\nLe 15 juillet 1526 (Cousturier notaire Angers) sur les questions et desbatz meuz et qui estoient en esp\u00e9rer de mouvoir entre maistre Jacques Leroyer licenci\u00e9 \u00e8s loix d\u2019une part et maistre Maurille Genault bachelier es loix d\u2019autre touchant ce que ledit Leroyer disoit que feu maistre Guillaume Henault en son vivant licenci\u00e9 \u00e8s loix seigneur de Borch\u00e8re avoir prins et receu de Jehan Vaugirault escuyer sieur de Chiz\u00e9 et Jacques Foucquet escuyer sieur de Boys Garnier la somme de 500 livres tournois quelle somme lesdits Vaugirault et Foucquet avoient pprinse et receue de v\u00e9n\u00e9rables et discretz les doyen et chapitre de l\u2019\u00e9glise d\u2019Angers pour laquelle auroient constitu\u00e9e par ypothecque universel la somme de 12 escuz d\u2019or de renet par une part et 6 livres tz aussi de rente par autre et se seroit iceluy feu maistre Guillaume Genault oblig\u00e9 ce moyennant vers lesdits Vaugirault et Foucquet payer et continuer ladite rente de 12 escuz par une part et 6 livres par autre, lesquelles somes seroient depuys tourn\u00e9es au profit dudit feu maistre Guillaume Genault et depuys seroit icelluy feu Genault all\u00e9 de vie \u00e0 trespas d\u00e9laiss\u00e9 en vie feuz Marguarite Bouet\/Louet ? damoiselle sa veufve Franczoys Maurille et Ren\u00e9e les Genaulx ses enffans yssus de leur mariaige lequel Leroyer auroit depuis est\u00e9 conjoint par mariaige avecques ladite Bouet\/Louet ? et voyant icelluy Leroyer ladite rente de 12 escuz et 6 livres tournois estre \u00e0 la grant charge des h\u00e9ritiers dudit feu Me Guillaume Hanault auroit icelluy Leroyer racquict\u00e9 et r\u00e9m\u00e9r\u00e9 les trois cinquiesmes parties d\u2019icelles sommes de 12 escuz d\u2019or et 6 livres tournois de rente et auroit le doit et action desdits v\u00e9n\u00e9rables et discretz lesdites portions d\u2019iceulx 12 escuz par une part et 6 livres par autre et dont auroit est\u00e9 fait cession,
\ndont disoit icelluy Maurille Genault luy en estre tenu pour sa quotit\u00e9 et pourla portion qu\u2019il estoit h\u00e9ritier de feu maistre Guillaume Genault son p\u00e8re au nombre de 4 escuz et demy de rente et 40 sols 6 deniers tournois dont demandoit luy estre fait assiete tant en principal que arr\u00e9raiges,
\ndisoit aussi ledit Leroyer que feu maistre Guillaume Genault auroit acquis de feu maistre Pierre Robin une piecze de terre appell\u00e9e les Foussez qui auroit est\u00e9 plant\u00e9e en vigne et 4 quartiers de vigne le tout ou fief et nuesse de la seigneurie de la Quarte dont estoit seigneur feu maistre Bertran de Blavou lequel feu de Blavou auroit transport\u00e9 audit Leroyer le droit de retraict f\u00e9odal ou ventes \u00e0 son cheoirs et pour ce que ledit Maurille Genault estoit seigneur possesseur desdites choses requeroit contre luy que ledit Maurille Genault fust contraint cognoistre ledit Leroyer audit retraict f\u00e9odal offrant rembourser ce que lesdites choses auroient coust\u00e9
\ndisoit aussy icelluy Leroyer avoir acquicter au sieur de Vezins la somme de 114 escuz en quoy estoit tenu ledit feu maistre Guillaume Genault et auroit poy\u00e9 la somme de 100 escuz \u00e0 feu maistre Guillaume Jarz\u00e9 pour le faict et en l\u2019acquit des h\u00e9ritiers dudit feu maistre Guillaume Genault et plusieurs autres debtes auroit poy\u00e9es et acquit\u00e9es et au proffilt et descharge dudit Maurille Genault en tant et pour la porcion qu\u2019il est h\u00e9ritier dudit deffunt Me Guillaume Genault dont demandoit remboursement
