\nLe 9 juillet 1592 (Jean Chupp\u00e9 notaire royal Angers) comme proc\u00e8s fust meu et pendant par davant monsieur le lieutenant particulier Angers conservateur des privil\u00e8ges royaulx de l\u2019Universit\u00e9 dudit lieu commissaire de nos sieurs de la cour de Parlement en ceste partie entre Ren\u00e9 Coueffe mary de Marie Dufay fille de Robert Dufay et de deffunte Ren\u00e9e Bellou d\u2019une part, et ledit Robert Dufay d\u2019autre
\ntouchant ce que ledit Coueffe disoit que par le contrat de mariage dudit Dufay et de ladite deffunte Bellou ledit Dufay s\u2019estoit oblig\u00e9 mettre et convertir en acquest d\u2019h\u00e9ritage qui estoit cens\u00e9 et r\u00e9put\u00e9 le propre patrimoine de ladite Belou la somme de 1 000 livres tz pour sa p\u00e9cune dotalle et que ladite Bellou seroit d\u00e9c\u00e9d\u00e9e d\u00e8s l\u2019an 1568 relaissant deux enfants d\u2019elle et dudit Dufay scavoir ladite Marye femme dudit Coeffe et deffunte Susanne Dufay sa soeur lors duquel d\u00e9c\u00e8s il y avoit plusieurs bons meubles et grand nombre de marchandise et debtes actives en la maison dudit Dufay dont il auroit dispos\u00e9 \u00e0 sa volont\u00e9 sans faire inventaire jusques au cinquiesme d\u2019octobre 1570, d\u2019ailleurs auroit fait acquest de deulx maisons l\u2019une sur la rue saint Michel o\u00f9 il se tient l\u2019autre pr\u00e8s le coll\u00e8ge neuf de ceste ville, et encores seroit depuis le d\u00e9c\u00e8s de ladite Bellou advenu \u00e0 ses filles la succession de deffunte Ambroise Lepelletier leur ayeulle de laquelle il auroit en outre une belle m\u00e9tairie appell\u00e9e la Belougnais qu\u2019il auroit afferm\u00e9e 100 livres par an, grand nombre de meubles et 100 francs de retour de partage, et auroit ledit Dufay tousjours jouy desdits biens de ladite Marye sa fille et oultre ledit Coeffe en l\u2019an 1586 luy avoir rien baill\u00e9 en mariage ne rendu compte au moyen de quoy il auroit est\u00e9 contraint de le poursuivre et obtenir arrest de la cour par lequel les parties ont est\u00e9 remou\u00e9es par monsieur le lieutenant particulier de ceste ville pour proc\u00e9der \u00e0 l\u2019audition examen et closture dudit compte
\n\u00e0 l\u2019audition duquel les parties auroient vacqu\u00e9 par plusieurs assignations et auroit ledit Dufay au lieu de fournir acquests pour ledit p\u00e9cune dotalle repr\u00e9sent\u00e9 certains partaiges qu\u2019il disoit estre faits \u00e0 la pr\u00e9vost\u00e9 par lesquels il pr\u00e9tendoit que la maison de la rue st Michel luy estoit demeur\u00e9e et \u00e0 ses enfants celle du coll\u00e8ge neuf temmenet que ledit Coeffe auroit est\u00e9 contraint appeller desdits partaiges et par sentence du 1er mars fait ordonner qu\u2019il luy seroit d\u00e9livr\u00e9 pour 1 000 livres d\u2019acquests si tant y en avoir sinon qu\u2019il seroit pai\u00e9 du surplus et int\u00e9rests dudit surplus au denier quinze
