\nLe 23 avril 1547 apr\u00e8s Pasques en la cour du roy nostre sire \u00e0 Angers (devant Lemelle notaire Angers) honnestes personnes Guillaume Delahaye marchand paroisse d\u2019Apvrill\u00e9 d\u2019une part,
\net Pierre Girard marchand demeurant \u00e0 Angers et Mathurin Bellau aussi marchand paroisse de la Trinit\u00e9 dudit Angers d\u2019autre part
\nsoubzmectant etc mesmes lesdits Girard et Bellau chacun d\u2019eulx seul et pour le tout etc confessent avoir fait et font entre eulx le march\u00e9 accord et conventions que s\u2019ensuit scavoir est que ledit Delahaye a baill\u00e9 et baille auxdits Girard et Bellau qui ont prins de luy \u00e0 tiltre de ferme seulement et non autrement du premier mars dernier pass\u00e9 jusques \u00e0 5 ans prochains ensuivant sans intervalle finissant \u00e0 pareil jour lesdits 5 ans revoluz et pass\u00e9s
\ntoutes les herbages et parnages qui se pourront trouver et venir en l\u2019islt St Aulbin d\u2019Angers tant de beufs chevaulx jumens que tout autre bestail et qui ont accoustum\u00e9 estre pastur\u00e9s et parnaig\u00e9s en ladite isle
\nen ce non comprins lerbe et tonture de la grant coull\u00e9e et des champs bas ensemble le pr\u00e9 bas et les foigns des autres pr\u00e9s de ladite isle
\net au surplus pourront lesdits preneurs exploiter toutes les autres herbages et parnaiges de ladite isle ainsi que de coustume et comme ledit Delahaye les a prinses avec autres choses de Thomin son fr\u00e8re de ladite isle,
\net a est\u00e9 accord\u00e9 entre lesdites parties que lesdits preneurs pourront faire pasturer et parnaiger lesdits champs bas depuis le jour de la toussaint jusques au dernier jour de may par chacune desdites ann\u00e9es
\naussi a ledit Delahaye baill\u00e9 et baill\u00e9 auxdits preneurs pour le temps dessus dit une chamber haulte d\u00e9ppendant de l\u2019aunays batie en ladite isle pour eulx retirer et leurs gens quand bon leur semblera ledit temps durant avecques les fers \u00e0 marquer les bestes qui sont mises \u00e0 parnaiger et pasturer en ladite isle et fournira ledit Delahaye auxdits preneurs de faire chauffer ledit fer \u00e0 marquer lesdites bestes toutefois qu\u2019ils en auront \u00e0 faire
\npour desdites choses ainsi baill\u00e9es par ledit Delahaye auxdits preneurs comme dit est pour faire et disposer par lesdits preneur ledit temps durant \u00e0 leur voulont\u00e9 et ainsi qu\u2019il est accoustum\u00e9 faire en tel cas
\net est ce fait pour et moyennant la somme de 425 livres tz pour chacune desdites 5 ann\u00e9es
\nquelle somme lesdits preneurs et chacun d\u2019eulx seul et pour le tout etc ont promis paier et bailler audit Delahaue ou etc par chacune desdites ann\u00e9es au jour et feste de monsieur st Andr\u00e9 le premier paiement commenczant au jour et feste monsieur st Andr\u00e9 prochainement venant
\noutre \u00e0 la charge desdits preneurs de toll\u00e9rer et soufrir que le bestial de l\u2019isle au cas et du mestayer de la Salle d\u00e9ppendant de l\u2019abbaye dudit st Aulbin jouissent ledit temps durant parnaiger et pasturer en ladite isle ainsi qu\u2019ils ont accoustum\u00e9 en jouir et user
\net au outre \u00e0 la charge de l\u2019usage panage et pasturage des bestes dudit fermier et de son mestaier de la mestairie dudit lieu de Labit
\net aussi usaige audit Delahaye et promesse de metre par chacun an ledit temps durant en ladite isle le nombre de 2 beufs 2 vaches et une douzaine de porcs par ledit Delahaye ou autre qu\u2019il lui plaira pour y parnaiger et pasturer ainsi que les autres bestes
\net au moyen de ce lesdits preneurs pourront par chacun an ledit temps durant faire faucher lesdits champs bas en tel lieu et endroit qu\u2019il leur sera monstrer par ledit Delahaye 2 homm\u00e9es de ses herbages savoir \u00e0 raison d\u2019une ancienne chose p….
\net rendront lesdits preneurs \u00e0 la fin du pr\u00e9sent march\u00e9 audit Delahaye ledit merc avecques lesdites bestes
\net quant \u00e0 tout ce que dessus faire tenir et accomplir de la part desdits preneurs iceulx preneurs ont promis etc faire ratiffier et avoir agr\u00e9able ces pr\u00e9sentes \u00e0 leurs femmes respectivement et les y faier lyer et obliger dedans huit jours prochainement venant par devant nous notaire soubz sign\u00e9 \u00e0 la peine de 20 escuz sol de peine commise applicable par chacun deffaut neantmoins ces pr\u00e9sentes etc
\net ont lesdits preneurs prins et accept\u00e9 prennent et acceptent le pr\u00e9sent march\u00e9 \u00e0 leurs p\u00e9rils et fortunes et sans qu\u2019ils puissent rien de sur le lieu coupper ne abbatre et tout ainsi que ledit Delahaye tient lesdites choses dudit fermier
\net pourront lesdits preneurs prendre et repcevoir de messire Pierre Godivier pr\u00eatre ou autre qui a receu aucuns deniers de la recepte desdits panages et pastures depuis ledit premier jour de mars dernier pass\u00e9 et \u00e0 ce faire les y pourront lesdits preneur contraindre par toutes voies et mani\u00e8res deues, et ainsi que eust fait ou peu faire ledit Delahaye auparavant ces pr\u00e9sentes et en tant que mestier est a cedd\u00e9 et transport\u00e9 c\u00e8dde et transporte ledit Delahaye auxdits preneurs ses droits et actions qu\u2019il avoir et pouvoit avoir \u00e0 l\u2019encontre dudit Godivier et tous autres en le paiant de ses peines ainsi que de raison
\nlesdites parties sont demeur\u00e9es et demeurent \u00e0 ung et d\u2019accord respectivement \u00e0 ce tenir etc dommages etc obligent lesdites parties mesmes lesdits preneurs chacun d\u2019eulx seul et pour le tout etc \u00e0 prendre etc renon\u00e7ant etc et par especial au b\u00e9n\u00e9fice de division d\u2019ordre etc foy jugement condemnation etc
\nfait et pass\u00e9 audit bourg de Lesvi\u00e8re en la maison de Guillaume Forest en pr\u00e9sence de Guillaume Piffard marchand demeurant \u00e0 Avrill\u00e9, dudit Guillaume Forest marchand demeurant \u00e0 Lesvi\u00e8re tesmoings
\n
\nCette vue est la propri\u00e9t\u00e9 des Archives D\u00e9partementales du Maine-et-Loire. Cliquez pour agrandir.<\/em><\/p>\n
le bailleur n’est manifestement pas le propri\u00e9taire, qui est l’abbaye saint Aubin, et doit \u00eatre leur fermier. En tous cas c’est mon anc\u00eatre Guillaume Delahaye, car Avrill\u00e9 est une de ces merveilleuses paroisses qui ont encore des registres anciens qui permettent de remonter si haut. Voir mon ascendance Delahaye J’ai trouv\u00e9 cet acte aux Archives … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n","protected":false},"excerpt":{"rendered":"