\n<\/strong><\/font><\/center>
\nLe 23 avril 1559 en la cour royale d\u2019Angers par devant nous Marc Toublanc notaire de ladite cour personnellement establys chacun de haut et puissant Claude de la Tremoille gentilhomme ordinaire de la chambre du roy baron de Noirmoutier seigneur de Roche d\u2019Ir\u00e9, Chasteauneuf, le Buron et Saint Germain, de Craon, et dame Anthoinette de La Tour son espouse de luy suffisamment auctoris\u00e9e par devant nous quant \u00e0 ce, demeurant \u00e0 pr\u00e9sent en leur maison seigneuriale dudit Chasteauneuf, soubzmectans chacun d\u2019eulx seul et pour le tout sans division de partye ne de biens eulx leurs hoirs avecques tous et chacuns leurs biens etc ou pouvoir etc confessent apr\u00e8s que pr\u00e9sentement leur avons monstr\u00e9 leu et donn\u00e9 \u00e0 entendre et que eulx mesmes ont veu entendu et ouy lyre \u00e0 leur plaisir le contract pass\u00e9 le 19 de ce pr\u00e9sent mois tant par devant nous Toublanc notaire que Mac\u00e9 Rambault aussi notaire royal audit Angers duquel contract la copie a est\u00e9 par nous Toublanc baill\u00e9 et laiss\u00e9e audit seigneur estably sign\u00e9e de nous et dudit Rambault, par lequel appert entre autres choses que Joseph Bouchet seigneur de Champot maistre d\u2019houstel des dessus dits seigneur et dame et comme leur procureur vendit et transporta pour et en leur nom et de chacun d\u2019eulx sel et pour le tout sans division de personne ne de biens et o les renonciations contenues et port\u00e9es par ledit contract et promist en chacun desdits nos et qualit\u00e9s seul et pour le tout garantir envers et contre tous
\n\u00e0 honorable femme Jehanne Besnard et Me Fran\u00e7ois Ploust docteur en m\u00e9decine son pary demeurans audit Angers en la personne de ladite Besnard qui achapt\u00e9 lors tans pour elle que le dit Piloust son mary absent et pour leurs hoirs etc
\nles moulins \u00e0 bl\u00e9 chauss\u00e9e \u00e9cluses portes et portuaulx de Chasteauneuf et d\u00e9pendans de ladite terre et seigneurie dudit Chasteauneuf, avecques les meules moulaiges roues rouetz rouettons et autres meubles et ustenciles servans taut auxdits moulins que chauss\u00e9es \u00e9cluses portes et portuaulx en ce comprins les maisons estables chemyn pour aller et venir auxdits moulins, avecques les hommes et moutaulx subjects auxdits moulins et tout ainsi que toutes les dites choses se poursuyvent et comportent avecques leurs appartenances et d\u00e9pendances et que lesdits de La Tremoille et de La Tour establiz leurs pr\u00e9decesseurs mouniers fermiers commis et d\u00e9put\u00e9s avoient et ont accoustum\u00e9 en jouir les tenir poss\u00e9der et exploicter sans rien retenir ne r\u00e9server avecques promesse faicte \u00e0 ladite Besnard pour elle et sondit mary par ledit Bouschet pour lesdits seigneur et dame lesdites choses h\u00e9ritaulx valoir de rente ou revenu annuel charges d\u00e9duietes la somme de 340 livres tournois et o\u00f9 elles se ne seroient de ladite valeur qu\u2019ils parfourniraient et feroyent valoir ladite somme sur tous et chacuns leurs aultres biens et choses h\u00e9ritaulx pr\u00e9sents et advenir de proche en proche et sur chacune piecze seule et pour le tout pour le somme de 4 285 livres tournois lors pay\u00e9e et baill\u00e9e par ladite Besnard audit Bouchet qui l\u2019auroye eue et receue pour lesdits seigneur et dame en 200 escuz d\u2019or sol 100 escus pistollets 50 doubles ducats et le surplus en monnoye de douzains le tout au prix de l\u2019ordonnance royale