\nde laquelle sentence ledit Dufay auroit appell\u00e9 et fait interjet\u00e9 appel \u00e0 Me Pierre Rogier se disant curateur en cause des enfants de luy et de deffunte Jeanne Renou sa seconde femme mays par autre sentence du 6 dudit moi elle auroit est\u00e9 d\u00e9clar\u00e9e ex\u00e9cutoire et encores le lendemain ordonn\u00e9 qu\u2019il seroit proc\u00e9d\u00e9 au calcul dudit compte par l\u2019issue duquel s\u2019est trouv\u00e9 sans comprendre les acquests ne fruits d\u2019iceulx ledit Dufay est demeur\u00e9 reliquataire vers ledit Coeffe en la somme de 2 390 livres 8 sols 7 deniers sur laquelle somme auroit est\u00e9 tenu en surceance 642 livres 6 sols pour le quart de 2 573 livres 6 sols 6 deniers de pr\u00e9tendues debtes passives que ledit Dufay auroit d\u00e9clar\u00e9 en l\u2019an 1572 apr\u00e8s ledit inventaire demandoit que sans avoir esgard \u00e0 ladite d\u00e9claration et curceance qu\u2019il seroit tenu et fust condemn\u00e9 paier tout le reliqua dudit compte et les int\u00e9rests qui avoit est\u00e9 r\u00e9serv\u00e9s par la closture et d\u2019aultant que ledit Dufay retient les meubles et marchandie et cr\u00e9ances debtes actives pour la part de ladite feu Susanne sa fille qui auroyt vescu plus de 6 ans apr\u00e8s sa m\u00e8re qui estoit ung temps suffizant pour vendre lesdits meubles et marchandie et les mettre en acquests suyvant l\u2019ordonnance, demandoit estre dit attendu mesme que ledit Dufay avoit convoll\u00e9 en autres nopces qu\u2019il n\u2019en jouyroit que sa vie durant et bailleroit caution de les restituer apr\u00e8s son d\u00e9c\u00e8s comme en cas semblable avoit tousjours est\u00e9 jug\u00e9
\nde la part dudit Dufay estoit dit que \u00e0 la v\u00e9rit\u00e9 il n\u2019avoit fait inventaire que 2 ans apr\u00e8s le d\u00e9c\u00e8s de ladite Belou sa femme moyen que ses enfants de luy et de ladie Belou n\u2019y estoient int\u00e9ress\u00e9s ains que s\u2019estoit grandement leur profit par ce qu\u2019il avoit plus de meubles et marchandie lors dudit inventaire qu\u2019il n\u2019en avoit lors du d\u00e9c\u00e8s de ladite feue Belou qui avoit est\u00e9 plus d\u2019un an au lit malade et d\u2019ailleurs avoit est\u00e9 pendant les troubles contraint s\u2019absenter et leur boutique et meubles pill\u00e9s que \u00e0 la v\u00e9rit\u00e9 il avoit acquis lesdites deux maisons mais que celle o\u00f9 il se tient n\u2019estoit qu\u2019un petit appenty myneulx ce fut pourquoy les parens de ses enfans advis\u00e8rent que s\u2019estoit le meilleur et le plus exp\u00e9diant de partaiger les maisons en leurs dits lots ce qui fut fait et demeura audit Dufay ladite maison o\u00f9 il se tient et \u00e0 ses enfants celle du coll\u00e8ge neuf \u00e0 la charge qu\u2019il l eur feroit 175 livres de retour de partaige et auroient est\u00e9 les lots faits et choisy bien et deument et en cognoissance de cause et de la moicti\u00e9 desquels 175 livres ledit Dufay se seroit charg\u00e9 en son compte mais au lieu d\u2019accepter la charge par Coeffe il auroit interjet\u00e9 appel de l\u2019option et choisie desdits partaiges et fait diligenter autres esgard \u00e0 iceulx qu\u2019il auroit pour 1 000 livres des premiers acquests dont ledit Dufay auroit appell\u00e9 et disoit que depuis ledit partaige ledit Dufay et ladite deffunte Renou sa seconde femme auroient basti ladite maison de la rue st Michel comme elle est et de bonne foy au moien desdits partaiges en quoy il auroit d\u00e9pens\u00e9 6 fois plus qu\u2019elle ne valloit lors desdits partaiges tellement que n\u2019y auroit apparence de bien diviser, et quant \u00e0 la p\u00e9cune dotalle qu\u2019il