\nLe 22 ao\u00fbt 1558 en la cour du roy notre sire \u00e0 Angers (Jean Legauffre notaire royal Angers) personnellement establyz honnestes personnes Vincent Garnier marchand et Ren\u00e9e Allain sa femme de luy suffisamment auctoris\u00e9e quant ad ce et encores Fran\u00e7oise Mellet veufve de deffunt Jacques Allain demourant es faulxbourgs st Jacques d\u2019Angers soubzmectant eulx et ung chacun d\u2019eulx seul et pout le tout sans division de partie ne de biens leurs hoirs etc confessent que combien que d\u00e8s le 4 juillet dernier pass\u00e9 honneste homme Charles Doysseau marchand demeurant audit angers ayt pleny et cautionn\u00e9 ledit Garnier de la somme de 333 livres 6 sols 8 deniers tz restant de plus grande somme en laquelle somme honorable homme maistre Guillaume Perrault licenci\u00e9 \u00e8s lois advocat audit Angers estoyt tenu comme curateur de deffunte Ren\u00e9e Rameau fille de ladite Allain et de deffunt Loys Rameau son mary en premi\u00e8res nopces envers ledit Garnier \u00e0 cause de sadite femme h\u00e9riti\u00e8re de ladite deffunte Ren\u00e9e Rameau sadite fille par la sentence donn\u00e9e de monsieur le juge et garde de la pr\u00e9vost\u00e9 d\u2019Angers le 5 janvier aussi dernier pass\u00e9 pour les causes et aux charges port\u00e9es par ladite sentence que ladite caution et pl\u00e9nie prest\u00e9e par ledit Doysseau a est\u00e9 \u00e0 la pri\u00e8re et requeste desdits establys et pour leur faire plaisir, au moyen de quoy et en ensuyvant ladite sentence dudit 4 juillet dernier par laquelle ledit Garnier auroyt promis indempniser ledit Doysseau et son certifficateur de ladite caution et certiffication dabondant et encore du jourd\u2019huy et par ces pr\u00e9sentes en tant que besoing seroyt lesdits Garnier sadite femme et Mellet establis promettent sont et demeurent tenuz chacun d\u2019eulx seul sans division de partie ne de biens leurs hoirs etc acquiter garantir et rendre quite et indempne et descharg\u00e9 toutefois et quantes que mestier sera ledit Doysseau ad ce pr\u00e9sent et acceptant de sadite pl\u00e9nie et caution et ce \u00e0 la peine de tous despens dommages et int\u00e9rests en cas de deffault ces pr\u00e9sentes n\u00e9anmoins etc et oultre lesdits establys et ledit Charles Doysseau deument soubmis et oblig\u00e9 soubz ladite cour promettent eulx et chacun d\u2019ulx seul et pour le tout sans division de partie ne de biens leurs hoirs etc acquiter et garantir aussi de tous despens dommages et int\u00e9rests maistre Fran\u00e7oys Doysseau ad ce pr\u00e9sent et acceptant ses hoirs etc de la certiffication qu\u2019il auroyt faite dudit Charles en ladite caution pour ladite comme de 333 livres 6 sols 8 deniers tz et encores pour le regard de la descharge de ladite certiffication sont et demeurent tenuz paier cesdites pr\u00e9sentes lesdits Garnier et sadite femme et Mellet eulx et ung chacun d\u2019eulx seul et pout le tout sans etc comme dit est acquiter et garantir ledit Charles Doysseau
\net \u00e0 tout ce que dessus est dit tenir et accomplir etc garantir etc dommages etc obligent lesdits Gernier et sadite femme Mellet comme dit est eulx et chacun d\u2019eulx seul et pour le tout sans division de partie ne de biens leurs hoirs etc renonczant etc et par especial au b\u00e9n\u00e9fice de division discussion et d\u2019ordre etc et encores lesdite femmes \u00e0 l\u2019autenticque si qua mulier au droit velleyen et \u00e0 tous les droits introduits en faveur des femmes etc foy etc jugement et condemnation etc fait et pass\u00e9 en la maison desdits Garnier en pr\u00e9sence de Jehan Crochery et Guillaume Renou demourans es faulxbourgs saint Jacques tesmoings
\n
Cet acte aux Archives D\u00e9partementales du Maine-et-Loire, s\u00e9rie 5E8 \u2013 Voici ma retranscription (voir ci-contre propri\u00e9t\u00e9 intellectuelle) : Le 22 ao\u00fbt 1558 en la cour du roy notre sire \u00e0 Angers (Jean Legauffre notaire royal Angers) personnellement establyz honnestes personnes Vincent Garnier marchand et Ren\u00e9e Allain sa femme de luy suffisamment auctoris\u00e9e quant ad ce … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog <\/p>\n","protected":false},"excerpt":{"rendered":"