\nLe 25 f\u00e9vrier 1587 (Jean Lecourt notaire) comme en traitant parlant et accordant le mariage estre fait consomm\u00e9 et accomply entre honneste homme Jacques Guittet marchand Me routisseur demeurant en la ville d\u2019Angers paroisse de la Trinit\u00e9 d\u2019une part, et honneste fille Claude Bouju fille de honneste homme Catherin Bouju et deffunte Perrine Desrues ses p\u00e8re et m\u00e8re d\u2019autre part, et auparavant que aulcunes messes ne b\u00e9n\u00e9diction nuptiale fussent et soient intervenues entre lesdits futurs espoux ont est\u00e9 faits les accords pactions et conventions de mariage qui s\u2019ensuivent, pour ce est-il que en la cour du roy notre sire \u00e0 Angers endroit par devant nous personnellement estably ledit Jacques Guittet d\u2019une part, et ledit Catherin Bouju et Claude Bouju sa fille demeurant en ladite ville dite paroisse de la Trinit\u00e9 d\u2019autre part, soubzmectant lesdites parties respectivement confessent c\u2019est \u00e0 savoir que ledit Guittet a promis et promet et demeure tenu et oblig\u00e9 de prendre \u00e0 femme et espouse ladite Claude Bouju, et icelle Claude Bouju avec l\u2019advis autorit\u00e9 et consentement dudit Catherin Bouju son p\u00e8re a pareillement promis et promet prendre \u00e0 mary et espoux ledit Guittet et eulx s\u2019entre \u00e9pouser l\u2019un l\u2019autre en face de ste \u00e9glise catholique apostolique et romaine sy tost que l\u2019un en sera par l\u2019autre requis tout l\u00e9gitime empeschement cessant
\nen faveur duquel mariage lequel autrement n\u2019eust est\u00e9 fait ledit Catherin Bouju a promis et promet paier et bailler auxdits futurs espoux la somme de 50 escuz sol scavoir 25 escuz sol dedans le jour de leurs dites \u00e9pousailles et pareille somme de 25 escuz sol dedans le jour et feste de st Berthelemy prochainement venant, et laquelle somme de 50 escuz sol ledit Catherin Bouju a dit et d\u00e9clar\u00e9 et asseur\u00e9 avoir receue de sire Fleurimond Fleuriot Me de la Monnaye de Nantes et y demeurant et provenue pour raison du don fait de ladite somme par ledit Fleuriot \u00e0 ladite Claude Bouju future espouse, et sans ce que icelle somme lesdits futurs espoux leurs hoirs etc soient tenus d\u2019icelle faire rapport aulx autres enfants dudit Catherin Bouju ne aultres en aulcune mani\u00e8re au moyen dudit don par ledit Fleurimond Fleuriot \u00e0 ladite future espouse comme dit est
\net ainsi l\u2019ont lesdites parties accord\u00e9 ensemblement autrement et sans laquelle convention ledit contrat de mariage n\u2019eust est\u00e9 fait pass\u00e9 et consenty
\net oultre ledit Catherin Bouju a promis et promet habiller et vestir sadite fille d\u2019accoustrements et vestements nuptiaulx selon sa qualit\u00e9
\net est accord\u00e9 et convenu entre lesdites parties que au cas que lesdits futurs espoux n\u2019acqu\u00e9reroient communaut\u00e9 de biens entre eulx par demeure d\u2019an et jour et qu\u2019ils n\u2019aient enfants procr\u00e9\u00e9s de leur mariage que en celui cas ladite somme de 50 escuz sol cy dessus n\u2019entrera en communaut\u00e9 de biens desdits futurs espoux ains sera tenu ledit Guittet ses hoirs etc icelle rendre audit Bouju ses hoirs etc
\net a ledit Guittet futur espoux constitu\u00e9 et assign\u00e9 et par ces pr\u00e9sentes constitue et assigne \u00e0 ladite Claude Bouju sa future espouse douaire coustumer cas de douaire advenant et dont etc et ont ce que dessus respectivement stipul\u00e9 et accept\u00e9, auquel contrat et trait\u00e9 de mariage tenir etc et \u00e0 paier etc obligent lesdites parties respectivement etc renon\u00e7ant etc foy jugement et condemnation etc
\nfait et pass\u00e9 audit Angers apr\u00e8s midy maison de ladite Bouju pr\u00e9sents \u00e0 ce honneste homme Denis Belot marchands et sire Ren\u00e9 Reverdy Me cordonnier demeurant en ceste dite ville d\u2019Angers tesmoins <\/p>\n
Cet acte est aux Archives D\u00e9partementales du Maine-et-Loire, s\u00e9rie 5E1 \u2013 Voici sa retranscription (voir ci-contre propri\u00e9t\u00e9 intellectuelle) : Le 25 f\u00e9vrier 1587 (Jean Lecourt notaire) comme en traitant parlant et accordant le mariage estre fait consomm\u00e9 et accomply entre honneste homme Jacques Guittet marchand Me routisseur demeurant en la ville d\u2019Angers paroisse de la … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog <\/p>\n","protected":false},"excerpt":{"rendered":"