\nLe 1er avril 1524 avant P\u00e2ques (donc le 1er avril 1525 n.s.) sachent tous pr\u00e9sents et avenir (Nicolas Huot notaire Angers) comme ainsi soit que deffunct Mathelin Amiat en son vivant marchand libraire demourant en ceste ville d\u2019Angers fust tenu envers honneste personne sire Jehan Petit lesn\u00e9 marchand bourgeois de la ville de Paris en la somme de 53 livres 9 sols 6 deniers tz tant par une c\u00e9dulle montant la somme de 30 livres tz pour livres baill\u00e9s par ledit sire Jehan Petit audit Amiat sign\u00e9 icelle c\u00e9dule dudit Amiat en dabte du 13 d\u00e9cembre 1512 que par autres parties de marchandise de livres aussi baill\u00e9s par ledit sire Jehan Petit audit deffunt jusques \u00e0 la somme de 6 livres 9 sols 6 deniers tz, et restans de plus grande somme dont et de laquelle somme de 53 livres 9 sols 6 deniers tz il en est deu par Jehan Rahyer \u00e0 cause de Charlotte sa femme fille de deffunte Jacquine Amiat et de Pierre Cheferue ses p\u00e8re et m\u00e8re, ladite Jacquine fille et h\u00e9riti\u00e8re dudit deffunt Amiat en une quarte partie la somme de 13 livres 7 sols 4 deniers tz pour avoir paiement de laquelle quarte partie honnes personne sire Jehan Petit le jeune marchand libraire de l\u2019universi\u00e9 d\u2019Angers fils dudit Jehan Petit bourgeois de la ville de Paris vouloit mettre en proc\u00e8s ledit Rahyer, quoi voyant ledit Rahyer s\u2019est transport\u00e9 par devers iceluy Petit luy prier et supplier que son plaisir fust luy faire quelques gracieuse et luy donner terme de payer icelle somme et que tr\u00e8s volontiers il le paieroit, ce que ledit Jehan Petit le jeune a bien voulu faire, pour ce est-il que en notre cour royale \u00e0 Angers endroit personnellement establiz ledit Pierre de Chefderue et Jehan Rahier son gendre marchands demourans \u00e0 Angers d\u2019une part, et ledit sire Jehan Petit tant en son nom que comme soy faisant fort de sire Jehan Petit son p\u00e8re d\u2019autre part soubzmectans mesmes lesdits Chefderue et Rahier eulx et chacun d\u2019eulx seul et pour le tout sans division de parties ne de biens leurs hoirs etc confessent les choses dessus dites estre vraies et que en faveur de sire Charles de Bougue marchand demeurant en ceste ville d\u2019Angers ledit Jehan Petit le jeune a donn\u00e9 remis et quit\u00e9 audit Rahier de ladite somme de 13 livres 7 sols 4 deniers tz la somme de 47 sols 4 deniers tz et d\u2019icelle somme de 13 livres il n\u2019en reste plus que 11 livres tz sur laquelle somme lesdits Rahier et Chefderue en ont baill\u00e9 content audit Petit la somme de 20 sols tz, et le reste d\u2019icelle somme qui sont 10 livres tz lesdits Chefderue et Rahier et chacun d\u2019eulx seul et pour le tout sans division de parties ne de biens ont promis et promettent rendre et paier audit sire Jehan Petit le jeune dans la feste de la Toussaint prochainement venant en ceste ville d\u2019Angers en la maison dudit sire Charles de Bougue et de sire Clemens Alexandre \u00e0 la peine de tous dommages et int\u00e9rests ces pr\u00e9sentes neantmoings demeurent en leur force et vertu, et en paiant ladite somme de 10 livres tz lesdits Rahier et Chefderue demeureront quite de toutes et chacunes les sommes de deniers et autres choses dont ils pourroient estre tenus pour leur quarte partie envers ledit sire Jehan Petit lesn\u00e9, auxquelles choses dessus dites tenir et accomplir etc et ladite somme de 10 livres tz rendre et paier et aux dommages etc obligent lesdites parties l\u2019une vers l\u2019autre etc et lesdits Chefderue et Rahier et chacun d\u2019eulx seul et pour le tout sans division de parties ne de biens leurs hoirs etc \u00e0 prendre vendre etc renon\u00e7ant par davant nous lesdits Chefderue et Rahier au b\u00e9n\u00e9fice de division etc foy jugement et condemnation etc pr\u00e9sents \u00e0 ce sire Charles de Bougne marchand libraire et garde de la librairie de l\u2019universit\u00e9 d\u2019Angers et Mac\u00e9 Rahier aussi marchand libraire demourant \u00e0 Angers tesmoings fait et donn\u00e9 \u00e0 Angers en la maison dudit de Bougne les jour et an susdits
\n
pour des libres bien entendu ! Cet acte est aux Archives D\u00e9partementales du Maine-et-Loire, s\u00e9rie 5E121 \u2013 Voici sa retranscription (voir ci-contre propri\u00e9t\u00e9 intellectuelle) : Le 1er avril 1524 avant P\u00e2ques (donc le 1er avril 1525 n.s.) sachent tous pr\u00e9sents et avenir (Nicolas Huot notaire Angers) comme ainsi soit que deffunct Mathelin Amiat en son … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Reproduction interdite sur autre endroit d’Internet <\/strong> Merci d\u2019en discuter sur ce blog <\/p>\n","protected":false},"excerpt":{"rendered":"