\nLe 17 avril 1590 en la cour du roy notre sire \u00e0 Angers devant nous (Lepelletier notaire) personnellement establye honneste fille Jehanne Gaultier demeurante en ceste ville d\u2019Angers paroisse de la Trinit\u00e9 au nom et comme soy faisant fort de Me Jehan Fonvielle sieur de la Jariaye mari de Claude Gaultier fille et h\u00e9riti\u00e8re de deffunte Marie Roustille sa m\u00e8re, soubzmectant en chacun desdits noms seul et pour let out sans division confesse etc avoir eu receu de honneste homme Jehan Menant sieur de la Ripvi\u00e8re demeurant en la paroisse de Maill\u00e9 par les mains de missire Jehan Menant pr\u00eatre son fils la somme de 3 escuz ung tiers pour demeurer ledit Jehan Menant quicte vers ledit Fonveille et sadite femme de pareille somme qu\u2019il leur debvoit par obligation pass\u00e9e par deffunt Seureau vivant notaire royal Angers en laquelle somme ledit Menant estoit oblig\u00e9 vers ladite deffunte Roustille par ladite obligation laquelle ladite Jehanne Gaultier a dit et asseur\u00e9 appartenir auxdits Fonveille et sa femme et leur estre demeur\u00e9 en partage fait des meubles et debtes de leur deffunte m\u00e8re pour faulte de payement de laquelle somme ledit Fonveille et sa femme auroient piecza fait proc\u00e9der par saisie de certaines vignes audit Menant appartenant situ\u00e9es en la paroisse de Saveni\u00e8res et estably commissaires qui auroyent fait proc\u00e9der au bail \u00e0 ferme desdites choses dont seroit eschu une ann\u00e9e qui est l\u2019ann\u00e9e derni\u00e8re 1589 et des deniers proc\u00e9dant d\u2019icelle ferme en auroit ladite Jehanne Gaultier receu ung escu et demy et oultre receu 8 livres 5 sols et y auroit est\u00e9 fait plusieurs frais pour lesquels ensemble pour les int\u00e9resets de trois ann\u00e9es de ladite somme les partyes ont convenu \u00e0 la somme de 12 escuz sol oultre ce qui est provenu tant de la vente des fruits que fermes desdites vignes et choses susdites que pourroit avoir receu ledit Fonvielle ou aultre pour luy dont par ce moyen ledit Fonvielle demeure quite vers ledit Menant et luy a ledit missire Jehan Menant promis et demeure tenu garantir et acquiter vers sondit p\u00e8re et tous autres, outre et par dessus ladite somme de 12 escuz sur laquelle iceluy missire Jehan Menant a aussy pai\u00e9 comptant \u00e0 ladite Jehanne Gaultier la somme de 6 escuz deux tiers laquelle a aussi eue et receue en pr\u00e9sence et \u00e0 veue de nous, de laquelle ensemble ladite somme de 33 escuz ung tiers ladite Jehanne Gaultier esdits noms s\u2019est tenu et tient \u00e0 contente et en a quit\u00e9 et quite ledit Jehan Menant et a promis acquiter vers ledit Fonveille et sa femme et tous autres sans pr\u00e9judice du reste de ladite somme de 12 escuz montant iceluy reste la somme de 5 escuz ung tiers laquelle somme ledit messire Jehan Menant en son priv\u00e9 nom deument soubzmis et oblig\u00e9 \u00e0 ladite cour a promis et promet bailler paier \u00e0 ladite Jehanne Gaultier esdits noms stipullante et acceptante en sa maison en ceste ville dedans le jour et feste de Toussaint prochainement venant et moyennant ces pr\u00e9sentes ladite Jehanne Gaultier esdits noms a consenty et consent d\u00e9\u00e9livrance desdites choses saisies au profit dudit Jehan Menant \u00e0 la charge qu\u2019il paira su fait n\u2019a les faczons desdites vignes de l\u2019ann\u00e9e pr\u00e9sente et a promis Jehanne Gaultier que Maurice Chauveau fermier judiciaire desdites choses saisies ne se immissera pour l\u2019advenir la jouissance desdites choses de la ferme desquelles il demeure quite pour le pass\u00e9 pour ce qu\u2019il l\u2019avoyt pay\u00e9e \u00e0 ladite Gaultier qui en demeure quite ainsi que dessus par le moyen de ces pr\u00e9sentes et les a ainsy que dit ledit missire Jehan Menant promis acquiter vers sondit p\u00e8re et tous autres le tout stipul\u00e9 et accept\u00e9 par lesdites parties et \u00e0 ce tenir etc obligent lesdites parties respectivement mesmes ladite Gaultier en chacun desdits noms seul et pour le etout sans division renonczant etc et par especial ladite Gaultier esdits noms a renonc\u00e9 au b\u00e9n\u00e9fice de division etc et encores au droit velleyen et \u00e0 l\u2019espitre du divi adriani \u00e0 l\u2019autenticque si qua mullier et \u00e0 tous aultres droits faits et introduits en faveur des femmes que leur avons donn\u00e9 \u00e0 entendre estre tels que femme ne peult s\u2019obliger ne pour aultruy interc\u00e9der mesmes pour son mary sy elle le faisoit elle en seroit relev\u00e9e sinon qu\u2019elle y eust renonc\u00e9 etc foy jugement et condemnation etc fait et pass\u00e9 audit Angers apr\u00e8s midy pr\u00e9sents \u00e0 ce Me Bastien Eveillard sieur de Boispill\u00e9 et Pierre Richoust demeurant Angers tesmoins
\n
Oups ! J’\u00e9tais ce matin le nez dans les r\u00e9sultats des d\u00e9partementales. Donc voici la fille de Marie Roustille que nous avions rencontr\u00e9e hier, mais je ne vois toujours pas un \u00e9ventuel lien avec les Lefaucheux ou Bommard ? J’ai trouv\u00e9 cet acte aux Archives D\u00e9partementales du Maine-et-Loire, s\u00e9rie 5E36 \u2013 Voici sa retranscription (voir … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog. <\/p>\n","protected":false},"excerpt":{"rendered":"