n\u2019estoit tenu la rapporter que en deniers et les int\u00e9rests au denier vingt ou 24 attendu la sollemnit\u00e9 desdits partaiges, lesquels deniers dotaulx se devoient prendre sur les meubles et debtes communes dudit inventaire, et autrement disoit que par ledit compte on l\u2019auroit charg\u00e9 de debtes actives dont toutefois on ne luy faisoit raison en descharge de 750 livres et plus dont il n\u2019avoit peu estre pai\u00e9 quelque dilligence qu\u2019il eust peu faire, et quant aulx 2 573 livres 6 sols 6 deniers de debtes passives, disoit qu\u2019elles n\u2019etoient suppos\u00e9es qu\u2019il devoit non seulement lesdites debtes mais plusieurs autres qui auroient est\u00e9 obmises \u00e0 employer audit inventaire, comme apparoit par acquits de parties et toutefois ne luy en estoit fait allocation sur ce qui luy estoit allou\u00e9 que 6 ann\u00e9es de pension et entretennement de ladite Marie \u00e0 10 escuz par an ja\u00e7oit qu\u2019il l\u2019eust nourrie en sa maison ou pai\u00e9 sa pension ailleurs depuis l\u2019an 1568 que d\u00e9c\u00e9da sa m\u00e8re, jusques \u00e0 l\u2019an 86 qu\u2019elle fut malade, dont luy devoit pour le moings estre allou\u00e9 100 livres par an quoy, faisant tant s\u2019en fault qu\u2019il fust reliquataire audit Coeffe que au contraire ledit Coeffe luy debvoit d\u2019ailleurs, qu\u2019on l\u2019auroit charg\u00e9 de la ferme de la dite m\u00e9tairie de la Blouynni\u00e8re \u00e0 100 livres par an encores qu\u2019elle n\u2019en vallust pas 60 dont il estoit appellant, et quant \u00e0 la succession de ladite deffunte Susanne sa fille disoit que selon la coustume il estoit fond\u00e9 d\u2019avoir les meubles deniers et debtes actives en propri\u00e9t\u00e9 et usufruit des immeubles sa vie durant demandoit que aussi fust dit que les partaiges faits audit si\u00e8ge de la pr\u00e9vost\u00e9 ladite Deille ? curatrice quant \u00e0 ce de la femme dudit Coeffe le 5 janvier 1573 sortisse leur plein et entier effet et que allocation luy feust faite des debtes passives par luy pai\u00e9es et int\u00e9resets d\u2019icelle, et demandoit que Coeffe eust \u00e0 contribuer \u00e0 ce qui en reste \u00e0 paier,
\nde la part dudit Roger estoit all\u00e9gu\u00e9 les faits cy dessous envers ledit Dufay et encores estoit dit que le contrat de mariage d\u2019entre ledit Dufay et ladite Renou estoit du mois de septembre 1570 et qu\u2019en octobre ensuivant ledit Dufay pour se faire para\u00eetre plus riche qu\u2019il n\u2019estoit et advantaiger les enfants du premier lit au pr\u00e9judice de la seconde femme auroit inventori\u00e9 les meubles et marchandises qu\u2019il avoit acquis par son labeur et industrie depuis le d\u00e9c\u00e8s de sa premi\u00e8re femme, chose qui n\u2019estoit recepvable, c\u2019est pourquoi il estoit oppos\u00e9 \u00e0 l\u2019audition et closture dudit compte et interjett\u00e9 appel de ladite sentence du 1er de ce mois par laquelle il estoir ordonn\u00e9 que sans s\u2019arrester \u00e0 son opposition il seroit pass\u00e9 outre, disoit que son opposition proc\u00e9doit et que ledit Dufay ne se chargeroit que de ce qu\u2019il avoir de meubles et marchandises lors du d\u00e9c\u00e8s de ladite feu Belou sa femme