\no condition de gr\u00e2ce jusques \u00e0 18 mois comme plus amplement apert par ledit contrat
\n\u00e0 ceste cause lesdits seigneur et dame establyz et chacun d\u2019eulx \u00e8s noms et qualit\u00e9s port\u00e9es par ledit contrat et en chacun d\u2019iceulx seul et pour le tout et o renonciation au b\u00e9n\u00e9fice de division d\u2019ordre et de discussion ont lou\u00e9 ratiffy\u00e9 confirm\u00e9 et approuv\u00e9 et par ces pr\u00e9sentes louent ratiffient confirment approuvent et ont pour agr\u00e9able ladite vendition et tout le contenu audit contrat de point en point et d\u2019article en article et en tant que mestier seroit se sont lesdits establys et chacun d\u2019eulx seul comme dit est et o les renonciations davant dites oblig\u00e9s eulx leurs hoirs etc avecques leurs biens pr\u00e9sents et advenir au garantaige desdites choses vendues et entretennement dudit contrat par ce qu\u2019ils ont recogneu et confess\u00e9 que leur intention estoyt de faire ladite vendition et encore donn\u00e9 charge audit Bouschet de la faire pour eulx pour ladite somme de 4 285 livres tournois, tellement que de ladite somme ils se sont tenus et tiennent \u00e0 contents au moyen de la r\u00e9ception qui en fist pour eulx ledit Bouschet par ce qu\u2019ils ont confess\u00e9 icelle somme estre du tout tourn\u00e9e en leur profit et acquit et en avoir d\u00e8s lors est\u00e9 employ\u00e9 pour eulx et en leur acquit par ledit Bouschet audit nom la somme de 1 500 livres tournois par luy baill\u00e9e \u00e0 ladite Besnard pour la rescousse et r\u00e9m\u00e9r\u00e9 du lieu m\u00e9tairie et appartenances de la cour du Buron d\u00e9pendant de leur terre et seigneurie du Buron qu\u2019il avoient piecza vendu auxdits Piloust et Besnard o condition de gr\u00e2ce par une part, la somme de 40 sols tournois pour les frais et mises de ladite rescousse par aultre part, ensemble la somme de 200 livres tournois que ledit Bouschet auroit baill\u00e9e pour eulx et en leur acquit \u00e0 Jacques Besnard marchand ou \u00e0 aultre pour et en son nom pour lequel ils ont dit et confess\u00e9 estre tenus en ladite somme pour marchandises de draps de soye et argent prest\u00e9 comme ils ont aussi dit apparoir par plusieurs c\u00e9dulles sign\u00e9es dudit de La Tr\u00e9moille l\u2019une dabt\u00e9 du 29 septembre 1556 montant 384 livres 13 sols 4 deniers tournois, l\u2019aultre du 30 d\u00e9cembre 1556 montant 350 livres tournois, l\u2019aultre du 5 septembre 1557 montant la somme de 233 livres tournois, l\u2019aultre du 10 d\u00e9cembre audit an 1557 montant la somme de 105 livres tournois l\u2019aultre du 10 janvier audit an 1557 montant la somme de 59 livres 15 sols 6 deniers tournois, l\u2019aultre du 26 avril 1558 montant la somme de 68 livres 4 sols tournois, l\u2019aultre dabt\u00e9e du 18 f\u00e9vrier audit an 1558 montant 330 livres 11 sols tournois et par ung compte et arrest fait par ladite dame de La Tour montant 658 livres 16 sols 2 deniers tournois aussi pour raison de marchandises \u00e0 eulx baill\u00e9e par ledit Besnard
\nlesquelles c\u00e9dulles compte et arrest lesdits establyz ont confess\u00e9 estre v\u00e9ritables et leur avoir est\u00e9 rendus par ledit Bouschet qui les avoyt receus dudit Besnard ou aultre pour luy, comme solv\u00e9s et pay\u00e9s ensemble la copie du contrat de la vendition dudit lieu de la cour avecques la rescousse qui \u00e0 est\u00e9 faite dudit lieu par ledit Bouchet audit nom et les prorogations de gr\u00e2ce et r\u00e9m\u00e9r\u00e9 dudit lieu desquelels c\u00e9dules compte copie de contrat rescousse et prorogation lesdits de La Tremoille et de La Tour ont quict\u00e9 et quictent lesdits Bouchet Piloust Jehanne Besnard et Jacques Besnard respectivement
