\nLe 9 f\u00e9vrier 1571 (Michel Hardy notaire royal \u00e0 Angers) comme ainsi soit ainsi que d\u00e8s le mois de juillet 1546 missire Ren\u00e9 (pli) pr\u00eatre \u00e0 la requeste de honorable homme maistre Pierre Gourreau aiant commenc\u00e9 se mesler des affaires de deffunt honorable homme Jehan Gourreau lesn\u00e9 p\u00e8re dudit maistre Pierre Gourreau et se soit aussi mesl\u00e9 des affaires de deffunt homme Jehan Gourreau le jeune son fr\u00e8re et semblablement des affaires de maistre Pierre Gourreau tant en faict de recepte que de mise et tant des terres et seigneuries de la Roche Joullain Pall\u00e9e fief de Ch\u00e2teau-Gontier aultrement dict Martineau Ceur de Roy que des aultres de leus terres mestairyes et borderies ou de partye d\u2019icelles \u00e0 savoir dse affaires dudit Jehan Gourreau lesn\u00e9 depuis ledit temps et en susdit 1546 jusques au temps de son d\u00e9c\u00e8s qui fut le jour et feste monsieur st Marc 25 avril 1552 desquelles recepte et mise ledit Fauquereau auroit tenu compte audit maistre Pierre Gourreau et baill\u00e9 les papiers d\u2019icelle recepte et mise jusques au29 mars 1558 et d\u2019icelle recepte et mise auroient lesdits maistre Pierre Gourreau et Jehan Gourreau le jeune ensemble et d\u2019ung mesme voulloir accord et consenetment quit\u00e9 ledit Fauquereau qui les avoit semblablement quit\u00e9s de ses gaiges sallaires et vacations fors de la somme de 17 livres 10 sols 7 deniers en laquelle ils luy estoient encore demeur\u00e9s redevables de reste de sesdits gaiges comme appert par quitance sign\u00e9e desdits maistre Pierre et Jehan les Gourreau et dudit Faucquereau en datte du 20 mars 1558, et depuis celuy jour se seroit encores ledit Faucquereau mesl\u00e9 des affaires dudit Jehan Gourreau le jeune jusques au mois d\u2019ao\u00fbt 1568 qu\u2019il cessa se mesler des affaires d\u2019iceluy Jehan Gourreau et de sa mestairye sise \u00e0 Distre pr\u00e8s Saulmur o ses appartenances et des affaires dudit maistre Pierre Gourreau jusques \u00e0 ce jourd\u2019huy en fait de recepte et de mise de aulcunes de ses terres mesmes des terres et seigneuries de la Roche Joullain Pall\u00e9e fief de Ch\u00e2teau-Gontier la Saullaye la Colliny\u00e8re et la Gauberdi\u00e8re ou de partie d\u2019icelles faisant laquelle recepte ledit Faucquereau auroit quelquefois baill\u00e9 quitance de ce qu\u2019il recepvoir et iceluy Faucquereau tenu compte audit Me Pierre Gourreau auquel il en auroit \u00e0 semblable baill\u00e9 les papiers de recepte et mise par lesquels auroient est\u00e9 trouv\u00e9 d\u00e9duction faite des mises faites par ledit Faucquereau sur ladite recepte par luy faite et de ses gaiges de tout le temps pass\u00e9 jusques \u00e0 huy ensemble de la somme de 17 livres 10 sols 7 deniers qui luy esetoit encores deue dudit pr\u00e9c\u00e9dant compte ladite mise se monter aultant que ladite recepte en n\u2019estre rien deu de toutte ladite recepte du pass\u00e9 par ledit Faucquereau audit Gourreau fors la somme de 60 livres qui est deue audit Faucquereau pour le reste de ses gaiges du pass\u00e9 jusques \u00e0 ce jour
\npour ce est-il que en notre cour royale \u00e0 Angers endroit par davant nous personnellement estably ledit Gourreau demourant en ceste ville d\u2019Angers d\u2019une part, et ledit Faucquereau aussi demeurant en ceste dite ville d\u2019Angers d\u2019aultre part, soubzmectant etc confesent les choses dessus dites estre vrayes et avoir deument compt\u00e9 ensemblement des choses cy dessus tellement qu\u2019ils ont trouv\u00e9 calcul deument fait qu\u2019ils ne s\u2019entre doibvent aulcune chose du pass\u00e9 jusques \u00e0 huy et partant se sont entre quict\u00e9s et quictent l\u2019ung l\u2019autre \u00e0 savoir ledit Me Pierre Gourreau iceluy Faucquereau de la gestion et administration de sesdites choses tant en recepte que en mise de