\nLe 7 avril 1526 (Cousturier notaire Angers) sur les proc\u00e8s qui estoient meuz et pendans tant le cour de parlement \u00e0 Paris par devant les s\u00e9n\u00e9schal juge royal d\u2019Anjou et leurs lieutenants en ceste ville d\u2019Angers tant par appel ou appeaux ? juridiction en ladite cour de parlement que sur entherignement de lettres royaux par devant ledit s\u00e9neschal et juge ou lieutenant ou autrement en quelque mani\u00e8re que ce soit entre Anthoine de Laill\u00e9e lieutenant premier barbier du roy notre sire et Me barbier d\u2019Angers d\u2019une part et Mac\u00e9 Esnault aussi Me barbier d\u2019Angers d\u2019autre prt
\na est\u00e9 ce jourd\u2019huy entre ledit de Laill\u00e9e et Jehan Lemelle notaire royal et Fran\u00e7oys Bachelier traict\u00e9 convenu pacifi\u00e9 ce qui s\u2019ensuyt c\u2019est \u00e0 savoir que ledit Anthoine de Laill\u00e9e a c\u00e8d\u00e9 d\u00e9laiss\u00e9 et transport\u00e9 et encores etc c\u00e8dde auxdits Lemelle et Bachelier pr\u00e9sents et acceptants tous et chacuns les droits noms raisons et actions qu\u2019il avoit et pourroit avoir auxdits proc\u00e8s et chacun d\u2019iceulx tant en principal despens dommages et int\u00e9rests leurs circonstances et d\u00e9pendances sans rien en r\u00e9server et a consenty et consent lesdits Lemelle et Bachelier estre subrog\u00e9s en ses droits et actions despens et en chacun d\u2019iceulx pour les poursuivre contre ledit Esnault et autrement, en faire et disposer \u00e0 leur plaisir et volont\u00e9 et ainsi que en eust fait ou peu faire ledit de Laill\u00e9e paravant ces pr\u00e9sentes
\net est ce fait moyennant la somme de 76 livres tournois dont en a est\u00e9 pay\u00e9 compt\u00e9 et nombr\u00e9 par lesdits Lemelle et Bachelier audit de Laill\u00e9e qui a eu et receu en pr\u00e9sence et \u00e0 veue de nous la somme de 20 livres tz dont etc et en a quict\u00e9 etc
\net le surplus montant 20 livres tz lesdits Lemelle et Bachelier et chacun d\u2019eulx seul et pour le tout sans division de personne ne de biens ont promis et promectent payer audit Delaill\u00e9e savoir est aux termes de l\u2019Ascencion notre Seigneur 18 livres et le parsus et parfait paiement \u00e0 la st Jehan Baptiste prochainement venant
\naussi et ce fait moyennant que iceulx Lemelle et Bachelier et chacun d\u2019iceulx seul et pour le tout sans division comme dessus seront et demeurent tenuz acquicter et faire tenir indempne et descharg\u00e9 ledit Delaill\u00e9e vers ledit Esnault de tous lesdits proc\u00e8s actions demandes int\u00e9rests et despens dont iceluy Esnault luy eust peu ou pourroit faire question et demande \u00e0 l\u2019occasion desdits proc\u00e9s et chacun d\u2019iceulx leurs circonstances et d\u00e9pendances, ensemble acquiter ledit Delaill\u00e9e de toutes amendes et yssues examens lesdits proc\u00e8s estoient et sont pendans tant en parlement que ailleurs
\nsemblablement par ces pr\u00e9sentes en icelles faisant et accordant ledit Delaill\u00e9e demeure quicte et l\u2019ont promis ledit Lemelle et Fran\u00e7oys Bachelier et chacun d\u2019eulx seul et pour le tout l\u2019acquiter et faire tenir quite vers ledit Esnault et tous autres de la somme de 25 livres en quoy ledit Delaill\u00e9e avoit est\u00e9 condemn\u00e9 vers ledit Esnault par arrest de ladite cour et dont ledit Delaill\u00e9e demandoit compensation sur autres despens \u00e0 luy adjug\u00e9s sur ledit Esnault par ladite cour tant par davant lesdits s\u00e9neschal que juge royal ordinaire d\u2019Anjou respectivement ensemble de faire tenir quite iceluy Delaill\u00e9e des despens esquels il pourroit estre etnu contre ledit Esnault pour et \u00e0 l\u2019occasion de certaine appellation par luy impugn\u00e9e dudit juge d\u2019Anjou en laquelle ledit Esnault l\u2019auroit fait comparoir en ladite cour
\nensemble de faire condescendre ou consentir iceluy Esnault \u00e0 l\u2019acquiescement que ledit Delaill\u00e9e sera tenu en faire en icelle dite cour toutes et quantes foys que mestier sera dedans 6 sepmaines prochainement venant \u00e0 peine de tous int\u00e9rests ces pr\u00e9sentes n\u00e9anmoins demourant en leur force et vertu
\nauxquelles choses dessus dites tenir etc et aux dommages etc obligent lesdites parties respectivement l\u2019ung vers l\u2019autre eulx leurs hoirs etc et mesmes lesdits Lemesle et Bachelier et chacun d\u2019eulx seul et pour le tout sans division de partie ne de biens eulx leurs hoirs etc renon\u00e7ant etc et mesmes lesdits Lemelle et Bachelier au b\u00e9n\u00e9fice de division et g\u00e9n\u00e9ralement etc foy jugement et condemnation etc
\npr\u00e9sents \u00e0 ce honorables hommes et saiges maistres Jacques Boytain ? sueur de la Bordi\u00e8re et Denys Delestang licenci\u00e9s \u00e8s loix tesmoings
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
mais le premier est dit \u00ab\u00a0premier barbier du roi\u00a0\u00bb, et j’ignore \u00e0 quelle fonction ou office cela correspond. Car curieusement, mais cela n’est par surprenant car parfois on l’observe ailleurs, il se fait appeller \u00ab\u00a0de Laill\u00e9e\u00a0\u00bb et je ne sais s’il faut le lier aux de Lailler que l’on rencontrera \u00e0 Noyant la Gravoy\u00e8re ? … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"