1.\tComme d\u00e9bat fust meu ou gougnoit peust ensuivre entre noble homme Pierre Juete (ali\u00e0s Ivete ) d\u2019une part et noble homme messire D\u00e9sir\u00e9 Pelaut chevalier d\u2019autre sur ce que ledit Juete disoit et povoit dire vers ledit chevalier que autreffois entre icelui chevalier de sa part et par<\/a><\/p>\n
\nCliquez pour agrandir<\/em><\/ol>\n
\n2.\tson pouvoir et au nom dudit Juete d\u2019autre avoit est\u00e9 fait contrat par lequel ledit chevalier lui avoit vendu henti\u00e8rement le lieu manoir domaine seigneurie et appartenances de Maugason avecques les rentes par deniers avoines gelines corv\u00e9es juridictions seigneuries
\n3.\tboys garannes estangs et autres seigneuries et ob\u00e9issances quelconques appartenances et d\u00e9pendances dudit lieu alors avoit consenti ledit Juete lui estre livr\u00e9 en la forme et mani\u00e8re que tenoit et poss\u00e9doit lesdits h\u00e9ritaux messire Jehan Pelaut fr\u00e8re dudit chevalier en son vivant, et avoit est\u00e9
\n4.\tfait ledit contrat pour le prix et somme de 2 050 escuz d\u2019or de 94 au marc, dont d\u00e8s lors avoir est\u00e9 rabatu 100 escuz pour vins et despens en faisant ledit contrat, duquel contrat ledit Juete avoit eu fait faire deument
\n5.\tet solempnellement troys bannies contre lesquelles ledit chevalier avoit fait aucune opposition laquelle disoit ledit Juete par plusieurs raisons que ne la povoit sustenir et le debvoit desdomager aussi disoit ledit Juete que desdits h\u00e9ritages de Maugazon
\n6.\tun nomm\u00e9 Guillaume Prin\u00e9 tient et poss\u00e8de une pi\u00e8ce de pr\u00e9 pr\u00e8s St Thomas, mesmes la femme enfants et hoirs Guillaume Dechanne en tiennent et poss\u00e8dent une quantit\u00e9 (pli du parchemin …)< <\/strong>\/em> contenant sept journaux de terre ou environ, quels h\u00e9ritages
\n7.\tsont de grant valeur, que sondit fr\u00e8re souloit tenir en son vivant mesmes que plusieurs des rentes avoines g\u00e9lines corv\u00e9es et juridictions de ladite terre que sondit fr\u00e8re souloit tenir par n\u00e9gligence (pli …)<\/strong> <\/em>estoient diminu\u00e9es et en trouble pourquoy
\n8.\tdisoit que ladite terre estoit grandement diminu\u00e9e, aussi disoit ledit Juete que Jehan Lebouent et sa femme seur dudit chevalier demourans \u00e8s pais de Cliczon avoient et leur appartenoit sur la dite terre 10 journaux <\/strong>(pli … … … … )<\/em><\/strong>> bl\u00e9 de rente que ledit chevalier
\n9.\tavoit baill\u00e9 et assign\u00e9 pour h\u00e9ritaige audit Lebouent et sadite seur pour partie de son droit ou autrement en avoit monstr\u00e9 et apparu lettres audit Juete, desquelles choses et chacune demandoit ledit Juete vers ledit chevalier que les (pli … … …)<\/em><\/strong>
\n10.\tet lui eusse garantaige, et au deffault de ce que de la somme de la vendition davant dicte fust deffalqu\u00e9 rabatu pour autant que lesdits h\u00e9ritages et diminutions dessus dites seront trouv\u00e9s valoir, en ayant esgart au tout du contrat dessus dit
\n11.\toultre disoit ledit Juete que \u00e0 cause du contrat dessus dit les seigneurs de qui lesdits h\u00e9ritages sont tenus font … et demande audit Juete du tout des ventes dudit contrat pour ce que tient leur fi\u00e9 et ypoth\u00e8que par cause de quoy lesdites ventes
\n12.\tsont deues et demandoit que ledit chevalier l\u2019en acquitast, et aussi disoit ledit Juete que ledit chevalier avoir autreffois afferm\u00e9e ladite terre \u00e0 certaines personnes auxquels estoit tenu en faire garantage, savoir est \u00e0 Guillaume Prin\u00e9 et Partri Cheurel
\n13.\tet que d\u2019iceulx ledit Juete en avoit eu le droit et ne lui en avoit pas fait garantage, ainczois les seigneurs dont lesdites choses sont tenues les avoient prinses en leur main par deffault de hommage et autrement par quoy celui Juete
\n14.\t n\u2019en avoit peu jouir et en avoir est\u00e9 endomag\u00e9 au montement de 100 livres et plus dont demandoit que ledit chevalier le desdommageast, et ledit chevalier cognoissoit bien que entre il et ledit … procureur et au nom dudit Juete avoit est\u00e9 fait
\n15.\tcontrat et vendition de ladite terre o ses appartenances pour ladite somme de 2 050 escuz d\u2019or et non saularge que dudit Juete est suppous\u00e9 et davant dit et que au temps dudit contrat ledit chevalier avoit baill\u00e9 et transport\u00e9