\net par ledit Coeffe estoit dit au contraire et sur ce estsoient les parties en grande involution de proc\u00e8s et prestes \u00e0 tomber en plusieurs autres, pour auxquels obvier en ont par l\u2019advis de leurs conseils et amis et mesmes lesdits Dufay et Roger en la pr\u00e9sence advis et consentement de Me Mathurin Avril mary de Anne Remou\u00e9 et de Fran\u00e7ois Ravard mari de Ren\u00e9e Renou, transig\u00e9 pacifi\u00e9 et appoint\u00e9 comme s\u2019ensuit,
\npour ce est-il que en la cour royale d\u2019Angers endroit par devant nous Jean Chupp\u00e9 notaire d\u2019icelle ont est\u00e9 pr\u00e9sents et personnellement establis ledit Ren\u00e9 Coeff\u00e9 marchand demeurant \u00e0 La Fl\u00e8che tant en son nom que se faisant fort de ladite Marie Dufay sa femme, et en chacun d\u2019iceulx seul et pour le tout, et \u00e0 laquelle il a promis faire ratiffier ces pr\u00e9sentes dedans 3 mois \u00e0 peine etc ces pr\u00e9sentes n\u00e9antmoings demeurant en leur force et vertu d\u2019une part, et lesdits Me Robert Dufay et Pierre Roger audit nom de curateur en cause des enfants dudit Dufay et de ladite feue Renou demeurant en ceste ville paroisse de st Michel du Tertre d\u2019autre part, soubzmectant etc confessent avoir et sur ce que dessus circonstances et d\u00e9pendances et choses cy apr\u00e8s, transig\u00e9 pacifi\u00e9 et appoint\u00e9 et encores par ces pr\u00e9sentes transigent pacifient et appointent comme s\u2019ensuit, c\u2019est \u00e0 savoir que pour demeurer par ledit Dufay quite de tout le reliqua de compte tant en principal que int\u00e9rests employ de 1 000 livres pour la p\u00e9cune dotale de ladite feue Bellou fruits revenus ou int\u00e9rests d\u2019icelle et pour n\u2019estre ses h\u00e9ritiers recherch\u00e9s apr\u00e8s son d\u00e9c\u00e8s des meubles marchandises et de ce qu\u2019il a receu de debtes actives et de ce qui en peult rester \u00e0 paier, et chose mobili\u00e8re qui appartenoit \u00e0 ladite feue Susanne Dufay sa fille, et \u00e0 larite Marie, et \u00e0 ce que ledit Dufay demeur\u00e9 seigneur de tous les acquests faits contant le mariage de luy et de ladite feu Bellou sa femme, lequels demeureront audit Dufay pour le tout, ledit Dufay a promis est et demeure tenu et obliger acquiter ledit Coeff\u00e9 et ladite Marie Dufay sa femme tant en son nom que comme h\u00e9riti\u00e8re de ladite feue Susanne de toutes debtes passives de ladite feue Lepelletier et de la communaut\u00e9 de luy et de ladite feue Belou cr\u00e9\u00e9es pendant leur mariage et jusques au 5 octobre 1570 que fut fait inventaire sans que ledit Coeff\u00e9 esdits noms en puisse estre recherch\u00e9 comme aussi ledit Dufay l\u2019a quit\u00e9 et quite de tout ce qu\u2019il auroit pai\u00e9 desdites debtes et mis pour lesdites Marie et Susanne les Dufay, et de ce qui leur pouroit demeurer pour la gestion de leur tutelle et curatelle pension nourritures entretenement frais et mises pour elles, et \u00e0 leur occasion renon\u00e7ant et a renonc\u00e9 leur en faire question ne demande, et outre a promis et promet et s\u2019est oblig\u00e9, est et demeure tenu paier audit Coeff\u00e9 la somme de 1 000 escuz sol paiable par les termes cy apr\u00e8s savoir 222 escuz 13 sols 4 deniers dedans d\u2019huy en ung an et pareille somme ung an apr\u00e8s et encores pareille somme de 222 