\nLe mardi 14 novembre 1606 apr\u00e8s midy, par devant nous Ren\u00e9 Serezin notaire royal \u00e0 furent pr\u00e9sents et personnellement establis Jacques Dufresne escuyer sieur dudit lieu en Auverse d\u2019Aupinelle en Anjou et baron de Vaulx au Maine demeurant audit lieu seigneurial du Fresne paroisse d\u2019Auverse, dame Ambroise Dufresne sa soeur femme en premi\u00e8res nopces de deffunt messire Jouachim de la Crossonni\u00e8re vivant chevalier de l\u2019ordre du roy seigneur dudit lieu Moz\u00e9 et en secondes nopces de deffunt messire Jacques de Vigr\u00e9 vivant chevalier de l\u2019ordre du roy conseiller et Me d\u2019hostel de sa majest\u00e9, seigneur de la Bastide, et Claude de la Crossonni\u00e8re escuyer sieur dudit lieu Moz\u00e9 et Coss\u00e9 fils de ldite dame et dudit sieur de la Crossonni\u00e8re demeurant audit lieu paroisse de Moz\u00e9, lesquels soubzmis soubz ladite cour eulx et chacun d\u2019eulx seuls et pour le tout sans division de personne ne de biens eulx leurs hoirs etc ont recogneu et confess\u00e9 de leur bon gr\u00e9 et libre volont\u00e9 que ce jourd\u2019huy \u00e0 leur pri\u00e8re et requeste et pour leur servir sire Andr\u00e9 Negrier marchand fermier de la terre et seigneurie de la Brosse \u00e0 ladite dame appartenant, \u00e0 ce pr\u00e9sent et acceptant solidairement avecq lesdits sieurs et dame mis et constitu\u00e9 vendeur de la somme de 320 livres tz de rente envers noble homme monsieur Me Guillaume Bautru sieur de Cherelles grand raporteur de France, conseiller du roy en son grand conseil, pour la somme de 5 120 livres tz comme appert par le contrat qui en a est\u00e9 fait pass\u00e9 par devant nous et combien que par iceluy appert que ledit Negrier ait eu et receu ladite somme comme lesdits sieurs et dame establis, n\u00e9anlmoins la v\u00e9rit\u00e9 est que lesdits sieurs et dame ont \u00e0 l\u2019instant dudit contrat pour le tout eu et receu ladite somme sans que d\u2019elle il en soit rien demeur\u00e9 \u00e8s mains dudit Nogues ne aulcune parti d\u2019ielle tourn\u00e9 \u00e0 son profit, recognaissant lesdits sieurs et dame ladite somme \u00e0 messire Loys de Guinel chevalier sieur de Saint Aubin et \u00e0 dame Gabrielle de la Crossonni\u00e8re son espouse pour partie de ses deniers dotaulx \u00e0 eulx promis par leur contrat de mariage pour la l\u00e9gitime part et portion de ladite dame Gabrielle de la Crossonni\u00e8re de la succession dudit deffunt sieur de la Crossonni\u00e8re son p\u00e8re que de ladite sa m\u00e8re et autres successions \u00e0 elle \u00e0 eschoir, laquelle dame Gabrielle de la Crossonni\u00e8re \u00e0 ce pr\u00e9sente authoris\u00e9e dudit de st Aubin son mary quant \u00e0 ce comme elle a dit et asseur\u00e9 l\u2019a aussy recogneu, partant ont lesdits sieurs et dame establis et chacun d\u2019eulx seul et pour le tout sans division etc promis et promettent audit Negrier de l\u2019acquiter lib\u00e9rer et indemniser et rendre quite du tout le contenu audit contrat tant en principal que arr\u00e9rages et luy fournir et bailler copie de l\u2019admortissement de ladite rente ou descharge vallable dudit sieur Bautru dedans 5 ans prochainement venant \u00e0 peine de toutes pertes despens dommages et int\u00e9rests stipul\u00e9s et accept\u00e9s par ledit Neguier en cas de deffault, et pour l\u2019effet de ces pr\u00e9sentes et ce qui en despend lesdits sieurs et dame establis ont prorog\u00e9 cour et juridiction en ceste ville par devant monsieur le lieutenant g\u00e9n\u00e9ral de monsieur le seneschal d\u2019Anjou, voulu et consenty, veulent et consentent y estre trait\u00e9s et poursuivis comme par devant leur juge ordinaire et renon\u00e7\u00e9 \u00e0 tous d\u00e9clinatoires pour quelque cause et privil\u00e8ge que ce soit et eslisent leur domicile irr\u00e9vocable pour eulx leurs hoirs et ayant cause en ceste ville maison de noble homme Claude Collas sieur de la Coutaye advocat Angers pour y recepvoir tous exploits de justice qu\u2019ils consentent valoir et estre de tels effets force et vertu comme si faits et baill\u00e9s estoient \u00e0 leurs propres personnes ou domiciles naturels prometant etc dommages etc obligent lesdits sieurs et dame eulx et chacun d\u2019eulx seul et pour le tout sans division de personnes ne de biens etc renon\u00e7ant etc et par especial aulx b\u00e9n\u00e9fices de division de discussion d\u2019ordre de priorit\u00e9 et post\u00e9riorit\u00e9 et ladite Ambroise Dufresne au droit velleien \u00e0 l\u2019epistre divi Adriani \u00e0 l\u2019authentique si qua mulier et \u00e0 tous autres droits faits et introduits en faveur des femmes que luy avons donn\u00e9s \u00e0 entendre estre etls que femme ne peut interceder ne s\u2019obliger pour autruy sinon qu\u2019elle ayt expressement renon\u00e7\u00e9 auxdits droits autrement elle en pourroit estre relev\u00e9e, lesquels droits elle a dit bien entendre etc foy jugement condemnation etc
\nfait Angers maison de nous notaire en pr\u00e9sence de Me Ren\u00e9 Gilles et Fran\u00e7ois Bernier demeurant audit Angers tesmoins
\n
C’et une jolie dot, pour une fille qui est toujours cadette et n’est pas h\u00e9riti\u00e8re principale en pr\u00e9sence d’un fr\u00e8re. Si le pr\u00eateur n’est autre que Guillaume Bautru, il a fallu la caution du fermier des Dufresne, et ici je vous mets la contre-lettre qui atteste qu’il est intervenu en tant que caution. J’ai trouv\u00e9 … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"