\n
\nLe 28 novembre 1557 en la cour royale d\u2019Angers (Marc Toublanc notaire Angers) endroit personnellement establis chacun de maistre Jehan Rabergeau chapelain de la chapelle de Sainte Anne fond\u00e9e et desservie en l\u2019\u00e9glise parochiale de Monte Jehan demeurant en ceste ville d\u2019Angers<\/strong> <\/span> [merci \u00e0 J\u00e9r\u00f4me pour son assistance ci-dessous]<\/em> d\u2019une part, et honorable homme Me Guillaume Leconte licenci\u00e9 \u00e8s loix advocat demeurant en ceste ville d\u2019Angers d\u2019autre part, soubzmectans etc au pouvoyr etc confessent etc c\u2019est \u00e0 scavoir que ledit Rabergeau a baill\u00e9 et baille \u00e0 tiltre de ferme audit Leconte qui a prins et prend audit tiltre et non autrement du jour et feste de Toussaint derni\u00e8re pass\u00e9e jusques \u00e0 5 ans et 5 cueillettes enti\u00e8res et parfaites lors prochaines et escher\u00e9es l\u2019une suivant l\u2019autre sans intervalle de temps finissantes \u00e0 pareil jour lesdites 5 ann\u00e9es et 5
\n
\n(f\u00b02) cueillettes r\u00e9vollues le temporel fruits et revenus de ladite chappelle ou chapellenie de Saincte Anne tant en maisons vignes jardrins terres pr\u00e9s rentes dixmes dixmeries et g\u00e9n\u00e9ralement toutes autres choses qui en sont et d\u00e9ppendent, pour en jouir par ledit preneur audit tiltre et comme de chose baill\u00e9e \u00e0 ferme, en prendre et recevoyr lesdits fruits profficts revenus et esmollumens pendant ledit temps ; \u00e0 la charge dudit preneur pendant ledit temps et par chacune desdites ann\u00e9es faire faire dire et c\u00e9l\u00e9brer le service dyvin deu et acoustum\u00e9 estre fait pour raison de ladiet chapelle ; de paier et acquiter les charges cens rentes et debvoys deubz pour raison des choses h\u00e9ritaulx d\u2019icelle chapelle
\n
\n(f\u00b03) et du tout acquiter ledit bailleur ; et de tenir et entretenir lesdites vignes en bonnes et suffisantes r\u00e9paracions et les faire fayre labourer bien et deuement de leurs 4 fazons ordinayres en saisons convenables aux despens dudit preneur et faire tout et partout le proffict et utillit\u00e9 desdites choses comme ung bon p\u00e8re de famille est tenu faire ; aussi \u00e0 la charge dudit preneur de bailler ladite ferme finye ung pappier d\u00e9claratif paiement desdites dixmes et droits de ladite chapelle \u00e0 son pouvoyr ; et de faire faire aussi bien et deument chacune desdites ann\u00e9es des provings ou sautepelles qui se trouveront \u00e0 faire esdites vignes ; et est faicte ladite baill\u00e9e et prinse \u00e0 ferme pour en paier et bailler chacune desdites
\n
\n(f\u00b04) ann\u00e9es par ledit preneur audit bailleur chapelain susdit en sa maison en ceste ville la somme de 20 livres tournois \u00e0 chacun jour et feste de Toussaint, le premier terme et poiement commenczant au jour et feste de Toussaint prochainement venant et \u00e0 continuer ; et oultre tenu ledit preneur soy faire paier de la somme de 20 sols tz de rente deue \u00e0 ladite chapelle \u00e0 cause d\u2019une maison et autres choses h\u00e9ritaulx qui appartenoyt et appartient \u00e0 Ysabeau Dousset ou ses h\u00e9ritiers et des poiements qui luy en seront faicts, en bailler les recoignoissances audit bailleur aussy au bout dudit temps de ladite ferme pour conserver les droits de ladite chapelle ; accord\u00e9 entre les parties que si
\n
\n(f\u00b05) ledit bailleur resigne ou permutte ladite chapemme ou soy deffaict d\u2019icelle chapelle en quelque mani\u00e8re que ce soyt en ce cas ne sera tenu au garantaige desdites choses vers ledit preneur que pour le temps que iceluy bailleur en sera chapelain, et poira ledit preneur au prorata du temps qu\u2019il en aura joui, et si aulcuns empreschements fust fait contre les droits d\u2019icelle chapelle ledit preneur sera tenu en advertir ledit bailleur pour y pourvoir et assistera iceluy preneur aux plects et assises dont lesdites choses h\u00e9ritaulx et autres choses d\u00e9pendant de ladite chapelle sont tenues et y fera \u00e0 ses despens toutes exp\u00e9ditions que au cas appartiendra ;
\n
\n(f\u00b06) auwquelles choses dessusdites baill\u00e9 et prinse \u00e0 ferme et tout ce que dessus est dit tenir etc et lesdites choses baill\u00e9es garantyr par ledit bailleur audit preneur fors comme dessus est dit dommages etc amendes etc obligent icelles parties respectivement elles leurs hoirs etc mesmes ledit preneur quant au paiement \u2026 etc renon\u00e7ant etc foy jugement et condemnation etc fait et pass\u00e9 audit Angers pr\u00e9sents \u00e0 ce maistres Ren\u00e9 Guillard cur\u00e9 d\u2019Echaubroigne et Jacques Coeurdebesche principal du coll\u00e8ge de la porte de Fer demeurant audit Angers<\/p>\n","protected":false},"excerpt":{"rendered":"
et je vous mets la pal\u00e9ographie \u00e0 faire. Vous allez voir une curiosit\u00e9 en premi\u00e8re page, avec ce que d\u00e9chiffre MONTE JEHAN, car je ne vois pas ce nom \u00e0 Angers. Si vous avez une id\u00e9e, merci de nous faire savoir. Cet acte est aux Archives D\u00e9partementales du Maine-et-Loire, AD49-5E2 \u2013 Voici sa retranscription (voir … <\/p>\n