\nLe 31 mars 1538 avant Pasques (donc le 31 mars 1593 n.s.) en la cour royale \u00e0 Angers (Quetin notaire) et de l\u2019officialit\u00e9 dudit lieu personnellement establyz v\u00e9n\u00e9rable personne messire Ren\u00e9 Vallin pr\u00eatre docteur r\u00e9gent en l\u2019universit\u00e9 penitencier chanoine et official dudit lieu d\u2019Angers au nom et comme procureur o pouvoir especial quant \u00e0 ce qui s\u2019ensuit de noble et v\u00e9n\u00e9rable maistre Louis Du Bellay conseiller du roy notre sire en sa cour de parlement et archidiacre de Paris, tr\u00e9sorier de l\u2019\u00e9glise dudit lieu d\u2019Angers et prieur commendataire du prieur\u00e9 de Saint Cl\u00e9mentin au dioc\u00e8de de Maillezais ainsi que ledit Vallin a fait apparoir par lettres de procuration pass\u00e9es par devant Jehan Augirard et Claude Martin notaires du roi notre sire et de par luy ordonn\u00e9s et establiz en son chastelet de Paris en date du jeudi 6 mars 1638 d\u2019une part, et missire Jehan Millon pr\u00eatre, Guillaume Maczon paroissiens de saint Aubin de Luign\u00e9 dioc\u00e8se d\u2019Angers et Estienne Millon marchand demourant aux Ponts de S\u00e9e comme ils disent d\u2019autre part, soubzmectant savoir est ledit Vallin procureur susdit en iceluy nom avecques les biens et choses dudit Du Bellay \u00e0 plein d\u00e9clar\u00e9s en ladite procuration, et lesdits les Millons chacun d\u2019eulx seul et pour le tout sans division de personnes de biens ne de choses eulx leurs hoirs etc ou pouvoir etc confessent avoir aujourd\u2019huy fait et font entre eulx les march\u00e9s et accords tels et en la mani\u00e8re que s\u2019ensuit c\u2019est \u00e0 savoir que ledit Vallin audit nom a baill\u00e9 et baille auxdits les Millons et \u00e0 chacun d\u2019eulx lesquels ont prins et accept\u00e9 prennent et acceptent \u00e0 titre de ferme et non autrement pour le temps de 5 ann\u00e9es et 5 cueillettes enti\u00e8res et parfaites ensuivant l\u2019une l\u2019autre sans intervalle commenczans du jour et feste de Pasques prochainement venant et finissans \u00e0 semblable jour lesdites 5 ann\u00e9es et cueillettes r\u00e9volues et escheues tous et chacuns les fruits, profits, revenus et esmolumens audit prieur\u00e9 de st Cl\u00e9mentin appartenant qui durant ledit temps y viendront croistront et escherront sans aucuns en excepter retenir ne r\u00e9server, pour iceulx prendre receuillir et amasser par lesdits preneurs \u00e0 leurs cousts mises p\u00e9rils et fortunes et en faire ledit temps durant \u00e0 leur plaisir comme de choses baill\u00e9es audit titre de ferme en grdant les droits dudit prieur \u00e0 leur pouvoir sans aucuns en laisser perdre et sans y faire ne souffrir estre fait aucunes sourprinses ne entreprinses et si aucunes y estoient faites lesdits preneurs ont promis sont et demeurent tenus en advertir ledit sieur Du Bellay d\u2019heure et de temps pour y pourvoir comme il verra estre \u00e0 faire, \u00e0 la charge desdits les Millons et de chacun d\u2019eulx seul et pour le tout et lesquels ont promis promettent sont et demeurent tenuz en payer rendre et bailler par chacune desdites 5 ann\u00e9es aux termes et festes saint Denis et Pasques par moiti\u00e9 la somme de 250 escuz d\u2019or soleil bons et de poids ou la somme de 562 livres 10 sols tz au choix et \u00e9lection dudit sieur Du Bellay avecques une douzaine de bons fromaiges des meilleurs dudit lieu de saint Cl\u00e9mentin, aussi par chacune desdites ann\u00e9es paiables audit jour et feste de saint Denis, le tout rendu et payable franc et quite aux cousts mises p\u00e9rils et fortunes desdits parents en la ville de Paris en la maison dudit Du Bellay en ses mains ou d\u2019autre aiant charge et pouvoir de luy quant \u00e0 ce le