\ndisoit aussy ledit Leroyer que le jour saint Berthelemy en l\u2019an 1524 ledit Maurille Genault auroit baill\u00e9 et afferm\u00e9 audit Leroyer sa maison d\u2019Angers o\u00f9 estoit demourant ledit feu maistre Guillaume Genault les lieux de la Bonnelle et la moicti\u00e9 du cloux des vignes des Fouss\u00e9s et de la Saullaye et autres choses mentionn\u00e9es \u00e8s lettres de baill\u00e9e \u00e0 ferme pour en poyer la somme de 100 livres tournois par chacun an, en la jouissance de laquelle ferme auroit est\u00e9 icelluy Leroyer troubl\u00e9 et empescher et n\u2019en auroit peu jouyr paisiblement et par ce demandoit ses int\u00e9rests et en chacunes desdites instances concluoit que bon luy sembloit
\nde la part duquel Maurille Genault estoit dit qu\u2019il ne scavoir riens desdites constitutions desdites renets de 12 escuz et 6 livres ensemble du r\u00e9m\u00e9r\u00e9 que dit en avoir faict ledit Leroyer et ce qui a est\u00e9 fait des meubles communs de ladite feue Marguarite Louet sa m\u00e8re et en tout \u00e9venement ou tenu y seroit que non ne pouvoir estre que d\u2019une cinquiesme partie en une moicti\u00e9 et quant audit retraict f\u00e9odal disoit n\u2019estre tenu le cognoistre par ce que de ladite cession ne a apparoissoit riens aussi que ad ce n\u2019estoit recepvable par le coustume du pays par ce que les debvoirs en auroients est\u00e9s poy\u00e9s audit feu de Blavou qui les avoir receuz et par ce n\u2019y estoit recevable et quant aux autres debtes que disoit ledit Leroyer avoit ainsi poy\u00e9es tant au sieur de Vezins Jarz\u00e9 aux \u00e9glises de st Maurille et saint Pierre d\u2019Angers et autres quelconques disoit ledit Maurille Genault n\u2019estre tenu au remboursement par ce que ses curateurs l\u2019en avoient acquiter sur les meubles dudit feu Genault que aultres biens demeur\u00e9s de ses h\u00e9ritaiges et quant \u00e0 la ferme de ses choses ne pansoit denier que il n\u2019eust fait ladite affermance audit Leroyer pour luy en poyer par ledit Leroyer ladite somme de 100 livres par chacun an mays disoit n\u2019y avoir est\u00e9 empescher en la jouyssance et en empesche y auroit est\u00e9 par la coulpe dudit Maurille Genault et en tout evenement offroit desduyre sur le poyement de ladite ferme les choses dont ledit Leroyer n\u2019avoit jouy,
\ndisoit aussi que depuys le mariaige dudit Leroyer et de ladite Bouet icelluy Leroyer avoit prins et receu plusieurs sommes de denyers des r\u00e9m\u00e9r\u00e9s faits par vertu de gr\u00e2ce de plusieurs acquests d\u2019h\u00e9ritaiges et ypoth\u00e8cques acquis par ledit feu maistre Guillaume Genault et Marguarite Louet ses p\u00e8re et m\u00e8re et grant quantit\u00e9 de meubles audit Maurille Genault appartenant dont demandoit restitution,
\ndisoit aussi ledit Maurille Genault que ledit Leroyer s\u2019estoyt efforc\u00e9 faire bailler et d\u00e9livrer par assiette par la cour de la pr\u00e9vost\u00e9 d\u2019Angers pour telle porcion que ledit Maurille Genault estoit tenu en ladite pr\u00e9tendue rente de 12 escuz et 6 livres et sa maison et jardrins de ceste ville d\u2019Angers et fait congnoistre le retrait f\u00e9odal de ladite closerie des Foussez ayant l\u2019action dudit de Blavou sieur de la Quarte combien que par les moyens desduyre ledit Maurille Genault ne fust ad ce tenu aussi ne l\u2019eust ainsi voulu ne consenty ne eust est\u00e9 ad ce pr\u00e9sent et par ce demandoit cassation de ce qui fait en avoit est\u00e9 et que \u00e0 ce ledit maistre Jacques Leroyer y renonczoit et luy en rendist les lettres sur ce faites en ladite cour de la pr\u00e9vost\u00e9 d\u2019Angers cass\u00e9es et adnull\u00e9es et de nul effet
