{"id":31334,"date":"2017-10-21T02:55:21","date_gmt":"2017-10-21T00:55:21","guid":{"rendered":"http:\/\/www.odile-halbert.com\/wordpress\/?p=31334"},"modified":"2021-06-26T18:44:32","modified_gmt":"2021-06-26T16:44:32","slug":"pierre-dupille-vend-a-jean-brossier-une-maison-saint-lambert-de-la-potherine-1523","status":"publish","type":"post","link":"https:\/\/www.odile-halbert.com\/wordpress\/?p=31334","title":{"rendered":"Pierre Dupill\u00e9 vend \u00e0 Jean Brossier une maison : Saint Lambert de la Potherine 1523"},"content":{"rendered":"

Acte des Archives du Maine-et-Loire 5E5\u00a0\u2013\u00a0<\/em><\/span><\/strong>Ma retranscription (voir ci-contre propri\u00e9t\u00e9 intellectuelle) :<\/em><\/span><\/strong>
\nLe 28 d\u00e9cembre 1523 en la cour du roy notre sire \u00e0 Angers endroit par devant nous (Oudin Notaire royal Angers) personnellement estably honneste personne Pierre Dupill\u00e9 sergent royal et fermier de la terre et seigneurye de Sainct Lambert de la Potherye, soubzmectant etc confesse avoir vendu quict\u00e9 etc et encores vend quicte etc \u00e0 honneste personne maistre Jehan Brossier \u00e0 ce pr\u00e9sent demourant en le cont\u00e9 (sic) de Nantes comme il dit, qui a achapt\u00e9 pour luy ses hoirs etc une maison appentis rues et yssues nomm\u00e9e et appell\u00e9e la Bartayserie sise au bourg dudit Sainct Lambert de la Poterye qui autrefois fut Guillaume Juliette et Thyenete sa femme et tout ainsi que ladite maison rues et yssues appartenances et d\u00e9pendances d\u2019icelle se poursuyvent et comportent et que lesdits Juliete et sa femme tenoient lesdites choses, avecq ce les trois quarts du jardrin dudit lieu de la Bartayserie estant au derri\u00e8re de ladite maison et au coust\u00e9 d\u2019icelle ; Item une pi\u00e8ce de vigne nomm\u00e9e Gravi\u00e8re ainsi qu\u2019elle se poursuite et comporte, joignant d\u2019ung coust\u00e9 aux vignes de messire Jehan Rube pr\u00eatre et de Jehan Munier et d\u2019autre coust\u00e9 la vigne de Jehan (f\u00b02) Souvestre aboutant d\u2019ung bout \u00e0 la terre de messire Pierre Souchet pr\u00eatre et Ren\u00e9 Crannier et d\u2019autre Bout \u00e0 la voyette appell\u00e9e la voyette des Tertres \u2013 Item une planche de vigne appell\u00e9e Peligault sise audit Gravi\u00e8re dudit St Lambert sur le pr\u00e9c\u00e9dant de la Haye Notre Dame, joignant d\u2019ung coust\u00e9 aux vignes les h\u00e9ritiers feu Denys Juteau et d\u2019autre coust\u00e9 aux vignes des h\u00e9ritiers feu Guillaume Depotes about\u00e9 d\u2019ung bout aux vignes appell\u00e9es les Pineaulx appartenantes \u00e0 Jehan Genetay et d\u2019autre bout \u00e0 la vigne qui fut \u00e0 Ren\u00e9 Suart ; Item 3 planches de taillys joignant l\u2019une l\u2019autre sises sur la Haye Madame joignans d\u2019ung coust\u00e9 \u00e0 une petite pi\u00e8ce de terre labourable qui est \u00e0 Jehan Boulled\u00e9 et d\u2019autre coust\u00e9 aux boys tailleyx dudit feu Guillaume Depotes about\u00e9 d\u2019ung bout aux boys tailleys de la Haye Madame et d\u2019autre bout aux (f\u00b03) vignes dudit grand cloux dudit Sainct Lambert, et g\u00e9n\u00e9ralement tout ce que ledit Dupill\u00e9 a acquis des h\u00e9ritiers dudit feu Juliotte et Thyenete sa femme ou ayans cause d\u2019eulx, et tout ainsi que lesdits Juliotte et Thyenote sa femme tenoient et appartenoient lesdites choses cy dessus vendues et que ledit Dupill\u00e9 vendeur les tient et poss\u00e8de lesdites choses vendues, sises \u00e8s fiefs dont elles sont tenues et aux charges et debvoirs anciens et acoustum\u00e9s et pour les porcions qu\u2019elles sont tenues pour toutes charges et devoirs et outre \u00e0 la charge de retrait ou retraits si aucuns y sourvenouent ; transportans etc et est faicte ceste pr\u00e9sente vendition cession et transport pour le prix et somme de 80 livres tz que ledit Brossier a promis rendre et payer audit Dupill\u00e9 ses hoirs etc en ceste ville d\u2019Angers aux propres (f\u00b04) cousts et depens dudit achacpteur dedans d\u2019huy en 3 sepmaines prochainement venant, et est dit convenu et accord\u00e9 entre lesdites parties que au cas que ledit Brossier achacteur faisoit deffault de faire ledit poyement ainsi que dessus est dit, en celuy cas ces pr\u00e9sentes demeurent nulles et de nul effect et valleur, et demeurent audit Dupill\u00e9 ung escu seulement que ledit achapteur luy a baill\u00e9 lequel est en faisant ledit poyement sera desduict et rabatu et non autrement ; aussi est dit et convenu comme dessus que en ce faisant ledit achapteur est et demeure quicte des ventes en quoy il pourroit estre tenu au moyen de l\u2019acquest desdites choses cy dessus \u00e0 luy vendues par ledit Dupill\u00e9 comme dit est ; \u00e0 laquelle vendition cession et transport et tout ce que dessus est dit tenir etc et lesdites choses vendues comme dit est garentir etc et ladite somme rendre et poyer etc obligent lesdites parties d\u2019une part et d\u2019autre etc mesmes les biens et choses dudit achapteur \u00e0 prendre vendre etc renon\u00e7ant etc foy jugement et condemnation etc (f\u00b05) pr\u00e9sents \u00e0 ce Guillaume Birat et maistre Ren\u00e9 Mygon tesmoings
\n<\/a><\/p>\n","protected":false},"excerpt":{"rendered":"

Acte des Archives du Maine-et-Loire 5E5\u00a0\u2013\u00a0Ma retranscription (voir ci-contre propri\u00e9t\u00e9 intellectuelle) : Le 28 d\u00e9cembre 1523 en la cour du roy notre sire \u00e0 Angers endroit par devant nous (Oudin Notaire royal Angers) personnellement estably honneste personne Pierre Dupill\u00e9 sergent royal et fermier de la terre et seigneurye de Sainct Lambert de la Potherye, soubzmectant … <\/p>\n