premier terme de payement commenczant au jour et feste st Denis prochainement venant en continuant etc, \u00e0 la charge en outre desdits preneurs de dire ou faire dire et c\u00e9l\u00e9brer le service divin, poyer et acquiter toutes et chacunes les charges cens rentes gros et debvoirs deuz \u00e0 cause dudit prieur\u00e9 et en acquiter descharger et rendre indemne ledit Du Bellay vers Dieu et les hommes, et tenir l\u2019assise de la terre dudit prieur\u00e9 et payer les gages des officiers ainsi que de coustume, et de tenir les maisons et \u00e9difices dudit prieur\u00e9 en bonne et suffisante r\u00e9paration telle qu\u2019ils leur seront baill\u00e9s ledit temps durant et \u00e0 la fin de ladite ferme les y rendre, et ne pourront lesdits preneurs bailler ne transporter ce pr\u00e9sent march\u00e9 \u00e0 autres personnes sans le gr\u00e9 et consentement dudit Du Bellay, aussi \u00e0 la charge de par condition convenue entre lesdits establis esdits noms que si lesdits preneurs sont d\u00e9ffaillants de poyer ladite ferme \u00e0 chacun desdits termes en ce cas iceluy Du Bellay pourra si bon lui semble reprendre son dit prieur\u00e9 en ses mains et le bailler et affermer \u00e0 autres personnes \u00e0 son plaisir sans autre sommation figure de proc\u00e8s ne autre solemnit\u00e9 de justice garde et n\u00e9anmoins contraindre iceulx preneurs et chacun d\u2019eulx \u00e0 poyer ce qu\u2019ils debvront lors de ladite ferme incontinent le cas advenu, \u00e0 la charge en outre que si pendant ladite ferme se trouvoit aucuns baulx du revenu d\u2019iceluy prieur\u00e9 et qui ont est\u00e9 baill\u00e9s par cy davant par ledit Du Bellay ou son procureur pour luy, lesdits preneurs pourront rebailler lesdites fermes \u00e0 toutes personnes que bon leur semblera pour le temps de ce pr\u00e9sent bail \u00e0 ferme seulement et sans iceulx baux diminuer du prix contenu en iceulx baulx ne faire aucunement le dommaige desdites fermes mestairies et moulin dudit prieur\u00e9 et sont tenus les rendre \u00e0 la fin de leurs baulx contenus en ce pr\u00e9sent bail en bon estat et deu et selon la pris\u00e9e et non autrement, \u00e0 la peine de tous despens dommaiges et int\u00e9rests que pourroit avoir ledit Du Bellay \u00e0 cause desdits baulx, lesquels dommages et int\u00e9rests lesdits preneurs seront tenus et ont promis poyer en leurs propres et priv\u00e9s noms pour les fermiers ainsi qu\u2019ils auront faits lesdits baulx, et ne sera tenu ledit Du Bellay au garantage de ce pr\u00e9sent bail sinon pour le temps qu\u2019il tiendra ledit prieur\u00e9, dont et desquelles choses lesdits establis esdits noms sont tenus \u00e0 ung et d\u2019accord tellement que \u00e0 icelles tenir etc dommages amendes etc obligent scavoir est ledit Vallin procureur esdit nom avecques les biens et choses dudit Du Bellay contenus en ladite procuration comme dit est, et lesdits les Millons chacun d\u2019eulx seul etc leurs hoirs etc et lsedits biens \u00e0 prendre vendre etc renon\u00e7ant etc et par especial lesdits les Millons au b\u00e9n\u00e9fice de division d\u2019ordre et discussion et g\u00e9n\u00e9ralement etc foy jugement condemnation etc fait et donn\u00e9 en la cit\u00e9 dudit lieu d\u2019Angers en la maison dudit Vallin les jour et an que dessus
\n
et pour ce faire, ce grand personnage qui demeure \u00e0 Paris, a nomm\u00e9 Ren\u00e9 Vallin son procureur \u00e0 Angers. C’est la premi\u00e8re fois que le don en nature de la ferme est ainsi libell\u00e9 \u00ab\u00a0une douzaine de bons fromages dudit lieu\u00a0\u00bb, et le preneur doit livrer les fromages \u00e0 Paris !!! Saint Cl\u00e9mentin et son … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog<\/p>\n","protected":false},"excerpt":{"rendered":"