tout le temps pass\u00e9 jusques \u00e0 pr\u00e9sent et mesmes de ce que en quoy il auroit baill\u00e9 quictance ou quictances de ce qu\u2019il a cy davant receu pour ledit Gourreau ensemble ceulx auxquels ledit Faucquereau a baill\u00e9 lesdites quictances par ce que ledit Faucquereau luy en a tenu compte comme dit est et sur ce a rendu tous les parpiers et enseignements qu\u2019il avoit appartenant audit Gourreau et \u00e0 son dit p\u00e8re ensemble la quit\u00e9 et promis acquiter de la gesttion negotiation et administration des biens et choses dudit Jehan Gourreau le jeune et de sa mestairie sise \u00e0 Distre pr\u00e8s Saulmur o ses appartenances vers damoiselle Tsabeau Lecamus veufve dudit deffunt Jehan Gourreau le jeune son fr\u00e8re par ce que pr\u00e9sentement et en notre pr\u00e9sence ledit Faucquereau a baill\u00e9 audit Me Pierre Gourreau par escript les frais et mises qu\u2019il a faites des deniers d\u2019iceluy maistre Pierre Gourreau pour iceluy Jehan Gourreau son fr\u00e8re et pour ladite Lecamus sa veufve et mesmes poy\u00e9 par plusieurs ann\u00e9es les faczons de leurs vignes qui sont des appartenances de leur dite mestairie sise \u00e0 Distre et achapt\u00e9 les tonneaulx pour le vin creu desdites vignes et plusieurs aultres frais et mises en leurs proc\u00e8s et aultres leurs affaires lesquels deniers que ledit Faucquereau y a employ\u00e9s appartenant audit Me Pierre Gourreau ont est\u00e9 par luy desduictz par lesdits comptes cy dessus audit Faucquereau auquel n\u2019en est rien deu et demeurent audit Me Pierre Gourreau pour s\u2019en faire rembourser par ladite Lecamus et aultre qu\u2019il appartiendra ainsi qu\u2019il verra estre \u00e0 faire sans que ledit Faucquereau puisse estre appell\u00e9 en aulcun garantaite ne soustenement ne aultrement inqui\u00e9t\u00e9 ou poursuivi pour raison de ce et aussi pour raison des escripts quitances r\u00e9c\u00e9pisss papiers ou m\u00e9moires de comptes portans receptes et mises cy davant baill\u00e9s par luy audit maistre Pierre Gourreau touttes lesquelles moiennant ces pr\u00e9sentes demeurent nulz cass\u00e9s et adnul\u00e9s et ledit Fauquereau quicte de tout ce que ledit Pierre Gourreau eu peu ou pourroit demander sans qu\u2019il en puisse estre aulcunement poursuivi pour l\u2019advenir par ledit Gourreau ladite Lecamus ne autres ne aussi ledit Gourreau par ledit Faucquereau leurs hoirs et en quelque sorte ou pour quelque cause que ce soit et aussi demeure quite ledit Me Pierre Gourreau vers ledit Faucquereau de toutes les mises gestions n\u00e9gociations peines salaires vacations et gaiges dudit Faucquereau qu\u2019il eust peu ou pourroit demander pour toutes lesdites mises gestions peines et vacations faites tant pour ledit Me Pierre Gourreau que sesdits p\u00e8re et fr\u00e8re et ladite Lecamus de tous le temps pass\u00e9 jusques \u00e0 ce jourd\u2019huy et g\u00e9n\u00e9ralement lesdits Gourreau et Faucquereau s\u2019entre sont quict\u00e9s et quictent de tout ce qu\u2019ils s\u2019entre feussent peu demander pour quelque cause que ce soit de tout le pass\u00e9 jusques \u00e0 ce jour d\u2019huy
\nauquel compte accord et quitance et tout ce que dessus est dit tenir etc garantir etc dommages etc renon\u00e7ant etc foy jugement et condemnation etc
\nfait et pass\u00e9 audit Angers par devant nous Michel Hardy en pr\u00e9sence de honorable homme Me Ren\u00e9 Ogier advocat Angers et Me Jehan Gaultier demeurant audit Angers tesmoings
\n
je pense que ce Pierre Gourreau est de la m\u00eame famille que l’\u00e9poux Leroyer vu en 1604 il y a quelques semaines sur ce blog. On voit que cette famille poss\u00e9dait plusieurs biens, dont certains pr\u00e8s de Saumur, d’autres pr\u00e8s de Ch\u00e2teau-Gontier J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E5 \u2013 Voici … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"