\nLe 26 juin 1562 Partage des biens demeur\u00e9s apr\u00e8s les d\u00e9c\u00e8s de Julien Hiret, sieur de la Margoti\u00e8re, et Fran\u00e7oise Barrault sa femme \u00ab Sachent tous presans et advenir que en nostre court du Bailleul en droit pardevant nous, Jean Cosnier, notaire de ladicte court, personnellement establis honnorables hommes Me Lazarre Hiret, filz aisn\u00e9 de deffunct honnorable personne Jullien Hiret et Fran\u00e7oise Barrault, vivans sieur de la Margotiere, ledict Lazarre demeurant \u00e0 Angers, Me Pierre Hiret, demeurant audict lieu de la Margottiere, parroisse dudict Bailleul, Me Jean Grezil, mary d\u2019Estiennette Hiret, demeurant en la ville de Sabl\u00e9, lequel Grezil promect faire ratiffier et avoir pour agreables ces presentes \u00e0 ladicte Thiennette son espouse \u00e0 paine de tous interestz, cesdictes presente neantmoings demeurent en leur force et vertu, et Nicollas Hiret, curateur \u00e0 Cristine Hiret quand \u00e0 partages de biens demeur\u00e9s desdictz deffunctz, paroissien de la Chapelle d\u2019Align\u00e9, ledict Pierre Hiret soy disant ag\u00e9 et majeur d\u2019\u00e2ge de vingt cinq ans et plus, tous heritiers desdictz deffunctz, prometans eux et chascun d\u2019eux en tant que \u00e0 eux ou chascun d\u2019eux touche, leurs hoirs et ayans cause, aveq tous et chascuns leurs biens meubles et immeubles presentz et advenir quelz qu\u2019ilz soient au pouvoir, ressort et jurisdiction de nostre dicte cour et de tous les autres sy mestier est quand \u00e0 ce, confessent de leur bon gr\u00e9 sans contrainte nulle avoir fait et par ces presentes font entre eux ce jourd\u2019huy les partages et divisions des biens demourez de la succession desdictz deffunctz Jullien Hiret et Fran\u00e7oise Barrault, et de Ren\u00e9 Hiret, leur deffunct frere, des choses immeubles \u00e0 eux appartenans en la forme et maniere que s\u2019ensuit, lesdictz biens immeubles divisez en quatre lotz par ledict Lazarre Hiret. <\/p>\n
appartenent \u00e0 la ladicte Cristine et choisy par ledict Nicollas Hiret, curateur susdict,
\nest et demeure le lieu, mestairye, droitz, appartenances et dependence de la Tufferye, tout ainsy qu\u2019elle se poursuit et comporte et qu\u2019il a est\u00e9 tenu et exploitt\u00e9 par lesdictz deffunctz, aveq une piece de pr\u00e9 contenant trois homm\u00e9s de pr\u00e9 ou environ, vulgairement appell\u00e9 le pr\u00e9 du moulin, depandant dudit lieu de la Margottiere, joignant d\u2019un cost\u00e9 aux terres de Taronniere, le russeau du moulin dudict Bailleul entre deux, d\u2019autre cost\u00e9 le principal jardin dudict lieu de la Margotiere, les douves et fossez dudict jardin entre deux, le tout sis en la parroisse dudict Bailleul, ensemble une maison et pressoir et deux arpans de vignes ou environ en deux lopins, ladicte maison et presoir joignant et tenant aveq l\u2019un d\u2019iceux lopins, sis et situ\u00e9s en la parroisse de St Pierre Vavezay l\u00e8s la ville de Tours, comme lesdictes choses se poursuivent et comportent, l\u2019autre lopin de vigne estant au cloux de Vaubretin, en ladicte parroisse, ladicte maison, pressoir et arpand de vigne joignant d\u2019un cost\u00e9 aux vignes Me Louis Travers ou ses heritiers ou ses ayans cause, d\u2019autre cost\u00e9 la vigne des heritiers feu Pierre Cresseau, et d\u2019un bout au chemin tandent de Champeray \u00e0 Vazenay, d\u2019autre bout la vigne des heritiers Michel Papellault, l\u2019autre lopin de vigne sis joignant d\u2019un cost\u00e9 aux vignes Me Ren\u00e9 Moreau, d\u2019autre cost\u00e9 les vignes Michel Sergent et autres, d\u2019un bout au chemin tendent dudict Vavezay aux Champbeny, d\u2019autre bout les vignes de la veufve Pierre Peret et autres.<\/p>\n
