\nLe 9 avril 1521 avant Pasques (donc le 9 avril 1522 n.s.) comme ainsi soit que proc\u00e8s dust meu et pendant par davant monsieur le lieutenant du seneschal d\u2019Anjou \u00e0 Angers entre Guillaume de la Roche l\u2019un des maistres bouchers de ceste ville d\u2019Angers demandeur d\u2019une part
\net honneste femme Jehanne Cyreulle veufve de feu Jehan Lemoyne en son vivant aussi marchand boucher demourant \u00e0 Angers deffenderesse d\u2019autre part
\npour raison de certaine somme de deniers que ladite deffenderesse disoit luy avoir est\u00e9 prinses et desrob\u00e9es et concluoit \u00e0 l\u2019encontre dudit demandeur luy avoit est\u00e9 fait ladite desrobation et avoit fait faire icelle deffenderesse informations \u00e0 l\u2019encontre dudit demandeur en vertu desquelles informaitons les gens du roy joint avecques ladite deffenderesse fut ledit demandeur d\u00e9tenu de sa personne \u00e8s prisons royaulx d\u2019Angers et concluoit icelle deffendesse \u00e0 l\u2019encontre dudit demandeur que iceluy demandeur fust contraint de luy rendre et restituer les sommes de deniers qu\u2019elle disoit luy avoir est\u00e9 prinses et desrob\u00e9es
\net par ledit demandeur estoit r\u00e9pliqu\u00e9 au contraire et luy nyoit les faits par elle prequises et maintenoit \u00e0 l\u2019encontre d\u2019icelle deffenderesse qu\u2019il ne seroit trouv\u00e9 prouv\u00e9 ne monstr\u00e9 du fait qu\u2019elle proposoit contre ledit demandeur et demandoit despens et desdommagements luy estre fait r\u00e9paration du deshonneur et emprisonnement qu\u2019elle auroit fait de sa personne et ce dont elle l\u2019acoustre,
\nsur lesquels diff\u00e9rens et d\u00e9bats entre eulx lesdites parties estoient en grand involution de proc\u00e8s pour auxquels obvier o le conseil d\u2019aulcuns notables personnages leurs amys ont transig\u00e9 pacifi\u00e9 et appoint\u00e9 entre eulx en la mani\u00e8re qui s\u2019ensuit
\npour ce est-il que en notre cour royale \u00e0 Angers personnellement establiz lesdites parties soubzmectans etc confessent que pour plait et proc\u00e8s eschever paix et amour nourrir entre eulx le conseil de leurs dits amys avoir transig\u00e9 paciffi\u00e9 et appoint\u00e9 entre eulx tels et en la mani\u00e8re qui s\u2019ensuit c\u2019est \u00e0 savoir que pour demourer quicte ladite deffenderesse des demandes par elle proupous\u00e9es \u00e0 l\u2019encontre dudit demandeur les gends du roy joint avecques elle en ladite demande elle a pay\u00e9 baill\u00e9 et nombr\u00e9 content en pr\u00e9sence et \u00e0 veue de nous audit demandeur la somme de 12 livres tournois en or et monnoie dont ledit demandeur s\u2019en est tenu par davant nous \u00e0 bien pai\u00e9 et contant et en a quict\u00e9 et quicte ladite deffenderesse, ensemble de tout ce qui pourroit ensuivre pour ladite accusation en tant et pour tant que touche ledit demandeur et non autrement et a promis et promet ledit demandeur ne faire jamais question ne demande \u00e0 ladite deffenderesse ses hoirs et ayant cause pour raison dudit proc\u00e8s ses circonstances et d\u00e9pendances en aulcune mani\u00e8re ne pour raison de ce avoir aulcunes lettres et relief et y a renonc\u00e9 et renonce par ces pr\u00e9sentes
\net de l\u2019accusation propos\u00e9e par ladite deffenderesse \u00e0 l\u2019encontre dudit demandeur ladite deffenderesse en a quicte et descharg\u00e9 et en quite et descharge ledit demandeur par ces pr\u00e9sentes ses hoirs et aians cause
\nauxquelles choses dessus dites tenir et accomplir d\u2019une part et d\u2019autre et aux dommages l\u2019un de l\u2019autre amandes etc obligent lesdites parties l\u2019une vers l\u2019autre etc renon\u00e7ant etc foy jugement et condemnation etc
\npr\u00e9sents ad ce honnestes personnes Jacques Jarry Guillaume Prepion et Marin Croisay tous marchands demourans en ceste ville d\u2019Angers tesmoings
\nfait et donn\u00e9 \u00e0 Angers les jour et an susdits <\/p>\n
et obtient 12 livres de l’accusatrice, pour laver son honneur. Je suppose que de nos jours les fausses accusations sont punies de peines plus importantes ? J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) : Le 9 avril 1521 avant Pasques (donc le 9 … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n","protected":false},"excerpt":{"rendered":"