\nLe 28 mars 1524 (P\u00e2ques \u00e9tait le 18 avril 1525, donc on est le 28 mars 1525 n.s.) (Nicolas Huot notaire Angers) Comme proc\u00e8s ayt est\u00e9 meu et soit pendant par devant monsieur le s\u00e9n\u00e9chal d\u2019Anjou monsieur son lieutenant commis \u00e0 Angers entre Jacques Garreau marchand demourant \u00e0 Brain sur Longuen\u00e9e demandeur d\u2019une part et Pierre Riguier marchand demourant \u00e0 Angers Trinit\u00e9 curateur de Jehan Leconte le plus jeune des enfants de feuz Guillaume Leconte et Jacquette Doysseau, Jacquine et Guillaume les Contes aussi enfants desdits Leconte et Doysseau et ses h\u00e9ritiers en partie pour raison de ce que ledit Garreau disoit qu\u2019il a est\u00e9 par cy davant long temps seigneur et possesseur des lieux de la Constantini\u00e8re et de la Morini\u00e8re sis en la paroisse dudit Brain, lesquels il a piecza engaig\u00e9s audit feu Guillaume Leconte et Jacquette Doysseau pour la somme de 600 livres tz par une part et 60 livres tz par autre part, ainsi que ledit Garreau vendit et transportat auxdits feuz Leconte et Doysseau 17 livres tz de rente pour la somme de 340 livres tz, laquelle rente iceluy Garreau assigna audit Leconte par hypoth\u00e8ceque sp\u00e9cial sur le lieu de Truchi\u00e8re, lequel Garreau dit avoir piecza somm\u00e9 et requis ledit feu Guillaume Leconte de conc\u00e9der et recepvoir de luy la somme de 200 livres tz qu\u2019il disoit luy debvoir seulement pour la recousse et r\u00e9m\u00e9r\u00e9 desdits deux lieux de la Courtauldi\u00e8re et de la Morini\u00e8re, aussi disoit ledit Garreau que sur la rescousse et admortissement desdites 17 livres de rente il avoit poy\u00e9 pour et en acquit dudit feu Leconte et par son commandement la somme de 100 livres tz \u00e0 Estienne Du Rasbay escuier sieur du Maret auquel ledit Leconte le debvoit et pour le reste montant 240 livres ledit Garreau disoit en estre demour\u00e9 quite vers ledit feu Leconte par compte entre eulx de 130 livres tz ainsi qu\u2019il dit apparoir par escript sign\u00e9 de maistres Jacques Gu\u00e9rin et Michel Millait et le reste montant 110 livres tz ledit Garreau offroit le paier, et disoit que pour lesdites sommes de 200 livres et 110 livres ledit feu Guillaume Leconte luy avoit promis rendre et resetituer sesdits lieux de la Courtauldi\u00e8re et la Morini\u00e8re et aussi ladite rente comme rescouss\u00e9e et amortie, dont toutefois iceluy feu Leconte avoit est\u00e9 reffusant pour raison de quoi il avoit d\u00e8s le temps de son vivant intent\u00e9 ledit proc\u00e8s contre luy et avoit demand\u00e9 restitution desdits lieux et admortissement de ladite rente, offrant luy bailler lesdites sommes de 200 livres et 110 livres tz que ledit feu Leconte luy avoir d\u00e9batu, et sur ce estoient intervenus plusieurs jugements entre eulx et avoir ledit Garreau voulu acroire \u00e0 serment ledit Leconte que quelque chose que conteinssent lesdits contrats entre eulx touchant l\u2019achat et … que ledit Leconte avoir fait desdits lieux audit Garreau, que toutefois il ne luy avoit baill\u00e9 pour le prix d\u2019iceulx que lesdits 200 livres, et avoir ledit Leconte d\u00e9lay\u00e9 faire ledit serment et estoint d\u00e9c\u00e9d\u00e9 sans rendre et estre ouy par serment sur ledit fait, aussi sans ce que les autres proc\u00e8s d\u2019entre luy et ledit