\nLe 4 mars 1609 apr\u00e8s midy par davant nous Jehan Chuppe notaire royal \u00e0 Angers a est\u00e9 pr\u00e9sent et personnellement estably Phelippes Congnard notaire de la baronnie de Craon, demeurant au prieur\u00e9 des Bonshommes es foret dudit Craon paroisse de Ballots en Craonnoys estant de pr\u00e9sent en ceste ville d\u2019Angers, lequel apr\u00e8s que certain monitoire et y attach\u00e9e imp\u00e9tr\u00e9s \u00e0 la requeste de maistre Bertran Beu en la qualit\u00e9 qu\u2019il proc\u00e8de, luy ont est\u00e9s signifi\u00e9s \u00e0 la requeste dudit Beu et apr\u00e8s avoir veu et leu le contenu en iceluy monitoyre et pour \u00e9viter aulx censures escl\u00e9siaticques a dict que au moys de juin ou juillet de l\u2019ann\u00e9e derni\u00e8re 1608 ou autre moys de ladite ann\u00e9e, il a escript certain escript (f\u00b02) portant promesses entre Maurice Lorier et maistre Pierre Desaluz sieur de Haulte Cusche pour fayre ledit escript et iceluy mettre au nect, luy fut baill\u00e9 m\u00e9moyre par maistre Pierre Houesnard sergent royal demeurant au bourg de la Roe et ledit Lorier a dict audit estably avoir escript ladite procuration chez ledit Houesnard le requ\u00e9rant par Lorier et ne se souvient \u00e0 pr\u00e9sent de ce qui est contenu audit escript synon que ledit Desaluz prometoyt audit Lorier de l\u2019acquitter et indempniser de l\u2019\u00e9vennement du proc\u00e8s qui estoit meu et pendant au si\u00e8ge pr\u00e9sidial entre ledit Lorier et ledit Beu pour raison des r\u00e9parations du lieu de Mauny et depens que ledit estably eust escript et coppi\u00e9 ladite promesse la baill\u00e9 audit Houassard (sic) et Lorier (f\u00b03) pour la faire signer audit Desalluz qui n\u2019estoit lors pr\u00e9sent et dict ne l\u2019avoir veu du depuis qu\u2019il la bailla auxdits Lorier et Houassard, et outre dict avoir ouy dyre \u00e0 plusieurs personnes que ledit escript estoit sign\u00e9 dudit Desalus et est tout ce que ledit estably dict avoie des faicts contenus audit monitoyre dont il nous a requis ce pr\u00e9sent acte, ce que luy avons octroy\u00e9, pour luy servir et valloir ce que de raison ; faict et pass\u00e9 audit Angers en nostre tabler en pr\u00e9sence de Jacques Adam notaire de la cour de Bescon et Fran\u00e7ois Baillif marchand demeurant Angers tesmoings
\n
Cet acte est aux Archives D\u00e9partementales du Maine-et-Loire, AD49-5E7 \u2013 Voici sa retranscription (voir ci-contre propri\u00e9t\u00e9 intellectuelle) : Le 4 mars 1609 apr\u00e8s midy par davant nous Jehan Chuppe notaire royal \u00e0 Angers a est\u00e9 pr\u00e9sent et personnellement estably Phelippes Congnard notaire de la baronnie de Craon, demeurant au prieur\u00e9 des Bonshommes es foret dudit … <\/p>\n