \u00e0 eux ordonn\u00e9 par le testament dudit sieur tels droit qui peult appartenir auxdits Fran\u00e7ois et Ren\u00e9e myneurs par la repr\u00e9sentation de ladite feue damoyselle Yvonne Lemaczon leur m\u00e8re des biens immeubles et choses h\u00e9ritaulx desdits feuz maistre Thibault Lemaczon et Katherine Delaunay son espouse sieur et dame de Beauchesne ledit lieu et appartenances de Malabry situ\u00e9 et assis en la paroisse de Bou\u00e8re tout ainsi qu\u2019il se poursuyt et comporte avecques les fruictz escheuz et ferme d\u2019iceulx dont lesdits Les Maczons ont baill\u00e9 action contre lesdits fermiers ou autres qui ont prins lesdits fruictz
\ntout ainsi que par cy davant il a est\u00e9 vendu et baill\u00e9 par ledit Phelippes Du Boysjourdan nagu\u00e8res seigneur dudit lieu, sans aucune chose retenir ou r\u00e9server sauf que si ledit lieu estoit rettyr\u00e9 ou que d\u2019iceluy ledit seigneur de Louzil ou ses enffans en seront expropri\u00e9s en iceluy cas ledit seigneur de Louzil en ladite qualit\u00e9 baillera auxdits maistres Michele et Jacques Les Maczons la somme de 444 livres tz par ce que ledit lieu leur a est\u00e9 vendu plus d\u2019icelle somme que la somme de deniers ordonn\u00e9e par le testament dudit deffunt, duquel lieu de Malabry lesdits Me Jacques et Michel Les Maczons ne seront tenuz porter partaiges fors de leur fait seulement
\net en ce faisant ont c\u00e9d\u00e9 ont c\u00e9d\u00e9 leur droit et action du garantage lesdits Les Maczons audit Lenfant tuteur dessus dit tel qu\u2019ils ont et pouroient avoir et pr\u00e9tendre contre ledit Phelippes du Boysjourdan ses hoirs et aians cause
\net ont lesdits Me Jacques et Michel Les Maczons rendu et mis \u00e8s mains dudit seigneur de Louzil les lettres de l\u2019acquest qu\u2019ils ont fait dudit lieu de Malabry et de certaine vigne qui ne sont expos\u00e9es en ces pr\u00e9sentes par ce qu\u2019elles ont est\u00e9 rescouss\u00e9es sur eulx au moyen de gr\u00e2ce dudit contrat
\naussy luy ont baill\u00e9 ung autre titre touchant la vendition faicte par ledit Du Boysjourdan audit feu Me Thibault Lemaczon
\nauquel partaige et tout ce que dessus est dit tenir etc obligent etc renonczant etc foy jugement et condemnation etc
\npr\u00e9sents \u00e0 ce messire Pierre Foullet pr\u00eatre et Me Pierre Delapelonnye tesmoings
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
ici, aux enfants d’Yvonne Lemasson, leur fille, qui est d\u00e9c\u00e9d\u00e9e laissant Fran\u00e7ois et Ren\u00e9 Lenfant qu’elle a eu de Nicolas Lenfant sieur de Louzil. Je n’ai pas v\u00e9rifi\u00e9 o\u00f9 l’on en \u00e9tait des \u00e9pouses Lenfant, merci de v\u00e9rifier et nous informer. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E5 \u2013 Voici sa … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"