\n16.\tledit pr\u00e9 audit Prin\u00e9 mesmes que ledit de Channe avoir eu et advenante un pr\u00e9 et autres h\u00e9ritages que sadite femme et enffans tiennent mesmes que partie desdites rentes et devoirs par deffault …… sont retard\u00e9s d\u2019estre poi\u00e9s
\n17.\tet en trouble disant ledit chevalier que par ledit contrat ladite somme lui devoit estre poi\u00e9e \u00e0 sa main quitement sans contribution de ventes aussi que n\u2019estoit tenu mettre … lesdits h\u00e9ritages que tenoit ledit Prin\u00e9 et hoirs dudit Dehanne ne aussi
\n18.\tlesdites rentes eschues pour ce que disoit que par ledit contrat n\u2019avoit entendu vendre ne transporter ladite terre si non que en l\u2019estat que la tenoit et le droit que lors y avoit, et pour eschiver audit d\u00e9bat et autres … de pledoiers qui pour cause
\n19.\tdesdites choses entre lesdites parties pourroient entrevenir se sont en cest jour par notre cour de Rennes comparus et repr\u00e9sent\u00e9s en personnes ledit Juette de sa part, et ledit chevalier d\u2019autre, se submettant par leurs sermens \u00e0 la juridiction …
\n20.\tet ob\u00e9issance devant ladite cour, lesquelles parties sur les d\u00e9bats et choses dessus dites ont transig\u00e9 passifi\u00e9 et accord\u00e9 ensemble en la mani\u00e8re qui ensuyt c\u2019est \u00e0 savoir que ledit chevalier confessant le contrat autreffois fait entre il et ledit procureur dudit Juete
\n21.\ten effet et substance comme dudit Juette est suppous\u00e9 tendra et aura effet avecques les … … que en a eu et fait faire ledit Juete et en sera et demourera ledit Juete seigneur hentier … de ladite terre de Maugason o ses appartenances
\n22.\tqu\u2019il a soutenu et dist et asseur\u00e9 ledit chevalier audit Juete non avoir baill\u00e9 alli\u00e9n\u00e9 ne transport\u00e9 \u00e0 aucunes personnes ne sur ladite terre, ne aucune charge h\u00e9ritelle ne autre et pour la demande et … desdits pi\u00e8ces desdits Priv\u00e9 et femme et
\n23.\thoirs dudit Dehamme \u00e0 ceste valeur de la somme de ladite vente de 2 050 escuz savoir 150 escuz et 100 escuz pour une et mise en faisant ledit contrat dont ledit Juete demeure quicte, et aussi ledit chevalier quicte desdites
\n24.\td\u00e9clarations et oultre demeure quicte ledit chevalier de la somme de 15 escuz d\u2019or que debvoit ledit chevalier audit Juete par contrat et obligation et pour les causes y contenues et g\u00e9n\u00e9ralement du sourplus desdites demandes, aussi demeure … de ladite somme
\n25.\tde 2 050 escuz le nombre de 1 800 escuz d\u2019or, dudit poye pour lequel ledit Juete du consantement et \u00e0 la requeste dudit chevalier disoit qu\u2019il avoir plus cher me\u00fb son poiement en r\u00e9aux que en escuz, \u00e0 promis et s\u2019est oblig\u00e9 ledit
\n26.\tJuete sur l\u2019obligation de tous et chacuns ses biens et h\u00e9ritages rendre poier et fournir audit chevalier dedans le quinzi\u00e8sme jour du moys de septembre prochain venant en la ville de Nantes en la maison Gilet Barbe le nombre de 1 800 r\u00e9aux
\n27.\td\u2019or de poys de francs quittes … \u00e0 la paine de 200 r\u00e9aux de bon or, que Jehan Maubron promist et s\u2019obligea poier audit chevalier en cas de deffault de ce faire, et cest jour de nouvel en tant que mestier est en louant
\n28.\tratiffiant et approuvant ledit contrat a vendu et vent par ces pr\u00e9sentes c\u00e8de et transporte ledit chevalier audit Juete ladite terre \u00e0 ses appartenances pour ladite somme de 1 800 r\u00e9aux d\u2019or et quinze escus d\u2019or en oultre, et 60
\n29.\tescuz d\u2019or pour vins et mises en faisant cest pr\u00e9sent appointement et contrat que ledit Juete poira comme lesdites parties furent confessantes, et par partant poiant ladite somme de 1 800 r\u00e9aux d\u2019or a voulu et veult ledit chevalier pour luy
\n30.\tet ses hoirs que ledit Juette pour luy et les siens joisse h\u00e9ritelement de ladite terre de Maugazon o toutes et chacunes ses appartenances et de tout le droit qu\u2019il y a et peut avoir, et qu\u2019il en face la foy et homage aux seigneurs de qui lesdits h\u00e9ritages sont tenus
\n31.\t en pr\u00e9sence ou absence dudit chevalier et lui transporta et ceda droitture possession et saesine et tous les droits et actions que ledit chevalier y avoir et pouvoit avoir en quelconque mani\u00e8re que ce soit sans jamais au temps avenir aucune chose y retenir ne demander
