\nLe samedi 2 mai 1615 avant midy, devant nous Noel Berruyer notaire royal \u00e0 Angers furent pr\u00e9sents esetablis et deuement soubmis honorable homme Me Olivier Hyret sieur du Drul advocat au si\u00e8ge pr\u00e9sidial d\u2019Angers y demeurant paroisse de saint Maurille d\u2019une part, et Estienne Bernier mestaier demeurant au lieu de la Rousseli\u00e8re paroisse du Louroux Besconnays tant en son que comme soy faisant fort de Michelle Moreau sa femme \u00e0 laquelle il a promis et s\u2019est oblig\u00e9 faire ratiffier ces pr\u00e9sentes et obliger avecq luy seule et pour le tout avecq les renonciations requises et en fournir et bailler audit Hiret ou pour luy entre nos mains ratiffication et obligation vallable dedans deux mois prochainement venant \u00e0 peine etc cesdites pr\u00e9sentes n\u00e9anlmoins etc et en chacun desdits noms seule et pour le tout sans division de personnes ne de biens leurs hoirs d\u2019autre part, lesquels confessent avoir fait et font entre eulx le bail \u00e0 tiltre de ferme conventions et obligations qui s\u2019ensuivent, c\u2019est \u00e0 savoir que ledit Hyret a baill\u00e9 et baille par ces pr\u00e9sentes audit Bernier ce stipulant et acceptant audit tiltre de ferme et non autrement pour le temps terme et espace de 5 ann\u00e9es et 5 cueillettes enti\u00e8res et parfaites qui commenceront \u00e0 la Toussaint prochaine que finist le bail pr\u00e9c\u00e9dent, et qui finiront \u00e0 pareil jour lesdits 5 ann\u00e9es finies et r\u00e9volues, scavoir est le lieu et mestairie de la Rousselli\u00e8re comme il se poursuit et comporte et comme ledit preneur en a cy devant jouy audit tiltre de ferme sans aulcune r\u00e9servation en faire, \u00e0 la charge dudit preneur esdits noms de tenir entretenir et rendre les maisons granges estables et loges en bonne et suffisante r\u00e9paration, desquelles r\u00e9parations ledit preneur s\u2019est contant\u00e9 pour en estre tenu par ces baulx pr\u00e9c\u00e9dents, tenir et entretenir aussi les hayes et clostures et foss\u00e9s d\u2019antour des terres dudit lieu bien et deument comme il appartient et y faire chacun an 12 toises de foss\u00e9 neuf ou r\u00e9par\u00e9 es endroits n\u00e9cessaires, paier et acquiter les cens rentes charges et debvoirs qui peuvent estre deuz pour raison dudit lieu et en acquiter ledit bailleur, plantera chacun an sur ledit lieu et es lieux n\u00e9cessaires 12 sauvaigeaulx de poirer et pommier et faire les antures qui se trouveront propres \u00e0 faire de bonnes mati\u00e8res de fruits qu\u2019il armera d\u2019espines pour les conserver du dommaige des bestiaulx, plantera aussi chacun an 12 chesnots, ne pourra aussi coupper ne abattre aulcuns arbres fructuaulx ny marmantaulx par pied branches ny autrement fors les esmondables et en saisons convenables, ne pourra aussi ledit preneur recheumer et redoubler les terres dudit lieu fors seulement pour sepmer deulx septiers d\u2019avoine grosse et deulx septiers avoine menue chacun an, pourra ledit preneur coupper sur ledit lieu quelques hourmeaulx et fresnes pour faire les aplets de ses chartes et cherrues pour l\u2019usaige dudit preneur seulement au cas qu\u2019il s\u2019en trouve de bons sur ledit lieu, luy aians est\u00e9 marqu\u00e9s pr\u00e9alablement par ledit bailleur, ensepmancera ledit preneur les terres dudit lieu l\u2019ann\u00e9e que son bail sera finy comme il appartient et a accoustum\u00e9 d\u2019estre fait y aiant son droit de colon seulement, pour quoi faire ledit preneur a recongnu que lors du commencement de ses baulx il luy demeura sur ledit lieu de sepmances scavoir 6 septiers de bled seille ung septier et demy de metail, de seille et avoine, 5 boisseaux de froment, 2 septiers d\u2019avoine grosse et raiz, et 2 septiers d\u2019avoine menue \u00e0 comble le tout au tiltre mesure de Bescon qui appartiennent aulx parties par moiti\u00e9, et rendra aussi ledit preneur en fin du pr\u00e9sent bail les foings pailles chaulmes et engres sur ledit lieu et a aussy est\u00e9 d\u2019accord y avoir sur ledit lieu pour la somme de 160 livres de bestial appartenant audit bailleur qu\u2019il rendra en fin dudit bail sur ledit lieu suivant le bail pr\u00e9c\u00e9dant, ne pourra ledit preneur c\u00e9der ne transporter le pr\u00e9sent bail \u00e0 autre sans le cong\u00e9 et consentement dudit bailleur, et aussi \u00e0 la charge d\u2019en jouir et user ledit temps durant comme un bon p\u00e8re de famille doibt et est tenu faire sans rien d\u00e9molir, et oultre les charges susdites est fait ledit bail pour en paier et bailler par ledit preneur esdits noms audit bailleur en sa maison Angers par chacune desdites ann\u00e9es la somme de 123 livres et une charte de gros bois qu\u2019il prendra sur ledit lieu apr\u00e8s luy avoir est\u00e9 montr\u00e9 par ledit bailleur au jour et feste de Toussaint le premier payement commen\u00e7ant au jour et feste de Toussaint que l\u2019on dira 1616 et \u00e0 continuer etc ce qu\u2019ils ont accord\u00e9 stipul\u00e9 et accept\u00e9, et \u00e0 ce tenir etc dommaiges etc obligent etc mesmes ledit preneur esdits noms et en chacun d\u2019iceulx seul et pour le etout sans division de personnes ne de biens ses hoirs etc biens et choses \u00e0 prendre vendre etc renon\u00e7ant etc et par especial ledit preneur esdits noms au b\u00e9n\u00e9fice de division discussion et ordre etc foy jugement condempnation etc fait et pass\u00e9 audit Angers \u00e0 nostre tabler en pr\u00e9sence de Denis Horice ? laboureur demeurant en la paroisse du Loroulx Besconnays, Me Julien Blanchouin sergent royal Gabriel Deloubiat clercs audit Angers tesmoins
\n
mais il s’agit d’un bail \u00e0 ferme diret \u00e0 l’exploitant agricole, et non \u00e0 un fermier interm\u00e9diaire. Ce type de bail est plus rare mais n\u00e9anmoins si vous prenez dans la colonne de droite ma fen\u00eate CATEGORIE puis le menu d\u00e9roulant, vous avez la sous cat\u00e9gorie des BAUX A FERME A L’EXPLOITANT AGRICOLE, et j’en … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog <\/p>\n","protected":false},"excerpt":{"rendered":"