\n(devant Marc Toublanc notaire royal \u00e0 Angers) A tous ceulx qui ces pr\u00e9sentes verront, la garde du scel estably aux contrats royaulx d\u2019Angers, savoir faisons que aujourd\u2019huy 18 avril 1547, \u00e0 la matin\u00e9e dudit jour, noble homme Me Michel Rohard soy disant porteur \u2026 de Michel Rohard marchand, escolier estudiant en l\u2019universit\u00e9 d\u2019Angers et demeurant en la ville dudit lieu, s\u2019est transport\u00e9 de ladite ville jusques au logis et maison de la secretairie du moustier et abbaye de saint Nicolas l\u00e8s ladite ville, et illecques \u00e8s pr\u00e9sence de nous Marc Toublanc notaire desdits contrats, de nobles personnes Jacques Letessier, Guillaume Lebomyer estudiants en ladite universit\u00e9, demeurans pareillement en ladite ville et natifs savoir ledit Letessier de la ville de Rouan paroisse de Saint Martin Sur Revelle et ledit Lebomyer de la ville d\u2019Alenczon paroisse de Notre Dame, ainsi qu\u2019il disent et qu\u2019ils nous ont rapport\u00e9 apr\u00e8s les avoir de ce enquis, et de Pierre Meron ? marchand drappier demeurant pareillement en ceste dite ville tesmoings \u00e0 ce requis et appel\u00e9s, auquel lieu il a trouv\u00e9 noble homme fr\u00e8re Berthelemy de Crespy secr\u00e9taire de ladite secretairerie acompagn\u00e9 d\u2019un autre religieux de ladite abbaye, auquel de Crespy ledit Rohard au nom comme soy disant avoir charge porteur pr\u00e9sence et stipulant pour noble homme maistre Jehan de Fourville seigneur de la Marteli\u00e8re demeurant en la paroisse de la Leu dioc\u00e8se de Sc\u00e9es, s\u2019est enquis s\u2019il avoir charge de recepvoir la somme de 10 livres tournois pour le seigneur de la Gisni\u00e8re en pays de Bretagne en laquelle somme ledit de Fourville estoit redevable par chacun an au jour de Casimodo vers ledit seigneur de la Gisni\u00e8re pour retour de certains partages escheuz et fait entre eux \u2026, et s\u2019est derechef enquis ledit Rohard tant audit de Crespy que aultres is\u2019il y auroit personne capable en ladite maison pour recepvoir ladite somme pour ledit seigneur de la Gisni\u00e8re, laquelle au cas dessus dit il offroit, comme il a dit avoir fait le jour d\u2019hier, payer et bailler pour ledit de Fourville en luy en baillant acquit et descharge valable pour ledit sieur de la Gysni\u00e8re, ensemble a dit qu\u2019il paieroit et offroit payer audit nom certaine autre somme de deniers pour aucuns restes de paiements de ladite somme de 10 livres tournois escheuz du pass\u00e9 en luy baillant pareillement acquit et quittance, et est ce fait \u00e0 ce que ledit sieur la Guysni\u00e8re ne pr\u00e9tende aucune r\u00e9paration et qu\u2019il ne pr\u00e9tende aucuns int\u00e9rests \u00e0 l\u2019encontre dudit de Fourville pour lequel ledit Rohard audit nom a protest\u00e9 et proteste de tous depens pertes dommages et int\u00e9rests \u00e0 l\u2019encontre dudit sieur de la Guysni\u00e8re
\net a est\u00e9 respondu audit Rohard audit nom n\u2019avoir aucune charge pour ledit sieur de la Gysni\u00e8re de recepvoir lesdites sommes et n\u2019avoir veu personne en ladite maison qui eussent charge de les recepvoir, et a dit que en l\u2019ann\u00e9e derni\u00e8re pass\u00e9e ledit sieur de la Gysni\u00e8re avoit donn\u00e9 charge et luy avoir envoy\u00e9 et baill\u00e9 procuration sp\u00e9ciale de recepvoir ladite somme de 10 livres tournois en ladite ann\u00e9e derni\u00e8re pass\u00e9e pour ledit terme de Casimodo, mais pour le pr\u00e9sent pour ceste ann\u00e9e il n\u2019auroit aucune charge et ains le d\u00e9claroit et le d\u00e9clare \u00e0 ce que ledit Rohard se pourvoit ainsi qu\u2019il verra \u00e0 faire ; et davantage a dit et d\u00e9clar\u00e9 ledit de Crespy et pareillement maistre Jehan de Fonvielle demeurant en ladite abbaye de saint Nicolas ainsi qu\u2019il a dit que ledit Rochard audit nom que dessus s\u2019estoit pareillement transport\u00e9 le jour d\u2019hier 17 du pr\u00e9sent mois en ladite maison et l\u00e0 seroit adress\u00e9 par devers et \u00e0 la personne dudit de Crespy trouv\u00e9 en ladite maison qui lui avoit pareillement r\u00e9pondu qu\u2019il n\u2019y avoir rien qui eust puissance de ce faire ; dont et de tout ce que dessus ledit Rohard audit nom a requis et demand\u00e9 acte qui luy a est\u00e9 octroy\u00e9 pour luy servir et valoir en temps et lieu ainsi que de raison, nous la garde du scel estably auxdits contrats avons appos\u00e9 le scel
\n
les frais pour payer peuvent monter presque plus haut que la somme \u00e0 payer, lisez plut\u00f4t ce qui suit, car pour une petite rente, il a d\u00e9j\u00e0 fallu remuer des procurations, un notaire etc… en vain Acte des Archives D\u00e9partementales du Maine-et-Loire 5E2\u00a0\u2013\u00a0Retranscription, voir ci-contre propri\u00e9t\u00e9 intellectuelle) : (devant Marc Toublanc notaire royal \u00e0 Angers) … <\/p>\n