\nLe 25 juin 1550 en la cour royale d\u2019Angers endroit par devant nous Marc Toublanc notaire de ladite cour personnellement establys chacuns de honneste personne Jehan Prechin sergent royal et maistre visiteur des moulins aulnes crochets poix ballances \u2026 \u00e0 tessiers des r\u00e9gulles du paix (pour \u00ab pays \u00bb) et duch\u00e9 d\u2019Anjou d\u2019une part, et Maurixe Hugnier demeurant en la paroisse de Saint Pierre de Gonnort d\u2019autre part, soubzmectant eulx leurs hoirs etc confessent avoir aujourd\u2019huy faict et font entre eulx les march\u00e9 pactions et conventions qui s\u2019ensuyvent, c\u2019est \u00e0 savoir que ledit Prechin audit nom a baill\u00e9 et baille \u00e0 tiltre de ferme audit Hugnier qui a prins et prend audit tiltre et non autrement du jour d\u2019hier jour et feste monsieur saint Jehan Baptiste dernier pass\u00e9 jusques \u00e0 5 ann\u00e9es enti\u00e8res et parfaites cons\u00e9cutives l\u2019une l\u2019autre sans intervalle de temps et finissantes \u00e0 pareil jour icelles r\u00e9volues tous et chacuns les droicts proffits revenus et esmollumens audit Prechin appartenant ou qui luy appartiendront pendant ledit temps pour la visitation des moulins aulnes crochets poix ballances et \u2026 \u00e0 tessiers du baillage d\u2019Outre Loire et du ressort d\u2019Angers (f\u00b02) seulement dudit pais (pour \u00ab pays \u00bb) et duch\u00e9 d\u2019Anjou pour en jouir par ledit preneur tout ainsi qu\u2019il a acoustum\u00e9 en jouir par cy davant et en jouist chacuns jours \u00e0 pareil tiltre soubz et de par ledit Prechin, \u00e0 la charge dudit preneur de faire lesdites visitations bien et deument sans y commettre aulcune fraude ne abus et de faire rapport audit Prechin ou \u00e0 justice des faultes fraudes et abbus qu\u2019il trouvera ladite visitation faisant, ensemble bailler et fournir par chacune desdites ann\u00e9es par iceluy preneur audit bailleur ung pappier d\u00e9claratif desdites visitations noms et sournoms des personnes qui auront est\u00e9 visit\u00e9es sign\u00e9 et authenticque et faire en ladite charge tout ainsi que ung homme de bien est tenu faire sans ce que ledit preneur puisse commettre faulte ne abus ladite visitation faisant, tellement que si aulcunes se trouvoient ledit preneur sera tenu en acquiter ledit bailleur, ensemble de toutes et chacunes les choses en quoi ledit Prechin pourroit estre tenu par le moyen desdites choses baill\u00e9es et c\u00e9d\u00e9es audit preneur ; et a est\u00e9 faicte ladite baill\u00e9e et prinse et acceptation de ferme pour et \u00e0 la charge dudit preneur d\u2019en rendre payer et bailler par chacune desdites ann\u00e9es audit bailleur en sa maison o\u00f9 il sera demeurant en ladite ville d\u2019Angers la somme de 50 livres tournois poyable \u00e0 4 termes en l\u2019an et esgaulx payaments scavoir est aux (f\u00b03) 25 septembre, d\u00e9cembre, mars et juin, le premier poyement commenczant audit 25 septembre prochainement venant et \u00e0 continuer par une part, et 12 livres de bon lin en poupp\u00e9es prestes \u00e0 filer \u00e0 chacun jour et feste de Nouel le premier payement commenczant au jour et feste de Nouel prochainement venant par aultr epart, le tout baillable et poyable comme dict est aux despens p\u00e9rils et fortunes dudit preneur ; et a est\u00e9 dict et accord\u00e9 entre lesdites parties que o ledit bailleur se d\u00e9feroit dudit office pendant ledit temps il ne sera tenu au garantage pour raison desdites choses baill\u00e9es vers ledit preneur que pour l\u2019ann\u00e9e qui sera encommenc\u00e9e ; et a promis et demeure tenu ledit preneur bailler et fournir en ceste ville d\u2019Angers pl\u00e8ge et caution solvable audit bailleur pour raison desdites choses baill\u00e9es qui se constitura principal preneur et poieur desdits sommes et choses cy dessus et s\u2019obligeront chacun d\u2019eulx seul et pour le tout quant audit poyement et accomplissement de tout le contenu desdites choses susdites dedans le jour et feste de Magdelaine prochainement venant, \u00e0 peine de 40 escuz d\u2019or sol de peine commise et du jourd\u2019huy d\u00e9clar\u00e9e (f\u00b04) commise stipul\u00e9e par ledit Prechin et paiable et applicable par ledit preneur de son consentement \u2026
\n
Ce type d’office pouvait ensuite \u00e2tre baill\u00e9 \u00e0 sous-ferme pour une (ou plusieurs) partie du territoire concern\u00e9. Ce n’est pas la premi\u00e8re fois que je trouve un tel office, mais je m’\u00e9tonne chaque fois de l’absence de mention des outils de mesure et des proc\u00e9dures \u00e0 suivre. Pour m\u00e9moire, les services de contr\u00f4le actuel des … <\/p>\n