\naussi disoit ledit Genault que ledit Leroyer avoir prins et emport\u00e9 plusieurs lettres de la maison dudit Genault …
\net en chacune desdites instances concluoit que bon luy sembloit
\net sur ce estoient les parties en involution de proc\u00e8s pour lesquels terminer o l\u2019advys et d\u00e9lib\u00e9ration de plusieurs leurs parents et amys et gens de conseil sont condescenduz \u00e0 accorder comme s\u2019ensuyt, pour ce est il que en notre cour royale Angers ont est\u00e9 pr\u00e9sents et personnellement establiz ledit Leroyer d\u2019une part et Maurille Genault d\u2019age de 20 ans et plus comme il dit d\u2019autre soubzmectans etc lesquels et chacun d\u2019aulx ont congneu et confess\u00e9 congnoisent et confesent de et sur lesdits diff\u00e9rens leurs circonstances et d\u00e9pendances avoir transig\u00e9 et appoint\u00e9 comme s\u2019ensuyt,
\nscavoir est que ledit Leroyer s\u2019est du jourd\u2019huy d\u00e9sist\u00e9 et d\u00e9party d\u00e9siste et d\u00e9part de ladite assiette et cession qui auroit est\u00e9 faite audit Leroyer par ladite cour de la pr\u00e9vost\u00e9 d\u2019Angers de ladite maison et jardrins d\u2019icelluy Maurille Genault sise en ceste ville et en laquelle estoit demourant ledit feu maistre Guillaume Genault pour payemet de ladite somme de 5 escuz et demy et 40 sols de rente faisant portion de ladite pr\u00e9tendue rente de 12 escuz et 6 livres tournois ensemble de ladite congnoissance de retrait que ce seroit efforc\u00e9 faire maistre Denys Delestang soy disant procureur dudit Maurille Genault ensemble de ladite rente tant en principal que arr\u00e9raiges en tant que ledit Maurille Genault y seroit tenu sans jamays en faire question ne demande en quelque forme que ce soit, et les lettres qui en auroient est\u00e9 syr ce faites tant de la portion de ladite rente que de ladite assiette voulu et consenty veult et consent estr\u00e9 cass\u00e9es et annull\u00e9es et comme telles les a baill\u00e9es et d\u00e9livr\u00e9es audit Maurille Genault ensemble lesdites lettres de transport fait par le feu de Blavou sans jamais s\u2019en pouvoir ayder en et par quelque many\u00e8re que ce soit ou puisse estre comme si jamais n\u2019avoient est\u00e9 faites ne sans jamais de ladite rente et arr\u00e9raiges d\u2019icelle frais cousts et mises faire question ne demande par ledit Leroyer ses hoirs etc ains en demeure d\u00e9charg\u00e9 et priv\u00e9 pour jamais ses hoirs et aians cause, ensemble de toutes les autres demandes dont cy davant faisoit questions et autres quelconques que ledit Leroyer pouroit ou eust peu faire paravant ce jour, ensemble a ledit Leroyer quict\u00e9 et quicte ledit Maurille Genault de ladite affermance et a ledit Leroyer quict\u00e9 c\u00e9dd\u00e9 et transport\u00e9 audit Genault le droit cession et transport qu\u2019il disoit luy avoir est\u00e9 fait par ledit Me Bertrand de Blavou pour raison desdites vignes des Fouss\u00e9s,
\net moyennant ce et par ceste dite transaction ledit Leroyer demeure quicte et descharg\u00e9 vers ledit Genault de ce qu\u2019il luy doit ou pouroit devoir pour raison et \u00e0 l\u2019occasion dudit fermaige de tout le temps pass\u00e9, aussi demeure ledit Leroyer quicte vers ledit Genault de ce en quoy il estoit est ou pouroit estre tenu vers luy pour raison et \u00e0 l\u2019occasion desdites rescouses r\u00e9m\u00e9r\u00e9 et choses dessus dites de toutes autres actions dont ledit maistre Maurille luy eust peu ou pouroit faire question et demande, lesquelels ledit Genault tient icy pour exprim\u00e9es et rest\u00e9es comme aussi fait ledit Leroyer respectivement sans jamais en pouvoir iceluy Genault faire question et demande audit Leroyer et n\u00e9antmoins demeure audit Leroyr les louaites du pass\u00e9 jusques \u00e0 aujourd\u2019huy de ladite maison pour s\u2019en faire icelluy Leroyer poyer par maistre Gervaise Eliant auquel ledit Leroyer l\u2019avoit lou\u00e9e paravant ce jour et demeure ledit Genault tenu continuer audit Elyand le march\u00e9 de louaige que ledit Leroyer avoir audit Elyant pour le temps qui en demeure