est et demeure une maison size en la ville de Tours, parroisse St Denis, o\u00f9 de present est demeurant un nomm\u00e9 Guillaume Estenou, comme elle se poursuit et comporte, joignant d\u2019un cost\u00e9 \u00e0 l\u2019eglise dudict St Denys, d\u2019autre cost\u00e9 la maison o\u00f9 est de present demeurant noble homme Jacques Besnier, une ruette entre deux, d\u2019un bout la maison et appartenances de la veufve feu Jacques [en blanc], d\u2019autre bout la maison o\u00f9 est de present demeurant la veufve Pierre Thommain, ensemble tel droit, part et portion d\u2019une maison quy leur peult competer et appartenir en la maison o\u00f9 est demeurant ledict Besnier en ladicte parroisse St Denys – Item trois arpans de prez ou environ appellez vulgairement les prez des Baraux, sittuez en la prayrie de la grande riviere au desoubz du gu\u00e9 de Forges, joignant d\u2019un cost\u00e9 aux prez du seigneur de la Couste, d\u2019autre coust\u00e9 aux prez des merveilles, aboutant d\u2019un bout la riviere du petit chef et d\u2019autre bout aux prez les ruches – Item un arpand et demy de pr\u00e9 ou environ faisant moity\u00e9 de trois arpans fauchans et fenans aveq la penouse de la Varanne en l\u2019eglise St Martin dudict Tours, sises et situez en la parroisse nommez Gloriette, lesdictz trois arpans joignant d\u2019un cost\u00e9 aux pr\u00e9s du seigneur de la Couste, d\u2019autre cost\u00e9 aux prez de la Varanne, d\u2019un bout aux prez de Me Gault et cure de nostre dame de la Rue, d\u2019autre bout aux hoirs de feu Mr Faithier. <\/p>\n
est et demeure le lieu et metairye, appartenances et depandance de la Margottiere, comme il ce poursuit et comporte, size et situ\u00e9e en ladicte parroisse du Bailleul, hormis lesdictz trois homm\u00e9es de pr\u00e9 quy sont du premier lot et cy dessus confrontez, ensamble une long\u00e8re de pr\u00e9 et fossez quy en despandent, contenans deux homm\u00e9s de pr\u00e9s ou environ appellez la petitte noue, joignant d\u2019un cost\u00e9 les bois de la Margotiere, d\u2019autre coust\u00e9 les terres de la Boucherays, d\u2019un bout le chemin tendant du Bailleul \u00e0 Durtal, d\u2019autre bout aux prez et chouses dudict lieu de la Margottiere, nommez les Noes Margot, un petit bout de pasty contenant deux, quelle longere de pr\u00e9 est hors mis du tiers lot et eschet pour le quarlot. <\/p>\n
tant pour son lot et partege des chouses sencives que de son droit d\u2019ainesse et chouses omag\u00e9es tomb\u00e9s en tierce foy, est et demeure le lieu et mestairye, appartenances et depandances de l\u2019Esderye, comme il ce poursuit et comporte, et les droitz quy en despandent aveq ladicte longere de pr\u00e9 cy dessus confront\u00e9e depandant dudict lieu de la Margottiere, contenant deux homm\u00e9s aveq les fossez quy en despandent – Item les logis, maisons, jardins et issus aveq un pressoir sis en ladicte parroisse de St Syre, pays de Touraine, nomm\u00e9s le lieudict de la Rousseliere, autrement les Berauldieres, o\u00f9 de present est demeurant Pierre Le Compte, aveq toutes les vignes dudict lieu comme elles se poursuivent et comportent, \u00e0 eux appartenans, despandans dudict lieu, le tout contenant six quartiers et demy de vigne et trois chesn\u00e9s ou environ en emplusieurs lopins, Item deux arpans de pr\u00e9 ou environ six en la pr\u00e9e des Moustis l\u00e8s la ville de Tours, joignant d\u2019un cost\u00e9 aux prez apartenant au lieutenant particulier dudict Tours et aux prez Martin