\nLe 2 mai 1582 apr\u00e8s midy (Mathurin Grud\u00e9 notaire royal Angers) Comme proc\u00e8s et diff\u00e9rends soyent meus pendants ind\u00e9cis tant en la cour de la pr\u00e9vost\u00e9 royale de ceste ville d\u2019Angers entre Fleurant Poullain demandeur en deffections de compte d\u2019une part et Jehan Cucu cy davant son curateur deffendeur d\u2019autre part, et encores entre ledit Cucu appellant de l\u2019examen et closture du compte par luy rendu par davant le dit juge de la pr\u00e9vost\u00e9 de la curatelle par luy g\u00e9r\u00e9e de la personne et biens de Vincent et Jehan Poullain d\u2019une part et ledit Fleurant Poullain au nom et comme curateur desdits Vincent et Jehan Poullain pour l\u2019audition et closture dudit compte et ce qui en despend, et encores ledit Vincent Poullain inthim\u00e9 audit appel d\u2019une part pour raison de ce que ledit Fleurant Poullain en son priv\u00e9 nom disoit que ledit Cucu avoyt cy davant est\u00e9 pourveu son curateur \u00e0 sa personne et biens et auxdits Vincent et Jehan les Poullains ses fr\u00e8res, et que par le compte que ledit Cucu avoyt rendu audit Fleurant Poullain et qui avoyt est\u00e9 examin\u00e9 clos et arrest\u00e9 par ledit juge de la pr\u00e9vost\u00e9 ou son lieutenant le 7 juillet 1570 ledit Cucu s\u2019estoit seulement charg\u00e9 en recepte de la somme de 225 livres divis\u00e9e entre lesdits les Poullains, tellement que audit Fleurant Poullain pour on tiers avoyt seulement est\u00e9 allou\u00e9 la somme de 75 livres provenue des biens meubles des dits Poullains du d\u00e9c\u00e8s de deffunt Jehan Poullain leur p\u00e8re jaczoit que l\u2019inventaire desdits meubles revienne \u00e0 la somme de 101 escuz ung tiers 9 souls 3 deniers et que \u00e0 raison de ladite somme de 100 escuz ung tiers 9 soubz 3 deniers ensemble des int\u00e9rests de ladite somme depuis le jour de la vente desdits meubles ledit Cucu avoyt tenu compte auxdits Vincent et Jehan les Poullains par le moyen de quoi ledit compte par ledit Cucu rendu audit Fleurant soit deffectueux, au moyen de quoi s\u2019estoit ledit Fleurant Poullain constitu\u00e9 demandeur en d\u00e9ffections contre ledit compte et en avoyt baill\u00e9 les moyens et depuis lesdits Fleurant Poullain et Cucu en ladite instance avoyent est\u00e9 appoint\u00e9s contraires soubz pr\u00e9texte de plusieurs faits maintenus et all\u00e9gu\u00e9s par ledit Cucu et avoyent est\u00e9 appoint\u00e9s \u00e0 informer, disoit oultre ledit Fleurant Poullain que puis nagu\u00e8res il avoyt est\u00e9 adverty de plusieurs autres deffections qu\u2019il entendoit all\u00e9guer et proposer contre ledit compte, concluant ledit Fleurant Poullain \u00e0 ce que ledit compte fust d\u00e9clar\u00e9 deffectif et en ce faisant que ledit Cucu soit condamn\u00e9 ampliffier la recepte dudit compte de la somme de 26 livres 9 souls 1 denier et int\u00e9rests d\u2019icelle somme depuis la vente desdits meubles jusques \u00e0 pr\u00e9sent et proposoit plusieurs autres d\u00e9fections contre ledit compte et demandoit les despens dommages et int\u00e9rests. De la part dudit Cucu estoit deffendu par plusieurs faits raisons par luy all\u00e9gu\u00e9s tendant \u00e0 fin que ledit Poullain fust d\u00e9bout\u00e9 de ses demandes faits et conclusions et condampn\u00e9 en ses despens dommages et int\u00e9rests, et en tant que touche le compte qu\u2019il a rendu auxdits Vincent et Jehan les Poullains et audit Fleurant Poullain leur curateur et qui a est\u00e9 examin\u00e9 par le juge de la pr\u00e9vost\u00e9 et clos et arrest\u00e9 le 2 mars 1582 disoit ledit Cucu qu\u2019il estsoit appellant de l\u2019examen et closture dudit compte et avoit relev\u00e9 son appel audit si\u00e8ge pr\u00e9sidial et disoit estre bien fond\u00e9 en son dit appel par les faits et moyens par luy all\u00e9gu\u00e9s mesmes que deffunte Jehanne Hubert sa femme m\u00e8re desdits Poullains avoyt succ\u00e9d\u00e9 suivant la coustume de ce pays d\u2019Anjou \u00e0 Hugues Poullain fr\u00e8re desdits les Poullains que avoyt succ\u00e9de ledit Jehan Poullain leur p\u00e8re, tellement que les descharge