Garreau fussent termin\u00e9s, et \u00e0 ceste cause ledit Garreau apr\u00e8s le d\u00e9c\u00e8s dudit feu Leconte avoit fait appeller chacun de Me Pierre Lepelletier mary de Jacquette Fallet fille de ladite feu Jacquette Doysseau, Jehan Leconte lesn\u00e9 dit de Cosne, Me Thomas Blandin licenci\u00e9 en loix mary de Jehanne Leconte, Me Guillaume Chaillant licenci\u00e9 en loix, Me Jehan Blanchet et Me Jehan Pinault \u00e0 cause de leurs femmes, Michel et Jehan les Contes, ledit Riguier tuteur ou curateur desdits Jehan Guillaume et Jacquette les Contes, lesquels chacun d\u2019eulx respectivement comme h\u00e9ritiers desdits feux Leconte et Doysseau \u00e0 l\u2019encontre dudit Garreau, contre lesquels et chacun d\u2019eulx ledit Garreau auroit persist\u00e9 en ses demandes et conclusions par luy poursuivies contre ledit feu Leconte, ou \u00e0 tout le moins qu\u2019ils fussent contraints \u00e0 luy payer et supployer jusques \u00e0 la vraie valleur d\u2019iceulx lieux qu\u2019il disoit et estimoit valoir la somme de 1 200 livres tz, et comme dit est n\u2019en avoit eu que la somme de 200 et pour ce que lesdits lieux sont depuis demeur\u00e9s en partage audit Lepeletier \u00e0 cause de sadite femme et Jehan Leconte aisn\u00e9 fils desdits Leconte et Doysseau et que lesdits enfants desdits feu Leconte et Doysseau ont promis garantir \u00e0 iceluy Lepeletier ledit lieu de la Courtauldi\u00e8re iceluy Riguier audit nom, pour \u00e9viter proc\u00e8s et tout scrupule de con… cognoissance \u00e0 la v\u00e9rit\u00e9 que lesdits lieux valloient plus que lesdites 200 livres a bien voulu transiger et appointer avec ledit Garreau de et sur le diff\u00e9rend d\u2019entre eux en la forme et mani\u00e8re qui s\u2019ensuit, pour ce est-il que en notre cour royale \u00e0 Angers personnellement establiz lesdits Jacques Garreau marchand demourant \u00e0 Brain sur Longuen\u00e9e d\u2019une part, et Pierre Riguier marchand demourant \u00e0 Angers tuteur ou curateur de Jehan Leconte le plus jeune des enfants de feux Guillaume Leconte et de Jacquette Doysseau, Jacquine et Guillaume les Contes aussi enfants desdits Leconte et Doysseau et ses h\u00e9ritiers en partie d\u2019autre part, soubzmectans lesdites parties savoir est ledit Garreau soy ses hoirs etc et lesdits Riguier soy et les biens et choses de sadite tutelle ou curatelle pr\u00e9sents et avenir etc confessent les choses dessus dites estre vrayes et que pour paix et amour nourrir entre entre eulx sur le conseil de leurs amis ils ont transig\u00e9 pacifi\u00e9 appoint\u00e9 et accord\u00e9 en la mani\u00e8re qui s\u2019ensuit c\u2019est \u00e0 savoir que ledit Riguier au nom que dessus a quit\u00e9 et quite par ces pr\u00e9sentes ledit Gareau desdites 17 livres tournois de rente autrefois acqis sur luy par ledit feu Guillaume Leconte par hypoth\u00e8cque sp\u00e9cial sur le lieu de la Touche et davantage a voulu ledit Reguier audit nom bailler et paier en oultre audit Gareau pour le parfait paix et supploiement d\u2019iceulx lieux de la Courdaudi\u00e8re et de la Morini\u00e8re la somme de 140 livres tournois et en oultre a promis et promet ledit Reguier audit nom faire quite ledit Gareau de toutes debtes personnelels en quoi ledit Garreau peult estre tenu vers les enfants mineurs dudit feu Leconte dont ledit Reguier est tuteur sans toutefois comprendre