\nLe 10 juin 1518 (Huot notaire Angers) comme proc\u00e8s fust meu et pendant par devant monsieur le … ordinaire d\u2019Anjou \u00e0 Angers entre ven\u00e9rable et discret maistre Estienne Girard pr\u00eatre chanoine pr\u00e9bend\u00e9 en l\u2019\u00e9glise monsieur saint Maurille de ceste ville d\u2019Angers … de l\u2019ausmonerie ou hostel Dieu de saint Michel du Tertre de ceste dite ville d\u2019Angers demandeur d\u2019une part et … Doisseau marchand demourant audit Angers deffendeur d\u2019autre part, pour raison de ce que ledit demandeur ausmonier susdit disoit que \u00e0 cause de sa dite ausmonerie il avoit droit et estoit en bonne possession et saisine d\u2019avoir et prendre par chacun an la somme de 50 sols tournois de rente ou debvoir annuel sur une petite maison et ses appartenances sise en la rue daint Noe de ceste ville et faisant le coign de la rue du Petit Pr\u00eatre joignant et aboutant d\u2019un bout aux maisons et appartenances qui furent feu Guillaume Doysseau et d\u2019autre coust\u00e9 \u00e0 ladite rue du Petit Pr\u00eatre et aboutant de l\u2019autre bout le pav\u00e9 de la Rue saint Noe laquelle maison on dit appartenir audit Pierre Doisseau, disoit oultre ledit demandeur qu\u2019il avoir eu paiement de ladite rente ou debvoir desdits 50 sols tz et en tant que touchoit les arr\u00e9raiges deuz du temps pass\u00e9 ledit demandeur avoir fait adjourner ledit Doisseau et concluoit au paiement d\u2019iceulx arr\u00e9raiges et et avoir … ledit demandeur disoit en avoir le … et transport et cession que luy en avoit fait maistre Guillaume Lecamus nagueres aulmonier d\u2019icelle ausmonerie ou hostel Dieu de Saint Michel du Tertre
\n\u00e0 quoy de la part dudit Pierre Doisseau estoit dit que vray estoit qu\u2019il estoit sieur d\u2019icelle petite maison mais qu\u2019il eust fait paiement d\u2019icelle rente audit grand aulmonier ne ses pr\u00e9d\u00e9cesseurs aulmoniers il ne seroit sieur … audit demandeur et demandoit et requ\u00e9roit ledit Doisseau audit grand ausmonier susdit qu\u2019il eust \u00e0 luy montrer et enseigner vallablement et assurer de la cr\u00e9ation de ladite rente et comme elle estoit deue sur et \u00e0 cause de ladite maison et offroit ledit deffendeur que en luy faisant apparoir deument de la cr\u00e9ation d\u2019icelle rente estre sur icelle maison de paier et continuer ladite rente et arr\u00e9raiges d\u2019icelle suppos\u00e9 que ladite maison ne luy eust est\u00e9 baill\u00e9 \u00e0 ceste charge, aussi disoit ledit Doisseau que ladite maison dessus confront\u00e9e estoit de petite estendue for vieille caducque ruisn\u00e9e et preste \u00e0 tomber tellement que si elle estoit tomb\u00e9e ladite rente seroit en danger d\u2019estre perdue et mal assign\u00e9e attendu qu\u2019elle est charg\u00e9e encores au chapelain de la chapellenie du Gouppil fond\u00e9e et desservie en ladite \u00e9glise de saint Maurille d\u2019Angers de la somme de 30 sols tz de rente
\net de la part dudit Girard ausmonnier susdit estoit r\u00e9pliqu\u00e9 que jaczoit que ladite maison fust vielle et caducque que ladite rente avoit est\u00e9 pay\u00e9e et continu\u00e9e par les d\u00e9btenteurs d\u2019icelle maison toutefois qu\u2019il n\u2019en restoit des arr\u00e9raiges du temps pass\u00e9 pour 4 ou 5 ans
\net par ledit deffendeur estoit dit au contraire et all\u00e9guaient lesdites parties plusieurs faits et raisons l\u2019un contre l\u2019autre tellement qu\u2019ils estoient en danger de tomber en grand involution de proc\u00e8s finalement en la cour du roy notre sire \u00e0 Angers personnellement establiz lesdites partise soubzmectans ledit ausmonier soy ses successeurs aulmoniers biens et choses de ladite aulmonerie pr\u00e9sents et avenir et ledit Doisseau soy ses hoirs avecques tous et chacuns ses biens meubles et immeubles pr\u00e9sents et avenir etc confessent que pour plect et proc\u00e8s achever paix et amour nourrir entre eulx o le conseil d\u2019aulcunes notables personnes leurs amys avoir transig\u00e9 pacifi\u00e9 et appoint\u00e9 ensemble en la mani\u00e8re qui s\u2019ensuit c\u2019est \u00e0 savoir ledit Doisseau que pour et affin qu\u2019il soit participant \u00e8s pri\u00e8res et oraisons qui se font par chacun an en ladite ausmonerie ou Hostel Dieu dudit st Michel et que pour que ladite rente de 50 sols tz que demandoit ledit aumonier sur ladite maison soit admortie et indempnit\u00e9 et le proc\u00e8s assoupi, avoir promis paier et bailler audit maistre Estienne Girard aulmonier susdit dedans 8 jours prochainement venant la somme de 40 livres tournois pour icelle somme estre convertye et employ\u00e9e au proffit de ladite ausmonerie et a promis ledit ausmonier faire ratiffier ces pr\u00e9sentes aux sieurs du chapitre de st Maurille en leur chapitre et icelles leur faire ent\u00e9riner et en bailler lettre vallable audit Doisseau dedans 8 jours prochainement venant
\net pour les peines et vaccations dudit Girard \u00e0 faire le contenu en ces pr\u00e9sentes ledit Doysseau a promis bailler et paier audit Girard aulmonier susdit la solle de 40 sols tz oultre ladite somme de 40 livres tournois susdite dedans 8 jours prochainement venant
\nauxquelles choses dessus dites tenir et accomplir d\u2019une part et d\u2019autre etc et aux dommages etc obligent lesdites parties l\u2019une vers l\u2019autre chacun en tant et pourtant que luy touche scavoir est ledit aulmonier soy ses successeurs aulmoniers en ladite ausmonerie biens et choses d\u2019icelle aulmonerie pr\u00e9sentes et avenir et ledit Doisseau soy ses hoirs avecques tous et chacuns ses biens meubles et immeubles pr\u00e9sents et avenir renon\u00e7ant etc foy jugement et condemnation etc
\npr\u00e9sents ad ce discretes personnes maistres Pierre Plant\u00e9 et Noel Morau pr\u00eatres chapelain de ladite \u00e9glsie st Maurielle tesmoings
\nfait et donn\u00e9 en la gallerie d\u2019icelle \u00e9glise st Maurille les jour et an susdits <\/p>\n
cet acte est le contraire d’une bonne affaire ! Car les rentes dues sur cette masure s’av\u00e8rent manifestement plus \u00e9lev\u00e9es que la valeur de la ruine, puisqu’au terme de cette transaction il doit payer 42 livres pour sa ruine !!! Cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici ma retranscription (voir ci-contre … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog <\/p>\n","protected":false},"excerpt":{"rendered":"