en recepte par chacun desdits comptes des trois quartes parts des meubles desdits les Poullains et int\u00e9rests \u00e0 ladite raison il s\u2019estoit charg\u00e9 des trois tierces parts concluoit en son appel, et en ce faisant que ledit compte fust r\u00e9form\u00e9 et la recepte r\u00e9duite \u00e0 deux quartes partes concernant lesdits Jehan et Vincent les Poullain, et demandoit les despens de la cause d\u2019appel, de la part duquel Fleurant Poullain en la qualit\u00e9 de curateur desdits Vincent et Jehan les Poullains pour l\u2019audition et closture dudit compte et aussi par ledit Vincent Poullain pr\u00e9sent et \u00e0 pr\u00e9sent majeur de 25 ans estoit tendu afin que ledit Cucu fust d\u00e9clar\u00e9 non recepvable appelant et en cas o\u00f9 recepvable seroit qu\u2019il fust fit qu\u2019il avoyt est\u00e9 bien proc\u00e9d\u00e9 clos et arrest\u00e9 par ledit juge et que le closture dudit compte sortist son effet et demandoit les despens de la cause d\u2019appel dommages et int\u00e9rests en proc\u00e9dant disoit oultre ledit Vincent Poullain tant pour luy que pour ledit Jehan son fr\u00e8re que le compte rendu par ledit Cucu soit deffectif de plusieurs deffections mesmes en ce que ledit Cucu constant le mariage de luy et de ladite deffunte Hubert il avoyt vendu une tierce partie d\u2019une maison situ\u00e9e \u00e8s fauxbourgs de Br\u00e9cign\u00e9 de ceste ville d\u2019Angers ou autre portions qui estoit escheue auxdits Fleurant Vincent et Jehan les Poullain \u00e0 tiltre successif de deffunte Jehanne Perrault en laquelle estoit demourant ung nomm\u00e9 Pierre Bedet qui estoit mary de ladite deffuncte Perrault, ladite vendition faite pour la somme de 70 livres ou autre somme port\u00e9e par ledit contrat, de laquelle ledit Fleurant Poullain auroyt eust part et quant auxdits Vincent et Jehan les Poullains n\u2019en auroyent rien eu et ne leur en avoyt ledit Cucu tenu compte ne des int\u00e9rests, pour raison de quoy ils soubstenoyent ledit compte estre deffectif et tel demandoient qu\u2019il fust d\u00e9clar\u00e9 et les despens int\u00e9rest en ce regard, \u00e0 quoy ledit Cucu deffendoit par plusieurs moyens et persistoit en ses conclusions cy dessus, tellement que lesdites parties estoyent en grande involution de proc\u00e8s et d\u2019abondant se fussent mises pour raison desdits diff\u00e9rends, pour \u00e0 quoi obvier nourrir amiti\u00e9 entre eux avec l\u2019advis de leurs parents et amis ont transig\u00e9 en la forme et mani\u00e8re que s\u2019ensuit, pour ce est-il que le cour du roy notre sire et de monseigneur duc d\u2019Anjou Angers endroit par devant nous Mathurin Grud\u00e9 notaire de ladite cour personnellement establis ledit Jehan Cucu demourant en la paroisse de la Trinit\u00e9 de ceste ville d\u2019Angers d\u2019une part, et lesdits Fleurant et Vincent les Poullains demourant scavoir ledit Fleurant en la paroisse de saint Maurille et ledit Vincent en la paroisse de saint Pierre de ceste ville d\u2019Angers, tant en leurs noms que pour et au nom et eux faisant fors dudit Jehan Poullain et en chacun desdits noms seul et pour le tout renonczant au b\u00e9n\u00e9fice de division d\u2019ordre et discussion de priorit\u00e9 et post\u00e9riorit\u00e9 d\u2019autre part, soubzmectant lesdits establis esdits noms seul et pour le tout comme dessus eux leurs hoirs etc confessent avoyr transig\u00e9 pacifi\u00e9 et accord\u00e9 et par ces pr\u00e9sentes transigent paciffient et accordent sur et pour raison desdits proc\u00e8s circonstances et d\u00e9pendances en la forme et mani\u00e8re qui s\u2019ensuit, c\u2019est \u00e0 scavoyr que ledit Cucu pour demeurer quite vers ledit Fleurant Poullain de toutes les deffections par luy all\u00e9gu\u00e9es contre ledit compte \u00e0 luy rendu ledit 2 juillet 1570 et encores qu\u2019il pourroit all\u00e9guer \u00e0 iceluy Cucu pr\u00e9sentement satisfait et pay\u00e9 audit Fleurant Poullain la somme de 13 escuz ung tiers icelle somme ledit Fleurant Poullain a eue et receue en pr\u00e9sence et \u00e0 veue de nous en 39 francs de 20 soulz pi\u00e8ce ung quart d\u2019escu et une