en ces pr\u00e9sentes 5 boissel\u00e9es de terre ou environ avecques ung petit loppin de pr\u00e9 sis audit Brain, lesquelles n\u2019ont est\u00e9 partaig\u00e9es entre les h\u00e9ritiers dudit feu Guillaume Leconte et encores leurs sont demour\u00e9es et demeurent indivis\u00e9es sans ce que ces pr\u00e9sentes leurs puissent nuire, ce que ledit Garreau a bien voulu faire, sur laquelle somme de 140 livres tournois ledit Garreau a confess\u00e9 avoir eu et receu paravant ce jourd\u2019huy dudit reguier la somme de 102 livres tournois et le reste d\u2019icelle somme montant 38 livres tournois ledit Garreau a confess\u00e9 l\u2019avoir eue et receue dudit Reguier et dont de toute icelle somme de 140 livres tournois ledit Gareau s\u2019en est tenu par davant nous \u00e0 bien pai\u00e9 et content et en a quict\u00e9 et quicte ledit reguier, et au moyen de ce ledit Garreau a renonc\u00e9 et renonce par ces pr\u00e9sentes \u00e0 toutes les actions petitions et demandes qu\u2019il avoir et pouroit avoir contre ledit feu Guillaume Leconte et ses h\u00e9ritiers pour raison des choses et autrement en quelque mani\u00e8re que ce soit et a iceluy Garreau quit\u00e9 et quite lesdits lieux sans ce que jamais il y puisse rien demander en aulcune mani\u00e8re, et oultre a iceluy Garreau promis doibt et est demeur\u00e9 tenu acquiter lesdits lieux de la Courtaudi\u00e8re et de la Morini\u00e8re de toutes rentes charges et debvoirs quelconques qui pourroient estre deuz sur \u00e0 cause et par raison desdits lieux fors et r\u00e9serv\u00e9 depuis 3 ann\u00e9es derni\u00e8res pass\u00e9es et aussi a promis doibt et demeure tenu ledit Garreau faire consentir ces pr\u00e9sentes \u00e0 Marie sa femme et les luy faire ratiffier et en rendre et bailler \u00e0 ses despens lettres vallables de ratiffication audit Reguier audit nom dedans la feste de la Penthecouste prochainement venant \u00e0 la peine de 20 escuz d\u2019or de peine commise \u00e0 appliquer dudit Garreau audit Reguier en cas de deffault ces pr\u00e9sentes n\u00e9anmoins demeurant en leur force et vertu, auxquelles choses dessus dites tenir et accomplir sans jamais aller faire ne venir encontre etc et lesdits lieux ainsi d\u00e9laiss\u00e9s par ledit Garreau audit Reguier audit nom garantir etc et aux dommages dudit Reguier audit nom amandes etc obligent lesdites parties l\u2019une vers l\u2019autre chacun en tant et pour tant que luy touche savoir est ledit Garreau soy ses hoirs etc et ledit Reguier audit nom soy les hoirs et choses de sadite tutelle et curatelle pr\u00e9sents e t\u00e0 venir etc renon\u00e7ant par davant nous etc et de tout etc foy jugement et condemnation etc pr\u00e9sents ad ce maistres Bertrain Reverdy et Nicolle Baron bachelier es loix demeurant \u00e0 Angers tesmoings, fait et donn\u00e9 \u00e0 Angers les jour et an susdits
\n
Cet acte est aux Archives D\u00e9partementales du Maine-et-Loire, 5E121 – Voici sa retranscription (voir ci-contre propri\u00e9t\u00e9 intellectuelle) : Le 28 mars 1524 (P\u00e2ques \u00e9tait le 18 avril 1525, donc on est le 28 mars 1525 n.s.) (Nicolas Huot notaire Angers) Comme proc\u00e8s ayt est\u00e9 meu et soit pendant par devant monsieur le s\u00e9n\u00e9chal d\u2019Anjou monsieur … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog<\/p>\n","protected":false},"excerpt":{"rendered":"