\nLe 14 avril 1589 \u00e0 la matin\u00e9e, en la pr\u00e9sence de nous Jean Lecourt notaire royal Angers et des tesmoins cy apr\u00e8s nomm\u00e9s, noble homme Ren\u00e9 Demeaulne sieur de la Mestairie s\u2019est transport\u00e9 par devers et \u00e0 la personne de haulte et puissante dame Madame Fran\u00e7oise du Puy du Fou dame de Puygaillard veufve de deffunt hault et puissant seigneur messire Jehan de L\u00e9aumont vivant seigneur de Puygaillard, baron de Blou et de Mor\u00e9, chevalier des deux ordres du roy, conseiller en ses conseil d\u2019estat et priv\u00e9, capitaine de 100 hommes d\u2019armes de ses ordonnances, grand mareschal g\u00e9n\u00e9ral des camps et armes de France, lequel Demeaulne suivant et au d\u00e9sir de certaine transaction faite et pass\u00e9e entre lesdites parties par davant Lepelletier notaire le 12 janvier 1588, et ob\u00e9issant \u00e0 icelle a pr\u00e9sent\u00e9 \u00e0 caution Me Michel Lecamus greffier civil en la s\u00e9n\u00e9chauss\u00e9e de Baug\u00e9, comme appert par sa procuration pass\u00e9e par davant Goigras et Maillard notaires audit Baug\u00e9 en date dudit jour du pr\u00e9sent moit, scell\u00e9e de sire verd, sp\u00e9ciale pour plevir et cautionner ledit Demeaulne et damoiselle Anne Lebigot sa femme de la somme de 2 000 livres deue audit Demeaulne par ladite dame de Puygaillard pour les causes port\u00e9es par ladite transaction et aussi pour eslire domicile offrant ce faire aux fins de ladite transaction, et a est\u00e9 \u00e0 ce pr\u00e9sent Me Jehan Charles Bellet procureur sp\u00e9cial dudit Lecamus et d\u00e9nomm\u00e9 en ladite procuration ce qu\u2019il a offert et offre plevir et cautionner ledit Demeaulne et Bigot sa femme de ladite somme de 2 000 livres port\u00e9e par ladite transaction, et en passer et consentir telle obligation et seuret\u00e9 \u00e0 ladite dame de Puygaillard sur besoing sera avec les renonciations \u00e0 ce requises et eslire domicile en ceste ville en la maison de Olivier Belet, ce fait ledit Demeaulne a pri\u00e9 et requis ladite dame de Puygaillard de luy bailler et paier ladite somme de 2 000 livres qu\u2019elle luy doit pour les causes de ladite transaction, ou de les bailler entre les mains de sire Jacques Doysseau marchand demeurant en ceste ville qui en fera int\u00e9rests suivant et au d\u00e9sir de certain jugement donn\u00e9 au si\u00e8ge pr\u00e9sidial de ceste ville entr eledit Demeaulne et Jehan Letessier pour y demeurer, jusques \u00e0 ce que ledit Demeaulne ait ob\u00e9i audit jugement et que noble homme Jehan Denyon ait fourni des acquits qu\u2019il est tenu et oblig\u00e9 fournir au d\u00e9sir de ladite transaction faite entre eulx, lequel Denyon aussi \u00e0 ce pr\u00e9sent a protest\u00e9 de toutes pertes despens dommages et int\u00e9rests \u00e0 faulte qu\u2019il fera de mettre ladite somme de 2 000 livres tz entre les mains dudit Doysseau, et ledit Demeaulne contre ladite dame \u00e0 faulte qu\u2019elle fera de les payer \u00e0 luy ou audit Doysseau ou aultre marchand solvable demeurant en ceste ville qu\u2019elle advisera, et ont lesdits Demeaulne et Denyon d\u00e9clar\u00e9 estre venus expr\u00e8s en ceste ville pour cest effet, laquelle dame a dit ne cognoistre ledit Lecamus ni ses moyens, au moyen de quoy elle a protest\u00e9 et proteste de nullit\u00e9 de tout ce que dessus, et a ledit Demeaulne soustenu ledit Lecamus estre solvable et ou ladite dame ne se vouldroit contenter dudit Lecamus offre y faire intervenir la fille dudit Lecamus et luy fournir lettres de ratification vallables dedans quizaine bien qu\u2019il n\u2019y soit tenu, laquelle dame a dit qu\u2019elle ne cognoist la fille dudit Lecamus ne ses moyens et dont auxdites parties ce r\u00e9qu\u00e9rantes leur avons d\u00e9cern\u00e9 le pr\u00e9sent acte pour leur servir ce que de raison, fait Angers pr\u00e9sents \u00e0 ce Me Claude Cormier sieur de Fontenelles et Magdelon Lecamus sergent royal demeurant Angers tesmoins
\n
qu’elle doit suite \u00e0 une transaction, et Ren\u00e9 Demeaulne fait constater son refus devant notaire en pr\u00e9sence de t\u00e9moins. Elle est alors veuve en 3\u00e8mes noces de Jean de L\u00e9aumont dit PUYGAILLARD, dont le d\u00e9c\u00e8s semble \u00eatre en juillet 1584 mais C\u00e9lestin port contredit cette date sur la foi du testament de Jean de L\u00e9aumont, … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n","protected":false},"excerpt":{"rendered":"