r\u00e9alle de 5 soulz dont et de laquelle somme ledit Fleurant Poullain s\u2019est tenu et tient \u00e0 contant et en a quit\u00e9 et quite ledit Cucu ensemble de toutes lesdites deffections soit en principal ou int\u00e9rests et en tant que touche l\u2019appellation par ledit Cucu intent\u00e9e pour la closture dudit compte examin\u00e9 clos et arrest\u00e9 ledit 2 mars dernier ledit Cucu s\u2019est d\u00e9sist\u00e9 et d\u00e9party s\u2019en d\u00e9siste et d\u00e9part et ce faisant demeure ledit compte en son effet force et vertu, et sur et en d\u00e9duction de la somme de 83 escuz en laquelle ledit Cucu par la closture dudit compte est reliquataire vers ledit Vincent Poullain a ledit Cucu pr\u00e9sentement solv\u00e9 et pay\u00e9 audit Vincent Poullain la somme de 60 escuz qu\u2019il a eue et receue en notre pr\u00e9sence et des tesmoings cy apr\u00e8s nomm\u00e9s en 180 francs dont ledit Vincent Poullain s\u2019est tenu et tient \u00e0 contant et en a quit\u00e9 et quite ledit Cucu, et du surplus de la somme de 83 escus montant iceluy surplus 23 escuz ledit Vincent Poullain a donn\u00e9 terme et delay audit Cucu de payer le dit surplus dedans la mi ao\u00fbt prochain venant, et oultre ledit Cucu a promis promet et demeure tenu payer audit Vincent Poullain dedans ledit jour feste de Mi-Aoust prochain la somme de 7 escuz deux tiers 8 deniers et pour sa part et portion des deniers proc\u00e9d\u00e9s de ladite vendition de ladite maison qui appartenoit \u00e0 ladite deffunte Perrault et sans aulcun int\u00e9rest, et pour le regard de pareille somme de 7 escuz deux tiers 6 soulz 8 deniers appartenant audit Jehan Poullain pour sa part et portion des deniers proc\u00e9dant de la vendition de ladite maison demeurera entre les mains dudit Cucu \u00e0 la charge d\u2019en payer int\u00e9rests du jour d\u2019huy \u00e0 la raison de denier douze jusques au jour du payement de ladite somme, et au surplus demeure ledit Cucu quite et descharg\u00e9 et lequel lesdits Fleurant et Vincent les Poullain ont quict\u00e9 et quictent ledit Cucu de toutes les deffections qu\u2019ils pourroient all\u00e9guer \u00e0 l\u2019encontre desdits comptes respectivement et tous proc\u00e8s d\u2019entre lesdites parties sont et demeurent nuls et assoupis et sont mises hors de cour et de proc\u00e8s sans despens dommages et int\u00e9rests de part et d\u2019autre, et tout ce que dessus a est\u00e9 stipul\u00e9 et accept\u00e9 par chacune desdites parties respectivement, auxquels accords transaction et choses susdites tenir etc dommages et int\u00e9rests etc obligent lesdites parties elles leurs hoirs etc mesmes lesdits Fleurent et Vincent les Poullains esdits noms et qualit\u00e9s cy dessus et en chacunes desdites qualit\u00e9s seul et pour le tout o renonciaiton au b\u00e9n\u00e9fice de division d\u2019ordre et discussion de priorit\u00e9 et post\u00e9riorit\u00e9 etc foy jugement et condemnation etc fait et pass\u00e9 en la maison de honneste homme Me Hylaire Justeau sieur de la Gill\u00e8re advocat en pr\u00e9sence de Vincent Hubert oncle desdits Poullains Martin Pierre ? cousin dudit Cucu et sire Aubin Remont tous demeurant en ceste ville d\u2019Angers et Me Fran\u00e7ois Byonneau praticien en cour laye tesmoings
\n
Cet acte est aux Archives D\u00e9partementales du Maine-et-Loire, 5E7 \u2013 Voici sa retranscription (voir ci-contre propri\u00e9t\u00e9 intellectuelle) : Le 2 mai 1582 apr\u00e8s midy (Mathurin Grud\u00e9 notaire royal Angers) Comme proc\u00e8s et diff\u00e9rends soyent meus pendants ind\u00e9cis tant en la cour de la pr\u00e9vost\u00e9 royale de ceste ville d\u2019Angers entre Fleurant Poullain demandeur en deffections … <\/p>\n![\"\"](\"https:\/\/www.odile-halbert.com\/wordpress\/images\/odileO.gif\" "\\"")
![\"\"](\"https:\/\/www.odile-halbert.com\/wordpress\/images\/odileH.gif\" "\\"")
Odile Halbert – Lorsque vous mettez mes travaux sur un autre site ou base de donn\u00e9es, vous enrichissez leurs propri\u00e9taires en leur donnant toujours plus de valeur marchande dans mon dos <\/strong><\/p>\n","protected":false},"excerpt":{"rendered":"