\nLe 24 f\u00e9vrier 1527 (calendrier Julien, donc le 24 f\u00e9vrier 1528 n.s. , car P\u00e2ques \u00e9tait le 12 avril en 1528) en notre cour royale \u00e0 Angers (Jean Huot notaire Angers) personnellement establiz honneste personne sire Jehan Lecamus marchand apothicaire paroissien de ste Croix de ceste ville d\u2019Angers d\u2019une part, et honneste personne Jehan Bernier cordonnier paroissien de st Martin du Bois et Mathurin Bernier son fils d\u2019autre part soubzmectant lesdites parties confessent avoir aujourd\u2019huy fait les march\u00e9s et conventions qui s\u2019ensuivent, scavoir est que ledit Lecamus a promis et par ces pr\u00e9sentes promet prendre ledit Mathurin Bernier pour estre et demourer avec luy comme apprentiz le temps de 3 ans commen\u00e7ant le 1er mars prochainement venant jusques \u00e0 3 ans prochains apr\u00e8s ensuivant, pendant lequel temps de 3 ans ledit Lecamus a promis doibt et sera tenu nourir coucher et lever ledit Mathurin et luy monstrer son mestier et estat d\u2019apothicaire au mieulx qu\u2019il pourra, aussi sera tenu ledit Mathurin Bernier ledit temps de 3 ans durant servir bien et loyaument ledit Lecamus sondit ma\u00eetre en toutes choses licites et honnestes comme ung bon serviteur et apprentiz doibt faire, et pour ce faire et accomplir par ledit Lecamus ledit Jehan Bernier a promis doibt et sera tenu paier et bailler audit Lecamus la somme de 22 livres 10 sols tz sur lauelle somme ledit Lecamus a confess\u00e9 avoir eu et receu dudit Jehan Bernier la somme de 4 livres tz dont etc et la somme de 7 livres 5 sols tz que ledit Jehan Bernier sera tenu paier et bailler audit Lecamus dedans Pasques prochainement venant en ceste ville d\u2019Angers et la somme de 11 livres 5 sols tz faisant parfait payement desdites 22 livres 10 sols ledit Jehan Bernier les a promis et sera tenu payer et bailler audit Lecamus du jourd\u2019huy dedans ung an prochainement venant, et outre entretiendra ledit Jehan Bernier ledit Mathurin Bernier sondit fils de tous habillements \u00e0 luy n\u00e9cessaires et honnestes selon son estat, et lequel il a pleny et caucionn\u00e9 et par ces pr\u00e9sentes plenist et caucionne de toute loyault\u00e9 envers ledit Jehan Lecamus sondit ma\u00eetre, auxquelles choses dessus dites tenir etc et aux dommages etc obligent lesdites parties l\u2019une vers l\u2019autre etc scavoir est ledit Jehan Lecamus soy ses hoirs etc et ledit Jehan Bernier soy ses hoirs etc \u00e0 prendre vendre etc et ledit Mathurin Bernier son corps \u00e0 tenir prison etc renon\u00e7ant etc foy jugement condemnation etc pr\u00e9sents \u00e0 ce Maurille Malleulle Me pelletier \u00e0 Angers et Julien Guytet carreleux demourans \u00e0 Angers tesmoins, fait et donn\u00e9 \u00e0 Angers en la maison dudit Lecamus
\n
Mathurin Bernier, l’apprenti, est fils de cordonnier de Saint-Martin-du-Bois, et il a une splendide signature. J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) : Le 24 f\u00e9vrier 1527 (calendrier Julien, donc le 24 f\u00e9vrier 1528 n.s. , car P\u00e2ques \u00e9tait le 12 avril en … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"