Portais, d\u2019aultre coust\u00e9 aux prez des heritiers deffunte Marye de Pontecher – Item trois arpans de pr\u00e9 ou environ faisant partye de quatre faucheurs et faneurs aveq Jeanne Barault, veufve feu Guillaume Cheneux, commungs et indiviz aveq les droitz et actions que lesdictz Hiretz peuvent avoir et demander, la somme de neuf livres tournois de rente tant sur les heritiers de deffuncte [en blanc] Marchant que autres \u00e0 cause d\u2019une maison vulgairement appell\u00e9e la grille size en ladicte parroisse de Nostre Dame de la Riche Ville de Tours, en la rue du petit St Martin, joignant d\u2019un cost\u00e9 la maison Jacques Moreau ou ses hoirs et ayans cause, que sur une autre maison size sur lez pavez St Esloy, faubourgs de ladicte ville de Tours, appartenent \u00e0 Pasquer Tusseau ou ses ayans cause, aveq un jardin quy despand de ladicte maison,
\nlesdictes choses cy dessus declar\u00e9es pour en jouir et les exploiter \u00e0 l\u2019advenir chascun en son lot, tout ainsy que lesdictz deffunctz en ont jouy et qu\u2019ilz ont procedd\u00e9 et exploitt\u00e9 lesdictes chouses leurs vyes durant, tant par eux que autres de par eux, et en vertu de ladicte choisie de ces presentz lotz ainsy cottez et choisis qu\u2019il est declar\u00e9 cy dessus, ledict Pierre Hiret pour avoir accept\u00e9 et pris ledict lieu de la Margottiere declar\u00e9 en sondict lot et pour retour de partege et au moyen de ces presentes et de ce que dessus, a ledict Pierre quitt\u00e9, deless\u00e9, transport\u00e9 et par ces presentes quitte et delesse aux desuditz coheritiers et esdictz nomps, tous et chascuns les fruitz, profitz, meubles et revenus et esmolumans desdictes successions quy luy pouvoient compter et appartenir et dont il eust peu estre fond\u00e9 pour raison desdictes successions et en tant que besoing est y a ledict Pierre renonc\u00e9 renonce au profit de ses desuditz coheritiers, et a ledict Pierre cedd\u00e9 et cedde \u00e0 cesdictz coheritiers tous et chascuns ces autres droitz, nomps, raisons et actions quy luy peuvent competer et appartenir \u00e0 cause desdictes successions, et ce faisant demeure quitte ledict Pierre vers les dessuditz ses coheritiers des fruitz, profitz, revenus et esmolumans par luy pris et percus dudict lieu et metairye de la Margotiere, ensamble de six servetes neufves, six grands draps de lit et troys nappes et un lit garny de couette travers lit, un oriller et une couverte de sarge rouge, estans lesdictz meubles desdictes successions, et lesquelz ledict Lazarre et Grezil d\u00e8s l\u2019unziesme jour d\u2019avril l\u2019an mil cinq cens soixante et un auroient baillez et livrez audict Pierre, fors et reserv\u00e9 que ledict Pierre est tenu payer \u00e0 sesdictz coheritiers le bestiail dudict lieu de la Margotiere selon et au desir du prisage quy en a est\u00e9 fait par cy devant, rendu par les incilvestres [?] fermiers dudict lieu, ledict prisage pass\u00e9 par Pierre Loiseau, notaire dudict Bailleul, \u00e0 la charge que les baux afferm\u00e9s faitz par ledict Lazarre audict Guilleaume Estenon tant de ladicte maison de Tours que des autres chouses tiendront et seront lesdictes partyes tenus tenir, garder et entretenir iceux baux selon leur forme et teneur, aussy que ledict grezil pandant le bail afferme dudict Estenou prandera sur icelluy Estenou pour la ferme desdictz trois arpans de pr\u00e9 estans en ladicte parroisse de la Grand Rivyere selon et au contenu du dernier bail afferme quy en a est\u00e9 fait \u00e0 Marc Le Compte, aussy \u00e0 la charge que ladicte Cristine, ses successeurs, procureurs, curateurs ou entreteneurs