\n32.\tet voulut et octroia ledit chevalier audit Juete qu\u2019il en prenne et appr\u00e9hende la possession et saesine r\u00e9elle et corporelle de sa propre autorit\u00e9 sans y appeler ledit chevalier, et par ces pr\u00e9sentes en quitte ledit chevalier les hommes et subjets de ladite terre et voulu
\n33.\tet veult qu\u2019ils poient … audit Juete enti\u00e8rement et plainement des rentes fruits revenus d\u2019icelle et des choses et chacune dessus dites promist et se obligea ledit chevalier en faire garantage audit Juete et ses hoirs envers tous et contre tous et en
\n34.\tespecial desdits 10 livres de rente et blez de rente que disoient lesdits Benoin et sa femme avoir sur ladite terre et … dudit procureur les fera comparoir et consantir les choses dessus dites ou en apportera assantement et quittance valable \u00e0 ses despens
\n35.\tet pareillement ledit chevalier apportera quittance et assentement valable de sa femme et … du droit de dame si le cas y avenoit et \u00e0 tous autres droits que pourroit demander esdits choses sadite femme, aussi est tenu bailler et baillera
\n36.\taudit Juete les lettres rolles papiers … et enseignements de ladite terre, tout ce que en a ou pouroit avoir, … avoir ne recevoir ledit poiement dont sera purgation si mestier est, et pour ledit garantage en faire
\n37.\tet les choses dessus dites accomplir comme dit est baillera ledit chevalier ledit Lebouem ou autre homme deument solvable dont ledit Juete soit content, plege et oblige principal comme de son fait et dont fera la debte et obligation … aussi par
\n38.\tledit procureur, et au regart des lev\u00e9es de ladite terre de cest aoust et au pr\u00e9sent et de tout le temps pass\u00e9 … en est deu tant des fermiers m\u00e9taiers receveurs sergens et autres personnes quelconques tant par blez rentes g\u00e9lines … ventes et autre chose, a voulu ledit chevalier que ledit Juete en joisse et luy en a c\u00e9d\u00e9 et transport\u00e9 tout les droits et actions quelconques qu\u2019il y avoit et pourroit avoir en quelconque mani\u00e8re que ce soit et ce pour le prix et somme
\n39.\tde 45 escuz d\u2019or, quels ledit Juete luy poia en notre pr\u00e9sence et s\u2019en tint content ledit chevalier et l\u2019en quitta, et en oultre c\u00e9da et transport\u00e9 ledit chevalier audit Juete et ses hoirs tout le droit et action qu\u2019il a et peut
\n40.\tavoir contre lesdit Priv\u00e9 femme et hoirs dudit Dechanne touchant ledit pr\u00e9 et pi\u00e8ces de terre r\u00e9serv\u00e9es comme dit est lesquelles ledit chevalier n\u2019est tenu garantir, et partant faisant fournissant et accomplissant lesdites choses
\n41.\trespectivement sont et demeurent quittes lesdites parties l\u2019une vers de tout ce que peuent qu\u00e9rir et demander \u00e0 cause desdites demandes et choses dessus dites, et autrement, de tout le temps pass\u00e9 en quelque mani\u00e8re et forme
\n42.\tque ce soit renon\u00e7ant lesdites parties et de fait renoncent \u00e0 fraude erreur decepte oultre moiti\u00e9 de juste prix et autres \u00e0 … restitutions de prix \u00e0 relaxation et dispence desment \u00e0 demander ne avoir pour juge
\n43.\tcomme de parler soy exomer exome mander soy appleger et contrepeger et \u00e0 toutes d\u00e9clinations contraires et deffenses quelconques qui contre la teneur de ces pr\u00e9senes pouront estre dites ou oppous\u00e9es disant …
\n44.\trenonciation non valoir si lespeciale ne procede et a ainsi de point en point le voulurent prometant tenir et non encontre … sur l\u2019obligation et ypoth\u00e8que de tous et chacuns leurs biens meubles et h\u00e9ritages pr\u00e9sents et futurs
\n45.\tlesquels expressement ypothequ\u00e8rent et oblig\u00e8rent quant \u00e0 ce tenir et accomplir lesdites parties et par leurs sermens le jur\u00e8rent lesdites parties et chacune sur saintes \u00e9vangilles et y furent par notre dite cour condempn\u00e9s et condempnons et de leurs assentement voulurent lesdites parties que des choses et chacunes dessus dites soient faictes et ferm\u00e9es lettres et contrats valables ung ou plusieurs substance non … tesmoingn les seaulx establiz aux
\n46.\tcontrats de notre dite cour avecques les passements cy apr\u00e8s appous\u00e9s fait l\u2019onziesme jour d\u2019aoust l\u2019an mil CCCC trante seix
\n47.\tsign\u00e9 : Pellaud, Deguet pass\u00e9, Giguet pass\u00e9, Leroux pass\u00e9<\/p>\n
![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.