\nLe 29 mai 1530, en la cour du roy notre sire \u00e0 Angers (Jean Huot notaire Angers) personnellement establys honnestes personnes sire Jacques Doyseau marchand drappier et Marguerite sa femme de luy suffisamment auctoris\u00e9e par davant nous quant \u00e0 ce qui s\u2019ensuit demourans en ceste ville d\u2019Angers soubzmectant eulx et chacun d\u2019eulx seul et pour le tout sans division de partie ne de biens leurs hoirs etc ou pouvoir etc confessent que \u00e0 leur pri\u00e8re persuiasion et requeste et pour leur faire plaisir seulement honneset personne sire Pierre Doysseau sieur de la Millardi\u00e8re demourant en la paroisse de saint Pierre d\u2019Angers s\u2019est ce jourd\u2019huy li\u00e9 et oblig\u00e9 en leur compaignie et chacun d\u2019eulx seul et pour le tout envers honneste femme Peronnelle Richer veufve de feu sire Colas Ganches aussi demourant Angers en la vendition de tous et chacuns les draps de laine estans en la bouticque dudit feu Colas Ganches et demour\u00e9s de son d\u00e9c\u00e8s vendus et transport\u00e9s par ladite Richer auxdits establis et audit sieur Pierre Doysseau et \u00e0 chacun d\u2019eulx seul et pour le tout pour le prix et somme de 700 livres 11 sols 6 denniers, et combien que en ladite vendition iceluy Pierre Doysseau se soyt constitu\u00e9 achacteur desdits draps et ayt promis payer icelle dite somme de 700 livres 11 sols 6 deniers \u00e0 ladite Richer ce n\u00e9antmoins iceluy Pierre Doysseau n\u2019a eu ne receu aucune choses d\u2019icelle marchandise mais est tout demour\u00e9 es mains desdits establis qui l\u2019ont eu et toute prinse et appliqu\u00e9e \u00e0 leur profit ainsi que iceulx establis ont dit et cogneu et confess\u00e9 par devant nous, et tellement que d\u2019icelles dites marchandises et draps dessus dits lesdits establiz se sont tenus \u00e0 contens et en ont quit\u00e9 et quictent par ces pr\u00e9sentes ledit Pierre Doysseau ses hoirs etc et partant ont promis doibvent et par ces pr\u00e9sentes sont demeur\u00e9s tenus lesdits establis et chacun d\u2019eulx seul et pour le tout sans division et icelle dite somme de 700 livres 11 sols 6 deniers tz pour l\u2019achapt desdits draps rendre et paier \u00e0 ladite Richer ses hoirs etc aux jours et termes et selon qu\u2019il est contenu par ladite lettre et obligation sur ce faite et pass\u00e9, et oultre acquiter garantir et descharger ledit Pierre Doysseau ses hoirs etc du contenu de ladite obligation et pour ce le garder de toutes pertes despens dommages et int\u00e9rests, auxquelles choses dessus dites tenir etc et aux dommages etc obligent lesdits establis etc eulx et chacun d\u2019euls seul et pour le tout sans division \u00e0 prendre vendre etc renon\u00e7ant par davant nous aux b\u00e9n\u00e9fices de division de discussion d\u2019ordre de priorit\u00e9 et post\u00e9riorit\u00e9 et \u00e0 toutes et chacunes les choses etc et par especial ladite Marguerite au droit velleyen elle sur ce de nous suffisamment acertene et de tout etc foy jugement et condemnation etc pr\u00e9sents \u00e0 ce honorable homme et saige Me Lancelot Alexandre licenci\u00e9 es loix sire Charles Grimaudet marchand apothicaire et Jacques Richer tous demeurant \u00e0 Angers tesmoins, ce fut fait et pass\u00e9 Angers en la maison de ladite Richer les jour et an susdits <\/p>\n
Cet acte est aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) : Le 29 mai 1530, en la cour du roy notre sire \u00e0 Angers (Jean Huot notaire Angers) personnellement establys honnestes personnes sire Jacques Doyseau marchand drappier et Marguerite sa femme de luy suffisamment auctoris\u00e9e par davant … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog.<\/p>\n","protected":false},"excerpt":{"rendered":"