Le 8 juin 1558 en la cour du roy\u00a0 notre sire \u00e0 Angers en droit par devant nous Jehan Legauffre notaire de ladite cour personnellement establyz Loys Legauffre sergent royal et ordinaire en Anjou et Ren\u00e9e Molinel sa femme de luy suffisamment autoris\u00e9e quant \u00e0 faire passer et accorder ce que s\u2019ensuit, demourans en la paroisse Saint Maurille d\u2019Angers, soubzmectant eulx et ung chacun d\u2019eulx seul et pour le tout sans division etc confessent avoir vendu et vendent perp\u00e9tuellement par h\u00e9ritaige \u00e0 sire Pierre Gohier marchand demourant en la paroisse de la Trinit\u00e9 d\u2019Angers<\/strong> ad ce pr\u00e9sent et achaptant pour luy ses hoirs etc la siciesme partie par indivis d\u2019une maison tant hault que bas sise sur les grans ponts d\u2019Angers joignant d\u2019un coust\u00e9 la maison qui fut feu Jehan de Sainct Mallo d\u2019autre coust\u00e9 la maison de la cailletelle, Jehan Prieur et autres, abuctant d\u2019un bout sur le pav\u00e9 de la rue des Ponts appell\u00e9e la Bourgeoysie d\u2019autre bout sur la rivi\u00e8re de Maine \u2013 Item la cinquiesme partie par indivis en ung sixiesme aussi par indivis en ladite maison ainsi que ledit sixiesme et cinquiesme en ung autre sixiesme par indivis de ladite maison et appartenances se poursuyvent et (f\u00b02) comporent et que lesdits vendeurs les ont acquises de Estienne Rou, Jehan Royet et Yolland Rou sa femme demeurant en ladite paroisse de la Trinit\u00e9 d\u2019Angers sans rien en retenir ne r\u00e9server\u00a0; ou fief du roy et comme toute ladite maison \u00e0 4 sols tz par chacun an pour tous debvoirs et charges\u00a0; transportans etc et est faite la pr\u00e9sente vendition pour le prix et somme de de 100 livres tz sur laquelle somme ledit achapteur a pai\u00e9 contant en pr\u00e9sence et au veu de nous auxdits vendeurs la somme de 60 livres tz qui icelle somme ont eue prinse et receue et dont etc et le reste de ladite somme le paiera ledit achapteur auxdits vendeurs toutefois et quantes qu\u2019il plaira auxdits vendeurs\u00a0; \u00e0 laquelle vendition tenir etc garantir etc dommages etc obligent lesdites parties l\u2019une vers l\u2019autre elles leurs hoirs etc mesmes lesdits vendeurs eulx et ung chacun d\u2019eulx seul et pour le tout sans division etc et ledit achapteur ses biens \u00e0 prendre vendre etc renon\u00e7ant etc et par especial lesdits vendeurs au b\u00e9n\u00e9fice de division discussion et d\u2019ordre et encores ladite femme dudit Legauffre au droit velleyen \u00e0 l\u2019autenticque si qua mulier et \u00e0 tous droits faicts et introduits en faveur des femmes fait et pass\u00e9 audit Angers (f\u00b03) par devant nous Jehan Legauffre notaire jur\u00e9 de ladite cour en pr\u00e9sene de Jehan Martin moulnyer et Pierre Mounard demeurans audit Angers tesmoings\u00a0; \u00e0 la charge dudit achapteur de garder la gr\u00e2ce que lesdits vendeurs avoient donn\u00e9e de rescourcer lesdites choses qui encores dure\u00a0; la prorogation de laquelle lesdits vendeurs ont pr\u00e9sentement baill\u00e9e audit achapteur\u00a0; en ce comprins le louaige qui sera deu au terme de St Jeha, Baptiste prochain lequel achapteur se fera payer par Jehan Royer y demeurant ainsi que eussent fait lesdits vendeurs\u00a0\u00bb<\/p>\n