escuz 13 sols 4 deniers d\u2019huy en 3 ans, et le surplus de ladite somme de 1 000 escuz, montant ledit surplus 333 escuz ung tiers vallant 1 000 livres apr\u00e8s le d\u00e9c\u00e8s dudit Dufay payable par les h\u00e9ritiers d\u2019iceluy sans aulcuns int\u00e9rests d\u2019auparavant ledit d\u00e9c\u00e8s pour ladite somme de 1 000 livres, pour laquelle somme de 1 000 livres demeurent lesdites deux maisons sises en la rue st Michel et coll\u00e8ge neuf sp\u00e9cialement affect\u00e9es et hypoth\u00e9qu\u00e9es et g\u00e9n\u00e9ralement tous et chacuns ses biens et sans aulcune novation ne d\u00e9roger aulx hypoth\u00e8ques et priorit\u00e9 qui demeurent en leur force et vertu, \u00e0 commencer du jour du contrat de mariage dudit Dufay et de ladite feue Belou, comme aussy demeurent affect\u00e9es au paiement desdites sommes de 666 escuz deux tiers paiables aulx termes comme dit est tous les biens dudit Defay oblig\u00e9s aussi sns novation d\u2019hypoth\u00e8que et priorit\u00e9 d\u2019icelles, \u00e0 commencer ledit hypoth\u00e8que ju jour du d\u00e9c\u00e8s de ladite feue Belou qui fut enl \u2018an 1568 que ledit Dufay commen\u00e7a \u00e0 entrer en la tutelle naturelle desdites Marie et Susanne ses filles,
\net moyennant ce et le paiement desdites sommes les parties se sont d\u00e9sist\u00e9es et d\u00e9sistent de leurs demandes faites sur ladite r\u00e9dition de compte oppositions d\u00e9bats deffection pr\u00e9tendues et impugnement et g\u00e9n\u00e9ralement se sont les parties quit\u00e9es et quitent de tout ce qu\u2019elles s\u2019entre pourroient demander pour raison de ladite tutelle ou curatelle et de ce qui en d\u00e9ppend fors de ladite somme de 1 000 escuz paiable comme dessus, moyennant laquelle somme outre que ledit Dufay demeure quite comme dit est de tous et chacuns les meubles marchandises et debtes articles et int\u00e9rests qui appartenoient auxdites Susanne et Marie tant de la sucession de ladite deffunte Belou leur m\u00e8re que de ladite deffunte Lepelletier leur ayeulle demeurent \u00e0 perp\u00e9tuit\u00e9 audit Dufay pour luy ses hoirs et aians cause, et en tant que besoing ou seroit ledit Coeff\u00e9 esdits noms luy en a fait et fait cession et transport sans garantage \u00e9viction ne restitution de prix dommages ne int\u00e9rests, et outre demeurent audit Dufay aussi en perp\u00e9tuir\u00e9 pour luy ses hoirs et ayans cause tous les acquests faits par luy et ladite deffunte Belou pendant leur dit mariage, et au surplus hors de cour et de proc\u00e8s sans autres despens dommages ne int\u00e9rests d\u2019une part et d\u2019autre, et quant aux immeubles de ladite feue Susanne Dufay ledit Dufay en jouira sa vie durant suivant et aulx charges de la coustume,
\n\u00e0 laquelle transaction accord et tout ce que dessus est dit tenir etc obligent lesdites parties respectivement elles etc mesmes ledit Coeff\u00e9 esdits noms et en chacun d\u2019iceulx seul et pour le tout sans division etc renon\u00e7ant etc foy jugement et condemnation etc fait et pass\u00e9 audit Angers en la maison de honorable homme Me Pierre Lemari\u00e9 en pr\u00e9sence de honorable homme Me Mathurin Jousselin et Estienne Dumesnil advocats \u00e0 Angers tesmoings
\n
![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n