\net s\u2019est ledit Maurille Genault d\u00e9sist\u00e9 et d\u00e9party d\u00e9siste et d\u00e9part de l\u2019opposition que maistre Gervaise Eliant soy disant son curateur auroit donn\u00e9e contre les Royers \u00e0 bannyes faites et poursuyvyes par ledit Leroyer d\u2019une piecze de pr\u00e9 appell\u00e9 le pr\u00e9 Chapperon par deffault de poyement de certains arr\u00e9raiges de quatre septiers de bl\u00e9 de rente en quoy luy estoit tenu ledit feu Fran\u00e7ois Genault le tout sans despens
\net a ce jourd\u2019huy ledit Maurille Genault moiennant ceste intercession accord\u00e9e \u00e0 ladite demande intent\u00e9e par sesdits tuteurs ou curateurs \u00e0 l\u2019encontre dudit Leroyer et autres entreprinses desdites lettres et de ce qui s\u2019en est ensuy et tant en principal que en deppens de non jouissance … ratiff\u00e9 et approuv\u00e9 ratiffie et approuve certaine transaction piecza faite entre ledit Leroyer et maistre Georges Bouet (ou Louet ?) licenci\u00e9 \u00e8s loix lieutenant de monsieur le s\u00e9n\u00e9chal d\u2019Anjou \u00e0 Baug\u00e9 comme curateur dudit Maurille genault et avecques maistre Gervaise Eliant mary de feu damoiselle Catherine Genault sa femme touchant certaine donaison mutuelle future entre ledit Leroyer et ladite feue Marguarite Louet sa femme m\u00e8re dudit Maurille Genault en la cour de la seigneurie d\u2019Anjou et a iceluy Genault pour agr\u00e9able ladite transaction vouly et consenty qu\u2019elle sorte son effet selon sa forme et teneur sans jamais y contrevenir en aulcune many\u00e8re apr\u00e8s qu\u2019il a confess\u00e9 par devant nous d\u2019icelle transaction s\u2019estre deuement content\u00e9
\net oultre le contenu en ces pr\u00e9sentes et moyennant icelles lesdits Leroyer et Genault sont demour\u00e9s et demeurent quittes l\u2019un vers l\u2019autre respectivement de toutes les choses dessus dites et autres quelconques soient actions tant r\u00e9elles criminelles mixtes que personnelles ou oultres que ledit Leroyer et maistre Maurice Genault se feussent peu faire et intenter et poursuivre l\u2019un vers l\u2019autre par avant ce jour soient intent\u00e9es ou \u00e0 intenter en quelque forme et mani\u00e8re que ce soit voulans lesdits Leroyer et Genault que ladite quittance g\u00e9n\u00e9rale vaille et tienne comme si toutes les choses dont ils eussent peu faire poursuite ou demande l\u2019un \u00e0 l\u2019autre estoient exprim\u00e9es et declar\u00e9es en ces pr\u00e9sentes
\net est ce fait sans pr\u00e9judice des actions que ledit Me Maurille Genault dit avoir contre ledit Royer touchant les h\u00e9ritaiges qu\u2019il dit ledit Leroyer tenir et qu\u2019il a des acquests de feu Me Guillaume et Marguarite Louet ses p\u00e8re et m\u00e8re les deffances dudit Leroyer au contraire
\n
sans doute a-t-il oubli\u00e9 certaines r\u00e8gles de transmission des biens de son beau-fils, en tous cas, la transaction se termine sans contrepartie de l’un ou l’autre, donc, chacun \u00e9tait peu clair dans ses demandes et d\u00e9fenses. Cet acte ne nous dit pas si ce Jacques Leroyer aurait eu post\u00e9rit\u00e9, car il ne traite que des … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"