\nLe 22 mars 1538 (avant Pasques donc le 31 mars 1539 n.s.) en la cour royale \u00e0 Angers (Quetin notaire) personnellement estably syre Marin Cerisay marchand demourant audit lieu d\u2019Angers comme estant apparty et asserre pour les deux parts au total dont les trois parties ensemble font ledit total deu rachat du droit de rachat de la terre et seigneurie de Meurs provenu et escheu \u00e0 noble et puissant Fran\u00e7ois Du Bellay sieur de la Preste et du Plessis Mac\u00e9 au regard de la seigneurie dudit Plessis Mac\u00e9 par le d\u00e9c\u00e8s de noble et puissant Jehan Quatrebarbes, ledit achat fait par Jehan Lemoulnier dudit sieur du Plessis Mac\u00e9 ou d\u2019autres pour et au nom de luy, soubzmectant soy ses hoirs etc ou pouvoir etc confesse avoir aujourd\u2019huy quit\u00e9 c\u00e9d\u00e9 d\u00e9laiss\u00e9 transport\u00e9 et encores etc quite etc \u00e0 damoiselle Ren\u00e9e de Br\u00e9e veufve de deffunt noble homme Fran\u00e7ois Quatrebarbes en son vivant sieur de la Volue absente pr\u00e9sent sire Guillaume Saymond stipulant et acceptant pour icelle damoiselle en ceste partie, lequel a achapt\u00e9 pour et au profit de ladite damoiselle et ses hoirs etc lesdites deux parts et tout et tel droit nom raison action part et portion que ledit Cerizay a et peult avoir audit rachat de ladite terre et seigneurie de Meurs proveneu audit sieur du Plessis Mac\u00e9 par le d\u00e9c\u00e8s dudit deffunct Jehan Quatrebarbes au moyen et par vertu de ladite association faite par ledit Lemoulnier et comme \u00e0 plein appert par le contrat d\u2019icelle association faite entre lesdits Cerisay et Lemoulnier pass\u00e9 le 8 de ce pr\u00e9sent mois et an par nous notaires cy soubzsign\u00e9s pour icelles deux parts de rachact prendre et recueillir par ladite damoiselle ou autre de par elle \u00e0 ses cousts mises p\u00e9rils et fortunes et en faire \u00e0 son plaisir ainsi que faire pourroit ledit Cerisay au moyen de ladite association sans ce qu\u2019il soit tenu porter aucun garantage \u00e0 ladite damoiselle sinon de son faict, et est ce fait pour et moyennant la somme de 475 livres 10 sols tournois pay\u00e9e baill\u00e9e compt\u00e9e et nombr\u00e9e manuellement et content de la part dudit Saymond par les mains de missire Pierre Lepeletier pr\u00eatre pour et au nom et des deniers de ladite damoiselle audit Cerisay qui l\u2019a eue prinse et receue en pr\u00e9sence et \u00e0 veue de nous dont etc et en a quit\u00e9 etc, aussi moyennant ce que dessus demeure audit Cerisay le fein estant en la grange de ladite seigneurie de Meurs qui par cy davant avoit est\u00e9 achact\u00e9 de Pierre Georget sergent de ladite seigneurie de la part dudit Cerisay pour iceluy fein estre dessendu deladite grange et estables dudit lieu par les boeufs dudit Cerisay ainsi que bon luy semblera, duquel fein ledit Cerisay sera tenu vuyder ladite grange dedans la feste de St Jehan Baptiste prochainement venant r\u00e9serv\u00e9 une charte dudit fein que ladite damoiselle fera dessendre et enlever comme bon lui semblera sans ce que ledit Cerisay ou autres qui ont achact\u00e9 au nom de luy ledit fein soient tenuz aucune chose en payer audit Georget ne autres, ains ladite damoiselle demeure tenue par ces pr\u00e9sentes en acquiter iceluy Cerisay et si aucune somme de deniers a est\u00e9 baill\u00e9e sur le poyement dudit fein ladite damoiselle sera tenue le rendre audit Cerisay ou \u00e0 autre qui auroit baill\u00e9 icelle somme de deniers, aussi demeure ladite damoiselle tenue acquiter ledit Cerisay de toutes et chacunes les charges en quoi il est et peult estre tenu pour les deux parts dudit rachact ainsi transport\u00e9es comme dit est et le descharger vers et contre tous et comme ledit Saymond audit nom a promis et promet faire, et pour ce que ledit Cerisay a baill\u00e9 \u00e0 tiltre de prest audit Lemoulnier la somme de 356 livres tz pour faire le poyement dudit rachct et des cousts frais et mises et comme ladite damoiselle par ces pr\u00e9sentes rembourse ledit Cerisay de ladite somme de 356 livres tz comprinse en ladite somme de 468 livres 10 sols, iceluy Cerisay est et demeure tenu acquiter ladite damoiselle des deux parts de l\u2019achat dudit rachact et des frais et mises le tout se montant ladite somme de 356 livres, et outre ce ledit Cerisay a c\u00e9dd\u00e9 et transport\u00e9 \u00e0 ladite damoiselle la tierce partie de ladite somme de 356 livres tz en laquelle ledit Lemoulnier est tenu vers luy \u00e0 tiltre de prest, laquelle ledit Cerisay luy a prest\u00e9e pour faire le poyement dudit rachact et desdits frais et mises, et \u00e0 ce tenir etc oblige ledit Cerisay soy ses hoirs etc renon\u00e7ant etc foy jugement et condemnation etc fait et donn\u00e9 en la cit\u00e9 dudit lieu d\u2019Angers les jour et an que dessus
\n
mais il est certain qu’\u00e0 ce petit jeu l\u00e0 il fallait manifestement de bonnes \u00e9critures de comptabilit\u00e9 personnelle au fond il \u00e9tait un peu le pr\u00e9curseur de tous ces \u00eatres de nos jours derri\u00e8re des dizaines d’\u00e9cran \u00e0 la fois, jouant \u00e0 d\u00e9placer des sommes folles partout. Ce sont des facult\u00e9s dont je ne dispose … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog<\/p>\n","protected":false},"excerpt":{"rendered":"