ou autres de par eux ou d\u2019eux ou ayans cause pouront passer et repasser aveq boeufz, chevaux, cherettes que aultrement par les chauss\u00e9es des estans dudict lieu de la Margottiere pour aller et venir oudict pr\u00e9 vulgairement appell\u00e9 le pr\u00e9 du moulin depandant dudict lieu de la Margotiere, sans que ledict Pierre ne autre ayant sa cause les en puissent empescher, et ce fera l\u2019antr\u00e9e et sortye dudict pr\u00e9 par sur les chauss\u00e9s dudict estang dudict lieu de la Margotiere \u00e0 dessendre audict pr\u00e9 par icelle chauss\u00e9e par le nau dudict estang, et demeurent chargez lesdictes partyes de payer et acquitter les cens, rentes et debvoirs, charges et hipotecques deubz pour raison des lotz par eux respectivemans choisis et mesme ledict Grezil sera tenu payer la somme de dix livres dix solz tournois de rente hipotecquere deue aux chanoines et chapitre de l\u2019eglize collegialle de St Pierre le Pillier en la ville de Tours selon et au desir de la creation de ladicte rente \u00e0 la charge que les detempteurs desdictz trois homm\u00e9es de pr\u00e9 dudict lieu de la Margotiere eschuz au lot de ladicte Cristine payeront par chascuns ans audict Pierre la somme de deux solz six deniers tournois pour les acquiter de tous debvoirs vers les seigneurs de fiefz pour raison dudict pr\u00e9, aussy \u00e0 la charge que lesdictz Lazarre, Grezil et Nicollas Hiret esdictz nomps demeureront seullement tenuz acquitter ledict Pierre des fraitz que Jean Bourdin, sieur de la Royrie, pouroit demander pour la gestion et exercice de la curatelle dudict Pierre, et aussy \u00e0 la charge que ledict Pierre pour retour de partage demeure tenu payer audict Lazarre la somme de douze escuz sol dedans le jour de toussaintz prochainement venans, \u00e0 la charge que chascun lot sera tenu de garentir l\u2019autre aussy par le moien de ces presentes autres lotz, partages, divisions faitz de ladicte succession auparavant ce jour demeura nulz et de nul effait, auquelz lotz et partages tenir, garder et entretenir sans jamais aller ny venir encontre en aucune maniere, obligent lesdictz desuditz esdictz nomps et qualitez respectivement eux, leurs hoirs et ayans cause aveq tous et chacuns leurs biens meubles et immeubles presentz et advenir quelz qu\u2019ilz soient ou pouvoir etc jurisdiction de nostre dite court etc. renonceans \u00e0 toutes etc. \u00e0 ce contraires et s\u2019en sont tenuz par les foy et sermant de leurs corps sur ce d\u2019eux donnez en nostre main, dont nous les avons jugez et condemnez \u00e0 leurs requestes par le jugement et condemnation de nostre dicte court.
\nFait et pass\u00e9 au bourg dudict Bailleul en la maison de Guilleaume Pillois, presentz ledict Pillois et Me Martin Dallimoust, prestre, sieur de Bourgelly, parroissiens dudict Bailleul, tesmoings \u00e0 ce requis et appellez, le vingt sixiesme jour de juin l\u2019an mil cinq cent soixante et deux, et ont sign\u00e9 en la minutte des presentes aveq nous, notaire. L. Hiret, J. Grezil, P. Hiret, C. Hiret Et M. Dallimoust, Sign\u00e9 Cosnier et scell\u00e9. \u00bb<\/p>\n
Toujours la m\u00eame famille HIRET qui fait ceux de la Margoti\u00e8re, Landeronde, la Maillardi\u00e8re … Cet acte est aux Archives D\u00e9partementales du Maine-et-Loire, E2863 \u2013 CET ACTE EST UNE GROSSE DONC SANS LES SIGNATURES – Voici sa retranscription (voir ci-contre propri\u00e9t\u00e9 intellectuelle) : Le 26 juin 1562 Partage des biens demeur\u00e9s apr\u00e8s les d\u00e9c\u00e8s de … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n","protected":false},"excerpt":{"rendered":"