\net le reste de ladite somme de 4 285 livres tournois ont pareillement confess\u00e9 avoir est\u00e9 employ\u00e9e en leurs autres affaires et acquits par ledit Bouchet
\ntellement qu\u2019ils en quitent ledit Bouchet et tous autres, davantage lesdits establiz et chacun d\u2019eulx comme dit est et o les renonciations davant dites ont pour agr\u00e9able la rescousse et r\u00e9m\u00e9r\u00e9 faite par ledit Bouchet leur dit procureur dudit lieu de la cour du Buron o les clauses et promesses contenues par la rescousse qui en a est\u00e9 faite par ledit Bouchet leur dit procureur la copie de laquelle rescousse lesdits establiz ont veue et leue \u00e0 ceste fin de mot \u00e0 mot \u00e0 leur plaisir aussi ont pour agr\u00e9able la solvation et payement que ledit Bouchet a faite pour eulx audit Jacques Besnard des c\u00e9dules et compte cy dessus d\u00e9sign\u00e9s,
\ntellement que \u00e0 ladite ratification et tout ce que dessus est dit tenir et accomplir et lesdits moulins choses h\u00e9ritaulx et aultres choses contenues audit contrat de vendition pour eulx et en leurs noms vendues et transport\u00e9es comme dit est par ledit Bouchet leurdit procureur \u00e0 ladite Besnard tant pour elle que pour ledit Pilloust leurs hoirs etc garantir par lesdits seigneur et dame establiz et chacun d\u2019eulx esdits noms et qualit\u00e9s port\u00e9es par ledit contrat leurs hoirs etc audit Pilloust et Besnard leurs hoirs etc et aux dommaiges etc amandes etc ont oblig\u00e9 et obligent lesdits seigneur et dame establiz chacun d\u2019eulx esdits noms et qualit\u00e9s port\u00e9es par ledit contrat et recousse et en chacun d\u2019iceulx seul et pour le tout sans division de personne ne de biens et o renonciation audit b\u00e9n\u00e9fice de division d\u2019ordre et de discussion de priorit\u00e9 et post\u00e9riorit\u00e9 eulx leurs hoirs etc leurs biens \u00e0 prendre vendre etc renon\u00e7ant etc et par especial ladite de La Tour au droit velleyen \u00e0 l\u2019espitre divi adriani \u00e0 l\u2019authentique si qua mulier et \u00e0 tous autres droits et privil\u00e8ges etc elle de ce acertaine etc foy etc jugement et condemnation etc
\nle tout en la personne de nous notaire stipulant et acceptant tout ce que dessus pour lesdits Piloust et sa femme absens leurs hoirs etc et aussi en la personne dudit Jacques Besnard aussi ce stipulant et acceptant pour son regard
\net avons adverdy les partyes ces pr\u00e9sentes estre subjectes \u00e0 insignuation
\nce fut fait et pass\u00e9 en la maison en laquelle lesdits seigneur et dame son demeurant en la ville dudit Chasteauneuf par devant nous Toublanc notaire susdits pr\u00e9sents \u00e0 ce nobles personnes Ren\u00e9 de Fontenelles sieur dudit lieu demeurant audit Chasteauneuf, et Ren\u00e9 de La Hausse demeurant en la paroisse de Marc\u00e9 tesmoings
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
c’est ce que nous apprennent toutes les nombreuses c\u00e9dules sign\u00e9es depuis 3 ans en marchandises de draps de soie, qui attestent qu’Antoinette de La Tour s’habillait bien et souvent !!! Tellement souvent qu’ils s’endettent pour payer autant de soie ! Une premi\u00e8re fois ils ont engag\u00e9 une m\u00e9tairie, puis ici, ils ont fait la rescousse … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. 362<\/p>\n","protected":false},"excerpt":{"rendered":"